Ngjarja është regjistruar mëngjesin e djeshëm në fshatin Zejmen. Pasi kanë dëgjuar sirenën e ambulancës, grabitësit kanë kujtuar se kishte mbërritur Policia dhe për pasojë, janë larguar nga banesa.

Njëri prej tyre u kap nga banorët e zonës, ndërsa shoku i tij arriti të largohej.

Në pranga përfundoi Armand Zhejani, 23 vjeç, banues në Lezhë.

NGJARJA:

Në orën 08:30 minuta të mëngjesit të së martës 23- vjeçari, në bashkëpunim me një tjetër person, u fut për të vjedhur vilën trekatëshe të drejtorit të shkollës së mesme të fshatit, Zef Therçaj, sapo ky i fundit dhe familjarët kishin dalë për në punë. Por teksa kontrollonin për para e sende me vlerë brenda shtëpisë, dy hajdutët janë trembur nga një sirenë ambulance.

Duke dyshuar se ishte Policia, ata kanë dalë me shpejtësi për t’u larguar, duke mos marrë asgjë. Armand Zhejani dhe shoku i tij hajdut janë parë nga banorët e lagjes dhe vetë drejtori i shkollës, Zef Therçaj, përmes kamerave të sigurisë në celular.

Ata kanë dhënë alarmin dhe një pjesë e banorëve të fshatit janë vënë në ndjekje të dy hajdutëve që ishin të armatosur. Sapo ka parë hajdutët përmes kamerave, Therçaj ka marrë mësuesin e fizkulturës dhe rojën e shkollës dhe kanë shkuar drejt banesës.

Ka qenë mësuesi i fizkulturës dhe banorët e fshatit ata që kanë kapur një nga autorët e grabitjes në tentativë, ndërsa hajduti tjetër ka arritur të largohet, duke lënë pas një pistoletë, të cilën e hodhi në shkurre.

“Falë veprimeve të shpejta dhe informacioneve të dhëna nga banorët, shërbimet e Policisë kanë bërë të mundur neutralizimin, kapjen dhe vënien në pranga të njërit nga autorët e tentativës për të vjedhur, shtetasin A. Zh.

Ky shtetas, sapo ka konstatuar punonjësit e Policisë, ka tentuar ta fshehë duke e hedhur mes shkurreve armën e zjarrit tip pistoletë me krehër me fishekë, e cila u bllokua dhe sekuestrua në cilësinë e provës materiale.

Në vijim të veprimeve hetimore, specialistët për Hetimin e Krimeve në Komisariatin e Policisë Lezhë benë arrestimin në flagrancë të shtetasit A. Zh., 23 vjeç, banues në Lezhë. Shërbimet e Policisë Lezhë vijojnë kontrollet intensive për kapjen dhe vënien përpara përgjegjësisë ligjore të autorit”, sqaroi Policia.

DËSHMITË:

“Isha duke pirë kafe në lokal bashkë me dy shokë të tjerë. Pamë drejtorin e shkollës që doli me vrap dhe na kërkoi edhe neve ndihmë.

Shkuam pas tij, duke e kuptuar çfarë kishte ndodhur. I hasëm në rrugë dy hajdutët, por njëri duke qenë se ishte me armë, arriti të largohet. Tjetrin e ndaluam dhe ia dorëzuam Policisë, e cila mbërriti menjëherë në fshat”, thotë një banor.

Vjedhjet e shtëpive janë kthyer në shqetësim për banorët e Zejmenit.

“Të vjedhin në mes të ditës është një ngjarje shumë e rëndë. I falënderoj shumë ata që e kanë kapur. Këtu në Zejmen vjedhjet janë kthyer në një shqetësim serioz. Ka të paktën 1 javë që po ndodhin thuajse çdo natë. Në këtë situatë jemi të frikësuar dhe mendoj që Policia duhet të jetë më vigjilente për të goditur elementët kriminalë të cilët veprojnë ditën e natën. Kjo do të thotë se nuk kemi shtet”, thotë një banor tjetër.

Veç 23- vjeçarit Armand Zhejani që u kap nga vetë banorët, ngjarjet e zbardhura nga Policia lokale në zonë janë të ulëta.

Ndërkohë, disa orë pas ngjarjes blutë bënë me dije se shërbimet e Policisë Lezhë, pas marrjes së njoftimit se në fshatin Zejmen, Lezhë, 2 shtetas kishin hyrë për të vjedhur në banesën e shtetasit Z. Th., kanë organizuar punën dhe kanë shkuar menjëherë në adresën e dhënë.

Materialet hetimore për rastin do t’i referohen Prokurorisë së Rrethit Gjyqësor Lezhë, për veprime të mëtejshme për veprat penale “Vjedhja, e mbetur në tentativë”, e kryer në bashkëpunim dhe “Armëmbajtja pa leje”./Panorama/

The post Si ambulanca trembi grabitësit e armatosur në banesën e drejtorit të shkollës në Lezhë, një prej tyre “arrestohet” nga mësuesi i fiskulturës dhe banorët appeared first on Albeu.com.

Njëri prej tyre, nuk i është bindur urdhërit të Policisë për të ndaluar dhe në tentativë për të ikur ka goditur me mjetin e tij një punonjëse të Policisë.

 Njoftimi i Policisë:

Vihen në prangat e Policisë 3 shtetas, procedohen penalisht dy të tjerë, për vepra të ndryshme penale. Specialistët e Hetimit të Krimit në Komisariatin e Policisë Durrës, arrestuan në flagrancë 3 shtetas për veprat penale “Kundërshtimi i punonjësit të policisë së rendit publik” dhe “Kanosja për shkak të detyrës”.

Në lagjen Nr.1, Durrës, gjatë ndjekjes nga patrulla pasi nuk i është bindur urdhrit për ndalim të dhënë nga punonjësit e policisë, në kohën që është ndaluar nga patrulla për verifikim, shtetasi B. M., 21 vjeç, ka goditur me mjetin e tij në këmbë punonjësen e policisë B. Gj., ndërsa shtetasit A. K., dhe S. G.  26 vjeç, kanë kundërshtuar në bashkëpunim veprimet e punonjësve të policisë./albeu.com/

The post Godet efektiven e Policisë me makinë, 21-vjeçari në Durrës refuzon t’i bindet urdhërit appeared first on Albeu.com.

Ata akuzohen për vepra të ndryshme penale duke filluar që nga vjedhja, dhuna në familje, aksidente dhe tentativë vrasjeje.

Për më tepër informacion njihuni me njoftimin e Policisë dhe sqarimet përkatëse për secilin të dënuar.

Njoftimi i Policisë:

Nga specialistët për Hetimin e Krimit në Komisariatin e Policisë Kavajë u bë ndalimi i shtetasit E. S, 34 vjeç, pasi Gjykata e Rrethit Gjyqësor Kavajë, ka caktuar masën e sigurisë “Arrest me burg”, për veprat penale ”Vrasje me dashje“, e mbetur në tentativë dhe “Armëmbajtja pa leje”. Ky shtetas me datë 14.04.2021, gjatë një konflikti për motive të dobëta, ka plagosur me armë zjarri shtetasin Sh. S.. Specialistët për Hetimin e Krimit në Komisariatin e Policisë Nr.4 referuan materialet për veprën penale “Vjedhja” e kryer në bashkëpunim më shumë se një herë për shtetasin e mitur me iniciale E. K, 13 vjeç, pasi nga veprimet hetimore ka rezultuar si autor i 10 vjedhjeve të ndryshme( vjedhje biçikletash, dyqanesh, aparat celular dhe portofola shtetasve të ndryshëm. Forca e Posaçme “Shqiponja” në bashkëpunim me Seksionin për Hetimin e Narkotikëve bënë arrestimin në flagrancë të shtetasit E. N, 22 vjeç, pasi gjatë kontrollit fizik gjetën dhe sekuestruan një sasi me lëndë narkotike kokainë. Specialistët për Hetimin e Krimit në Komisariatin e Policisë Nr.2 bënë arrestimin në flagrancë të shtetasit R. G, 35 vjeç, pasi ka ushtruar dhunë fizike dhe psikologjike ndaj bashkëshortes së tij.

Specialistët për Hetimin e Krimit në Komisariatin e Policisë Nr.3 bënë arrestimin në flagrancë të shtetasve: E. K, 59 vjeç, i dënuar më parë për veprat penale “Dhuna në familje” dhe “Falsifikimi i dokumentave”, sepse në rrugën “Edit Durham”, për motive të dobëta, ka goditur me thikë shtetasin F. F, i cili ndodhet në spital, jashtë rrezikut për jetën; Po nga specialistët për Hetimin e Krimit në Komisariatin e Policisë Nr.3 u bë ndalimi i shtetasit N. Z, 34 vjeç, pasi Gjykata e Shkallës së Parë Tiranë, e ka dënuar me mungesë me 5muaj burg, për veprën penale “Mashtrimi”. Specialistët për Hetimin e Krimit në Komisariatin e Policisë Nr.5 bënë arrestimin në flagrancë të shtetasit M. D, 34 vjeç, pasi ka ushtruar dhunë fizike dhe psikologjike ndaj bashkëshortes së tij. Specialistët e Qarkullimit Rrugor bënë arrestimin në flagrancë të shtetasve: E. S, 20 vjeç, pasi në Rrugën e Kavajës ka aksidentuar këmbësoren shtetasen L. A, 40 vjeçe, e cila ndodhet në spital, nën kujdesin e mjekëve. K. D, 59 vjeç, A. B, 46 vjeç, A. D, 18 vjeç, F. T, 49 vjeç, A. B, 52 vjeç, V. H, 29 vjeç, R. H, 61 vjeç, G. A, 21 vjeç, B. Q, 41 vjeç dhe I. L, 30 vjeç, pasi u kapën duke drejtuar mjetet përkatëse në gjendje të dehur; R. Ç, 18 vjeç, Xh. T, 24 vjeçe dhe J. B, 21 vjeç, pasi u kapën duke drejtuar mjetet përkatëse pa leje drejtimi./albeu.com/

The post Nga vjedhja te tentativa për vrasje, Policia “bën kërdinë” me arrestime appeared first on Albeu.com.