Elbasani vijon t’u japë hapësirë talenteve të akademisë, duke zyrtarizuar kalimin e Armir Boriçit në ekipin e parë të klubit verdheblu.

Futbollisti 17-vjeçar, i cili është formuar në akademinë e Elbasanit dhe aktivizohet gjithashtu me grupmoshat U-19 të Kombëtares shqiptare, ka nënshkruar një marrëveshje të vlefshme deri në vitin 2029.

Boriçi debutoi me skuadrën e parë gjatë sezonit të kaluar. Trajneri Ivan Gvozdenovic mund t’i besojë tashmë edhe një vend si titullar, pas rregullit të vendosur nga FSHF-ja për aktivizimin e një lojtari me pasaportë shqiptare, të lindur në vitin 2007.

The post Elbasani promovon talentin e akademisë, 17-vjeçari firmos deri në vitin 2029 appeared first on Albeu.com.