Mbërritja e forcave të rendit në zonë nuk i dha asnjë shans 37-vjeçarit, i cili u dorëzua pa bërë rezistencë, ndërsa tani duhet të japë llogari për akuzën “armëmbajtje pa leje”.

Policia bën me dije:

Shërbimet e Sektorit për Hetimin e Narkotikëve të DVP Tiranë, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e siguruara në rrugë operative se në një lokal në rrugën “Him Kolli”, ndodhej një shtetas i armatosur, kanë organizuar dhe finalizuar operacionin policor të koduar “Befasia”, për kapjen e tij.

Gjatë operacionit, shërbimet e Policisë kanë ndërhyrë në lokalin ku po qëndronte shtetasi A. L., të cilit gjatë kontrollit fizik i gjetën një armë zjarri pistoletë me municion luftarak.

Në vijim të veprimeve procedurale u arrestua në flagrancë shtetasi A. L., 37 vjeç, banues në Tiranë, për veprën penale “Mbajtja pa leje dhe prodhimi i armëve, armëve luftarake dhe i municionit”./albeu.com

The post “Alo policia, njëri me armë po pi kafe te lokali”! “Befasia” çon në pranga 37-vjeçarin appeared first on Albeu.com.

Pas informacioneve të marra se Barjam Qosja mbante armë zjarri me vete, policia gjeti në banesën e tij, në fshatin Lokalitet, një pistoletë.

Ndaj autorit, rëndon vepra penale “Mbajtja pa leje dhe prodhimi i armëve, armëve shpërthyese dhe municionit”.

Prokuroria e Elbasanit pritet të nisë hetimet ndaj tij./Albeu.com 

The post Armë zjarri pa leje në banesë, arrestohet 56-vjeçari në Belsh (EMRI) appeared first on Albeu.com.

Prokurorët dyshojnë se Hunter Biden, 53 vjeç, gënjeu për përdorimin e drogës në formularin federal kur e bleu një revole Colt Cobra në vitin 2018.

Ai e ka pranuar se asokohe ishte përdorues i madh i kokainës, por nuk e pranoi se e ka shkelur ligjin.

Ai u paraqit në gjykatën federale në Delavere në një seancë që zgjati 25 minuta.

Biden mund të dënohet me 25 vjet burgim, nëse shpallet i fajshëm për tri akuzat federale.

Ndaj tij u ngrit aktakuzë në fund të shtatorit, pasi përpjekjet për të arritur marrëveshje për pranimin e fajësisë dështuan në korrik.

Biden përballet me tri akuza, të cilat kanë të bëjnë me dyshimet se ai gënjeu në formularët kur e bleu revolën në kohën sa ishte përdorues i drogës.

Sipas ligjeve federale në SHBA, është krim të gënjesh në dokumente të tilla, apo të mbash armë zjarri derisa je përdorues i drogës.

Kjo nënkupton se Hunter përballet me gjykim penal në një kohë kur babai i tij po bën fushatë për t’u rizgjedhur në Shtëpinë e Bardhë në zgjedhjet presidenciale të 2024-ës.

Rivali i mundshëm republikan i Bidenit, Donald Trump, përballet me katër gjykime të ardhshme penale, në dy prej të cilave ai do të gjykohet për tentimet e tij për ta zhbërë disfatën ndaj Bidenit në zgjedhjet e 2020-ës.

Trump i ka mohuar akuzat vazhdimisht.

Djali i presidentit, i cili ka folur publikisht për përdorimin e drogës, nuk ka mbajtur kurrë pozitë në Shtëpinë e Bardhë apo në fushatën e babait të vet./rel

The post Djali i presidentit Biden deklarohet i pafajshëm për posedim të paligjshëm të armës appeared first on Albeu.com.

Avokati i zotit Hunter Biden argumentoi në dokumentet e dërguara në gjykatë të dielën vonë se një marrëveshje që e kursen atë nga ndjekja penale për një akuzë për shkelje të ligjit të armëmbajtjes është ende në fuqi edhe pse marrëveshja e pranimit të fajësisë për akuzat mbi shkeljet tatimore kryesisht u prish gjatë një paraqitjeje në gjykatë muajin e kaluar.

Avokati i tij argumenton se Departamenti i Drejtësisë vendosi të “tërhiqet” në mënyrë të njëanshme nga marrëveshja mbi taksat. Marrëveshja mbi akuzën për armëmbajtje përmban gjithashtu një klauzolë imuniteti ndaj ndjekjes penale federale për disa krime të tjera të mundshme.

Hunter Biden planifikon t’i përmbahet kushteve të kësaj marrëveshjeje, duke përfshirë mospërdorimin e drogës dhe alkoolit, thotë avokati Christopher Clark në dokumentet e dorëzuara në gjykatë. Ai thotë se prokurorët i ftuan ata të fillonin negociatat për pranimin e fajësisë në maj, “diktuan kryesisht” gjuhën e marrëveshjes dhe e nënshkruan atë, kështu që ata duhet gjithashtu të jenë të detyruar ta respektojnë atë.

Nuk është qartë nëse prokurorët pajtohen që pjesa mbi marrëveshjen për armëmbajtjen të mbetet në fuqi. Gjykatësja federake Maryellen Noreika i urdhëroi ata të përgjigjen deri të martën. Departamenti i Drejtësisë nuk iu përgjigj menjëherë një kërkese për koment.

Marrëveshja me dy pjesë mbi taksat dhe akuzat për armëmbajtje mendohej se kishte përfunduar në masë të madhe hetimin afatgjatë të mbikëqyrur nga prokurori i Delauerit, David Weiss. Por marrëveshja u rrëzua pasi një gjykatës ngriti pyetje në lidhje me kushtet e saj dhe u duk se ishte shkatërruar plotësisht kur prokurorët thanë se çështja ishte nisur drejt procesit të gjykimit, sipas dokumenteve të dorëzuara në gjykatë të premten.

Prokurorët zbuluan ngërçin ndërsa Prokurori i Përgjithshëm Merrick Garland emëroi gjykatësin Weiss në postin e prokurorit të posaçëm, një status që i jep kompetenca të gjera për të hetuar dhe raportuar gjetjet e tij.

Qeveria tha se negociatat për pranimin e fajësisë janë ndërprerë, kërkoi që të tërhiqeshin akuzat për shkelje tatimore kundër zotit Hunter Biden në Delauer dhe tregoi se ajo mund të ngrinte akuza ndaj tij në një gjykatë tjetër, në Uashingtoni ose në Kaliforni./voa

The post Çështja Hunter Biden, avokatët: Marrëveshja mbi akuzat për armëmbatje pa leje mbetet në fuqi appeared first on Albeu.com.

Gjatë kontrollit të policisë, atij ju gjet një mjet prerës (thikë) dhe një dorezë metalike në makinë.

Ndërkohë policia bën me dije se ai do të hetohet për “Prodhim, mbajtja, blerja apo shitja pa leje e armëve të ftohta”.

Njoftimi i Policisë:

“Në vijim të kontrolleve “blic”, për goditjen e paligjshmërive dhe kapjen e pesonave që qarkullojnë me sende të kundërligjshme, specialistët e Seksionit për Hetimin e Krimeve të Komisariatit të Policisë Gjirokastër arrestuan në flagrancë shtetasin A. G., 27 vjeç, banues në lagjen Granicë, Gjirokastër, për veprën penale “Prodhim, mbajtja, blerja apo shitja pa leje e armëve të ftohta”. 27-vjeçarit, nga kontrolli i ushtruar në automjetin që drejtonte, iu gjetën dhe iu sekuestruan në cilësinë e provës materiale, një përforcues grushti (dorezë metalike) dhe një mjet prerës (thikë)”, thuhet në njoftimin e policisë./albeu.com/

The post Qarkullonte me armë të ftohta me vete, prangoset 27-vjeçari në Gjirokastër appeared first on Albeu.com.

Kontrollet janë përqëndruar me tre pika: në rrugen Transballknike , në rrugën e Kaninës (Bishti i Kalldrëmit) si dhe në rrugën mbi spital./albeu.com/

The post FNSH “blindon” Vlorën (VIDEO) appeared first on Albeu.com.

Lajmin e bëri të ditur vetë policia përmes një njoftimi, ndërkohë që materialet I kanë kaluar Prokurorisë për veprime të mëtejshme.

Njoftimi i Policisë:

Shërbimet e Komisariatit të Policisë Fier, në vijim të kontrolleve të pandërprera në automjete, ambiente të ndryshme, si dhe të kontrolleve fizike, në të gjithë territorin e qarkut, për parandalimin, evidentimin dhe goditjen e veprimtarisë kriminale të armëmbajtjes pa leje, bazuar dhe në informacionet e marra në rrugë operative se një shtetas nën efektin e alkoolit, qarkullonte me armë zjarri, kanë organizuar dhe finalizuar me sukses operacionin policor të koduar “Baruti”, si rezultat i të cilit u bë kapja dhe arrestimi në flagrancë i shtetasit:

-G. T., 45 vjeç, banues në Fier, për veprën penale “Mbajtja pa leje e armëve, armëve shpërthyese dhe i municionit”, pasi gjatë kontrollit fizik nga shërbimet e Policisë, iu gjet dhe iu sekuestrua një armë zjarri pistoletë me fishek në fole dhe 1 krëhër me 7 fishekë në të.

Në vijim të veprimeve, pas kryerjes së testimit, 45-vjeçari rezultoi nën efektin e alkoolit, duke shtuar rrezikshmërinë e mbajtjes pa leje të armës, për jetën e qytetarëve dhe sigurinë në komunitet./albeu.com/

The post Kë do të vriste? “Tapë” në alkool dhe me pistoletën gati për qitje, prangoset 45-vjeçari në Fier (FOTO LAJM) appeared first on Albeu.com.

Djali i tij, këngëtari Arkimed Lushaj, i njohur si Stresi ka konfirmuar lajmin.

Këngëtari tha se i ati ka qenë me disa shokë dhe është ndaluar tek stadiumi “Dinano” në kryeqytet. Ai thotë se babai ka një armë, të cilën e posedon me leje. Ndërkohë, që nuk dihen rrethanat, shoqërimin e të atit, këngëtari e quan tendencioz.

“Është takuar me disa shokë të vetë dhe kanë vazhduar dy makinat nëpër qytet. Babai im posedon një armë, por e ka me leje që ia ka lëshuar shteti. Është bërë ekzaminimi i armës, po merret në pyetje, do marrë gjobën. Por mënyra si e kanë ndaluar ka qenë kështu si me tendencë. Tani po presim të lirohet.

Arsyeja kanë qenë dyshimet e policisë që kanë bërë aksionin. Ashtu si i kanë ndaluar ata…u kanë prerë rrugën. Shteti i di këto aksionet ne nuk marrim vesh. Thjeshtë i kanë ndaluar dhe po merren në pyetje”, ka pohuar këngëtari, i kontaktuar nga abcnews.al.

Siç mësohet, ish-truproja i Sali Berishës po merret në pyetje, ndërkohë që pritet një deklaratë zyrtare nga Policia e Tiranës lidhur me këtë aksion./abcnews.al

The post Sali Lushaj shoqërohet në polici, vjen reagimi i parë i Stresit appeared first on Albeu.com.

Ai lëvizte me kallashnikov në makinën e tij në momentin që u kap nga policia.

Operacioni u bë i mundur nga forca e Posaçme “Shqiponja”, në bashkëpunim me Komisariatin e Policisë Nr. 4, që ka finalizuar me sukses operacionin e koduar “Driver”, për goditjen e veprimtarisë kriminale në fushën e armëmbajtjes pa leje.

Njoftimi i policisë:

Sekuestrohen 1 armë zjarri kallashnikov, krehër dhe municion luftarak. Vihet në pranga drejtuesi i automjetit ku u gjetën arma dhe municioni luftarak, procedohen në gjendje të lirë 2 pasagjerët.

Shërbimet e Forcës së Posaçme “Shqiponja”, në bashkëpunim me Komisariatin e Policisë Nr. 4, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e siguruara në rrugë operative se në rrugën “Myslym Keta”, në një automjet, qarkullonin persona të armatosur, kanë organizuar punën dhe kanë finalizuar me sukses operacionin policor të koduar “Driver”.

Si rezultat i këtij operacioni, u arrestua në flagrancë shtetasi V. H. (R)., 33 vjeç, banues në Tiranë.

Gjithashtu, u proceduan penalisht në gjendje të lirë, shtetasit I. R., 41 vjeç dhe B. Z., 33 vjeç.

Në rrugën “Myslym Keta”, shërbimet e Policisë kanë ndaluar automjetin me drejtues shtetasin V. H. (R). dhe pasagjerë shtetasit I. R. dhe B. Z.

Gjatë kontrollit të automjetit, në bagazh, shërbimet e Policisë gjetën dhe sekuestruan, në cilësinë e provës materiale, një armë zjarri kallashnikov, krehër dhe municion luftarak.

Materialet i kaluan Prokurorisë, për veprime të mëtejshme procedurale./albeu.com/

The post Lëvizte me kallashnikov në bagazh, “Driver” fundos 33-vjeçarin në Trianë (VIDEO) appeared first on Albeu.com.

Gjatë kontrolleve të zhvilluara, atyre u janë sekuestruar lëndë dhe bimë të dyshuara narkotike cannabis sativa, qese që shërbejnë për ndarjen e lëndës narkotike në doza, krehër dhe municion luftarak.

Arrestimet u bënë në kuadër të operacionit policor të koduar “Processing” dhe u arrestuan në flagrancë Zhak Musa dhe Flavjo Musa.

Njoftimi i policisë:

Finalizohet operacioni i koduar “Processing”, për goditjen e veprimtarisë kriminale në fushën e narkotikëve.

Operacioni, i zhvilluar nga Komisariati i Policisë Nr. 6.

Sekuestrohen lëndë dhe bimë të dyshuara narkotike cannabis sativa, qese që shërbejnë për ndarjen e lëndës narkotike në doza, krehër dhe municion luftarak.

Vihen në pranga babë e bir, procedohet penalisht në gjendje të lirë djali tjetër.

Shërbimet e Komisariatit të Policisë Nr. 6, në vijim të punës për goditjen e paligjshmërisë, bazuar dhe në informacionet e marra në rrugë operative, organizuan dhe finalizuan me sukses operacionin policor të koduar “Processing”.

Si rezultat i këtij operacioni u bë arrestimi në flagrancë i shtetasve:

Zh. M., 47 vjeç dhe F. M., 21 vjeç (babë e bir), për veprat penale “Prodhimi dhe shitja e narkotikëve”, “Kultivimi i bimëve narkotike” dhe “Mbajtja pa leje dhe prodhimi i armëve, armëve shpërthyese dhe i municionit”, kryer në bashkëpunim.

Gjithashtu, u procedua penalisht në gjendje të lirë djali tjetër, shtetasi M. M., 16 vjeç.

Gjatë kontrollit të ushtruar në banesën e këtyre shtetasve, në rrugën “Hamdi Cenoimeri”, shërbimet e Policisë gjetën dhe sekuestruan, në cilësinë e provës materiale, lëndë të dyshuar narkotike cannabis sativa, bimë të dyshuara narkotike cannabis sativa, të mbjella në tokë dhe në vazo, qese që shërbejnë për ndarjen e lëndës narkotike në doza, krehër dhe municion luftarak.

Këta shtetas, në bashkëpunim me njëri-tjetrin, pasi i kultivonin bimët narkotike në banesën e tyre, e përgatitnin lëndën narkotike në doza, të cilat i shisnin më pas në zona të ndryshme të qytetit të Tiranës.

Materialet i kaluan Prokurorisë, për veprime të mëtejshme procedurale./albeu.com/

The post EMRAT/ Arrestohen bab e bir në Tiranë, “mëkatet” që “peshojnë” mbi ta (FOTO LAJM) appeared first on Albeu.com.