Sipas uniformave blu të Shkodrës bëhet me dije se u bë ndalimi i shtetasit në kërkim Anton Lulash 44 vjeç banues në lagjen Skëndërbeg, Shkodër.

Ky shtetas ishte shpallur në kërkim pasi Gjykata  Rrethit Gjyqesor Limburg, Hollande,e ka dënuar me 2 vite burgim per vepren penale “Zjarrevenie e qëllimshme”, “Sulm” dhe “Shkaterrim prone.”

Gjithashtu u bë arrestimi i 22-vjeçarit E. Gj, banues në fshatin Golem, Njësia Administrative Rrethina, Shkodër, pasi është ndaluar nga punonjësot e Policisë këtij shtetasi  gjatë kontrollit personal i është gjetur një sasi lënde narkotike  “cannabis sattiva”

Në njoftimin e policisë thuhet se u arrestua shtetasi A. P., 33 vjeç banues në fshatin Mushan, Njësia Administrative Dajç, Shkodër, pasi ka ushtruar dhunë fizike dhe psikologjike ndaj bashkëshortes së tij ku si pasojë i ka shkaktuar dëmtime në disa pjesë të trupit.

Specialistët e Qarkullimit Rrugor në DVP Shkodër arrestuan në flagrancë shtetasin K. B., 46 vjeç banues në lagjen “Qemal Stafa” Shkodër, pasi u konstatua duke drejtuar mjetin e tij në gjendje të dehur.

Materialet procedurale në ngarkim të shtetasve të lartpërmendur i kaluan Prokurorisë pranë Gjykatës së Shkallës së Parë Shkodër, për veprime të mëtejshme./albeu.com/

The post Nga dhunë fizike ndaj gruas te shkatërrimi i pronës, 4 të arrestuar në Shkodër appeared first on Albeu.com.

Gjithçka ishte organizuar nga një i ri me origjinë nga Polonia, i cili sëbashku me bashkëjetuesen kishin siguruar kontaktet e qytetarëve të BE-së që do të telefonoheshin. Po ashtu, polaku kishte edhe kontaktet për llogaritë bankare ku do të derdheshin fondet e personave që mashtroheshin për të mos lenë gjurmë.

Pasi u vendos në Shkodër, polaku punësoi disa të rinj duke filluar aktivitetin e tij një vit më parë. Gjatë kësaj periudhe, puna vijoi normalisht ku kryesisht gjermanë dhe spanjollë telefonoheshin nga punonjësit e këtij Call Center-i. të cilët i prezantoheshin si përfaqësues të brokerave të ndryshëm me vendnodhje në BE dhe iu thuhej se nëse investonin sipas këshillave të tyre do të bëheshin të pasur.

Pasi bindeshin, të mashtruarit dërgonin paratë në llogaritë bankare ku i thonin punonjësit e Call Center-it në Shkodër. Pasi dërgonin paratë, viktimat mbaheshin në kontakt nga punonjësit duke iu kërkuar të rrisnin investimin. Kjo gjë përsëritej vazhdimisht deri sa qytetari kuptonte se ishte mashtruar. Në këtë moment punonjësit e Call Center-it ndërprisnin çdo kontakt me të.

“Në vijim të punës gjurmuese dhe hetimeve të kryera për evidentimin dhe goditjen e veprimtarisë kriminale  në  fushën e mashtrimeve kompjuterike, nga strukturat e DVP Shkodër, në bashkëpunim me Njësinë “C” për Hetimin e Krimit Kibernetik në Drejtorinë Hetimore në Departamentin e Policisë Kriminale në Policinë e Shtetit dhe Prokurorinë e Rrethit Gjyqësor Shkodër, u finalizua me sukses operacioni policor “North Forex”, në kuadër të të cilit u bë arrestimi në flagrancë i shtetasve: E. K., 22 vjeçe, O. Sh., 20 vjeçe, A. B., 30 vjeçe, S. A., 21 vjeçe, S. A., 24 vjeçe, E. O., 29 vjeç, N. T., 26 vjeç dhe Y. D., 27 vjeçe”, njoftoi policia.

Kjo skemë mashtrimi sipas policisë ushtrohej në lokacione të ndryshme dhe konsistonte në mashtrimin kompjuterik nëpërmjet programeve dhe platformave të ndryshme si Vicidial, Forex dhe Exchange, në dëm të shtetasve të huaj, kryesisht atyre gjermanë dhe spanjollë.

“Nga hetimet e deritanishme ka rezultuar se shtetasi P. Ë., me qëllim shmangien e hetimit pas operacionit kombëtar kundër mashtrimeve kompjuterike, kishte bërë çregjistrimin e të gjithë punonjësve dhe kishte vijuar ta ushtronte aktivitetin në fjalë në mënyrë të fshehtë”, bëri me dije policia. /albeu.com/

The post “Do të bëhesh milioner”, dinamika e arrestimit të vajzave të Call Center-it në Shkodër: Polaku organizator appeared first on Albeu.com.