Policia u ka vënë prangat sot drejtorit të Urbanistikës në Bashkinë e Sarandës, Pandi Zhonga, së bashku me juristen e Agjencisë Shtetërore të Kadastrës, Rovena Alikaj si dhe Aleko Anagnostin, noter.

Ata akuzohen se kanë tjetërsuar një pronë prej 10 mijë metra katrorë duke ua dhënë personave të ndryshëm që më pas kanë ndërtuar.

Gjithashtu sipas burimeve, bëhet e ditur se në pranga kanë rënë edhe personat që kanë përfituar nga ky tjetërsim pronash. Bëhet fjalë për Fredi Mërkurin, Valter Llomin dhe Argonida Canaj. Ata akuzohen për falsifikim dokumentesh, me të cilat kanë përfituar edhe tokën. Mësohet se toka për të cilën bëhet fjalë ndodhet në zonën e kanalit të Cukës në Ksamil.

Ndalimi i tre zyrtarëve publikë është kryer nga prokuroria e Sarandës.

The post EMRAT/ Tjetërsuan lulishten dhe ndërtuan në të, pas zyrtarëve të bashkisë arrestohen edhe biznesmenët në Sarandë appeared first on Albeu.com.

Sipas burimeve të Policisë, shtetasi E.A, 33 vjeç akuzohet nga Policia për goditjen e një punonjësi të IEVP-së gjatë momentit që ky i fundit ishte duke ushtruar detyrën.

Gjithashtu në pranga ka rënë edhe shtetasi H.R, 45 vjeç, i cili akuzohet se për motive të dobta ka goditur një shtetase të mitur 14 vjeçare.

Njoftimi i Policisë:

Sarandë/Vihen në pranga 2 shtetas, për vepra të ndryshme penale.

Specialistët për Hetimin e Krimeve në Komisariatin e Policisë Sarandë arrestuan në flagrancë shtetasin E. A., 33 vjeç, banues në Sarandë, pasi dyshohet se ka goditur për shkak të detyrës një punonjës të IEVP-së.

Po nga specialistët për Hetimin e Krimeve në Komisariatin e Policisë Sarandë u ndalua shtetasi H. R., 45 vjeç, banues në Sarandë, pasi dyshohet se për motive të dobëta ka goditur një shtetase të mitur 14 vjeçe.

Materialet iu referuan Prokurorisë, për veprime të mëtejshme./albeu.com/

The post Njëri rrahu punonjësin e IEVP dhe tjetri 14 vjeçaren, prangosen dy persona në Sarandë appeared first on Albeu.com.