Takimi që mbylli xhiron e dytë të La Liga 2 mes Granadës dhe Mallorcës u shoqërua me një atmosferë të tensionuar dhe debate të ashpra, pasi goli i dytë i vendasve shkaktoi reagime të fuqishme.

Skuadra andaluziane e zhbllokoi sfidën në minutën e 18-të, duke shkuar në dhomat e zhveshjes me avantazhin minimal prej një goli.

Gjatë fraksionit të dytë, mysafirët nga Mallorca dominuan lojën dhe u treguan më këmbëngulës në kërkim të portës kundërshtare, duke krijuar disa shanse të pastra për të rivendosur baraspeshën.

Teksa pritej me nervozizëm goli i barazimit nga ana e miqve, skenari mori një kthesë krejt të papritur. Granada e dyfishoi epërsinë pas një rivënieje këndore, duke e quar rezultatin në 2-0.

Gjithsesi, drama shpërtheu pas ekzekutimit të goditjes nga këndi. Arbitri Saul Ais i dha sinjalin me bilbil për rifillim të lojës, por aksioni nuk u zhvillua normalisht. Futbollistët e Mallorcas ndaluan të hutuar dhe në këtë dyndje konfuzioni, Arnau Puigmal pa dashur dërgoi topin në rrjetën e vet.

Pavarësisht hutimit të dukshëm dhe revoltës së lojtarëve të Mallorcës, të cilët nuk arrinin të deshifronin se ç’drejtë po ndodhte në fushë, gjyqtari nuk e anuloi golin dhe rezultati mbeti i pandryshuar.

Si pasojë e kontestimeve të forta, Alex Sala dhe Manu Morlanes morën karton të verdhë për kundërshtim të vendimit, ndërsa një prej ndihmësve të stafit teknik të ekipit mysafir u ndëshkua me të kuqe.

The post Kontestime të forta në La Liga 2: Granada shënon gol teksa lojtarët e Mallorcës ndalojnë pas vërshëllimës së arbitrit appeared first on Albeu.com.