Meçi ka pretenduar se nuk ka dashur ta vrasë, por gjithçka ka ndodhur aksidentalisht.

Sot Gjykata e Apelit miratoi masën arrest në burg për Denis Meçin

Gjykata vendosi detyrim paraqitje dhe për Voltan Shkulakun, Leonidha Guçen dhe Arsjan Manellarin.

The post Dhunoi për vdekje Elgi Progën, Gjykata e Apelit Tiranë jep vendimin për autorin Denis Meçin appeared first on Albeu.com.

Sipas SPAK, Goro në cilësinë e kryetarit të bashkisë Himarë pa bërë asnjë verifikim konkret sipas detyrimeve ligjore, kanë përcjellë pranë organeve kompetente dokumente tërësisht të falsifikuara duke bërë të mundur më pas regjistrimin e një sipërfaqe prej 5512 m2 tokë bujqësore në pronësi shtet, në favor të subjektit privat.

Po ashtu, sipas SPAK Goro ka realizuar me veprime konkrete zhvendosjen faktike në terren të një sipërfaqe tokë bujqësore prej 5080 m2, duke ia mbivendosur atë një pasurie tjetër në pronësi të shtetit.

The post U arrestua për shpërdorim detyre, Apeli lë në fuqi masën, “arrest me burg” për Jorgo Goron appeared first on Albeu.com.

“Më datë 21.04.2024, prokuroria kërkoi masën e sigurimit “arrest në burg” ndaj 2 shtetasve Loren Dobi (administrator) dhe organizatori shtetasi Sandi Koçibelli (Specialist Taksash në Drejtorinë e Borxhit, në Administratën Tatimore) të lidhur ngushtë me subjektin fiktiv “AL-Dor””, thuhet në njoftimin zyrtar të Prokurorisë.

Pas vendimit të Gjykatës së Rrethit Gjyqësor Tiranë dhoma penale, të dy personat janë shpallur në kërkim.

Hetimet

Nga analizimi dhe studimi i të dhënave të shoqërive objekt hetimi, rezulton se ato kanë funksionuar si furnizues, të cilët kanë lëshuar fatura fiktive duke mos kryer asnjë blerje dhe duke mos ushtruar në asnjë moment aktivitet ligjor.

Faturat fiktive janë injektuar në mënyrë direkte në shoqëri tregtare që operojnë në fusha të ndryshme, në vlerën totale prej 320,608,000 lekë, duke i shkaktuar shtetit një dëm finaciar në TVSH dhe TF (Tatim Fitimi), afërsisht 1 milion euro.

Akuzat

Këta shtetas në bashkëpunim me njëri-tjetrin, të lidhur ngushtë me subjektin Al-Dor, kanë konsumuar elementë të vepres penale “Skemë Mashtrimi në lidhje me Tatimin mbi Vlerën e Shtuar dhe “Bashkëpunimit”, parashikuar nga nenet 144/a dhe 25 e Kodit Penal.

Gjithashtu dyshohet se në këtë skemë kriminale mashtrimi janë të përfshirë edhe persona dhe subjekte të tjera, si dhe funksionar të administratës shtetrore, për të cilat vazhdojnë hetimet dhe veprimet proçedurale për të dokumentuar të gjithë veprimtarin kriminale.

The post Shkaktuan 1 mln euro dëm përmes mashtrimit me fatura fiktive, Prokuroria Tiranë kërkon “arrest me burg” për dy persona appeared first on Albeu.com.

Ngjarja e rëndë ndodhi më 11 Mars, në qendër të Fierit.

Prokuroria e Fierit kërkon ‘Arrest në burg’ për shtetasit F.M dhe K.M për ‘Vrasje me paramendim’ e kryer në bashkëpunim dhe ‘Prodhimi, blerja apo shitja e armëve të ftohta’

Prokuroria pranë Gjykatës së Shkallës së Parë të Juridiksionit të Përgjithshëm Fier, në bashkëpunim me policinë gjyqësore, bënë të mundur dokumentimin e plotë ligjor të ngjarjes së ndodhur më datë 11.03.2024, në qendër të qytetit të Fierit, përballë Bar restorant “Piazza”, ku rreth orës 11.30, shtetasit F.M dhe K.M në bashkëpunim me njëri-tjetrin, kanë goditur me një mjet të mprehtë (thikë) shtetasin G.B, ku si pasojë e plagëve humbi jetën.

Në lidhje me këtë ngjarje, Prokuroria pranë Gjykatës së Shkallës së Parë të Juridiksionit të Përgjithshëm Fier regjistroi në datën 11.03.2024 çështjen penale nr. 382, për veprat penale “Vrasje me paramendim”, e kryer në bashkëpunim dhe “Prodhimi mbajtja blerja apo shitja pa leje e armëve te ftohta”, parashikuar nga nenet 78/1- 25 dhe 279/2 të K.Penal, në ngarkim të shtetasve F.M dhe K.M.

Po ashtu, Prokuroria pranë Gjykatës së Shkallës së Parë Juridiksionit të Përgjithshëm Fier ka kërkuar në gjykatë caktimin e masave të sigurimit me karakter shtrëngues “Arrest në burg”, parashikuar nga neni 238 i Kodit Procedurës Penale, ndaj shtetasve F.M dhe K.M.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë për një hetim të plotë dhe gjithanshëm të kësaj ngjarjeje, me qëllim hetimin e thelluar të motivit, shkaqeve apo përfshirjen e personave të tjerë në këtë ngjarje të rëndë.

The post Vrasja e 19-vjeçarit në Fier, prokuroria kërkon “arrest me burg” për dy autorët e dyshuar appeared first on Albeu.com.

Ngjarja horror ndodhi në 10 shkurt në Shënavlash. Pas krimit, dyshohet se tre fëmijët e varrosën në kasollen e bagëtive të atin, ndërsa më pas e shpallën të zhdukur.

Prokuroria kërkoi masën “arrest me burg” për të tre, gjë që u pranua dhe nga Gjykata e Durrësit.

Gruaja e viktimës, Blerina Meta, nuk ishte në sallën e gjyqit, madje as një familjar tjetër. Konkretisht, Hysen Meta akuzohet për vrasje në rrethana familjare, Hygerta Meta për fshehje dhe asgjësim të kufomës, ndërsa Amarildo për asgjësim të kufomës në bashkëpunim.

Nga dosja hetimore e familjes Meta, kanë dalë detaje të reja në lidhje me motivin e ngjarjes, me tre fëmijw të arrestuar dhe me nënën nën hetim. Versioni që vrasja ka ndodhur për shkak të një fejese të padëshiruar nga vajza, Hygerta Meta është rrëzuar prej familjes ku mendohej se do të fejohej vajza 19-vjeçare. Të pyetur nga policia ata kanë pohuar se pavarësisht dëshirës së tyre për të lidhur krushqi me familjen Meta, i ati vajzës Pëllumb Meta ua kishte bërë të qartë se krushqia nuk mund të bëhej pasi vajza do të vazhdonte shkollën dhe nuk kishte plane për ta fejuar. Nga hetimet e policisë, deri më tani rezulton se djali i madh, Hysen Meta ka qëlluar me 4 plumba babain e tij, duke i shkaktuar atij vdekjen, ndërsa vëllai dhe motra ndihmuan në mbledhjen me plastmas të trupit dhe më pas groposjen e tij.

Në dosje thuhet se “Në interes të hetimeve u janë marrë deklarime dhe shtetasve O Q. , R. Q. E. Q. ku shtetasja E. Q ka deklaruar se ka pasur dëshirë që të lidhte krushqi me familjen e viktimës por që ky i fundit nuk ka pranuar pasi vajza do të vazhdonte shkollën dhe nuk ka pasur plane për ta fejuar”. Nga ana tjetër Blerina Meta, nëna e tre fëmijëve të arrestuar, vendndodhja e të cilës mbahet sekret për shkak të sigurisë, ndodhet nën hetim në gjendje të lirë e dyshuar se kreu veprime që pengojnë zbulimin e së vërtetës.

Blerina Meta vazhdon ta mohojë që ishte në dijeni të ngjarjes, pavarësisht se në një nga dëshmitë e shumta që vajza ka dhënë mbi ngjarjen, dhe që prokuroria e ka pjesë të dosjes, thuhet se e ëma, kur ka ardhur në banesë ka ngelur e tronditur nga ajo që kishin bërë fëmijët. “Kur mami u thye në shtëpi u trondit nga ajo që kishim bërë. Të dyja qëndruam në shtëpi dhe pastruam vendin dhe divanin nga gjaku, aty ku vëllai qëlloi babi. Ne e ngjitëm divanin në kat të dyte, ndërsa dy vëllezërit u morën me groposjen e trupit”./albeu.com

The post Krimi makabër në familje, burg për tre fëmijët e Pëllumb Metës appeared first on Albeu.com.

Gjyqtarja Shpëtime Pitaku e vlerësoi këtë periudhë të mjaftueshme për prokurorinë për të dokumentuar akuzën e ngritur ndaj tij për vjedhje automjeti.

Arrestimi

Armando Sulejmani i njohur si Çipuri dhe pjesë e grupit të Gazmend Brakës, është vënë në pranga në Durrës 3 ditë më parë. Në momentin e arrestimit, Çipuri ishte brenda një makine të vjedhur tip “Mercedes Benz”, me targa të mbivendosura, të cilat ishin gjithashtu të grabitura. Sipas databazës së Policisë, targat i përkasin një makine tip “Range Rover”, e cila ishte vjedhur në Tiranë, në nëntor të vitit të kaluar.

Por, për çfarë akuzohet Çipuri?

Arrestimi i Armando Sulejmanit, një prej anëtarëve të grupit të Gaxhait nuk ka qenë rastësi dhe as si pasojë e një kontrolli rutinë. Materialet për ndjekjen dhe lokalizimin e tij kanë nisur të studiohen që pas rrëfimit të Amarildo Nikollit, ‘Shkodranit’ që ka zbërthyer atentate të bujshme të ndodhura gjatë viteve 2020-2023.

Kështu, sapo e pikasën, efektivët e policisë i kërkuan “Çipurit” që të zbresë, në mënyrë që t’i vendosnin prangat, por kanë hasur kundërshti nga ana e tij. Përtej kundërshtive, ai u arrestua dhe tashmë ndodhet pas hekurave. Në kërkim është shpallur edhe një i ri, që akuzohet se ka bashkëpunuar me Çipurin për grabitjen e mjetit me të cilin lëvizte në momentin që u prangos, por nuk dihet ende identiteti i tij.

Sulejmani do të merret në pyetje për një ngjarje shumë të rëndë që ka ndodhur një vit më parë në Tiranë dhe dyshohet se është ai autori.

Armando Sulejmani ka një histori të gjatë në botën e krimit, pasi si pjesë e bandës së Gaxhait, të akuzuar për konfliktet e tyre me familjen Llanaj, ka qenë aktiv në krime të ndryshme. Llanajt dhe banda e Gaxhait kanë një sagë të gjatë hakmarrjeje mes tyre, deri në vitin 2015, kur ndodhi “Masakra e Çoles”.

Albi Limaj, Haki Rakipi dhe Ardi Velaj mbetën të vrarë pas një sherri në kazino. Për masakrën në fjalë, policia identifikoi si autorë tre persona: Aleksandër Llanaj, Ani Begaj dhe Bertil Aliaj. Aleksandër Llanaj, vëllai i Ferdinand Llanajt u dënua me burg të përjetshëm, ndërsa Begaj dhe Aliaj me nga 35 vite secili, por në mungesë, pasi Ani Begaj u vu në pranga shtatë vite më vonë, në 2022-shin.

Ferdinand Llanajt iu bë një atentat mafioz në vitin 2017 dhe i dyshuari kryesor ishte Armando Sulejmani.

“Çipurit” i është bërë një atentat në muajin maj të vitit 2016, në hyrje të banesës së tij në lagjen “Pavarësia” në Vlorë. Ai u qëllua me 11 plumba, por shpëtoi duke u plagosur vetëm me një plumb në krah. Në vitin 2019 ra sërish pre e një atentati teksa udhëtonte me kunatin dhe mikun e tij, Orest Rexho dhe Arian Hasani, të cilët mbetën të dy të vdekur. “Çipuri” shpëtoi sërish. Një muaj para se të sulmohej Sulejmani, i ishte bërë një atentat mafioz Mikel Mehmetit, të njohur si anëtar i bandës së Llanajve.

Motra e Armando Sulejmanit ka rënë gjithashtu pre e një sulmi me tritol. Motra e Armando Sulejmanit rezulton të jetë me mbiemrin Elmazi dhe është gjithashtu nëna e Daut Elmazit, i cili ndodhet në burg, për atentatin ndaj Inez Hajrullës. Armando Sulejmani ka qenë i dënuar për vrasje me 20 vite dhe është liruar në rrethana të paqarta. Në 2019-n pasi iu bë atentati ku humbi kunatin dhe shokun e tij, u vu në pranga, por sërish u lirua./albeu.com

The post Anëtar i bandës së Gaxhait, Gjykata e Durrësit lë në burg “Çipurin” appeared first on Albeu.com.

Sipas Prokurorisë, gjatë kohës që ish-zyrtari i policisë Dedan Gjoni, ka qenë më detyrë në Komisariatin e Shijakut, dyshohet se ka bashkëpunuar me Rexhep Arapin, për të nxjerrë në pritë me qëllim vrasjen e Xhevdet Plakut.

“Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Florjan Kalaja, sot më 25.01.2024, shpalli vendimin mbi çështjen penale nr. 06 akti, datë 19.01.2024 regjistrimi, regjistruar mbi ankimin e personave nën hetim R.R., A.R., dhe D.Gj., me objekt: “Ankim ndaj vendimit nr. 139, datë 22.12.2023 të Gjykatës së Posaçme të Shkallës së Parë për Korrupsionin dhe Krimin e Organizuar” që ka disponuar në lëndë të masave të sigurimit personal, dhe vendosi:

-Miratimin e vendimit nr. 139, datë 22.12.2023 të Gjykatës së Posaçme të Shkallës së Parë për Korrupsionin dhe Krimin e Organizuar.

-Kundër këtij vendimi mund të bëhet rekurs në Gjykatën e Lartë brenda 45 ditëve, duke nisur ky afat nga dita e nesërme e njoftimit të vendimit të arsyetuar.

Kujtojmë se Dedan Gjoni u arrestua me urdhër të Prokurorisë së Posaçme (SPAK), pasi ishte pjesë e një grupi kriminal, bashkë me ish Drejtorin e Policisë së Tiranës, Erzen Breçani”.

The post Apeli lë në fuqi masën e “arrestit në burg” për Dedan Gjonin, Rexhep Rapi dhe Algert Rapi appeared first on Albeu.com.

Ky i fundit u arrestua dy ditë më parë me akuzën e shit-blerjes së votave.

Dosja e tij do t’i kalojë SPAK-ut.

Gjykata ishte blinduar nga forca të shumta policie, kryesisht civilë. Ndërkaq, në  ambientet e jashtë të Gjykatës e pranishme ishte edhe ambasadorja greke në Tiranë, Konstantina Kamitsi.

Beleri kërkoi një masë të butë sigurie për shkak të gjendjes shëndetësore, pasi sipas tij vuan nga diabeti.

Beleri akuzohet për shit-blerjet votash, për zgjedhjet lokale që do të mbahen nesër.

Ai u arrestua pak pas mesnate të premten, para lokalit të tij bashkë me një person tjetër. Forca të shumta policie morën pjesë në prangosjen e tij, që u bë me urdhër të SPAK. Vetë Beleri dhe të tjerët, kanë mohuar që të jenë përfshirë në shkelje të tilla, si blerja e votave./Albeu.com.

The post Akuzohet për shitje dhe blerje të votave, lihet në burg Fredi Beleri appeared first on Albeu.com.

Nga hetimet u arrit të evidentohej një skemë e mirëfilltë e transferimit të shumave monetare me prejardhje të dyshuar kriminale nëpërmjet sistemit bankar nga Italia me destinacion Shqipërinë.

Nëpërmjet shoqërisë fiktive TIRANA-BULLION Sh.p.k me objekt tregtimin dhe eksportimin e floririt, bëheshin blerje fiktive të floririt dhe më pas shitje fiktive me fatura tatimore ku qëllimi i vetëm ishte që nëpërmjet këtyre faturave të justifikoheshin transfertat e vlerave të larta monetare me origjinë të dyshuar kriminale dhe që kapin shifrën e miliona eurove nga Bankat Italiane në ato shqiptare.

Këto transferta në dukje të justifikuara me anë të një faturimi të rregullt, pra duke i paraqitur si pagesa të blerjeve të floririt të përdorur, arrinin t’i shpëtonin kontrollit të agjencive mbikqyrëse në fushën e pastrimit të parave dhe sapo këto shuma mbërrinin në Shqipëri tërhiqeshin kesh dhe zhdukeshin.

Njoftimi:

Prokuroria pranë Gjykatës së Shkallës së Parë Tiranë kërkoi vendosjen e masëssë sigurisë“Arrest në burg” për dy shtetasit shqiptarë K.K., dhe K.K. si dhe dy shtetas italianë P.C. dhe N.T. të akuzuar për veprat penale “Fshehja e të ardhurave”parashikuar nga neni 180 i Kodit Penal dhe “Pastrimit të produkteve të veprës penale ose të veprimtarisë kriminale” parashikuar nga neni 287/2 i K.Penal.

Prokuroria Tiranë, ka regjistruar procedimin penal nr. 840, të vitit 2020, në lidhje me Subjektin TIRANA-BULLION Sh.p.k me administratore shtetasen K. K.

Gjatë hetimeve, nga ana e Prokurorisë u arrit të evidentohej një skemë e mirëfilltë e transferimit të shumave monetare me prejardhje të dyshuar kriminale nëpërmjet sistemit bankar nga Italia me destinacion Shqipërinë.

Nëpërmjet shoqërisë fiktive TIRANA-BULLION Sh.p.k me objekt tregtimin dhe eksportimin e floririt, bëheshin blerje fiktive të floririt dhe më pas shitje fiktive me fatura tatimore ku qëllimi i vetëm ishte që nëpërmjet këtyre faturave të justifikoheshin transfertat e vlerave të larta monetare me origjinë të dyshuar kriminale dhe që kapin shifrën e miliona eurove nga Bankat Italiane në ato Shqiptare.

Këto transferta në dukje të justifikuara me anë të një faturimi të rregullt, pra duke i paraqitur si pagesa të blerjeve të floririt të përdorur, arrinin t’i shpëtonin kontrollit të agjencive mbikqyrëse në fushën e pastrimit të parave dhe sapo këto shuma mbërrinin në Shqipëri tërhiqeshin kesh dhe zhdukeshin./albeu.com

The post Pastrim parash përmes tregtisë së floririt, Prokuroria e Tiranës kërkon “arrest në burg” për dy shqiptarë dhe dy italianë appeared first on Albeu.com.

Në seancën ku është njohur me masën e sigurisë, Hoxha ka zgjedhur të qëndrojë i heshtur duke shtuar se do të flasë në një moment të dytë.

Stiven Toshkesi u vra më thikë në orët e para të mëngjesit të 18 prillit pas sherrit për një vajzë. Ditën e djeshme u la në qeli edhe shoku i Axel Hoxhës, Ensi Maze, i përfshirë në sherr.

Kujtojmë se Ensi Maze u arrestua ditën e ngjarjes së rëndë, ndërsa Axel Hoxha vetëdorëzua në polici një ditë më pas pasi ishte shpallur në kërkim./Albeu,com.

The post Vrau Stivenin, Gjykata vendos “arrest me burg” për Axel Hoxhën appeared first on Albeu.com.