Në pranga është vënë shtetasi me iniciale K.P., 22-vjeç, i cili ka publikuar një video në rrjetet sociale ku duket se drejtonte makinën me shpejtësi tej normave të lejuara dhe me manovra që mund të bëhej burim aksidenti.

Sipas policisë ka nisur procedimi penal për këtë shtetas dhe gjithashtu ai është ndëshkuar me masën administrativë 20.000 lekë, në bazë të nenit 139 “Shpejtësia”, të Kodit Rrugor.

“Kryente manovra të rrezikshme në rrugë, procedohet administrativisht nga Policia.

Në lidhje me një video të publikuar në rrjete sociale, ku shfaqej një drejtues mjeti që drejtonte mjetin mbi normat e lejuara të shpejtësisë, kryente manovra të rrezikshme duke u kthyer në burim aksidenti dhe rrezik për përdoruesit e tjerë të rrugës, në qendër të banuar, në qytetin e Ersekës, shërbimet e Komisariatit të Policisë Kolonjë bënë të mundur identifikimin e tij, shoqërimin në Komisariat dhe bllokimin e automjetit.

Në përfundim të veprimeve, shërbimet e Sektorit të Policisë Rrugore pranë DVP Korçë e kanë ndëshkuar drejtuesin e mjetit, shtetasin K. P., 22 vjeç, me masën administrativë 20.000 lekë, në bazë të nenit 139 “Shpejtësia”, të Kodit Rrugor.

Drejtoria Vendore e Policisë Korçë fton të gjithë qytetarët që të denoncojnë çdo rast të paligjshmërisë në Komisariatin Dixhital apo në numrin pa pagesë 112, duke u siguruar reagim të shpejtë dhe të paanshëm, kundrejt atyre që shkelin ligjin dhe cenojnë jetën e qytetarëve”, thuhet në njoftimin e policisë. /albeu.com/

The post E mori në qafë Instagrami! Si e pësoi keq i riu nga Kolonja pas videos së frikshme në rrjetet sociale (VIDEO) appeared first on Albeu.com.