arresime Archives - Albeu.com

“TEMPULLI”/ Arrestohen edhe dy persona të tjerë, kishin kthyer lokalin në biznes droge (EMRAT)

Tau Lanti — Tue, 17 Oct 2023 15:25:19 +0000

Policia e Lezhës thotë se vijon megaoperacioni ‘’Tempulli’’, në kuadër të të cilit, në Laç, janë evidentuar dhe goditur 2 raste të përshtatjes së lokaleve për përdorim dhe shitje të drogave, si dhe janë sekuestruar kokainë dhe kanabis.

Në qytetin e Laçit, Alfons Marku, 34 vjeç, kishte preshtuar lokalin e tij, për përdorim dhe shitje të lëndëve narkotike. Gjatë kontrollit, Policia gjeti dhe sekuestroi një sasi dozash kanabisi.

Ndërsa ditën e djeshme, në Gjormë, u arrestua shtetasi Fatjon Gjoka, 29 vjeç, i cili kishte përshtatur lokalin për përdorim dhe shitje të lëndëve narkotike. Gjatë kontrollit, Policia gjeti dhe sekuestroi një sasi dozash të lëndës narkotike kokainë.

“Prej fillimit të megaoperacionit “Tempulli” deri sot janë goditur 12 raste dhe janë arrestuar 12 shtetas që tentonin të shitnin drogë, në afërsi të shkollave dhe në lokale.

Drejtoria Vendore e Policisë Lezhë dhe komisariatet në varësi të saj, me stafet e reja drejtuese, menaxhuese dhe zbatuese, kanë intensifikuar punën, për zbardhjen e ngjarjeve kriminale të ndodhura më parë, parandalimin, evidentimin dhe goditjen e çdo paligjshmërie, respektimin dhe mbrojtjen e të drejtave dhe lirive themelore të qytetarëve, mbrojtjen e pronës, si dhe ndjekjen në dinamikë, me përparësi, të shqetësimeve dhe të adresimeve të qytetarëve.

Njëkohësisht, strukturat policore, në bashkëpunim me oficerët e sigurisë në shkolla, stafet pedagogjike, psikologët dhe punonjësit socialë, janë të angazhuar maksimalisht për të zbatuar me rigorozitet masat e sigurisë të përcaktuara në Paketën e re për Sigurinë në shkolla”, thuhet ne njoftimin e policisë.

The post “TEMPULLI”/ Arrestohen edhe dy persona të tjerë, kishin kthyer lokalin në biznes droge (EMRAT) appeared first on Albeu.com.

Dhunë ndaj motrës dhe bashkëshortëve, 4 të arrestuar në Durrës

E B — Tue, 04 Jan 2022 10:54:43 +0000

Policia ka vënë në pranga 4 shtetas në Durrës për dhunë në familje.

Të arrestuar janë: A. D., 60 vjeç, banues në Durrës, pasi ka ushtruar dhunë fizike dhe psikologjike ndaj bashkëshortes së tij. A. M., 52 vjeç, banues në Durrës, pasi ka ushtruar dhunë fizike e psikologjike ndaj bashkëshortes së tij. A. Ll., 50 vjeç, banues në Durrës, pasi ka ushtruar dhunë fizike e psikologjike ndaj motrës së tij. B. F., 47 vjeç, banues në Durrës, pasi ka ushtruar dhunë fizike e psikologjike ndaj bashkëshortes së tij./albeu.com

The post Dhunë ndaj motrës dhe bashkëshortëve, 4 të arrestuar në Durrës appeared first on Albeu.com.

Shkatërrim prone dhe kundërshtim policie, arrestohen në Berat dy të kërkuarit

E B — Fri, 23 Jul 2021 07:07:19 +0000

Në vijim të punës për kapjen dhe ndalimin e shtetasve të shpallur në kërkim dhe vënien e tyre përpara përgjegjësisë ligjore, nga specialistët e Seksionit për Krimet në Komisariatin e Policisë Berat dhe Kuçovë u bë e mundur kapja dhe ndalimi i 2 shtetasve të shpallur në kërkim.

Shërbimet e Policisë Berat kapën shtetasin e shpallur në kërkim policor G. D., 56 vjeç, banues në Berat, pasi dyshohet për kryerjen e veprës penale “Shkatërrim prone”.

Shërbimet e Komisariatit të Policisë Kuçovë kapën dhe ndaluan shtetasin A. Gj., 38 vjeç, banues në Kuçovë, i shpallur në kërkim për veprën penale “Kundërshtim i punonjësit të policisë”.

Materialet i kaluan Prokurorisë së Rrethit Gjyqësor Berat, për veprime të mëtejshme./albeu.com

The post Shkatërrim prone dhe kundërshtim policie, arrestohen në Berat dy të kërkuarit appeared first on Albeu.com.