Ish-princi u fotografua duke u kthyer në pronën e tij në Sandringham Estate, Norfolk, pasi ishte parë duke dalë nga stacioni i policisë në Aylsham.

Policia e Thames Valley, tha në një deklaratë se ai është liruar por ndodhet “nën hetim”. Ndërkohë kontrolli policor në Royal Lodge vazhdon.

Megjithëse policia nuk ka dhënë detaje, arrestimi lidhet me aktivitetet e tij gjatë kohës si i dëerguar tregtar dhe pas raportimeve mbi dokumentet e publikuara nga Departamenti i Drejtësisë i SHBA-së në lidhje me hetimin mbi Jeffrey Epstein.

Andrew ka mohuar më parë çdo akuzë në lidhje me Epstein. Vëllai i tij, Mbret Charles, tha se “ligji duhet të ndjek rrugën e vet” dhe se autoritetet kanë “bashkëpunimin tonë të plotë dhe të sinqertë”.

Presidenti amerikan Donald Trump gjithashtu reagoi, duke e përshkruar situatën si “shumë të trishtë”, ndërsa një kongresmen demokrat tha për BBC-në se zhvillimet po ndiqen me kujdes në Amerikë.

The post Ish-princi Andrew lirohet nga arresti dhe hetohet në gjendje të lirë, policia vazhdon kontrollet në Royal Lodge appeared first on Albeu.com.

Në kuadër të operacionit të koduar “Provat” është vënë në pranga shtetasi Dorjan Abazi, 18-vjeç, banues në qytetin bregdetar.

Ai akuzohet për veprat penale “Vjedhja me dhunë”, mbetur në tentativë, “Vjedhja”, “Mbajtja pa leje dhe prodhimi i armëve, armëve shpërthyese dhe i municionit” dhe “Shkatërrimi i pronës”.

“Ky shtetas dyshohet se në orët e para të mëngjesit në lagjen nr.13, Durrës, ka tentuar t’iu vjedhë me dhunë sendet personale, 3 shtetaseve italiane. Gjithashtu, nga hetimet dyshohet se ky shtetas, më datë 27.04.2025, në lagjen nr. 13, ka thyer xhamin e një automjeti dhe ka marrë disa sende personale, dhe më datë 28.04.2025, ka thyer xhamin e një automjeti dhe ka marrë disa sende personale. Gjatë kontrollit në banesën e shtetasit Dorjan Abazi, u gjetën dhe u sekuestruan një sasi municioni luftarak dhe disa sende të dyshuara të vjedhura”, – njofton Policia e Durrësit.

Gjithashtu, në lidhje me hetimet e kryera, është proceduar në gjendje të lirë për veprën penale “Moskallëzimi i krimit” dhe shtetasi E. D., 36 vjeç, banues në Durrës.

Policia thotë se në bashkëpunim me Prokurorinë vijon puna për zbardhjen dhe dokumentimin ligjor të vjedhjeve të tjera që dyshohet se janë kryer nga Dorjan Abazi.

Materialet procedurale i janë referuar Prokurorisë së Durrës, për veprime të mëtejshme.

The post Tentoi të grabiste me dhunë tre italiane, arrestohet i riu në Durrës (EMRI) appeared first on Albeu.com.

Në përfundim, Gjykata vendosi lënien në fuqi të masave, me ndryshim të vetëm njërës prej tyre, masën e sigurisë të Ajola Xoxës, e cila nga arrest shtëpie kaloi në detyrim paraqitje dhe pengimin e së drejtës për të dalë jashtë shtetit, duke i marrë edhe pasaportën.

DETAJET

Dje në mesditë në media u shpërnda një tekst i cili është ky i mëposhtmi, ku pretendohet se Erion Veliaj i qe drejtuar në mënyrë të drejtpërdrejtë prokurorit Olsi Dado, i cili së bashku me prokurorin tjetër, Altin Dumani, drejtues i SPAK-ut, janë personat që kanë hetuar Erion Veliajn, pasurinë e tij, bashkëshorten, lidhjet që shkojnë me tentakula të pafundme me biznese, OJF, etj.

“Ti je në konflikt interesi, e ke personale me mua. Më je paraqitur dy herë për leje ndërtimi, ke marrë leje ndërtimi nga ana ime. Pasi ke mbetur i pakënaqur më ke thënë “do ta mbash mend”. Ke dy rrugë, ose rë largohesh nga kjo çështje, ose të rreshtohesh me ndërtuesit e tjerë këtu”, i është drejtuar Veliaj-prokurorit Olsi Dado.

Sipas procesverbalit të siguruar të seancës së djeshme, pas akuzës së hedhur nga Erion Veliaj, prokurori Olsi Dado i është përgjigjur flakë për flakë.

“Po, është e vërtetë që në Bashkinë e Tiranës një ndërtues, zhvillues ka marrë leje për të ndërtuar, zhvilluar një pronë të nënës sime të viteve 1920 në kryeqytet dhe për këtë unë ty të kam falënderuar”.

Kjo është fjala që i ka thënë Olsi Dado. Ai ka pranuar që i ka çuar një SMS falenderuese Erion Veliajt.

Pra, nuk ka qenë në një konflikt interesi, duke i kërkuar kate shtesë apo gënjeshtrën e Erionit se kishte pasur pakënaqësi.

Përkundrazi, ka qenë krejt e kundërta. Erion Veliaj i është përgjigjur se ishin në kushte të pabarabarta.

Prokurori Olsi Dado, ka kërkuar të lexojë SMS duke thënë: “Ti ndoshta nuk e ke, por unë e kam këtu telefonin dhe SMS falënderuese që të kam çuar ty për atë leje që ti ke dhënë”.

Më pas në seancë ka pllakosur heshtja dhe Erion Veliaj, i cili gjatë gjithë kohës kërcente nga belaja, ka mbyllur gojën dhe nuk ka pasur më tej asnjë reagim. Më dinjitoz ka qenë qëndrimi i Ajola Xoxës, e cila në fakt edhe gjatë seancave që është marrë në pyetje në SPAK, ndryshe nga Erion Veliaj, i cili është një mashtrues, një gënjeshtar i sëmurë, Ajola Xoxa, ka qenë shumë herë më dinjitoze, duke pranuar në heshtje faktet dhe provat e siguruara nga prokurorët e SPAK-ut, Olsi Dado dhe Altin Dumani./Oranews

The post Çfarë ndodhi dje? Zbardhen detajet në seancën për Veliajn dhe përballja me Olsi Dadon appeared first on Albeu.com.

Ndërkohë, dy muaj më parë, Gjykata Kushtetuese doli me njoftim duke pranuar kërkesën e liderit të opozitës për të përshpejtuar procesin ndaj ankimimit.

“Në datën 26.11.2024 Mbledhja e Gjyqtarëve, pasi mori në shqyrtim kërkesën për “Përshpejtimin e gjykimit”, të paraqitur nga kërkuesi Sali Berisha në datën 25.11.2024, ka vendosur: – pranimin e kërkesës për përshpejtimin e gjykimit, si dhe reduktimin e afateve të palëve për paraqitjen e parashtrimeve dhe qëndrimeve të tyre, si dhe caktimin e seancë plenare mbi bazë të dokumenteve në datën 27.12.2024, ora 10:00″, thuhej në njoftimin e Gjykatës Kushtetuese të datës 26 nëntor 2024.

Ndërsa në seancën e 21 nëntorit të vitit të kaluar, Gjykata Kushtetuese shpalli vendimin lidhur me ankimimin e depozituar nga Berisha përsa i takon dy masave të para të SPAK, “detyrim paraqitje” dhe ndalim të daljes jashtë vendit, për të cilat Prokuroria e Posaçme anashkaloi autorizimin nga Kuvendi.

GJKKO me shumicë votash, vlerësoi se legjitimohet i drejtë rruga që SPAK ka ndërmarrë duke shkuar t’i kërkojë GJKKO-së masë sigurimi “detyrim me paraqitje” përBerishën pa qenë nevoja të kërkonte autorizimin nga Kuvendi.

The post Ankimimi për “arrestin e shtëpisë”, Gjykata Kushtetuese zhvillon sot seancën për Berishën appeared first on Albeu.com.

Në një konferencë për mediat, Berisha tha se qëndrimet janë antikushtetuese.

Mes të tjerash, ai tha se jo një por dy batalione të vërë Rama te pallati i tij, asgjë nuk i bën përshtypje.

Fjala e Berishës:

“Është kërkesa e Edi Ramës. Mos ngatërroni gjërat. Ky është një proces i mirëfilltë politik. Është kërkesa e Ramës. Në qëndrimet e tij antikushtetuese, antiligjore ndaj opozitës, e diktuar nga tmerri dhe frika se opozita e drejtuar nga Berisha do ta kthente atë si kalbësirë. S’ka ccudi, ky është ansambël i kontrolluar nga Rama, i cili mendon se do të zgjasë në këtë mënyrë pushtetin e tij, por do të ndodhë e kundërta. Ju garantoj se PD nuk do ta ndalojë asgjë në mosbindjen e saj civile dhe vendosmërish për të përmbysur këtë regjim që ka zëvendësuar ligjet me kodin e mafies. Gjithçka shihni ju zhvillohet një betejë mes ligjit dhe antiligjit. Çdo gjë zhvillohet si një film. Unë nuk kam pasur ndonjë dyshim në botëkuptimin amoralitetin, e Edi Ramës në një farë mënyre po i demonstroj çdo shqiptari se çfarë fytyre ka ai. Ai nuk e gjetur në befasi opozitën. Ajo është e sigurt në fitoren e saj. Berisha nuk është rikthyer kurrë për një interes më të vogël personal dhe për të bërë për Shqipërinë një opozitë të vërtetë. Sikur dhe dy batalione të vërë të pallati, s’kam asnjë impresion (qesh). Edvin je i pashpresë. Çfarë do lloj akti të marrësh, s’do të më pengosh që të largojë dy nga pushteti”, u shpreh Berisha.

The post SPAK kërkoi ‘arrest shtëpie’ me mbikëqyrje policore, Berisha: Jo një, por dy batalione të vërë s’do të… appeared first on Albeu.com.

Ai u ndalua teksa po tentonte të largohej nga Shqipëria.

Ndaj tij, Gjykata e Apelit e Genovas në Itali, e kishte dënuar me 7 vjet për për veprën penale “Organizimi i emigracionit të paligjshëm dhe i kishin mbetur për të vuajtur dhe 4 vite të tjera burg.

Ndërkohë, sot i njohuri si i forti i Durrësit, u prangos në banesën e tij në Sukth me urdhër të SPAK.

Mësohet se Kep Arapi, dyshohet se ka qenë i përfshirë në një tentativë vrasje së bashku me Dedan Gjonin, ish-shefin e komisariatit nr.6 në Tiranë.

Dy vjet më parë, më 30 korrik të 2021, Rexhep Rapi u arrestua me armë në lokal.

The post Arrestimi, e shkuara e Kep Arapit, Italia kërkonte ekstradimin appeared first on Albeu.com.