Sipas Policisë, konflikti kishte nisur në një hotel, ku 18-vjeçari, i cili punonte si kamerier, ishte dhunuar nga katër persona për shkak të një konflikti lidhur me pagesën për punën e kryer.

Pas marrjes së informacionit se xhaxhai i 18-vjeçarit ishte nisur i armatosur drejt hotelit, policia ndërhyri dhe ndaloi automjetin e tij, duke sekuestruar një kallashnikov, 3 karikatorë dhe 84 fishekë.

Në vijim të hetimeve u arrestuan 28-vjeçari F. H. dhe 20-vjeçari E. D., ndërsa 36-vjeçari A. F. u shpall në kërkim. Një tjetër 36-vjeçar, M. M., po procedohet në gjendje të lirë.

Ndërkohë që personat që dhunuan 18-vjeçarin, për të fshehur ngjarjen kishin prerë kabujt e kamerave dhe kishin fshirë të gjitha filmimet e dhunës.

Njoftimi i Plotë:

Kavajë/Parandalohet një ngjarje e rëndë kriminale. Me armë zjarri në automjet, po shkonte për të vrarë personat që kishin dhunuar nipin e tij, falë informacionit të marrë në rrugë operative dhe ndërhyrjes në kohë nga shërbimet e Policisë, parandalohet një ngjarje e rëndë kriminale. Vihet në pranga 47-vjeçari, i cili u kap me armë zjarri automatik, 3 karikatorë dhe 84 fishekë luftarakë. Arrestohet djali i pronarit të hotelit dhe një shok i tij, shpallet në kërkim djali tjetër i pronarit, ndërsa procedohet në gjendje të lirë dhëndëri i pronarit, të cilët kishin dhunuar 18-vjeçarin, (kamerier në lokalin e hotelit dhe nipi i 47-vjeçarit)

Shërbimet e Komisariatit të Policisë Kavajë dhe të Stacionit të Policisë Golem, pas marrjes së njoftimit për një konflikt në një hotel në zonën e Malit të Robit, Golem, kanë shkuar menjëherë në vendngjarje, duke parandaluar përshkallëzimin e mëtejshëm të konfliktit. Nga veprimet e para hetimore rezultoi se shtetasi F. H., së bashku me shtetasit A. F., E. D. dhe M. M., kanë dhunuar shtetasin G. N., 18 vjeç, kamerier në lokalin e hotelit, për shkak të mosdhënies së pagesës për punën e kryer. 18-vjeçari ndodhet në Spitalin e Kavajës, nën kujdesin e mjekëve.

Gjatë kryerjes së veprimeve, shërbimet e Policisë kanë marrë informacion në rrugë operative se xhaxhai i 18-vjeçarit, shtetasi M. N., 47 vjeç, banues në Kavajë, i armatosur me armë zjarri, ishte nisur drejt hotelit, me qëllim vrasjen e personave që kishin dhunuar nipin e tij. Shërbimet e Policisë kanë ndërhyrë menjëherë, duke ndaluar në afërsi të hotelit automjetin që drejtohej nga ky shtetas. Gjatë kontrollit të automjetit, në një çantë shpine, shërbimet e Policisë gjetën një armë zjarri automatik, kallashnikov, 3 karikatorë dhe 84 fishekë luftarakë.

Po nga veprimet hetimore rezultoi se vendngjarja ishte pastruar, DVR-ja e kamerave të sigurisë ishte hequr dhe kabllot ishin prerë. Në përfundim të veprimeve të para hetimore, u bë arrestimi në flagrancë i shtetasve F. H., 28 vjeç, dhe E. D., 20 vjeç, banues në Kavajë; u shpall në kërkim shtetasi A. F., 36 vjeç; u procedua në gjendje të lirë shtetasi M. M., 36 vjeç, banues në Kavajë. Gjithashtu u bë arrestimi në flagrancë dhe i shtetasit M. N., 47 vjeç, banues në Kavajë. Në bashkëpunim me Prokurorinë, vijon puna për dokumentimin e plotë ligjor të kësaj ngjarjeje. Materialet procedurale i kaluan Prokurorisë për veprime të mëtejshme.

The post Parandalohet tragjedia në Kavajë/ Arrestohet 47-vjeçari që shkoi për të ekzekutuar 4 personat që i dhunuan nipin appeared first on Albeu.com.

40-vjeçari u vu në pranga, pasi kërcënoi dhe dhunoi bashkëshorten e tij, ndërsa gjatë ndërhyrjes në banesë, policia ka gjetur një pistoletë.

Gjithashtu, kontrolle janë ushtruar edhe në banesën e tij në Tiranë, ku u gjetën dhe u sekuestruan dy pako me municion luftarak dhe dy krehra me fishekë.

“Shërbimet e Policisë, gjatë ndërhyrjes në banesë, kanë gjetur një armë zjarri, pistoletë. Gjithashtu, gjatë kontrollit të banesës në Tiranë, me mbështetjen e Drejtorisë Vendore të Policisë Tiranë, Policia gjeti dhe sekuestroi, në cilësinë e provës materiale, dy pako me municion luftarak dhe dy krehra me fishekë. Nga verifikimet paraprake rezulton se shtetasi E. K. dyshohet se ka dhunuar dhe kanosur bashkëshorten e tij”, njoftoi policia me 23 gusht.

Elvis Kosova, i njohur edhe si “Visi i garave”, është një emër i njohur për autoritetet. Në verën e vitit 2025, atij iu vendos një sasi lënde plasëse në portën hyrëse të garazhit të tij në zonën e “Liqenit të Thatë” në Tiranë.

Në gusht të vitit 2024, ai u ndalua për vjedhjen e një makine luksoze “Audi R8”, me një vlerë rreth 200 mijë euro, që ishte sjellë fillimisht nga Gjermania nga një shtetas turk, dhe më pas ishte përvetësuar nga Elvis Kosova përmes mashtrimit.

The post U kap me armë zjarri në Palasë/ Gjykata merr vendim për Elvis Kosovën, 40-vjeçari kanosi dhe dhunoi bashkëshorten e tij appeared first on Albeu.com.

Besfort Jaka, 40 vjeç, punonjës në Bashkinë e Gjakovës, ka rënë në prangat e policisë shqiptare si i dyshuar për përfshirje në trafikimin e afro 80 kilogramëve lëndë narkotike.

Ai është një ndër tre shtetasit e Kosovës që u arrestuan gjatë operacionit “Anchor”, të finalizuar në qytetin e Durrësit.

Sipas njoftimit të autoriteteve shqiptare, në Portin e Durrësit u bllokuan 127 pako me cannabis të varietetit “Gelato”, i cili karakterizohet nga një përqindje e lartë e THC-së. Pesha e përgjithshme e drogës së kapur arrin në gati 80 kilogramë.

Policia vlerëson se vlera e kësaj sasie në tregun e paligjshëm sillet rreth 1 milion euro.

Jaka mban postin e zyrtarit në sektorin e buxhetit pranë Bashkisë së Gjakovës, e cila drejtohet nga Ardian Gjini.

Një kontroll i profilit të tij në Facebook zbulon se ai është një mbështetës i zjarrtë i kryetarit Gjini.

Emri i Besfort Jakës nuk është i panjohur në skenën politike vendore të Gjakovës.

Të dhënat nga Komisioni Qendror i Zgjedhjeve tregojnë se në të kaluarën ai ka qenë kandidat i Partisë Demokratike të Kosovës për Asamblenë Komunale në Gjakovë, fillimisht në zgjedhjet lokale të vitit 2009 ku mori 60 vota, dhe më pas në ato të vitit 2013 ku siguroi 220 vota.

Gjithashtu, gjatë 2013-ës, ai u prezantua para publikut si përfaqësues i Forumit Rinor të PDK-së në Gjakovë.

Më vonë, në vitin 2019, emri i tij u shfaq edhe në listën e garuesve për Këshillin Drejtues të PDK-së në atë qytet, ku mori 69 vota.

Gazeta Insajderi është munduar të kontaktojë me kryetarin Ardian Gjini si përmes postës elektronike ashtu edhe në telefon, por deri në momentin e publikimit të këtij shkrimi, ai nuk ka dhënë ndonjë reagim.

Po ashtu, gazeta ka komunikuar me zyrën e nënkryetarit Flamur Fetahaj.

Nga ajo zyrë u shprehën se nuk mbajnë përgjegjësi për të komentuar rastin. “Unë nuk e kam për detyrë të flas për këtë çështje, megjithatë, tashmë që i keni dërguar pyetjet, do t’ju vijë një përgjigje në rastin e parë”, u tha nga zyra e nënkryetarit.

Megjithëkëtë, deri në orën e publikimit të këtij materiali, Insajderi nuk mori asnjë prononcim nga Bashkia e Gjakovës.

Përpos Jakës, forcat e policisë vunë në pranga edhe Taulant Durakun (32 vjeç) dhe Luan Gashin (26 vjeç), që të tre janë shtetas të Kosovës.

Dy shtetas të tjerë janë identifikuar si të dyshuar dhe janë shpallur në kërkim.

Si pjesë e operacionit, përveç lëndëve narkotike, u sekuestruan dhe tre automjete, pesë aparate celularë si dhe një shumë prej gati 11 mijë euro cash.

Tre personat e arrestuar përballen me akuzën penale për “Trafikim të narkotikëve”.

The post Arrestohet në Durrës punonjësi i Bashkisë së Gjakovës, kapet me rreth 80 kilogramë kanabis appeared first on Albeu.com.

Një operacion për dyshimet mbi ushtrimin e kundërligjshëm të bixhozit është zhvilluar nga Prokuroria Themelore në Pejë, në bashkërendim me Policinë e Kosovës dhe Stacionin Policor në Deçan.

Pas këtij aksioni, prokurori i shtetit ka urdhëruar arrestimin dhe ndalimin e pesë personave, të cilët dyshohen për veprën penale “Organizimi i skemave piramidale dhe bixhozit të paligjshëm”.

Në lokalin ku dyshohet se ushtrohej veprimtaria janë kryer kontrolle, gjatë të cilave u sekuestruan përkohësisht prova materiale. Mes tyre kishte letra dhe karta loje, pesë telefona mobilë dhe 1,615 euro para të gatshme.

Të pesë të dyshuarit, sipas urdhrit të prokurorit, do të mbahen në ndalim për 48 orë. Prokurori i rastit pritet që, brenda afatit ligjor, të vijojë me hapat e tjerë proceduralë, përfshirë paraqitjen e kërkesës për caktimin e masës së sigurimit ndaj tyre.

Prokuroria Themelore në Pejë njoftoi se do të vazhdojë, së bashku me Policinë e Kosovës, ndërmarrjen e masave ligjore kundër personave që dyshohen për përfshirje në veprimtari të kundërligjshme.

The post Aksion në Deçan kundër bixhozit të paligjshëm, arrestohen pesë persona appeared first on Albeu.com.

16.08.2026 – 19:15

Igor Markoviq është personi i arrestuar të dielën në Zveçan nën dyshimin se mori pjesë në sulmet kundër pjesëtarëve të KFOR-it dhe Policisë së Kosovës në maj të vitit 2023.

Sipas një burimi të KP-së, Markoviq dyshohet se ka shërbyer si polic serb dhe se ka hyrë në Kosovë nga Serbia përmes pjesës veriore.

Policia e Kosovës dhe Prokuroria Speciale kishin njoftuar më herët gjatë ditës se arrestimi u krye me urdhër të Prokurorisë Speciale, pas një vargu veprimesh hetimore të zhvilluara nga hetuesit e Drejtorisë për Hetimin e Krimit të Organizuar dhe Krimeve të Rënda. Fillimisht, i ndaluari u identifikua vetëm me inicialet I.M.

Në njoftimin e përbashkët bëhet e ditur se ndaj tij ekzistojnë dyshime për veprat penale “Sulm ndaj personit zyrtar”, “Pjesëmarrja në turmë që kryen vepër penale dhe huliganizëm”, “Bashkimi për veprimtari kundërkushtetuese” dhe “Rrezikimi i personave nën mbrojtje ndërkombëtare”.

Autoritetet thanë se I.M. u arrestua në Zveçan pas shumë veprimeve hetimore dhe se dyshohet për sulmin ndaj pjesëtarëve të KFOR-it dhe Policisë së Kosovës në maj 2023. Prokuroria Speciale dhe Policia e Kosovës njoftuan se procedurat e mëtejshme do t’i ndërmarrin në përputhje me ligjin dhe standardet më të larta ndërkombëtare.

Përplasjet në Zveçan nisën pasi serbët lokalë kundërshtuan hyrjen e kryetarëve të rinj shqiptarë në objektet komunale të Zveçanit, Leposaviqit dhe Zubin Potokut. Këto komuna në veri të Kosovës banohen me shumicë serbe, ndërsa zgjedhjet lokale të majit 2023 ishin bojkotuar nga serbët.

Në këto përleshje u lënduan 93 pjesëtarë të KFOR-it, disa prej tyre rëndë.

Kosova e ka bërë përgjegjëse Serbinë për ngjarjet e fillimvitit 2023 në Zveçan, duke deklaruar se ato u kryen nga “grupe kriminale të afërta me presidentin e Serbisë, Aleksandar Vuçiq”.

16.08.2026 – 18:41

Në këtë përditësim u bë publik identiteti i plotë i të arrestuarit: Igor Markoviq. Ai u ndalua të dielën nga Policia e Kosovës, me urdhër të Prokurorisë Speciale, si i dyshuar për sulmet e majit 2023 në Zveçan ndaj KFOR-it dhe Policisë së Kosovës.

Dyshimet penale ndaj Markoviqit përfshijnë sulmin ndaj personit zyrtar, pjesëmarrjen në një turmë që kryen vepër penale dhe huliganizëm, bashkimin për veprimtari kundërkushtetuese, si dhe rrezikimin e personave nën mbrojtje ndërkombëtare.

16.08.2026 – 16:28

Hetuesit e Drejtorisë për Hetimin e Krimit të Organizuar dhe Krimeve të Rënda arrestuan të dielën në Zveçan personin me inicialet I.M., duke vepruar me urdhër të Prokurorisë Speciale.

Prokuroria Speciale dhe Policia e Kosovës sqaruan në komunikatën e tyre të përbashkët se arrestimi pasoi një sërë veprimesh hetimore. Sipas njoftimit, I.M. dyshohet se sulmoi pjesëtarët e KFOR-it dhe Policisë së Kosovës në maj të vitit 2023.

Institucionet bënë të ditur se do të vijojnë me hapat e nevojshëm proceduralë, në pajtim me ligjin dhe standardet ndërkombëtare.

The post Arrestohet në Zveçan i dyshuari për sulmet ndaj KFOR-it, dyshohet se ka qenë polic serb appeared first on Albeu.com.

Një person me inicialet I.M. është arrestuar të dielën në Zveçan nga hetuesit e Drejtorisë për Hetimin e Krimit të Organizuar dhe Krimeve të Rënda, pas një urdhri të Prokurorisë Speciale. Ai dyshohet për përfshirje në disa vepra penale.

Në njoftimin e përbashkët të Prokurorisë Speciale dhe Policisë së Kosovës thuhet se ndaj I.M. rëndojnë dyshimet për veprat penale “Sulm ndaj personit zyrtar”, “Pjesëmarrja në turmë që kryen vepër penale dhe huliganizëm”, “Bashkimi për veprimtari kundërkushtetuese” dhe “Rrezikimi i personave nën mbrojtje ndërkombëtare”.

Arrestimi u krye pas zhvillimit të një serie veprimesh hetimore nga autoritetet.

Sipas komunikatës, I.M. dyshohet për sulm ndaj pjesëtarëve të KFOR-it dhe Policisë së Kosovës në maj të vitit 2023.

Prokuroria Speciale dhe Policia e Kosovës kanë njoftuar se do të vijojnë me veprimet e nevojshme procedurale, në përputhje me ligjin dhe standardet ndërkombëtare.

The post Zveçan, arrestohet i dyshuari për sulmet ndaj KFOR-it dhe Policisë së Kosovës në maj 2023 appeared first on Albeu.com.

Në kuadër të këtyre ndërhyrjeve ranë në pranga tre shtetas, teksa u sekuestruan në cilësinë e provës materiale dy pistoleta dhe një armë gjahu.

Në aksin rrugor Bypass të Fierit, gjatë zbatimit të operacionit të quajtur “Aksi”, efektivët vunë në pranga një të ri 19-vjeçar me origjinë nga Vlora.

Dyshimet tregojnë se ai qarkullonte me mjet duke mbajtur me vete një armë zjarri. Inspektimi i automjetit çoi në zbulimin dhe konfiskimin e një pistolete.

Hetimet e thelluara sollën edhe arrestimin e një pasagjeri 28-vjeçar që ndodhej në të njëjtin mjet. Sipas të dhënave, ky i fundit ishte në dijeni të pranisë së armës dhe e dinte që ajo ishte destinuar për t’u shitur në qytetin e Fierit.

Ndërkohë, në territorin e Mallakastrës u mbyll me sukses operacioni “Hidden Guns” (Armët e fshehura). Në pranga ra një burrë 38-vjeçar, banues në fshatin Lofkënd.

Ai akuzohet se pas një sherri të nisur për motive të parëndësishme, ka kërcënuar një shtetas tjetër duke i drejtuar një armë gjahu.

Gjatë ushtrimit të kontrollit në banesën e të dyshuarit, uniformat blu gjetën dhe bllokuan një automatik tip kallashnikov dhe një çifte, që pretendohet se mbaheshin në kundërshtim me ligjin. Të gjitha aktet e procedimit i kanë kaluar organit të akuzës për hapat e mëpasshëm ligjorë.

The post Tre të prangosur në Fier për armëmbajtje pa leje, policia konfiskon dy armë zjarri appeared first on Albeu.com.

Fehim Sali, arsimtar nga Dragashi, u arrestua të enjten nga Policia e Kosovës nën dyshimin se kishte kryer veprimtari spiunazhi për Shërbimin Inteligjent Serb, BIA. Të nesërmen, Departamenti Special i Gjykatës Themelore në Prishtinë vendosi që ai të mbahet një muaj në paraburgim.

Prokuroria Speciale dyshon se Sali ishte rekrutuar nga Zhelimir Matoviq, zyrtar i BIA-s serbe, të cilit pretendohet se i përcillte informacione përmes komunikimeve të vazhdueshme.

Në kërkesën për paraburgim thuhet se, nën udhëzimet e zyrtarit të BIA-s, ai dyshohet se mblidhte dhe transmetonte të dhëna lidhur me zhvillimet politike në Kosovë.

Sali dyshohet gjithashtu se kishte identifikuar zyrtarë të Agjencisë së Kosovës për Inteligjencë, përfshirë edhe duke i fotografuar ata.

Sipas Prokurorisë, veprimtaria e tij e dyshuar përfshinte edhe persona që i përkisnin sektit vehabi, si dhe individë të tjerë të cilët Sali pretendohet se i kishte sugjeruar si objektiva të mundshëm që BIA t’i kontaktonte dhe rekrutonte.

Procedura hetimore ndaj tij kishte filluar në qershor të vitit 2025, pasi AKI-ja ia kishte përcjellë Prokurorisë Speciale informacionet për aktivitetin e dyshimtë.

Prokurori i çështjes, Bekim Kodraliu, deklaroi të premten se provat e mbledhura nga Policia e Kosovës, në bashkëpunim me AKI-në, kishin krijuar dyshimin e bazuar se Sali ishte rekrutuar nga BIA.

Kodraliu tha se ishte vërtetuar dyshimi i bazuar që i pandehuri kishte qenë i rekrutuar nga Shërbimi Inteligjent Serb, konkretisht nga zyrtari i këtij shërbimi, Zhelimir Matoviq.

Sipas prokurorit, informacionet e ofruara nga Sali konsiderohen nga Prokuroria si të dëmshme për interesat e shtetit të Kosovës.

Ai bëri të ditur se edhe vetë i pandehuri kishte pranuar se ishte rekrutuar dhe se kishte mbajtur kontakte të vazhdueshme me zyrtarë të BIA-s.

Pas ndalimit të Salit, hetuesit e Drejtorisë për Hetimin e Krimit të Organizuar dhe Krimeve të Rënda, së bashku me Prokurorinë Speciale, bastisën vendbanimin e tij në Dragash.

Nga kontrolli u sekuestruan 39 mijë e 500 euro para të gatshme, 500 dinarë serbë, katër telefona celularë dhe dokumente të ndryshme që vlerësohen si relevante për rastin.

Duke reaguar për rastin, ish-eprori i UÇK-së, Naim Miftari, deklaron se Serbia ka pasur deri më sot shumë informacione për Kosovën, veçanërisht për FSK-në, Policinë dhe AKI-në.

Ai përmend rastin e Osman Musës dhe ngre pyetjen se sa të dhëna mund t’ia ketë përcjellë UDB-së serbe gjatë kohës kur shërbente në Policinë e Kosovës.

Sipas Miftarit, Serbia ka qenë aq e informuar për Kosovën, sidomos për FSK-në, Policinë dhe AKI-në, sa ka ditur madje numrin e municioneve dhe sa plumba posedonte Kosova. Si shembull, ai përmend Osman Musën, i cili kishte qenë epror i lartë dhe kishte punuar në pozita të ndjeshme brenda Policisë së Kosovës.

Miftari pretendon se Musa, pasi kishte kuptuar se ishte zbuluar, por jo nga institucionet shtetërore, ishte përfshirë nga paniku, kishte ikur në Britani dhe atje kishte treguar se ishte agjent i UDB-së-BIA-s serbe në Kosovë.

Në deklaratën për “Bota sot”, ish-eprori pyet se sa informacione i ishin dërguar UDB-së serbe gjatë kohës që Musa ishte pjesë e Policisë së Kosovës. Ai shton se Kosova nuk ngriti asnjëherë aktakuzë për tradhti lidhur me këtë rast dhe nuk paraqiti kërkesë për ekstradim.

Miftari sjell në vëmendje edhe raste të tjera të personave që, sipas pretendimeve të tij, kanë punuar për Serbinë.

Ai përmend Fatmir Shehollin, të cilin e cilëson ish-njeri të UDB-së, duke pretenduar se Ilmi Recica dhe Latif Gashi e kishin futur në SHIK me arsyetimin se ai po i sillte këtij shërbimi dokumente me thasë. Sipas Miftarit, këto ishin tregime të përdorura për të fshehur dështimin e tyre.

Ai pretendon gjithashtu se i njëjti person, të cilit i referohet me inicialet F. Sh., kishte marrë nga A. J. U-ja qindra mijëra euro, kinse për informacione që supozohej se i siguronte nga Serbia. Miftari i quan këto pretendime përralla dhe vjedhje të pastër të realizuar përmes agjentit Sheholli.

Sipas tij, po të mos arrestohej edhe për disa ditë, Sheholli do të vazhdonte të shfaqej pa ndërprerje në studio televizive si hero që kishte ndihmuar LDK-në para luftës. Miftari thotë se kishte deklaruar në televizion dhe në OJQ publike se pritej që F. Sheholli të shpallej edhe komandant i përgjithshëm i UÇK-së.

Mes emrave të përmendur prej tij është edhe Baton Haxhiu, të cilin Miftari e quan ish-postier të Ivica Stanishiqit pas luftës, këshilltar të Hashim Thaçit, të drejtuesve të SHIK-ut, të Kadri Veselit dhe të Edi Ramës. Ai përmend gjithashtu Gani Thaçin, të cilin e cilëson operator të UDB-së në Kosovë.

Miftari përmend më tej Hashim Thaçin dhe Kadri Veselin, duke i quajtur bashkëpunëtorë dhe nëpunës të dhëndrit serb, agjentit Denhear Arnaud, i cili ishte shef për Ballkanin në DGSE. Sipas tij, ky shërbim e ndau haptazi veriun e Kosovës në interes të Serbisë përmes KFOR-it francez në Mitrovicë.

Ai sjell si shembull edhe Branislav Nikoliqin, të cilin e quan agjent të UDB-së-BIA-s serbe dhe që, sipas tij, Hashim Thaçi e emëroi këshilltar gjatë kohës kur ishte president. Miftari pretendon se Nikoliqi ishte kapur nga Policia e Kosovës së bashku me dy agjentë të tjerë, ndërsa përpiqeshin të blinin dëshmitarë të rremë kundër UÇK-së për pretendimet rreth tregtisë me organe, të cilat ai i quan një gënjeshtër të madhe ndaj UÇK-së.

Ish-eprori thotë se, gjatë kohës kur ishte i lirë dhe mbante postet e kryeministrit dhe presidentit, Hashim Thaçi e paraqiste veten si figura kryesore e UÇK-së. Sipas Miftarit, pasi u burgos për krime lufte nga Gjykata Speciale, Thaçi deklaroi, për t’iu shmangur përgjegjësisë së tij, se kishte qenë larg fronteve, luftës dhe komandës, si dhe larg rolit të njeriut kryesor të UÇK-së.

Sipas Miftarit, raste të tilla ka pasur para luftës, pas përfundimit të saj dhe vazhdojnë të ketë edhe sot.

Megjithatë, ai shprehet se do të vijë një ditë kur BIA do ta humbasë rëndësinë dhe nuk do të përbëjë më kërcënim për shtetin e Kosovës.

Miftari thotë se ekzistojnë edhe shumë raste të tjera dhe se UDB-ja ka qenë e pranishme në Kosovë para luftës, pas saj dhe vazhdon të jetë edhe sot. Sipas tij, ajo po dobësohet çdo ditë falë shtetit, Qeverisë, Policisë, AKI-së dhe Prokurorisë.

Ai vlerëson se BIA do të bëhet një ditë e parëndësishme dhe nuk do të jetë më rrezik për Kosovën, por thekson se kjo mund të arrihet vetëm duke mos u ndalur asnjëherë dhe duke e mbrojtur shtetin 24 orë në ditë, gjatë çdo jave, muaji dhe viti.

Në përfundim, Miftari shprehet se edhe uji flet, por armiku jo, ndërsa shton se kush dëshiron ta ruajë paqen dhe lirinë e popullit e të shtetit të vet duhet të përgatitet mirë për luftë. Sipas tij, nuk duhet lejuar që askush ta befasojë Kosovën.

Në kërkesën për paraburgim është përfshirë si element edhe e kaluara institucionale e Fehim Salit.

Ai kishte shërbyer si anëtar i Këshillit Konsultativ për Komunitete pranë Zyrës së Presidentes së Kosovës, detyrë të cilën e kishte ushtruar deri kur u shkarkua në maj të vitit 2024.

Prokuroria e ka përmendur këtë funksion në kuadër të rrethanave që lidhen me çështjen.

Gjykata Themelore në Prishtinë konstatoi se ekziston rreziku që Sali të arratiset, të ndikojë mbi dëshmitarët dhe provat, apo ta përsërisë ose vazhdojë veprën penale.

Në vlerësimin e rrezikut të arratisjes ka ndikuar edhe fakti se Sali u arrestua më 13 gusht, rreth orës 04:00, në pikën kufitare të Merdares, ndërsa po largohej nga Kosova.

Gjykata mori në konsideratë gjithashtu se ai ka shtetësi të Kosovës dhe të Serbisë, si dhe lidhje familjare në Serbi.

Mbrojtja e kundërshtoi masën e paraburgimit, duke theksuar se Sali ka vendbanim të përhershëm, familje dhe vend pune në Kosovë. Sipas saj, udhëtimet e tij drejt Serbisë ishin bërë për arsye familjare dhe personale.

Pavarësisht këtyre argumenteve, gjykata vlerësoi se arresti shtëpiak, dorëzania dhe masat e tjera më të lehta nuk do të garantonin praninë e tij dhe as do të parandalonin pengimin e hetimeve.

Fehim Sali do të mbahet në paraburgim deri më 13 shtator 2026, ndërkohë që hetimet lidhur me rastin janë duke vazhduar.

The post Ish-eprori i UÇK-së pas arrestimit të “arsimtarit”: BIA dinte madje edhe sa plumba kishte Kosova appeared first on Albeu.com.

Operacioni policor “Hallkat”, i zhvilluar në Maminas të Durrësit, çoi në sekuestrimin e tri pistoletave dhe 34 fishekëve. Sipas Policisë së Shtetit, armët dyshohet se ishin trafikuar nga Kosova për t’iu shitur grupeve kriminale në Shqipëri.

Në flagrancë u arrestua M. B., 34 vjeç dhe banues në Kukës, i cili dyshohet se po transportonte armët me automjet, përcjell KosovaPress.

Bashkë me të u vu në pranga edhe pasagjerja D. N., 39 vjeçe, banuese në Prizren. Ajo dyshohet për veprën penale “Moskallëzimi i krimit”.

Policia bëri të ditur se gjatë kontrollit të automjetit me të cilin të dy po udhëtonin në Maminas, u zbuluan tri armë zjarri të llojit pistoletë dhe 34 fishekë, për të cilat dyshohet se janë sjellë ilegalisht nga Kosova.

Kontrolli në banesën e të dyshuarit zbuloi gjithashtu një armë të ftohtë, konkretisht një dorezë hekuri. Autoritetet sekuestruan edhe automjetin që dyshohet se ishte përdorur për transportin e armëve.

M. B. po hetohet për veprat penale “Trafikim të armëve dhe municionit” dhe “Prodhim, mbajtje, blerje apo shitje pa leje të armëve të ftohta”.

Hetuesit po punojnë për të identifikuar persona të tjerë që mund të kenë lidhje me rastin. Materialet procedurale ndërkohë i janë referuar Prokurorisë për veprimet e mëtejshme.

The post Sekuestrohen armë të trafikuara nga Kosova në Shqipëri, dy persona në pranga në Durrës appeared first on Albeu.com.

I arrestuari është djali i Petrit Cakraj, i cili akuzohet se, së bashku me vëllezërit Bushgjoka, ka rrëmbyer dhe vrarë Renis Dobrën.

Siciljan Cakraj pritet të paraqitet nesër në Gjykatën e Tiranës, ku do të mbahet seanca për caktimin e masës së sigurisë ndaj tij.

The post Arrestohet për drogë Siciljan Cakraj, babai i të cilit akuzohet për rrëmbimin dhe vrasjen e Renis Dobrës appeared first on Albeu.com.