Arratisja ka ndodhur pak minuta më parë, ndërsa rrethanat mbeten ende të paqarta.

Autoritetet kanë nisur menjëherë kërkimet për kapjen e tij.

Altin Ndoci, u arrestua në maj të vitit 2020 i akuzuar nga policia si pjesmarrës në vrasjen e vëllezërve Haxhia si dhe Dorjan Shkozës dhe Anxhelo Avdisë në Durrës.

The post Arratiset nga burgu i Durrësit Altin Ndoci appeared first on Albeu.com.

Sipas mediave italiane, alarmi u dha rreth orës 08:00, kur oficerët e policisë së burgut nuk e gjetën Tomën gjatë kontrolleve të mëngjesit.

Hetimet paraprake tregojnë se ai mund të ketë prerë hekurat e dritares, është ngjitur në oborr dhe më pas ka kaluar murin rrethues, duke u zhdukur pa lënë gjurmë.

Forcat e sigurisë po kontrollojnë zonën përreth burgut dhe territoret përreth Milanos, ndërsa po analizohen me imtësi edhe pamjet e kamerave për të rindërtuar çdo hap të arratisjes.

Kjo është herë e katërt që Toma i shpëton burgimit. Ai ka precedentë për grabitje, vjedhje dhe trafik droge, ndërsa dënimi i tij aktual skadon në vitin 2048.

Aktualisht, në zonën e Operas dhe më gjerë janë angazhuar njësi të shumta policore, patrulla në tokë, njësi speciale dhe kontrolle rrugore, ndërsa Toma konsiderohet shumë i rrezikshëm për shkak të aftësive të tij për t’u arratisur.

Hetuesit po punojnë për të zbuluar nëse Toma, ka pasur ndihmë nga jashtë apo e ka organizuar arratisjen në mënyrë të pavarur.

Ngjarja ka shkaktuar shqetësim të madh në Itali, duke ngritur pyetje mbi sigurinë në burgjet e sigurisë së lartë dhe masat e marra ndaj të dënuarve me rrezik të lartë arratisjeje.

The post Shqiptari “magjistar” arratiset për herë të katërt nga burgu i sigurisë së lartë në Itali (EMRI) appeared first on Albeu.com.

I burgosuri ka qenë i shtruar tek dhoma e mjekimeve në burgun e Lezhës.

Gjatë natës është aratisur, ndërsa dyshohet se është me probleme të shëndetit mendor.

Rrethanat e arratisjes mbeten ende të paqarta, ndërsa policia ka nisur kërkimet për kapjen e tij dhe ka hapur hetime për zbardhjen e rastit.

Autoritetet po verifikojnë edhe mundësinë e ndihmës së mundshme nga persona të tjerë.

The post I burgosuri arratiset gjatë natës nga burgu i Shënkollit (EMRI) appeared first on Albeu.com.

Bëhet fjalë për një arratisje të heshtur, pa spektakël, por dukshëm e studiuar me përpikëri. Xhevdet Plaku ishte një i burgosur model në Ankona dhe për pak muaj do të kishte përfunduar dënimin.

Kjo i kishte mundësuar që tre muaj më parë të përfitojë nga regjimi i parashikuar nga neni 21 i Kodit të Burgjeve. Që do të thotë: punoni jashtë, pa shoqërues.

Sipas mediave italiane, dje në mëngjes rreth orës 8:30, shqiptari ka dalë për të zbrazur koshat e plehrave në kazermë. Një rutinë e përditshme, që dukej krejt e zakonshme, por që u shndërrua në një arratisje, deri tani, perfekte.

Në orën 11:30, kur oficerët e burgut bënë kontrollin rutinë, Plaku nuk i është përgjigjur thirrjes. Atëherë, alarmi u aktivizua menjëherë dhe të gjitha forcat e rendit filluan ta kërkonin.

Policia italiane ka nisur aksionin për të rënë në gjurmët e tij duke kërkuar në fusha, pyej, shtëpi të braktisura dhe shtigje rreth burgut Barcaglione, por, deri më tani nuk ka asnjë gjurmë të tij.

Për hetuesit, gjithçka tregon për një arratisje të planifikuar. Plaku duket se ka pritur momentin e duhur dhe është është mësuar të jetë në arrati: ai di si të lëvizë, si të përzihet dhe kjo është shqetësuese.

Me siguri ka pasur dikë jashtë që ishte gati ta ndihmonte. Ndoshta një makinë të fshehur pranë burgut, ose një rrjet kontakti që është aktivizuar në momentin e duhur.

Xhevdet Plaku nuk është një kriminel i zakonshëm. Ai ka një emër në botën e krimit. Ka dy vrasje pas tij. E para ka ndodhur në vitin 2000, kur vrau Sali Rapi në Borghetto Santo Spirito, në provincën e Savonës: një ekzekutim gjakftohtë, një plumb në kokë për një bashkatdhetar, si pjesë e një grindjeje mes bandash.

Vrasja e dytë ka ndodhur tre vjet më vonë, në Durrës, ku ishte kthyer për të jetuar. Plaku ishte ekstraduar nga Italia në Shqipëri për shkak se dyshohej se ishte autori i vrasjes së Saimir Sinës më 11 qershor të vitit 2004, ngjarje për të cilën, fillimisht u dënua me 21 vjet e 6 muaj burg.

Vrasja ndodhi në lagjen Nr.15, në zonën e Spitallës, e gjitha pasi Sina duke e ditur se Plaku kishte të dashur shtetasen Nertila K., e duke përfituar dhe nga njohja personale me këtë vajzë, i kishte propozuar për ta çuar në mënyrë ilegale në Itali, me qëllim për ta bashkuar me të dashurin.

Vajza e kishte pranuar këtë propozim dhe, në muajin korrik të vitit 2001, Sina, së bashku me një person tjetër, e kanë çuar Nertilën në Itali, duke ndryshuar destinacionin për të cilin ranë dakord. Vajzën e dërguan në Romë, ku edhe e kishindetyruar forcërisht që të ushtronte prostitucion për llogari të tyre.

Megjithatë e reja ia ka dalë që të rikthehet në Shqipëri, në dhjetor të vitit 2001 dhe ka paraqitur kallëzim penal për ngjarjen e mësipërme. Për trafikimin e të resë, Gjykata e Durrësit dënoi me 1 vit e 6 muaj Saimir Sinën, ndërsa Plaku ku ka marrë vesh se çfarë ndodhi me të dashurën e tij vendosi që të merrte hak. Viktimën e kishte mbajtur në vëzhgim dhe vetëm 3 ditë pasi kishte dalë burgu e qëlloi për vdekje fare pranë banesës së tij në Spitallë të Durrësit. 22-vjeçari Saimir Sina, u qëllua me tre plumba nga të cilët gjeti vdekjen e menjëhershme, ndërsa dëshmitarë të vrasjes kanë qenë të gjithë familjarët e viktimës, madje dhe vajza e tij e mitur. Gati 10 vjet pas ngjarjes, pas proceseve të shumta gjyqësore, më 22 shkurt 2013 Plaku u lirua për mungesë provash.

Më pas, u largua jashtë vendit, atje ku ngriti “perandorinë” e tij të trafikut të drogës. Ai ishte drejtuesi i një grupi kriminal shqiptar me bazë në Itali që merrej me trafikimin e lëndëve narkotike, nga Holanda dhe Belgjika, bandë e cila thuhet se i ndante pakot e drogës në bazë të cilësisë. Cilësi e cila dallonte edhe emërtimet ku kokaina më e pastër ishte ‘Hermes’ dhe më pas ‘Lacoste’, ‘G4’, ‘Rolls royce’ dhe ‘Play Boy’ ër atë më të ulët. Në këtë aktivitet, sipas policisë Italiane, ai përdorte 25 identitete të ndryshme për të mos u kapir nga kontrollet dhe drejtonte organizatën përmes udhëtimeve të shumta që bënte në Amsterdam.

Kohët e fundit, ai ishte arrestuar për vepra që lidhen me trafikun e drogës dhe po vuante një dënim dyvjeçar, pothuajse në përfundim të tij.

Atentati i dështuar me porosi të “Kep Arapit”

Në dhjetor të vitit 2023, SPAK zbuloi një atentat të dështuar ndaj Xhevdet Plakut. Sipas SPAK, porositës i planit për vrasjen e Xhevdet Plakut ishte Rexhep Rapi, i njohur ndryshe edhe si i forti i Sukthit. Ky i fundit donte të hakmerrej për vrasjen e një të afërmi të tij, Sali Rapi, në vitin 2010 në Itali. Kjo vrasje u dyshua se u krye nga Xhevdet Plaku dhe një person tjetër, por Plaku u shpall i pafajshëm nga Gjykata e Savona-s më datë 04.04.2014.

Por, pavarësisht vendimit të kësaj gjykate, Rexhep Rapi ishte i vendosur të hakmerrej dhe kishte planifikuar edhe 3 herë atentat ndaj Plakut, një i dyshuar për trafik droge, që përdorte 25 identitete si kreu i një grupi të trafikut ndërkombëtar të drogës me qendër në Amsterdam.

Pasi i dështuan 3 herë atentatet, konkretisht dy herë në Durrës dhe një herë në Tiranë, Rexhep Rapi krijoi një grup që do ta ndihmonin për ta ‘hequr qafe’ përfundimisht Xhevdet Palkun. Por edhe plani i katërt për eliminimin dështoi pasi ish-polici Dejvi Gjermeni hoqi dorë nga vrasja në momentin e fundit.

Rexhep Arapi e ka dhënë urdhrin për ekzekutim nga Holanda. Në ndihmë i ka ardhur ish-shefi i krimeve Dedan Gjoni, i cili ka thirrur në komisariat objektivin Xhevdet Plaku më 17 shtator 2019. Në këtë moment Dedan Gjoni ka komunikuar me Dejvi Gjermenin, të cilit i ka treguar për orën kur do e lironte dhe i ka nisur një foto të tij. Informacionet ish-polici i Durrësit ia ka kaluar Algert Rapit, nipi i Rexhep Rapit dhe më pas janë organizuar për t’i zënë pritë objektivit.

Por, vrasja nuk ndodhi pasi ish-polici Gjermeni ka pasur frikë, se informacioni i dërguar përmes “Whatsapp”, mund të zbulohej më vonë. Kështu, ai i ka thënë Algert dhe Rexhep Rapit të largohen sepse Xhevdet Plaku nuk ishte më në rajon pasi ishte liruar. Kjo ka bërë që të dy të largohen nga aty dhe plani të dështojë.

The post Kreu i një grupi kriminal, arratiset nga burgu Xhevdet Plaku appeared first on Albeu.com.

Burime bëjnë me dije se pasi SPAK nxori urdhrin për ekzekutimin e dënimit me 2 vite e 8 muaj burg, ish-zyrtari i lartë nuk është gjetur në banesën e tij nga autoritetet.

Sipas informacioneve dhe verifikimeve të Prokurorisë së Posaçme në sistemin TIMS, Frrokaj ndodhet ende në territorin e Shqipërisë.

Vijojnë kërkimet për gjetjen e tij dhe zbatimin e vendimit të gjykatës.

Ish-zyrtari vendor u gjet fajtor për shpërdorim detyre, në lidhje me tjetërsimin e pronave në zonën e njohur si Rana e Hedhun.

Frrokaj u dënua nga shkalla e parë me 1 vit e 4 muaj burg, ndërsa Apeli e dënoi me 2 vite e 8 muaj heqje lirie.

Përveç Frrokajt, gjykata ndryshoi vendimin edhe për Bledar Carën, të cilin shkalla e parë e kishte liruar nga akuzat. Apeli e dënoi atë me 1 vit e 4 muaj heqje lirie.

Po ashtu, për Juxhina Memën u dha i njëjti vendim, por dënimi me burg u pezullua dhe u caktua shërbim prove për 5 vitet e ardhshme.

Një sipërfaqe toke prej 66 mijë metrash katrorë në zonën e Ranës së Hedhun, u konfiskua dhe kaloi për llogari të shtetit. Hetimet për përvetësimin e kësaj sipërfaqeje, me vlerë rreth 13 milionë euro, nisën në vitin 2019. Nga hetimi ka rezultuar se punonjës të administratës së ish-Komunës Shënkoll, mes të cilëve dhe Fran Frrokaj, i cili ishte kryetar i komunës në atë periudhë, kanë favorizuar regjistrimin e 82 pasurive të paluajtshme për disa persona.

Frrokaj është dënuar edhe nga Gjykata e Shkodrës, gjithashtu për tjetërsimin e pronave në zonën e Ranës së Hedhun në Shëngjin. Ai u lirua nga qelia pak kohë më parë, pasi përfitoi nga amnistia, por tashmë do të rikthehet në burg për të vuajtur dënimin e ri.

The post U dënua nga Apeli i GJKKO/ Arratiset ish-kryebashkiaku i Lezhës, Fran Frrokaj appeared first on Albeu.com.

Ai rezulton se ka për të vuajtur edhe 4 vite burg.

Sipas Drejtorisë së Burgjeve, 46-vjeçari Erjon (Sefer) Markol (Markola) , kishte përfituar për herë të tretë leje shpërblyese dhe këtë fillim jave duhet të ishte kthyer në IEVP Rrogozhinë, por ndryshe nga dy rastet e mëparshme ai këtë herë nuk është rikthyer më në IEVP.

Nga verifikimet e kryera, rezulton se pas mbarimit të afatit ligjor të lejes ai është larguar jashtë shtetit, ndërkohë që autoritetet e Drejtorisë së burgjeve dhe policia janë alarmuar për rastin në fjalë.

I dënuari duhej të rikthehej në burg në 2 dhjetor 2024. Vetëm pak orë pas shkeljes së lejes, autoritetet e IEVP Rrogozhinë kanë shkuar në banesën e të dënuarit dhe kanë kërkuar rikthimin e tij në qeli. Por familjarët u janë përgjigjur se ai nuk ndodhej në banesë.

Ai sipas tyre mund të ketë ikur jashtë shtetit, bëjnë me dije burime të besueshme. Kjo deklaratë e familjarëve të tij pas verifikimeve ka rezultuar e vërtetë.

IEVP Rrogozhinë, ka një kapacitet akomodues prej 343 personash dhe është burg i sigurisë së zakonshme me një seksion paraburgimi. Ky burg, është vënë në funksion për herë të parë në fillim të vitit 2002.

Aty janë akomoduar të dënuar për vepra të ndryshme penale dhe të paraburgosur kryesisht nga Fieri, Lushnja e Berati.

Njoftimi:

Institucioni i Ekzekutimit të Vendimeve Penale (IEVP) Rrogozhinë njofton se shtetasi Erjon (Sefer) Markol (Markola), i biri i Ali dhe Zahide, i datëlindjes 01.09.1978, banues në Tiranë, nuk është paraqitur në kohën e caktuar pas përfundimit të lejes shpërblyese.
Njoftimi:

Institucioni i Ekzekutimit të Vendimeve Penale (IEVP) Rrogozhinë njofton se shtetasi Erjon (Sefer) Markol (Markola), i biri i Ali dhe Zahide, i datëlindjes 01.09.1978, banues në Tiranë, nuk është paraqitur në kohën e caktuar pas përfundimit të lejes shpërblyese.

The post EMRI/ Ndodh edhe kjo, i dënuari në burgun e Rrogozhinës i bën “dhuratë” vetes për festa, pas lejes shpërblyese nuk rikthehet në qeli, arratiset jashtë Shqipërisë appeared first on Albeu.com.

Sipas mediave gjermane,, 21 vjeçari shqiptar u dërgua në paraburgim për të zbatuar masën për dëbimin e tij. Por në një moment të paqartë, i riu ka arritur të arratiset nga ndërtesa.

Sipas policisë, shqiptari kishte qenë bashkëpunues gjatë ndalimit nga autoritetet. Pavarësisht një operacioni të madh policor me qen gjurmues dhe helikopter, ende nuk është bërë i mundur gjetja e të arratisurit dhe arrestimi i tij sërish.

The post U kap për t’u deportuar drejt Shqipërisë, 19 vjeçari shqiptar arratiset nga paraburgimi në Gjermani appeared first on Albeu.com.

Thuhet se shkak nuk janë bërë votat e publikut, por bisedat rreptësisht të ndaluar nga ‘Vëllai i Madh’ që aktori i humorit ka bërë me banorët e tjerë. Ai përmendte shpesh emra studiosh muzikore gjë e cila duket se e ka penalizuar me përjashtimin e tij nga loja.

Po duket se pas gjithë zhurmës në rrjet, artisti ka vendosur të pushojë për disa ditë shumë larg vendlindjes. I shoqëruar ose jo këto do ta zbulojmë nga postimet e tij në rrjetet sociale.

View this post on Instagram

A post shared by Olsi Bylyku (@olsibylyku1)

The post Pas eliminimit nga ‘BBV’, Olsi Bylyku ‘arratiset’ me pushime në këtë vend appeared first on Albeu.com.

Bëhet me dije se i riu u arratis nga burgu mëngjesin e së mërkurës.

Sipas BBC, Daniel Abed Khalifa, 21 vjeç, ishte në pritje të gjyqit pasi u akuzua se kishte lënë bomba false në një bazë ushtarake.

Ai u arratis nga HMP Wandsworth në Londër dhe besohet se është ende në qytet. Prandaj, policia u ka kërkuar anëtarëve të publikut që t’i telefonojnë nëse e shohin atë, por tha se “besojnë se Khalifa përbën një kërcënim për publikun e gjerë”.

I riu u pa për herë të fundit i veshur me një bluzë të bardhë, pantallona të kuqe dhe të bardha me kuadrate dhe çizme ngjyrë kafe me majë çeliku, tha policia.

Khalifa akuzohet gjithashtu për “nxjerrjen” e informacionit personal rreth ushtarëve nga sistemi i Administratës së Përbashkët të Personelit të Departamentit të Mbrojtjes në vitin 2021.

The post “Ikni me vrap nëse e shihni dhe lajmëroni policinë”, arratiset nga burgu krimineli i rrezikshëm (EMRI-FOTO) appeared first on Albeu.com.

Arrestimi i Grigg u bë pasi në banesë i’u gjet një sasi shumë e vogël “ekstazi” dhe mbetje “cannabis sativa” si dhe një thikë.

Gjykata e Sarandës e liroi atë duke vendosur masën e sigurisë “garanci pasurore” në shumën 8 mijë euro dhe “detyrim paraqitje”.

Megjithatë Grigg duket se nuk e ka respektuar këtë masë, duke detyruar Gjyqtaren Suela Xhani që në 14 Qershor, me kërkesë të Prokurorisë, të ndryshojë masën duke caktuar tashmë “Arrest në burg”.

Prokuroria ndërkohë ka lëshuar urdhër ekzekutimin e kësaj mase, duke bërë qe policia e Sarandës ta shpallë në kërkim Grigg.

Sipas Prokurorisë, nga verifikimet në sistemin TIMS, rezulton se në 18 mars Grigg është larguar nga Shqipëria përmes Rinasit duke mos u kthyer më.

Edhe pse avokati i saj tha se ajo ka qenë korrekte me zbatimin e masës por siç ka vënë ne dijeni Gjykatën në një seancë, ka pasur nënën të sëmurë në gjendje të rëndë, kjo nuk e ka bindur Prokurorinë e Gjykatën për të mos ndryshuar masën e sigurisë.

Zbulohet e vërteta e arrestimit të amerikanes Kelly Grigg

Edhe pse arrestimi i amerikanes Kelly Grigg në 2022, u tha se erdhi pasi një kontrolli banese që zbuloi drogë dhe armë të ftohtë, motivet e mësymjes se policise në banesë ishin krejt të tjera.

Sipas dosjes hetimore “Fillimisht më datë 24.11.2021 Prokuroria pranë Gjykatës së Rrethit Gjyqësor Sarandë ka regjistruar procedimin penal nr.772 të vitit 2021 për veprat penale “mashtrimi” kur ka sjellë pasoja të rënda dhe “prodhimi dhe shitja e narkotikëve” kryer në formën e shitjes, ku objekt i hetimit të këtij procedimi penal ka qënë veprimtaria e kryer në territorin e Republikës së Shqipërisë nga ana e shtetasit Robert Preston, 60 vjec.

Në mënyrë më konkrete, veprimtaria e shtetasit amerikan Robert Preston lidhet me përdorimin nga ana e tij të dokumentave të prodhuara në rrugë elektronike, ndër të tjerë edhe të dokumentave të emërtuara “Service Agreement” dhe “Promissory Note” të hartuara në gjuhë angleze, të cilat mbajnë nënshkrimin elektronik të shtetasit amerikan Robert Preston, dokumenta këto të cilat i ka përdorur në rrugë komunikimi elektronik apo dhe të komunikimit nëpërmjet rrjeteve sociale.

Në kuadër të veprimeve hetimore të kryera, nga informacionet e siguruara edhe me aplikimin e metodave speciale të hetimit, është arritur të mësohet se shtetasi amerikan Robert Preston e konsideron shtetasen amerikane Kelly Grigg si njëri shumë të afërt dhe të besueshëm të tij, shtetase kjo që dyshohet se është në dijeni edhe të faktit që shtetasi amerikan Robert Preston kish arritur të mashtronte persona të ndryshëm me qëllim përfitimin e shumave të ndryshme parash.

Shtetësja amerikane Kelly Grigg përgjatë viteve 2021 – 2022 ka banuar në një apartament të gjenduar në Rruga “Lefter Talo” apartament në të cilin, sipas informacioneve të siguruara, janë formësuar dyshime se mund të gjendeshin dokumenta (kontrata) me përmbajtje të falsifikuara dhe me logot të istitucioneve të SHBA-së, si dhe një armë zjarri tip pistoletë, sende këto që dyshohet se shtetases amerikane, i janë dhënë nga shtetasi Robert Preston me qëllim për t’ju shmangur një kontrolli të mundshëm dhe të befasishëm që mund t’i bëhej nga agjencitë ligjzbatuese, pasi dyshohet se kishte marrë dijeni nga shtetësja amerikane Denyce Serkin që e kish kallëzuar në Prokurorinë e Gjykatës së Shkallës së Parë Sarandë.

Nga informacionet e siguruara ka rezultuar gjithashtu se dokumentat për të cilat është dyshuar se mund të gjendeshin në apartamentin e shtetases amerikane, janë përdorur nga shtetasi amerikan Robert Preston me qëllim mashtrimin e personave të ndryshëm për arsye përfitimi material duke u prezantuar si punonjës i Departamentit Amerikan të Shtetit apo agjent sekret i shërbimeve të ndryshme të SHBA-së. Ndodhur në këto rrethana, në kuadër të hetimeve paraprake për këtë procedim penal, Prokurori ka vlerësuar të domosdoshëm edhe ushtrimin e kontrollit në apartamentin e shtetases amerikane.

Kështu më datë 23.02.2022 është ushtruar kontroll në apartamentin e shtetases amerikane Kelly Grigg, gjatë të cilit është bërë e mundur të gjenden dhe të sekuestrohen me cilësinë e provës materiale 7 kokrra të cilat të dyshuara si “ekstazi”, 1 kuti brenda së cilës kishte mbetje “canabis sattiva” dhe 1 thikë metalike.

Gjithashtu gjatë kontrollit të banesës shtetases amerikane, ndër të tjera janë gjetur dhe sekuestruar me cilësinë e provës materiale edhe 1 dokument me mbishkrimin “Coast Guard of the United States” me numër “197986 në emër të shtetasit Robert Preston, 1 dokument me mbishkrimin “Central Intellegence Agency” (CIA) me numër “197986” në emër të shtetasit Robert Preston, dokumenta këto që u dërguan pranë Institutit të Policisë Shkencore Tiranë për t’ju nënshtruar ekzaminimit teknik grafik, ku referuar aktit të ekspertimit teknik dokumentash nr8899 datë 14.07.2022 rezulton se “dokumentat ID në emër të shtetasit Robert Preston, objekte ekspertimi, janë tërësisht të falsifikuar. /SarandaWeb

The post Arratiset “agjentja” e CIA-s nga Shqipëria, çfarë iu gjet brenda shtëpisë? appeared first on Albeu.com.