Megjithatë, ende asgjë nuk ishte konfirmuar nga vetë ata. E tashmë çdo gjë është bërë zyrtare. Luiz Ejlli dhe Olta Gixhari do të jenë pjesë e filmit “Në kuadër të dashurisë”. Ky film do të jetë një komedi romantike, ku nuk do të mungojnë të qeshurat, por as lotët. “Në kuadër të dashurisë” shfaq një histori dashurie në kohët moderne që ndërlidh jetët e dy njerëzve dhe të familjeve të tyre.

E nëse mendoni se keni pare çdo gjë nga Luizi dhe Olta kur ishin pjesë e shtëpisë së “Big Brother VIP”, na lini t’ju themi që gaboheni. Surprizat nuk do të kenë fund dhe fundja, e kush nuk do të ishte kuriozë që të shihte si çift ‘dy armiq të përbetuar’?!

Kjo marrëdhënie e çuditshme ‘dashuri-urrejtje’ vërtet që ka ngjallur mjaft kureshtje dhe interes tek publiku i gjerë gjatë kohës që ishin pjesë e shtëpisë më të famshme në Shqipëri. Kujtojmë këtu provën javore ku ndodhi dhe një puthje mes tyre dhe audienca ‘u çmend’. Kimia e tyre është e pamohueshme dhe të gjithë jemi gjithë sy e veshë për t’i pare ata si dy të dashuruar. E çuditshme por e vërtetë! Por deri në premierën e filmit, na lini t’ju japim një vështrim paraprak…

Një çift i martuar prej vitesh janë në buzë të ndarjes. E ndërsa gatisin letrat e divorcit, një ftesë i’u vjen nga mamaja e vajzës për një festë surprizë ditëlindjeje. Të gjendur para sikletit, çifti vendos të lënë Tiranën, e të nisen në Korçë, në këtë vizitë e cila bashkon familjet e të dyja palëve. Pikërisht kjo vizitë do t’i tregojë atyre të vërteta të hidhura për veten dhe njerëzit e afërt duke bërë të ri-mendojnë edhe njëherë gjithçka. Në role kryesore janë Luiz Ejlli dhe Olta Gixhari, dy ndër personazhet më të komentuar prej disa muajsh tanimë. Nga ‘rivalë’ në shtëpinë e “Big Brother VIP”, ata vijnë tashmë si burrë dhe grua në filmin që parashikohet të thyejë rekorde.

Olta Gixhari është një aktore e mirënjohur e skenës dhe kinematografisë shqiptare. Ajo ka lindur në Durrës më 8 korrik të vitit 1986. Ka luajtur në Teatrin Kombëtar ku disa nga shfaqjet e saj më të suksesshme kanë qenë: “Pamje nga ura” (2007), “Filumena Marturano” (2009), “Tri Motrat” (2016). Gjatë këtyre viteve ajo ka marrë mijëra duartrokitje të ngrohta nga publiku për interpretimet e saj të shkëlqyera. Por aktrimi nuk ka qenë dashuria e saj e parë pasi Olta në fëmijëri ka qenë pjesë e grupeve të kërcimit në Durrës, derisa e kuptoi që ishte e destinuar të aktronte. Edhe pse prindërit e saj nuk kanë qenë dakort kurrë që ajo të bëhej pjesë e botës artistike, Olta ndoqi zërin e mendjes dhe shpirtit të saj dhe nuk vazhdoi ekonomikun siç donte familja.

Ngjitja e parë serioze në skenën e Teatrit Kombëtar ka qenë kur ajo ishte ende në vitin e tretë të studimeve të larta. Në një nga provat e realizuara asaj kohe së bashku me profesor Timo Fllokon dhe regjisor Albert Mingën, Olta Gixhari arriti ta siguronte atë vend me talentin dhe punën e palodhur. Edhe pse dashuria e saj për teatrin ka qenë mjaft e madhe, aktorja kurrë nuk ka qëndruar e fokusuar plotësisht aty. Ajo është bërë pjesë edhe e botës kinematografike, ku mund të përmendim këtu disa filma të njohur si: “Pharmakon” (2012), “Amsterdam Express” (2014), “Love” (2021), “Bolero në vilën e pleqve” (2022).

E teksa u fokusuam në profesionin e saj, vlen të përmendim edhe faktin se ndër vite Olta Gixhari ka marrë pjesë në dalje të ndryshme televizive ku ka qenë prezantuese e reality shoë “Kafazi i Artë”, pjesë e spektaklit “Në 1 Javë” dhe së fundmi pjesë e edicionit të dytë të “Big Brother Vip Albania”. Aktorja arriti të qëndronte mbi 100 ditë e izoluar brenda shtëpisë më të famshme në Shqipëri, por me vendimin e saj e ndërpreu garën. Edhe pse nuk ishte fituese, Olta ka tërhequr vëmendjen e të gjithë shqipëtarëve me karakterin e saj të fortë dhe unik.

Luiz Ejlli ka lindur më 12 korrik 1985. Ai studioi në shkollën e mesme artistike “Prenk Jakova” në Shkodër për muzikë në intrumentin e fagotit. Në vitin 1995, ai fitoi çmimin më të mirë në “Festivalin e zërave të fëmijëve kombëtar” në Shkodër. Në vitin 1998, ai mori pjesë si solist në “Chorus repertoarit Gold”, në Shkodër.

Në edicionin e parë të shfaqes Ethet e të Premtes Mbrëma u spikat talenti i tij si këngëtar, i cili arriti në pesë më të mirët. Në edicionin e dytë të këtij spektakli, ai fitoi çmimin e parë. Në dhjetor 2004, Luiz Ejlli merr pjesë në Festivalin e 43-të në RTSH me këngën “Hëna dhe yjet dashurojnë”.

Një vit më vonë në 2005, Luizi merr pjesë në Festivalin e 44-të në RTSH me këngën “Zjarr e ftohtë” dhe fiton. Ai përfaqëson Shqipërinë në Eurovizion 2006, por nuk arriti për të kaluar fazën e gjysmë-finales. Luiz Ejlli ishte i pari artist mashkull në garë i cili përfaqësoi Shqipërinë për herë të parë me një këngë në gjuhën shqipe.

Në nëntor 2010, Juliana Pasha dhe Luiz Ejlli marrin pjesë në Kënga Magjike 2010 me këngën “Sa E Shite Zemren”, ku u shpërblyen me çmimin e Kritikës. Më datë 14 shkurt 2023, Luiz Ejlli publikon videoklipin “Me Ty”. Kënga është kompozuar nga Elgit Doda dhe Luizi ia ka dalë që brenda shtëpisë së “Big Brother VIP” të krijojë një këngë dedikuar Kiara Titos, si një dhuratë për ditën e të dashuruarve. Vargjet dedikuar Kiarës, duke se përshkruajnë ndjesinë që këngëtari ka për moderatoren, me të cilën u njoh dhe u lidh në shtëpinë e famshme. Pas suksesit në “BBV”, ai do të fitonte të tjera suksese, këtë here në rikthimin e tij në muzikë, duke publikuar këngë të reja që paten një impakt të jashtëzakonshëm tek publiku. E tashmë ai po sfidon veten dhe në një tjetër fushë, atë të aktrimit.

Dhe titulli i këtij filmi është frymëzuar nga shprehja e tij e famshme brenda shtëpisë; “në kuadër të lojës”. “Në kuadër të dashurisë” do të nisë xhirimet këtë muaj në qytetin e Korçës.

The post “Në kuadër të dashurisë”, flimi që bëri bashkë dy “armiqtë”, Luizin dhe Oltën appeared first on Albeu.com.

Përktheu: Alket Goce-AlbEu.com

Gjatë Luftës së Ftohtë, kërcënimi i brendshëm për aleancën transatlantike ishte ose infiltrimi nëpërmjet spiunëve nga Pakti i Varshavës ose ndonjë formë vjedhjeje. Fokusi qendror ishte kundërzbulimi, dhe armiku kryesor ishte spiunazhi sovjetik.

Sot, në vitin 2023, kërcënimi i brendshëm nuk janë vetëm spiunët dhe sabotazhi, por çdo lloj mospërputhje me misionin, e cila e minon misionin dhe aftësinë e tij për të përfunduar me sukses detyrat që ka. Mjerisht, kjo mund të nënkuptojë se problem janë elementët e disa shteteve anëtare, përfshirë qeveritë e tyre.

Dhe sigurisht që ky është një problem i lindur nga suksesi. Ndërsa aleanca po zgjerohet, anëtarësimi i Finlandës më 4 prill, duke u bërë shteti anëtar nr.31, ishte një moment i mrekullueshëm, që përfaqëson zgjedhjen e lirë të një demokracie përfaqësuese për të kërkuar sigurinë e ofruar nga një aleancë ushtarake.

Siç e bën të qartë edhe pretendenti për të qenë anëtari i 32-të, jo çdo aplikant është si Finlanda. Edhe Suedia është një demokraci që renditet në krye të thuajse çdo renditjeje globale, nga pasuria tek liria dhe kënaqësia personale.

Ajo është siç tha dikur Shekspiri për Anglinë, zilia e vendeve më pak të lumtura. Hyrja e saj në aleancë po bllokohet nga dy anëtarë të NATO-s – Turqia dhe Hungaria – të drejtuar nga sundimtarë jo liberalë, të cilët po e përdorin të drejtën e tyre të vetos për të ndëshkuar një aleat të mundshëm në të ardhmen për gabimet e së kaluarës.

Suedia nuk është më një shembull më i mirë i virtytit sesa çdo vend tjetër, dhe nuk ka dyshim se mund të jetë shumë irrituese në lidhje me disa nga pozicionet e saj mbi disa çështje. Megjithatë në këtë proces, duket se ka më shumë se sa një aluzion keqdashës.

Çështja e anëtarësimit të Suedisë në NATO, është një rast studimor i problemeve serioze të një aleance ushtarake e cila mbështetet tek konsensusi për funksionimin e saj. Është e pashmangshme që në një organizatë kaq të madh të ketë një larmi kulturore të madhe, perceptime apo pikëpamje politike të ndryshme.

Disa vende të NATO-s kanë parti relativisht të mëdha të ekstremit të majtë dhe të djathtë, që kërkojnë gjithçka, nga refuzimi i ekonomisë së tregut deri tek një kusht iluziv i homogjenitetit etnik, që vepron i pavarur nga çdo ndikim apo fluks i huaj.

Në shumicën e rasteve, si e majta po ashtu edhe e djathta ekstreme e kundërshtojnë NATO-n. Kur kanë kaluar mbi 30 vjet pas rënies së komunizmit, shumë qytetarë në shtetet dikur pjesë e bllokut lindor kanë një pikëpamje romantike se çfarë është socializmi totalitar dhe si ishte të jetoje në ato kushte.

Ato e kuptojnë se vlera të tilla, përfshirë një armiqësi absolute ndaj demokracisë liberale, janë ndër tiparet përcaktuese të Federatës Ruse. Dhe e admirojnë këtë gjë. Këto ndjenja anti-NATO zhvendosen më pas në institucionet ushtarake të atyre vendeve, qoftë edhe në një shkallë të vogël, pasi forcat e armatosura pasqyrojnë popullsinë nga e cila vijnë.

Për më tepër, këto përçarje shoqërore paraqesin një mundësi të artë për shtetet kundërshtare që të minojnë shtyllën më të rëndësishme të demokracive të NATO-s: besimin në tërësi dhe besimin e popullatës në udhëheqjen e tyre politike. Ne e dimë këtë sepse mund ta shohim shumë qartë.

Rrjetet mashtruese ruse në internet kanë mbështetur vitet e fundit grupimet e ekstremit të djathtë për të nxitur sa më shumë përçarje në shoqëritë e synuara, përmes provomimit të materialeve propagandistike të krijuara enkas për të nxitur ndjenjat anti-emigracion, anti-qeveritare dhe anti-NATO.

Rusët e dinë se kanë simpatizantë brenda Bashkimit Evropian por edhe në vendet anëtare të NATO-s. Agjentët e Kremlinit e paraqesin veten si një alternativë ndaj kolonializmit, kapitalizmit dhe ndikimit amerikan. Kjo narrativë mund të duket shumë e rreme, por është e paketuar si një shpjegim i besueshëm për ata që tashmë priren drejt një drejtimi autoritar.

Dallimi midis kësaj politike të fshehtë anti-NATO dhe asaj zyrtare, u shfaq shumë qartë kur nisi lufta në shkallë të gjerë e Rusisë në Ukrainë. Disa vende janë përballur me një mospërputhje midis mbështetjes popullore vendase, apo mungesës së saj, me dërgimin e armëve në Ukrainë dhe qëndrimin zyrtar të qeverisë së tyre.

Mbështetja publike për angazhimet e NATO-s mund të dobësohet, shpeshherë bazuar në një kontekst socio-historik më të gjerë. Një koment mbi mbështetjen për Rusinë në Sllovaki nga Instituti polak për Evropën Qendrore sugjeronte: “Një shpjegim intuitiv mund të jetë se ky është një brez, që nuk e ka më përvojën e komunizmit apo pushtimin e Çekosllovakisë nga trupat sovjetike.

Tek e fundit, ushtari i fundit i Ushtrisë së Kuqe u largua nga vendi në vitin 1991. Edhe ky është një brez që ka lindur në një vend të lirë dhe nuk e lidh Rusinë me rrezikun”. (Që atëherë ka pasur shenja po në sondazhe se janë rritur ndjenjat pro-ukrainase).

A janë rusët vërtetë të këqij apo thjesht të keqkuptuar? Fushatat ruse të dezinformimit e paraqesin Rusinë si mbrojtësen e vlerave të përjetshme evropiane, përfshirë vlerat familjare. Por ato sugjerojnë se Perëndimi e portretizon Moskën në mënyrë cinike si një diktaturë gjenocidale për të keqpërdorur pastërtinë e saj thelbësore.

Për votuesit e pakënaqur në Perëndim, ky mund të jetë një mesazh tërheqës, pasi i bën jehonë zemërimit që ata kanë me qeveritë e tyre dhe me SHBA-në, të cilat ata i fajësojnë për problemet e tyre.

Do të ishte shumë naive të hidhet poshtë apo të reduktohet kërcënimi i brendshëm i rëndësishëm brenda NATO-s që vjen nga ana e votuesve që janë larguar intelektualisht nga ekonomia e tregut të lirë si dhe normat e hapura liberale demokratike.

Ky segment i popullsisë, kërkon një alternativë për të sunduar ndaj të ashtuquajturave elita ekonomike, madje edhe kur qeveritë e tyre nuk e bëjnë këtë. Rusia synon që t’i joshë ata përmes luftës së informacionit por edhe dezinformimit.

Që Rusia është në vetvete shteti më i korruptuar, i drejtuar nga elitat hajdute dhe të paligjshme, kjo nuk ka rëndësi, sepse kjo e vërtetë maskohet nga iluzioni, konfuzioni dhe zhgënjimi. NATO duhet të mendojë për këtë dhe mirë madje.

Herën e fundit që analizova punën e vazhdueshme në NATO Science & Technology, vura re se as edhe një grup kërkimor bashkëpunues nga qindra nuk i adresoi kërcënimet e brendshme. Kjo çështje është e pakëndshme dhe e ndjeshme politikisht, por kjo nuk e zhbën faktin që NATO ka një problem nga kërcënimi i brendshëm, i cili kërkon vëmendjen e duhur.

Shënim:Jan Kallberg, asistent/profesor në Departamentin e Shkencave Matematikore në Akademinë Ushtarake të Shteteve të Bashkuara.

/albeu.com

The post Armiqtë brenda NATO-s appeared first on Albeu.com.

Pa e ditur se kjo do të ishte xhiroja e tij e fundit dhe nuk do të mund të kthehej më i gjallë në shtëpi.

Një jetë e shkurtër e një personazhi që kish mundur shpejt të vinte pasuri, madje të fitonte licenca të rëndësishme në botën minerare.

Ai u gjet i vrarë me një plumb të vetëm, pak minuta para se akrepat të shënonin mesin e natës.

Ndërsa makina me të cilën udhëtonte u gjet vetëm disa metra larg trupit të tij e anuar në një kënd të rrugës.

Në atë që fillimisht për policinë u duk si një aksident rrugor, por që me kalimin e minutave u kuptua se ishin përballë skenës së një krimi.

Por kush ishte 37-vjeçari Iljaz Çali, që u raportua i vdekur në vendngjarje?

Pse pavarësisht moshës së re ai ishte i rëndësishëm në biznesin fitimprurës të kromit? Dhe a u kthye borxhi që ish-ortakët e tij i kishin, në shkakun e eliminimit të tij?

Cila ishte nata e tij e fundit përpara se të binte pre e plumbave.

Sipas dinamikës së ndërtuar nga emisioni “Në shënjestër” mbrëmjen e tij të fundit në jetë, Iljaz Çali me banim në fshatin ‘Rinas i Ri’, ndodhej në Tiranë, ku thuhet, se fillimisht ai konsumoi një kafe me vëllain e tij.

Menjëherë pas këtij momenti, ai është ngjitur në makinën e tij, ku është drejtuar drejt Fakultetit të Historisë dhe Filologjisë, aty ku mësohet se ka ndaluar dhe ka bërë pazare për shtëpinë e tij në një nga marketet e zonës.

Fill pasi ka blerë ushqimet për familjen, ai është drejtuar për në fshatin ‘Rinas i Ri’ ku banonte, ku edhe u qëllua në pritë, me tre plumba, ku njëri rezultoi fatal për jetën e tij.

Sipas hetuesve ekzekutorët në momentin që konstatuan makinën e Calit filluan ta qëllonin nga pas.

Automjetet besohet se ecën paralelisht mbi 100 metra, derisa ekzekutorët e parakaluan automjetin e viktimës dhe qëlluan në drejtim të tij edhe nga xhami i parë. Vrasësit sipas dinamikës u larguan në drejtim të Rinasit.

Fillimisht policia e pati të vështirë, ta identifikonte viktimën sepse ai njihej edhe me emrin Julian.

Në vendin e ngjarjes, viktima u identifikua nga i vëllai, i cili ndër të tjera filloi t’u rrëfente hetuesve edhe detaje nga jeta e Iljasit.

Medi Çali, vëllai i viktimës: “Vëllai im Iljasi nuk ruhej, as nuk mbante armë”.

Por ndërsa deklaronte këto fjalë përpara grupit hetues, vëllai i Iljaz Çalit, Medi Çali nuk hezitoi të hidhte dyshime të forta te ortakët e vëllait të tij në biznesin e kromit.

Por përse Medi Çali vuri gishtin te ta?!

Cila ishin përplasjet që vëllai i tij kishte me Rrahim Dedjen dhe Ilir Çamin? Cili ishte borxhi marramendës që Rrahim Dedja i kishte Iljaz Çalit?

Medi Çali: “Të vetmin konflikt që Iljazi ka pasur, ka qenë ai me Rrahim Dedjan, të cilit i kishte dhënë galerinë. Përplasjet mes tyre ishin për çështje borxhi. Ndërsa me Ilir Çamin kishin konflikte për kufijtë e galerive”.

Por sa ishte borxhi që Rrahim Dedja i kishte Iljaz Çalit dhe çfarë tha ai në hetuesi në lidhjen e vrasjes së atij që deri dje i kishte dhënë me qira për shfrytëzim galerinë e kromit?

Rrahim Dedja, pronar galerie kromi: “Para 3 vitesh Çali ma ka dhënë për shfrytëzim galerinë në Bulqizë. Pata probleme, por kromin s’e kam lëvizur që aty. Herë pas here unë i kam dhënë Iljazit lekë, sa herë kur ai më kërkonte para. Para një muaji ia ktheva galerinë. Është e vërtetë që i kam ngelur borxh. Do t’ia shlyeja”.

Por ndërsa vëllai i Iljaz Çalit mohon që ky i fundit të ruhej, është e pashpjegueshme përse viktima lëvizte me një makinë të marrë me qira, ashtu sikurse natën e ngjarjes, kur ai ishte në drejtimin e një automjeti ‘Land Rover’ që më pas rezultoi të ishte në pronësi të Hekuran Xhixhës, nga Nikla e Fushë-Krujës.

Automjetin, Xhixha e kishte shitur në një pikë të dhënies së makinave me qira në Rinas.

Ndërkohë që ajo që e rrit edhe më shumë misterin mbi eliminimin e tij është se Iljaz Çali, pas problemeve që kishte me ortakun të cilit i kishte dhënë me qira galerinë e kromit dhe borxheve që ky i fundit i kishte, kish vendosur ta rimerrte galerinë dhe kjo kish ndodhur vetëm disa ditë përpara se ai të gjendej i vrarë.

Rrahim Dedja, pronar i galerisë së kromit: “Unë nuk kam gisht në këtë vrasje. Natën e ngjarjes unë kam qenë në shtëpi, aty ku mësova edhe për krimin e ndodhur”.

Por ndërsa Rrahim Dedja hoqi çdo mundësi implikimi të tij në vrasjen e Iljaz Çalit, të njëjtën gjë bëri edhe Ilir Çami që pranoi njëkohësisht se me viktimën kishin konflikte të ashpra kohët e fundit.

Vitin 2011 dy vëllezërit kanë pasur galeri kromi, por gjatë kësaj kohe kanë pasur problematika dhe janë detyruar që ta japin në përdorim minierën.

Ilir Çami, pronar galerie kromi

“Me Iljas Çalin kam pasur përplasje prej kohësh. Këto konflikte ishin thelluar për shkak të kufirit të galerive. Për këtë problem i jam drejtuar edhe policisë dhe kam kërkuar ndihmën e institucioneve. Nuk kam gisht në vrasjen e tij”./BW

The post U ekzekutua kur po kthehej në shtëpi, zbardhen dëshmitë e vëllait të Çalit dhe dy armiqve të tij, cili ishte motivi i vrasjes appeared first on Albeu.com.

Binjakët

Binjakët janë në krye të personave më socialë të horoskopit. Janë në gjendje të krijojnë miqësi me këdo, ndaj është e vështirë t’i shohësh të vetëm personat e kësaj shenje. Kjo gjë nuk do të ishte e mundur, nëse nuk do tëishin persona të edukuar. Binjakët arrijnë të krijojnë tema diskutimi, duke e bërë ambientin me të tjerët mëdinamik. Janë persona që mbajnë raporte të mira me të tjerët, edhe me ata që u kanë krijuar dëme.

Peshorja

Peshoret janë persona ekstremisht të edukuar, që i pëlqejnë marrëdhëniet sociale dhe u pëlqen tëndajnëmendimin e tyre me të tjerët. Edhe ata që nuk e vlerësojnë shumë si shenjë horoskopi, trajtohen po njësoj nga Peshorja, e cila mendon se çelësi kryesor i suksesit është mirësjellja ndaj kujtdo. Janë persona qëkanë njëmendje të hapur ndaj gjërave të reja dhe nuk mundohen t’i manipulojnë apo t’i bindin të tjerët tëbëjnë diçka, vetëm se ata e konsiderojnë si gjënë e duhur. Janë shembuj të vërtetë të edukatës.

Luani

Luanët sillen në mënyrë fantastike me të tjerët, edhe pse ndonjëherë mendojnë se dëshirat e tyre janë mëtërëndësishmet. Janë shenjë që kanë respekt për të tjerët, sepse e dinë se është e rëndësishme të ndërtosh marrëdhënie të mira për t’u rritur në jetë. Pavarësisht keqkuptimeve që mund të kenë me të tjerët, sërish mundohen t’i ndihmojnë ata në mënyrë të edukuar, sepse kështu kanë mësuar të veprojnë në jetë.

Virgjëresha

Personat e shenjës së Virgjëreshës tregojnë respekt për këdo, edhe për ata që i konsiderojnë armiq të tyre. Atyre u pëlqen t’i trajtojnë mirë të tjerët, dhe po kështu i trajtojnë edhe të tjerët, edhe ata që nuk i duan shumë. Kanëkarakter të veçantë dhe preferojnë të veprojnë me edukatë e mirësjellje, edhe në rastet qëndihen “tëpushtuar”nga inati dhe mërzitja. Të kesh persona të kësaj shenje pranë, është si të mësosh diçka të re çdo ditë.

The post Këto shenja horoskopi i trajtojnë me respekt edhe armiqtë e tyre appeared first on Albeu.com.