Nëse ke skuqur ndonjëherë pulë, apo çfarëdo ushqimi tjetër, e di për çfarë po flasim. Kuzhina, salloni, dhoma e gjumit apo edhe rrobat mbajnë erë edhe një ditë me vonë sikur të jenë futur në vaj.

Për të shpëtuar nga ky problem fillimisht ajroseni mjedisin para se të filloni gatimin. Hapini të gjitha dritaret. Nëse është shumë ftohtë ose nxehtë për këtë, ndizni kondicionerin dhe respiratorin mbi sobë. Izoloni zonën ku po gatuani. Mbyllni dyert e dhomave që era mos të shkojë në pjesë të tjera të shtëpisë. Vendosni gjalpë, kanellë dhe sheqer në një tavë pjekjeje dhe piqni në 200 gradë për një orë. Kjo do i japë të gjithë shtëpisë aromën e biskotave të shijshme të sapopjekura.

Zieni uthull dhe ujë. Përzini 1 filxhan ujë me një lugë gjelle uthull dhe vendosini të ziejnë në një tenxhere të vogël. Lëreni të avullojë. Mund të shtosh gjithashtu lëkurë portokalli ose shkopinj kanelle për një aromë më të ëmbël natyrale. Lër vazo të hapura me sodë buke ose kokrra kafeje mbi banakun e kuzhinës për të thithur erërat e tepërta. Ndizni një qiri aromatik, ose disa.

Përgjithësisht ushqimet e skuqura nuk ndikojnë aspak mirë në organizmin tonë. Patatet e skuqura nga ana tjetër mund të kenë një ndikim negativ në shëndetin mendor. Një ekip hulumtues në Hangzhou, Kinë, zbuloi se konsumimi i shpeshtë i ushqimeve të skuqura, veçanërisht patateve të skuqura, lidhej me një rrezik 12% më të lartë të ankthit dhe 7% rrezik më të lartë të depresionit.

Sipas një artikulli të botuar në revistën PNAS specifikohet se: Ushqimet e skuqura janë faktorë rreziku të njohur për obezitetin, presionin e lartë të gjakut dhe efekte të tjera shëndetësore. Këto rezultate hapin një rrugë në rëndësinë e reduktimit të konsumit të ushqimit të skuqur për shëndetin mendor.

The post Keni gatuar ushqime të skuqura dhe shtëpia juaj kundërmon nga era e keqe, si të shpëtoni nga ky problem appeared first on Albeu.com.

Mos lini asnjë vakt.

Edhe pse dieta mund të mos ju duket e lidhur me freskinë e gojës, në fakt nëse ju lini një vakt pa konsumuar, stomaku fillon të punojë duke qënë bosh. Kjo shkakton çlirimin e lëngjëve gastrike të cilat mund të provokojnë aromën e rënduar të frymës.

Higjiena orale.

Edhe pse mund të duket paksa banale, ky rregull duhet të ndiqet me rigorozitet. Larja e gojës mbas çdo vakti është e rëndësishme si për të shmangur aromën e pakëndshme, por edhe për tu kujdesur për shëndetin e dhëmbëve. Nëse ‘goditeni’ papritur, provoni të përdorni një sprucues frekues me efekt antibaktrerial.

Tharja e gojës.

Kur goja nuk është e hidratuar sa duhet, fryma mund të bëhet e rëndë dhe e pakëndshme. Përpiquni të pini sa më shumë ujë gjatë ditës për ta evituar atë.

Majdanoz.

Nëse gjendeni papritur në një situatë të tillë, provoni të përtypni disa gjethe të vogla majdanozi. Do t’ju kalojë për pak minuta.

Mente

Do t’ju ndihmojë të ruani një frymëmarrje të freskët gjatë gjithë ditës.

Sherebelë.

Edhe gjethet e sherebelës mund të përdoren për të njëjtin qëllim.

Vitamina C.

Ushqimi është më i rëndësishmi. Përpiquni të konsumoni ushqime të pasura me vitamin C për të patur gjithmonë një frymë të freskët dhe pa aromë të pakëndshme.

The post Si t’ja bëni për të mos patur kurrë një aromë të pakëndshme goje appeared first on Albeu.com.