Sipas informacioneve të para si pasojë e të shtënave ka mbetur i plagosur një person.

Dyshohet se shkak është bërë sherri mes disa të rinjve, ku një prej tyre ka mbetur i plagosur. Policia dhe grupi hetimor kanë shkuar në vendin e ngjarjes.

Kujtjmë që reth një muaj më parë, në Shengjin të lezhës, u ekzekutua me armë në lokalin e tij biznesmeni Ardian Nikulaj.

Ekzekutori i tij është arrestuar mbrëmjen e sotme në Marok.

The post Lezha nuk gjen qetësi, sërish të shtëna me armë, një i plagosur appeared first on Albeu.com.

Shërbimet e Policisë Lezhë kanë vijuar punën intensive për dokumentimin e plotë e veprimtarisë kriminale të shtetasve E. V. dhe M. N. të cilët janë shpallur në kërkim në kuadër të operacionit “Mataro”.

Si rezultat i veprimeve të thelluara hetimore është zbuluar një apartament që ishte në përdorim nga shtetasi E.V. Shërbimet e Policisë gjatë kontrollit të ushtruar në këtë apartament gjetën dhe sekuestruan në cilësinë e provës materiale një armë zjarri pistoletë, disa mjete identifikimi dhe leje drejtimi të lëshuara nga një shtet tjetër.

Gjatë operacionit “Mataro” u vunë në pranga 3 shtetas, u shpallën në kërkim shtetasit E. V. dhe M. N., si dhe u sekuestruan arsenal me armë, municion, mina me telekomandë, një sasi e konsiderueshme eurosh e përfituar nga veprimtaria kriminale dhe sende të tjera të kundërligjshme.

Nën drejtimin e Prokurorisë vijon puna për dokumentimin e plotë të kësaj veprimtarie kriminale, për kapjen e personave të shpallur në kërkim dhe identifikimin e personave të tjerë të përfshirë. /albeu.com/

The post Armë, mina me telekomandë e municion luftarak, lezhjanët lënë pa fjalë policinë: 3 shtetas në pranga appeared first on Albeu.com.

Policia e Lezhës bën  me dije se në pranga janë vënë dy persona Elton dhe Ardit  Keçani pasi kanë ushtruar dhunë ndaj vjehrrit të motrës së tyre për motive të dobëta.

Ata tentuan të merrnin dhe një armë zjarri që kishin në banesën e të atit, por falë ndërhyrjes së policisë është bërë e mundur arrestimi i tyre dhe është ndaluar përshkallëzimi i konfliktit.

Më pas efektivët kryen kontroll në banesën e të atit të dy vëllezërve ku gjetën një armë kallashnikov dhe 90 fishekë.

Gjithashtu në pranga ka rënë dhe babai, 57-vjeçari Lazër Keçani.

Njoftimi i policisë:

Policia e Lezhës parandalon një ngjarje të mundshme kriminale në familje. Ushtruan dhunë ndaj vjehrrit të motrës së tyre, për motive të dobëta, dhe tentuan të merrnin armën e zjarrit në banesën e babait të tyre, por reagimi i menjëhershëm dhe profesional i Policisë bëri të mundur parandalimin e përshkallëzimit të mëtejshëm të situatës.

Shërbimet e Policisë arrestuan në flagrancë dy vëllezërit për dhunë ndaj 53-vjeçarit. Në pranga dhe babai i tyre, pasi shërbimet e Policisë gjetën dhe sekuestruan një armë zjarri automatik dhe municion luftarak.

Shërbimet e Komisariatit të Policisë Lezhë kanë marrë njoftim për një konflikt mes disa personave me lidhje familjare me njëri-tjetrin, në vendin e quajtur SMT, Lezhë. Sipas informacioneve personat posedonin dhe armë zjarri në banesë.

Menjëherë, shërbimet e Policisë kanë shkuar në adresën e dhënë, ku kanë konstatuar se shtetasit A. K. dhe E. K.(vëllezër) po ushtronin dhunë ndaj vjehrrit të motrës së tyre, shtetasit G. J.

Falë ndërhyrjes së shpejtë dhe profesionale, shërbimet e Policisë kanë arritur t’i neutralizojnë dhe t’i vënë në pranga 2 vellëzerit, duke parandaluar përshkallëzimin e mëtejshëm të konfliktit dhe ngjarjen e mundshme kriminale.

Në vijim të veprimeve, shërbimet e Policisë kanë ushtruar kontroll në banesën e shtetasit L. K. (babai i dy vëllezërve), ku kanë gjetur dhe sekuestruar një armë zjarri automatik me fishek në fole dhe 90 fishekë.

Në vijim të veprimeve, nga specialistët për Hetimin e Krimeve në Komisariatin e Policisë Lezhë u arrestuan në flagrancë shtetasit: L. K., 57 vjeç, E. K., 29 vjeç dhe A. K., 27 vjeç, banues në Lezhë.

Materialet do t’i kalojnë Prokurorisë pranë Gjykatës së Shkallës së Parë Lezhë, për veprat penale “Mbajtja pa leje e armëve dhe municionit luftarak” dhe “Dhuna në familje “. /albeu.com/

The post Parandalohet krimi në Lezhë! Dy vëllezërit përleshen me vjehrrin e motrës, kërkojnë armën për ta vrarë appeared first on Albeu.com.