Përmes një postimi në rrjetet sociale, Adelina shprehet qartë: “Lejoni armëmbajtje për femrat e rrezikuara! Femra, mbroni veten dhe jetën! Mbronit me jetë vajzat, motrat, nënat e juaja! Merruni me komentet që bëjnë thirrje për vrasje në internet! Vini re që asnjë klerik fetar nuk ka dënuar vrasjen e femrave në Kosovë! Boll më”.

Ky reagim i saj është refleksion i një shqetësimi të thellë që prek të gjithë shoqërinë kosovare. Komenti i Ismailit vjen pas dy ngjarjeve tragjike që kanë prekur thellësisht komunitetin kosovar.

Brenda një afati të shkurtër kohor, dy gra u vranë në mënyrë mizore nga partnerët e tyre, një rast në Pejë e tjetri në Ferizaj, duke ngritur shqetësime serioze në lidhje me dhunën ndaj grave dhe mënyrën se si shoqëria përballet me këtë fenomen.

Për të nderuar kujtimin e viktimave dhe për të shprehur solidaritet me familjet e tyre, Presidentja e Kosovës, Vjosa Osmani, shpalli të mërkurën ditë zie kombëtare.

The post Adelina Ismaili: Lejoni armëmbajtje për femrat e rrezikuara, vini re se asnjë klerik fetar nuk ka dënuar vrasjen e grave në Kosovë appeared first on Albeu.com.

Burime zyrtare nga policia, bënë me dije se pas hekurave ra shtetasi Stefan Thanasko.

Njoftimi i policisë:
“Finalizohet operacioni policor i koduar “Strike 5”, për goditjen e një rasti të veprimtarisë kriminale të armëmbajtjes pa leje. Mbante në banesë, armë zjarri, armë gjahu dhe municion për to, arrestohet në flagrancë 59-vjeçari.

Sekuestrohen armët dhe municioni luftarak.

Si rezultat i administrimit të menjëhershëm të inteligjencës policore, të siguruar në vijim të megaoperacionit “Sundimi i ligjit”, se një shtetas mbante armë, në banesën e tij, në fshatin Nartë, shërbimet e Komisariatit të Policisë Vlorë organizuan dhe finalizuan operacionin policor të koduar “Strike 5”, në kuadër të të cilit u arrestua në flagrancë shtetasi S. Th., 59 vjeç.

Nga kontrollet në banesën e këtij shtetasi, shërbimet e Policisë gjetën dhe sekuestruan në cilësinë e provës materiale, 1 armë zjarri pistoletë, 1 armë gjahu dhe municion luftarak. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme”, njofton policia.

The post Vlorë/ Policia i gjen armë poshtë dyshekut, pranga për 59-vjeçarin(EMRI) appeared first on Albeu.com.

Ai është ndaluar në rrugën “Siri Kodra” në kryeqytet pas raportimit të qytetarëve se qarkullonte i armatosur.

Ndërkohë, aterialet i kaluan Prokurorisë së Rrethit Gjyqësor Tiranë, për veprime të mëtejshme procedurale.

“Falë bashkëpunimit me qytetarët, kapet dhe vihet në pranga një 34-vjeçar i cili qarkullonte me armë zjarri me vete. Sekuestrohen një armë zjarri pistoletë dhe municion luftarak.

Bazuar në informacionet e marra nga qytetarët dhe në vijim të kontrolleve të personave që qarkullojmë me armë zjarri, nga Forca e Posaçme “Shqiponja”, në rrugën “Siri Kodra” u bë e mundur kapja në flagrancë e shtetasit S. B., 34 vjeç.

Kapja e tij u bë pasi ky shtetas qarkullonte me armë zjarri dhe gjatë kontrollit fizik shërbimet e Policisë i gjetën dhe sekuestruan një armë zjarri pistoletë dhe municion luftarak.

Në përfundim të veprimeve, nga specialisët për Hetimin e Krimeve në Komisariatin e Policisë Nr. 3 u bë arrestimi në flagrancë i shtetasit S. B., për veprën penale “Mbajtja pa leje dhe prodhimi i armëve, armëve shpërthyese dhe i municionit” dhe materialet i kaluan Prokurorisë së Rrethit Gjyqësor Tiranë, për veprime të mëtejshme procedurale”, njofton policia./albeu.com/

The post Qarkullonte me armë zjarri me vete, pas raportimit të qytetarëve kapet 34-vjeçari në Tiranë appeared first on Albeu.com.