Sipas burimeve nga mediat italiane, bëhet me dije se një dron dyshohet se ka ndihmuar Edison Pulën të arratisej nga burgu i Trevisos në Itali.

Sipas mediave italiane arratisja u përgatit me bashkëpunëtorë të krimit të cilët e kanë ndihmuar  të largohet e më pas e kanë strehuar.

Nga hetimet paraprake hetuesit dyshojnë se 27 vjecari është ndihmuar nga një dron, i cili mendohet se ka futur në ambientet e burgut sharrën me të cilën ai preu hekurat e qelisë.

27-vjeçari në burgun e  Trevizos njihet si mjeshtër i arratisjeve dhe i vjedhjeve serial. Ai u largua së bashku me dy shqiptarë të tjerë, këta të fundit të arrestuar brenda pak orësh.

Edison Pula, 27 vjeç, nga Shqipëria, hartoi një planin për t’u arratisur dhe e kreu me sukses. Menjëherë nisi një koordinim mes Skuadrës Fluturuese dhe zyrës së hetimit të Policisë me drejtimin e burgut dhe policisë së burgjeve.

I riu është në kërkim nga policia e burgjeve dhe forca të tjera policore.

Në Shqipëri më 19 shtator 2016, 27 vjeçari tentoi të vriste një ish-agjent me tritol. Krimet e renda e hetuan në atë kohë.

Në Krujë, dy ditë mbasi ai u morr i pandehur dhjetorin e vitit 2016, Edison Pula u shpëtoi nga duart dy policëve Denis Çela dhe Naim Stafuka duke u arratisur. Policët që u arrestuan për shpërdorim detyre thane se sapo e zbritën nga makina për ta futur në komisariat, i dyshuari përfitoi nga dera e hapur dhe u largua./ ilgazzettino.it/

The post DETAJET/ Sharra që preu hekurat e qelisë në burgun e Treviso u dërgua me dron, çfarë zbuluan hetimet për arratisjen e Edison Pulës appeared first on Albeu.com.