Arne Slot ka bërë të qartë se nuk do të marrë drejtimin e Kombëtares së Holandës, pasi në këtë fazë synon ta vijojë karrierën në futbollin e klubeve.

Vendimin e tij, ish-trajneri i Liverpoolit e komunikoi nëpërmjet një deklarate të botuar nga Voetbal International. Ai sqaroi gjithashtu raportimet sipas të cilave ishte larguar nga procesi pas negociatave të zgjatura me Federatën Holandeze të Futbollit.

Slot deklaroi se gjatë javëve të fundit, dhe sidomos ditëve të fundit, kishin qarkulluar versione të ndryshme rreth postit të trajnerit të Kombëtares së Holandës. Sipas këtyre raportimeve, ai ishte tërhequr pas bisedimeve të gjata, ku pretendohej se ishin diskutuar edhe paga dhe kohëzgjatja e kontratës.

Ai i hodhi poshtë këto pretendime, duke theksuar se palët nuk kishin mbërritur asnjëherë në atë fazë të negociatave.

Në shpjegimin e tij, Slot tha se në këtë moment të karrierës dëshiron të jetë çdo ditë në fushën stërvitore përkrah lojtarëve të vet, diçka që nuk mund të realizohet në të njëjtën formë kur drejton një kombëtare.

Ish-trajneri i Liverpoolit shprehu respekt të madh për Kombëtaren dhe KNVB-në, ndërsa vlerësoi profesionalizmin me të cilin u zhvilluan bisedimet gjatë asaj jave. Megjithatë, ai beson se futbolli i klubeve vazhdon të ketë shumë për t’i ofruar.

Slot nënvizoi se do të ishte një nder i jashtëzakonshëm që në të ardhmen ta përfaqësonte vendin e tij si trajner i kombëtares, por shtoi se ky nuk ishte çasti i përshtatshëm për të.

Më herët, ai kishte refuzuar edhe një propozim për të marrë drejtimin e një klubi në Ligën Profesionale të Arabisë Saudite, duke sinjalizuar se dëshiron ta vazhdojë rrugëtimin e tij profesional në Evropë.

Për momentin, ish-trajneri i Liverpoolit nuk lidhet me ndonjë detyrë tjetër. Gjithsesi, objektivi i tij duket i qartë: të mbetet në futbollin e klubeve dhe të presë ofertën e duhur për t’u rikthyer në pankinë.

The post Arne Slot refuzon stolin e Holandës dhe zgjedh futbollin e klubeve appeared first on Albeu.com.

Arne Slot, ish-tekniku i Liverpoolit, është përfshirë mes kandidatëve që po shqyrtohen për postin e trajnerit të Al Ahli, sipas gazetarit Ben Jacobs.

Klubi saudit po e vlerëson 47-vjeçarin si një prej alternativave për të pasuar Matthias Jaissle, i cili raportohet se është pranë marrjes së drejtimit të Newcastle United.

Largimi i Jaissle nuk është zyrtarizuar ende nga Al Ahli, por drejtuesit kanë filluar të analizojnë opsionet e mundshme në rast se trajneri gjerman vendos të largohet.

Pavarësisht interesimit, raporti bën të ditur se Slot synon ta vijojë rrugëtimin profesional në Evropë dhe nuk e konsideron Arabinë Saudite si zgjedhjen e tij të ardhshme.

Bashkëpunimi mes Liverpoolit dhe trajnerit holandez përfundoi në mbyllje të sezonit 2025/26, pas dy vitesh të kaluara në “Anfield”.

Emri i Slot është lidhur së fundmi edhe me stolin e Kombëtares së Holandës, por bisedimet thuhet se u bllokuan për shkak të mospajtimeve lidhur me kohëzgjatjen e kontratës.

Ndërkohë, Al Ahli e përfundoi sezonin 2025/26 në pozitën e tretë të elitës së futbollit saudit.

The post Arne Slot kërkohet nga gjiganti saudit menjëherë pas largimit nga Liverpooli appeared first on Albeu.com.

Sipas raportimeve nga mediumi holandez De Telegraaf, klubi i Liverpoolit ka shprehur gatishmërinë për të lehtësuar financiarisht kalimin e Arne Slotit në stolin e Kombëtares së Holandës, duke mbuluar një diferencë të konsiderueshme të rrogës së tij.

Edhe pas ndarjes me trajnerin, marrëdhëniet mes palëve kanë mbetur jashtëzakonisht pozitive, dhe drejtuesit e klubit anglez duan të kontribuojnë që ai të marrë pa vështirësi frenat e përfaqësueses holandeze.

Slot firmosi një marrëveshje trevjeçare me “Reds” gjatë vitit 2024, me një shpërblim vjetor që fillimisht arrinte shifrën e tetë milionë eurove. Fitorja e titullit të Premier Ligës që në sezonin e parë solli një rritje page për dy vitet pasuese, duke e quar vlerën totale të kontratës afërsisht në 30 milionë euro.

Tradita në futbollin anglez dikton që trajnerët e shkarkuar vijojnë të marrin pagën deri në përfundimin e kontratës, përveç rasteve kur angazhohen në një detyrë tjetër. Në këto situata, zakonisht punëdhënësi i ri merr përsipër të mbulojë hendekun financiar të mbetur.

Megjithatë, Liverpooli po tregohet i gatshëm të devijojë nga kjo praktikë standarde. Sipas informacioneve, klubi i Merseyside do të paguajë diferencën midis shumës që Slot përfitonte në “Anfield” dhe asaj që Federata Mbretërore Holandeze e Futbollit (KNVB) mund t’i ofrojë, duke e bërë marrëveshjen shumë më të realizueshme.

Ky gjest burokratik dhe financiar buron nga respekti i thellë që lojtari dhe institucioni ruajnë për 46-vjeçarin. Pavarësisht shkëputjes, Slot vlerësohet për profesionalizmin e treguar gjatë qëndrimit në klub dhe për arritjen historike që solli titullin kampion në sezonin debutues.

The post Liverpooli gati të subvencionojë pagën e Slotit për ta sjellë në krye të Holandës appeared first on Albeu.com.

Slot insistoi se; “nuk ka nevojë për panik pas humbjes së radhës”, pasi vlerësoi përpjekjen e lojtarëve dhe tha që ndeshjet shpesh humben për detaje të vogla. Ndërsa ai mbetet optimist për vazhdimësinë. Tekniku holandez tha gjithashtu se “shpejt, Mohamed Salah dhe Aleksander Isak do të gjejnë shpejt njëri-tjetrin” dhe u shpreh i sigurt se; “me kohën do të krijohet kimia e duhur midis tyre, pavarësisht rezultateve të dobëta dhe presionit atual”.

Duket se kampionët po përjetojnë një krizë rezultatesh, pasi kanë tashmë 3 ndeshje radhazi që humbasin, duke llogaritur si kampionatin, ashtu edhe kompeticionin më madhor për klube në Europë, që është pikërisht Liga e Kampioneve, aty ku të martën u thyen nga Gallatasaraji në stadiumin “Ali Sami Yen” të Stambollit.

The post Dy humbje radhazi për Liverpulin/ Arne Slot: Nuk ka vend për panik, por… appeared first on Albeu.com.

Reds njoftuan para disa javësh marrëveshjen me Arne Slot për të lënë Feyenoordin dhe për t’u bërë pasues i Jurgen Klopp në Anfield.

Megjithatë, vetëm sot ka ardhur njoftimi zyrtar i kompletimit të dokumentacionit dhe fillimin e punës së Slot si trajner i ri i Liverpoolit.

“45-vjeçari bashkohet me Reds nga Feyenoord dhe merr frenat pas largimit të Jürgen Klopp”, thuhet fillimisht në deklaratën e klubit.

“Slot do të fillojë punën me skuadrën kur të fillojë sezoni para-sezonal në korrik, me një udhëtim me tre ndeshje në SHBA, pjesë e përgatitjeve për 2024-25”.

“Trajneri i lindur në Holandë vjen pas tre sezoneve shumë të suksesshme me Feyenoord, gjatë të cilave ai i udhëhoqi ata drejt titullit të ligës në 2023 dhe u emërua Trajneri i Vitit në Eredivisie në dy raste”, mbyllet njoftimi i Reds. /Telegrafi/

Arne Slot today officially begins his role as our new head coach 🙌🔴

— Liverpool FC (@LFC) June 1, 2024

The post Arne Slot merr zyrtarisht postin e trajnerit të Liverpoolit appeared first on Albeu.com.

Timonieri holandez do të marrë zyrtarisht në dorë “frenat” e “The Reds” më 1 qershor, ku më pas do të nisë të ndërtojë skuadrën e tij me të cilën do të luajë në sezonin e ri.

45-vjeçari u largua nga Feyenoord pas 3 vitesh dhe tashmë bën një hap të rëndësishëm në karrierën e tij.

Kalimi në Premier League do ta shndërrojë atë në një protagonist absolut me ekipin e Liverpool.

Slot ka thënë edhe fjalët e para si trajner i anglezve. Holandezi është mjaft i lumtur dhe krenar për atë që e pret në Premier League, por në të njëjtën kohë thekon se eksperienca te Feyenoord do t’i shërbejë shumë.

“Sigurisht që nuk është një vendim i lehtë të mbyllësh derën në një klub ku ke përjetuar kaq shumë momente të mrekullueshme dhe ke punuar me sukses me kaq shumë njerëz të mrekullueshëm.

I uroj Feyenoordit dhe të gjithë atyre që kujdesen për këtë klub të mrekullueshëm gjithë të mirat për të ardhmen”, përfundoi holandezi.

The post “Faleminderit Feyenoord”, Arne Slot flet si trajner i Liverpool: Një nga klubet më të mëdha në botë appeared first on Albeu.com.

Ish-trajneri i Feyenoord dop të drejtojë “The Reds” në Premier League për 3 vite.

Gjatë kësaj periudhe 45-vjeçari do të përfitojë 8 milionë euro në sezon dhe paga e tij mund të rritet nëse arrin të fitojë trofe në “Anfield”.

Mediat britanike zbulojnë se kjo pagë është shumë herë më e vogël se ajo që fitonte Klopp, ku paga e gjermanit ishte 17 milionë euro pa bonuse.

Ndërkohë nga krahu tjetër Slot do të fitojë më shume se sa te Feyenoord. Te skuadra holandezi paga e tij ishte 5 milionë euro bashkë me bonuse.

Zyrtarisht Slot do të ulet në stolin e “The Reds” më 1 qershor, ku më pas do të nisë të ndërtojë skuadrën e tij.

The post Fiton më shumë se te Feyenoord dhe më pak se Jurgen Klopp, në Angli zbulojnë pagën e Arne Slot appeared first on Albeu.com.

Të dielën pasdite, Anfield i dha një lamtumirë emocionale Jurgen Klopp, teksa mandati i suksesshëm i gjermanit u mbyll me një fitore 2-0 ndaj Wolverhampton Wanderers.

Pas disa javësh spekulimesh, më në fund u konfirmua të hënën në mbrëmje se holandezi Arne Slot do të bëhet trajneri i ri i Liverpoolit më 1 qershor.

Duke parë përpara afatit kalimtar të verës, Liverpool është menduar të bëjë një lëvizje për mesfushorin e Benficas, Orkun Kokcu.

Sipas gazetës turke Fotospor, Kokcu ka tërhequr interes nga Liverpooli pasi ka punuar më parë nën Slot te Feyenoordi.

Gjatë sezonit 2023/24, Kokcu shënoi shtatë gola dhe 11 asistime në 43 ndeshje në të gjitha garat për klubin portugez.

Sipas Football Oranje, Kokcu kishte një klauzolë lirimi prej 150 milionë eurosh të futur në kontratën e tij kur u transferua te Benfica në vitin 2023.

Kokcu, 23 vjeç, më parë është krahasuar me yllin e Real Madridit dhe Kroacisë, Modric, për shkak të lojës së tij.

Ndryshe, Liverpool iu nënshtrua një riparimi të mesfushës verën e kaluar pas largimit të Jordan Henderson, Fabinho, James Milner, Alex Oxlade Chamberlain dhe Naby Keita.

Klubi i Anfield më pas solli lojtarë si Alexis Mac Allister, Dominik Szoboszlai, Wataru Endo dhe Ryan Gravenberch.

Mac Allister ka bërë përshtypje që kur iu bashkua klubit, por përforcimet e tjera të mesfushës kanë luftuar për të treguar vlerat. /Telegrafi/

The post Liverpooli kërkon transferimin e ‘Modricit të ardhshëm’ si nënshkrimi i parë i Arne Slot appeared first on Albeu.com.

“Klubi i Futbollit Liverpool mund të njoftojë se Arne Slot ka rënë dakord për një marrëveshje për t’u bërë trajneri i ri i klubit, duke marrë zyrtarisht pozicionin më 1 qershor 2024, me kusht që të ketë leje pune”, thuhet në një deklaratë.

“45-vjeçari do t’i bashkohet Reds nga Feyenoord përpara sezonit 2024-25, pasi u arrit një marrëveshje me klubin Eredivisie për shërbimet e tij”.

Slot ka impresionuar në vendlindjen e tij, duke udhëhequr Feyenoord drejt titullit të Eredivisie sezonin e kaluar dhe duke fituar kupën vendase me ta këtë sezon. Ai gjithashtu i çoi ata në finalen e Ligës së Konferencës në 2022.

Emërimi i tij u konfirmua gjatë lamtumirës së Klopp të dielën, kur gjermani thirri emrin e Slot dhe u bëri thirrje tifozëve në Anfield që të qëndronin pas trajnerit të tyre të ri. /Telegrafi/

We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit 🙌

— Liverpool FC (@LFC) May 20, 2024

The post ZYRTARE / Arne Slot emërohet trajner i Liverpoolit appeared first on Albeu.com.

Liverpool po përgatitet për një ndeshje emocionuese finale të sezonit këtë të diel, pasi do të jetë ndeshja e fundit e Jurgen Klopp në krye të Reds.

Liverpool do të presë Wolves në “Anfield Road”, pas së cilës periudha e Klopp në krye të Reds do të përfundojë.

Megjithatë, Reds kanë tashmë një trajner të ri për sezonin e ardhshëm, me Arne Slot që merr frenat pas largimit të Klopp.

Ka qenë klubi holandez i pari që ka konfirmuar largimin e Slot nga Feyenoord, ndërsa Fabrizio Romano ka dhënë detaje të reja.

“Arne Slot zyrtarisht nënshkruan kontratën e tij si trajner i ri i Liverpoolit sot, ku të gjitha dokumentet janë nënshkruar”.

🚨🔴 Arne Slot formally signs his contract as new Liverpool head coach today, all documents are in place.

The official announcement will follow with #LFC desired timing.

Work permit still pending for some of his staff members and then it will be all sealed. pic.twitter.com/246v1kWIIG

— Fabrizio Romano (@FabrizioRomano) May 17, 2024

“Njoftimi zyrtar do të pasojë nga Liverpool. Leja e punës është ende në pritje për disa nga anëtarët e stafit të tij dhe më pas do të vuloset e gjitha”, ka shkruar Romano. /Telegrafi/

The Arne Slot era is coming to an end… 🔒

Let's enjoy the last moments. pic.twitter.com/iIvj8pJzUo

— Feyenoord Rotterdam (@Feyenoord) May 17, 2024

The post Feyenoordi konfirmon largimin e Arne Slot, afër nënshkrimit të kontratës me Liverpoolin appeared first on Albeu.com.