Sipas burimeve, kjo bëhet nën akuzën e “marrjes së paligjshme të informacionit që përbën sekret shtetëror”.

Lajmi u bë i ditur nga agjencia shtetërore e lajmeve ruse, “TASS”.

Ka qenë gjykata e distriktit Meshchansky e cila ka dhënë masën e arrestit në mungesë të ruses.

“Sipas vendimit të Gjykatës së Qarkut Meshchansky të qytetit të Moskës, kundër të akuzuarës Timofeeva Svetlana Valerievna u zgjodh në mungesë një masë e ndalimit në formën e paraburgimit për një periudhë prej dy muajsh nga momenti i ndalimit të saj në territorin e Federatës Ruse ose nga momenti i transferimit të saj në agjencitë e zbatimit të ligjit të Federatës Ruse në rast ekstradimi ose dëbimi në territorin e Federatës Ruse”, tha bashkëbiseduesi i agjencisë TASS.

Sipas “RBC News”, masa ka të bëjë me foto-blogeren Svetlana Timofeeva, e cila u ndalua në Shqipëri.

Referuar botimit rus, e pandehura në Rusi publikoi raporte për fabrikat, institucionet sociale, njësitë ushtarake të shpërbëra, bunkerët dhe zonat e kufizuara në funksionim dhe të braktisur në bloget e saj.

Ajo udhëtoi në më shumë se 30 vende dhe solli pamjet e objekteve të braktisura nga Islanda, Gjermania, Italia, Shqipëria dhe Bullgaria.

Gjykata shqiptare urdhëroi të mërkurën që dy rusët dhe ukrainasi të qëndrojnë në burg për akuzat e “sigurimit të informacioneve sekrete të karakterit ushtarak apo të çdo karakteri tjetër për t’i dhënë një fuqi të huaj, e cila cenon pavarësinë e vendit”.

Seanca u mbajt me dyer të mbyllura dhe nuk u dhanë detaje se pse të dyshuarit mund të kenë qenë të interesuar për vendin.

Ata u arrestuan të shtunën brenda ose pranë ish-uzinës ushtarake në Gramsh. Të dyshuarit kishin bërë fotografi të uzinës.

Autoritetet shqiptare thanë se Zorin, i cili kishte hyrë në fabrikë, përdori spraj piperi ndaj dy rojeve ushtarake që po përpiqeshin ta kapnin.

Policia tha se sekuestroi automjetin e tyre Chevrolet, dy drone, një laptop, para dhe prova të tjera.

Tre të dyshuarit e mohuan akuzën për spiunazh. Nuk ishte menjëherë e qartë se kur do të mbahej një gjyq. Nëse përfundimisht shpallen fajtorë, ata do të përballen me 10 vite burg./albeu.com/

The post Ç’po ndodh? Fotografja e arrestuar në Shqipëri shpallet në kërkim nga autoritetet ruse appeared first on Albeu.com.

Njëri prej të arrestuarve ishte pronari i lokalit, ndërsa tre të tjerët ishin klient, të cilëve gjatë kontrollit ju gjet lëndë narkotike me vete.

Njoftimi i policisë:

Goditen 2 raste të veprimtarisë kriminale në fushën e narkotikëve.

Vihet në pranga pronari i një lokali, për përshtatje të lokalit për përdorim droge.

Në pranga edhe 3 shtetas të tjerë, të cilëve gjatë kontrollit fizik, shërbimet e Policisë iu gjetën lëndë narkotike.

Gjithashtu, procedohen penalisht dhe 4 shtetas të tjerë.

Sekuestrohen doza me lëndë narkotike kanabis dhe kokainë, si dhe fara kanabisi.

Në vijim të punës për goditjen e aktivitetit kriminal në fushën e narkotikëve, bazuar dhe në informacionet e marra në rrugë operative, se një lokal në një lagje të qytetit të Gramshit ishte përshtatur për përdorim droge, specialistët e Seksionit për Hetimin e Narkotikëve në Drejtorinë Vendore të Policisë Elbasan, në bashkëpunim me Forcën e Posaçme “Shqiponja” dhe shërbimet e Komisariatit të Policisë Gramsh ushtruan kontroll në lokalin e shtetasit E. H.

Si rezultat u bë arrestimi në flagrancë i shtetasve: P. F., 51 vjeç, Xh. S., 30 vjeç dhe E. H., 54 vjeç (pronari i lokalit).

Gjatë kontrollit fizik të ushtruar ndaj shtetasit P. F., në ambientet e lokalit, Policia i gjeti një sasi lënde narkotike kokainë, ndërsa nga kontrolli në banesë iu gjetën një sasi farash kanabisi dhe një sasi lënde narkotike kanabis e ndarë në doza. Shtetasit Xh. S., gjatë kontrollit fizik, iu gjet një sasi e vogël lënde narkotike kanabis e ndarë në doza.

Kontrolli ka vijuar edhe në një lokal tjetër, ku gjatë kontrollit fizik ndaj klientëve të lokalit, Policia arrestoi në flagranë shtetasin F. Z., 19 vjeç, pasi iu gjet një sasi lënde narkotike e ndarë në doza.

Gjithashtu u proceduan penalisht në gjendje të lirë shtetasit: K. D., për veprën penale “Prodhimi dhe shitja e narkotikëve”, pasi gjatë kontrollit i është gjetur një sasi e vogël lënde narkotike, si dhe shtetasit R. B., M. B. dhe D. K, banues në Gramsh, për veprën penale “Moskallëzimi i krimit”.

Materialet procedurale i kaluan Prokurorisë së Shkallës së Parë të Rrethit Gjyqësor Elbasan, për veprat penale “Prodhimi dhe shitja e narkotikëve”, “Përshtatja e lokaleve për përdorim droge” dhe “Moskallëzimi i krimit”./albeu.com/

The post Kishin përshtatur lokalet si “baza” kokaine, 4 persona në Gramsh “bien në rrjetën” e Policisë appeared first on Albeu.com.