Të tjera detaje kanë dalë nga të arrestuarit e mega-operacionit të ditës së sotme në Durrës, ku u prangosën 15 persona dhe u shpallën në kërkim 5 të tjerë.

Sipas burimeve, bëhet me dije se polici i burgut, Flamur Bejko, i cili ishte mes të arrestuarve në Durrës, ka porositur vrasje.

Mësohet se ka urdhëruar ekzekutimin e dy personave pasi e kishin rrahur.

Deklarata e policisë:

“Gjithashtu, dy vëllezërit janë kontaktuar dhe porositur edhe nga shtetasi F. B., që kundrejt pagesës të kryenin vrasjen e shtetasve S. Z. dhe I. H. Për këtë veprimtari kriminale, vëllezërit kanë marrë një shumë paraprake prej 3500 eurosh dhe kanë siguruar mjetet për realizimin e kësaj ngarjeje dhe konkretisht 4 kg eksploziv, si dhe një armë zjarri automatik, të cilat janë gjetur dhe sekuestruar gjatë kontrolleve të ushtruara nga shërbimet e Policisë, gjatë datës 3 tetor 2022”, thuhet njoftimin e policisë./albeu.com/

The post EMRI/ U rrah nga 2 persona, polici i burgut urdhëroi ekzekutimin e dy personave! Sot u prangos në Durrës appeared first on Albeu.com.

Sipas burimeve, të arrestuarit janë A. K., 46 vjeçe dhe E. K., 22 vjeç, banues në Prizren, Kosovë.

Arrestimi i tyre është bërë pasi kanë tentuar të kalojnë kufirin me dokumente identifikimi të dyshuara të falsifikuara.

“Nga specialistët e Seksionit për Hetimin e Krimit Ekonomik dhe Financiar në DVP Durrës u arrestuan në flagrancë për veprat penale “Falsifikimi i letërnjoftimeve, i pasaportave ose i vizave” dhe “Falsifikimi i vulave, i stampave ose i formularëve”, shtetasit:

A. K., 46 vjeçe dhe E. K., 22 vjeç, banues në Prizren, Kosovë, pasi në PKK Port Durrës, kanë tentuar të kalojnë kufirin me dokumente identifikimi të dyshuara të falsifikuara. Në cilësinë e provës materiale u sekuestruan 2 karta identiteti dhe 2 leje drejtimi të dyshuara të falsifikuara,” njofton policia./albeu.com/

The post Me dokumenta false drejt Italisë, prangosen dy persona në portin e Durrësit appeared first on Albeu.com.

Shtetasi i ndaluar ishte shpallur në kërkim për largim nga vendi i aksidentit pas aksidentimit.

Gjithashtu janë proceduar penalisht edhe dy shtetas të tjerë, njëri për mallra kontrabandë dhe tjetri për narkotikë.

Njoftimi i Policisë:

Ndalohet 1 shtetas i shpallur në kërkim dhe procedohen penalisht 2 shtetas të tjerë, për vepra të ndryshme penale.

Specialistët e Hetimit të Krimit në Komisariatin e Policisë Krujë ndaluan shtetasin e shpallur në kërkim për veprën penale “Largimi nga vendi i aksidentit”:

S.S., 28 vjeç, banues në Durrës, i cili më datë 23.09.2021, në aksin rrugor Rinas-Kashar, ka përplasur mjetin e shtetasit A. D., duke shkaktuar dëme materiale, dhe është larguar nga vendi i aksidentit.

Specialistët e Hetimit të Krimit Ekonomik dhe Financiar në DVP Durrës proceduan shtetasin F. Z., 31 vjeç, banues në Tiranë, për veprën penale “Kontrabanda me mallra të tjera”. Ky shtetas është kapur nga shërbimet e Policisë, në Portin e Durrësit, me mallra kontrabandë, disa lloje të ndryshme medikamentesh dhe 6 telefona celularë, të cilët u sekuestruan në cilësinë e provës materiale.

Specialistët e Hetimit të Trafikut të Paligjshëm dhe Narkotikëve proceduan penalisht për veprën penale “Trafikimi i narkotikëve”, shtetasin G. A., banues në Durrës, pasi gjatë kontrollit fizik iu gjet dhe sekuestrua një sasi lënde narkotike e dyshuar cannabis sativa.

Materialet kaluan në Prokurorinë e Rrethit Gjyqësor Durrës dhe Prokurorinë e Rrethit Gjyqësor Krujë, për veprime të mëtejshme./albeu.com/

The post U largua nga vendi i aksidentit, prangoset një shtetas në Durrës! Procedohen edhe dy të tjerë appeared first on Albeu.com.