Në mars, Jimmie Akesson, udhëheqësi i partisë së krahut të djathtë të Suedisë, mbështetja e të cilit përcakton fatin e koalicionit qeverisës, u bë politikani i parë i shquar që shprehu interes për këtë ide.

“Suedia ka kohë që ka përvojë të gjerë në teknologjinë bërthamore. Por vullneti politik kërkonte diçka tjetër. Unë besoj se të gjitha opsionet duhet të merren në konsideratë në këtë situatë”, tha Jimmie Akesson.

Një pikëpamje të ngjashme ndan edhe Alice Teodorescu Mawe, anëtare e Parlamentit Evropian nga partia e qendrës së djathtë Kristian Demokrate, e cila është pjesë e qeverisë aktuale. Ajo sugjeron që Suedia duhet t’i bashkohet një strategjie të përbashkët evropiane për armët bërthamore.

Ndërkohë, Polonia ka kërkuar të marrë pjesë në sistemet franceze dhe amerikane të pengimit bërthamor. Kryeministri Donald Tusk ka lënë të kuptohet se Polonia mund të marrë në konsideratë zhvillimin e armëve të veta bërthamore, megjithëse ekspertët e konsiderojnë një skenar të tillë teknikisht dhe politikisht të pamundur.

Militarnyi raportoi se mbetet e paqartë nëse Suedia ka burime të mjaftueshme teknologjike dhe industriale për të zhvilluar armë bërthamore pa ndihmë të konsiderueshme nga një prej fuqive ekzistuese bërthamore. Vendi ka gjashtë centrale bërthamore, të cilat sigurojnë pothuajse një të tretën e prodhimit të energjisë elektrike, por i fundit u ndërtua më shumë se 40 vjet më parë.

The post Suedia po planifikon të krijojë armët e saj bërthamore appeared first on Albeu.com.

Që kur nisi pushtimin në shkallë të plotë të Ukrainës, në shkurt të vitit 2022, marrëdhëniet e Rusisë me Perëndimin ranë në nivelin më të ulët të mundshëm që nga fundi i Luftës së Ftohtë.

Kjo, pasi aleatët perëndimorë të Ukrainës mbështetën luftën e saj kundër forcave pushtuese ruse, duke e ndihmuar me armatim dhe logjistikë.

Kjo është hera e parë që Ministria e Mbrojtjes e Rusisë shpall publikisht stërvitje, të cilat përfshijnë armë bërthamore taktike.

Njoftimi erdhi pasi Britania dhe Franca bënë disa deklarata që dukej se tregonin përfshirjen më të madhe të tyre në konfliktin më shumë se 2-vjeçar.

“Për të rritur gatishmërinë e forcave bërthamore jostrategjike, me qëllim kryerjen e misioneve luftarake, Shtabi i Përgjithshëm ka filluar përgatitjet për mbajtjen e stërvitjeve në një të ardhme të afërt”, tha Ministria e Mbrojtjes e Rusisë përmes një deklarate të shpërndarë në aplikacionin Telegram.

“Gjatë stërvitjes do të kryhen një sërë aktivitetesh për të praktikuar përgatitjen dhe përdorimin e armëve bërthamore jostrategjike”, thuhet në deklaratë.

Aty theksohet, po ashtu, se stërvitja është urdhëruar nga presidenti Vladimir Putin.

Roli i armëve bërthamore strategjike është t’i godasin objektivat e armikut larg vijës së frontit, ndërsa armët bërthamore taktike janë krijuar për t’u përdorur në fushat e betejës.

Rusia ka arsenalin më të madh të armëve bërthamore në botë.

Stërvitja ka për qëllim t’i rrisë aftësitë e ushtrisë ruse “për të siguruar integritetin territorial dhe sovranitetin e shtetit rus”, në përgjigje të “deklaratave provokuese dhe të kërcënimeve të zyrtarëve perëndimorë ndaj Federatës Ruse”, thuhet në deklaratë, pa u dhënë detaje të tjera.

Javën e kaluar, presidenti i Francës, Emmanuel Macron, përsëriti deklaratën se vendi i tij nuk mund ta përjashtojë dërgimin e trupave në Ukrainë, për ta ndihmuar atë në luftë.

Zyrtarët në Mbretërinë e Bashkuar, ndërkohë, u duk se i dhanë Kievit dritën jeshile për të përdorur armë me rreze të gjatë veprimi – të dërguara në Ukrainë – për të goditur objektiva brenda Rusisë.

Deri më tani në konflikt, Britania e Madhe i ka dhënë udhëzime Ukrainës, duke i sugjeruar që armët me rreze të gjatë të përdoren vetëm brenda territorit sovran të Ukrainës.

Në fundjavë, zëdhënësja e Ministrisë së Jashtme ruse, Maria Zakharova, tha se “NATO-ja po përgatitet për një konflikt të mundshëm” me Rusinë dhe përmendi stërvitjet e aleancës ushtarake Steadfast Defender si “dëshmi” për këtë.

Këto stërvitje që do të vazhdojnë edhe këtë muaj, përfshijnë mbi 90.000 trupa të NATO-s.

NATO-ja ka thënë se, gjatë tyre, do të praktikohet se si trupat amerikane mund t’i përforcojnë aleatët evropianë në shtetet që janë në kufi me Rusinë dhe në krahun lindor të aleancës, në rast të ndonjë konflikti.

The post Rusia do të kryejë stërvitje me armë taktike bërthamore appeared first on Albeu.com.

“Situata rreth Traktatit Gjithëpërfshirës të Ndalimit të Testeve lë shumë për të dëshiruar,” tha ai në Konferencën për Çarmatimin.

“Që nga viti 1999, Uashingtoni nuk ka bërë asnjë hap të rëndësishëm për të ratifikuar këtë dokument, vetëm duke deklaruar “qëllime të mira” në lidhje me këtë instrument që është jashtëzakonisht i rëndësishëm për sigurinë ndërkombëtare,” shtoi Gatilov.

SHBA vazhdon të mbajë vendin e testimit të Nevadës në një gjendje gatishmërie, pasi nuk heq dorë nga ideja e kryerjes së një prove të plotë bërthamore si pjesë e përmirësimit të arsenalit të saj përkatës.

“Vendi ynë vazhdon t’i përmbahet moratoriumit të testimit bërthamor që u prezantua në vitin 1992,” tha Gatilov.

The post SHBA nuk heq dorë nga ideja për të kryer teste bërthamore, mban vendin e testimit në Nevada në gatishmëri appeared first on Albeu.com.

Presidenti i Rusisë, Vladimir Putin, dhe ai i Bjellorusisë, Alyaksandr Lukashenka, thanë muajin e kaluar se Moska kishte dërguar tashmë disa armë bërthamore taktike në Bjellorusi, pasi kishte njoftuar për një plan të tillë në mars.

Shtetet e Bashkuara dhe NATO-ja nuk e kanë konfirmuar këtë.

Sekretari i Përgjithshëm i NATO-s, Jens Stoltenberg, e dënoi retorikën e Moskës duke e cilësuar si “të rrezikshme dhe pakujdesshme”, por tha në korrik se aleanca nuk ka parë ndonjë ndryshim në qëndrimin bërthamor të Rusisë.

Armët bërthamore taktike përdoren në fushëbetejë dhe janë armë me rreze të shkurtra veprimi, si dhe prodhojnë pak rezultate krahasuar me armët shumë më të fuqishme bërthamore që vendosën në kokën e raketave me rreze të gjata veprimi. Rusia tha se do të vazhdojë t’i ketë nën kontroll ato që i dërgon në Bjellorusi.

Duda i bëri këto komente gjatë një konferencë të përbashkët me presidentin e Portugalisë, Marcelo Rebelo de Sousa, i cili po e viziton Varshavën.

“Po i tregoja presidentit [Sousa] për zbatimin e deklaratave nga Vladimir Putini se armët bërthamore taktike të Rusisë do të zhvendosen në territorin bjellorus”, tha Duda. “Vërtet, ky proces po ndodh, ne po e shohim këtë”.

The post Raketat bërthamore te dera, presidenti polak jep alarmin: Ka ndryshuar gjithçka appeared first on Albeu.com.

Duke folur për televizionin shtetëror rus, ai këmbënguli se nuk i kërkoi thjesht liderit rus armët, por këmbënguli për ato.

“Ne kemi qenë gjithmonë një objektiv,” tha Lukashenko.

“Ata (Perëndimi) kanë dashur të na bëjnë copë-copë që nga viti 2020. Askush deri më tani nuk ka luftuar kundër një vendi bërthamor, një vendi që ka armë bërthamore”, shtoi ai.

Rusia po transporton disa nga armët e saj taktike bërthamore në objektet e magazinimit në tokën bjelloruse.

Protestat masive shpërthyen në vitin 2020 pas zgjedhjeve presidenciale në Bjellorusi, ku opozita tha se Lukashenko kishte fituar me mashtrim.

Lukashenko tha se ai kishte fituar me drejtësi, ndërsa godiste kundërshtarët e tij dhe akuzoi Perëndimin se po përpiqej ta rrëzonte atë.

The post Lukashenko nuk i përgjigjet autoritetit të Putinit: Mund t’i përdor armët bërthamore pa lejen e tij appeared first on Albeu.com.

Deklaratat e tij u raportuan nga agjencia e lajmeve Belta.

Rusia do të fillojë vendosjen e armëve të rregullta bërthamore në Bjellorusi pas 7-8 korrikut, pasi objektet speciale të magazinimit të jenë gati, tha presidenti rus Vladimir Putin të premten e kaluar.

Cilat janë armët taktike bërhtamore me të cilat kërcënon Putini

Armët bërthamore mund të përshkruhen si “me rendiment të ulët” të destinuara për t’u përdorur në fushat e betejës dhe jo kundër qyteteve, për shembull.

Megjithatë, ato shkaktojnë shpërthime radioaktive dhe efekte të tjera vdekjeprurëse përtej dëmit të shkaktuar nga vetë shpërthimi.

Kokat e luftës mund të lëshohen përmes raketave, silurëve dhe bombave të gravitetit nga forcat detare, ajrore ose tokësore, madje mund të transportohen me rrugë në një zonë dhe të shpërthehen në vend.

Kur Bashkimi Sovjetik u shemb në vitin 1991, Rusia kishte rreth 22,000 TNW ndërsa Shtetet e Bashkuara kishin rreth 11,500.

Shumica e këtyre armëve, pas nënshkrimit të marrëveshjes së mospërhapjes, supozohet se janë çmontuar ose janë në pritje të çmontimit.

Rusia ka 1000 deri në 2000 koka luftarake në arsenalin e saj, 10 herë më shumë se Uashingtoni, për armë bërthamore jostrategjike, thotë një raport nga Shërbimi Kërkimor i Kongresit (CRS) Shtetet e Bashkuara kanë rreth 200 armë të tilla, gjysma e të cilave janë të bazuara në Evropë.

The post Lukashenko: Nuk do të hezitojmë të përdorim armët bërthamore ruse nëse është e nevojshme appeared first on Albeu.com.

“Nëse Irani refuzon rrugën e diplomacisë, atëherë, siç e ka bërë vazhdimisht të qartë presidenti Biden, të gjitha opsionet janë në tryezë për t’u siguruar që Irani të mos posedojë armë bërthamore”, tha Blinken në një fjalim para grupit lotues pro-izraelit, Komitetit Amerikano – Izraelit për Çështje Publike (AIPAC).

Në mars të këtij viti, SHBA-ja dhe Evropa kishin ngritur alarm duke thënë se Irani ka prodhuar një sasi të vogël uraniumi të pasuruar me 84 për qind pastërti. Ky nivel i pastërtisë është shumë afër përqindjes që kërkohet për të krijuar armë bërthamore (90 për qind).

Shtetet e Bashkuara dhe tre fuqitë kryesore të Evropës – Britania, Franca dhe Gjermania, të njohura si E3 – ishin përmbajtur në implementimin e një rezolute që dënon Iranin në takimin e bordit atë muaj, por e kishin bërë të qartë se mund të veprojnë ndryshe në një takim të ardhshëm.

Sipas marrëveshjes të vitit 2015 të Iranit me gjashtë fuqi botërore, Teherani ka reduktuar programin e tij bërthamor në këmbim të lehtësimit të sanksioneve nga Shtetet e Bashkuara, Bashkimi Evropian dhe Kombet e Bashkuara.

Por, ish-presidenti amerikan, Donald Trump, u tërhoq nga marrëveshja dhe rivendosi sanksione më 2018, duke nxitur Iranin që të niste shkeljen e kufizimeve të vendosura në marrëveshje.

Gjatë fjalimit të tij para AIPAC, Blinken gjithashtu tha se normalizimi i marrëdhënieve midis Arabisë Saudite dhe Izraelit ishte në interesat e sigurisë së Uashingtonit.

“Shtetet e Bashkuara kanë një interes real të sigurisë kombëtare në promovimin e normalizimit të marrëdhënieve mes Izraelit dhe Arabisë Saudite. Ne besojmë se mundemi dhe në të vërtetë duhet ta luajmë një rol kyç në avancimin [e këtyre marrëdhënieve]”, tha Blinken.

Kjo deklaratë e Blinkenit vjen disa orë para se ai të nisej për bisedime në Riad.

Gjatë qëndrimit të tij në Riad nga 6 deri më 8 qershor, Blinken do të “diskutojë bashkëpunimin strategjik SHBA-Arabi Saudite për çështjet rajonale dhe globale dhe një sërë çështjesh dypalëshe, duke përfshirë bashkëpunimin ekonomik dhe të sigurisë”, tha Departamenti i Shtetit.

The post Blinken: SHBA-ja s’do ta lejojë Iranin të bëhet me armë bërthamore appeared first on Albeu.com.

“Ka shumë pak gjasa, ky është vlerësimi ynë aktual”, tha Drejtori i Inteligjencës Kombëtare (DNI) Avril Haynes, duke folur në Komitetin e Shërbimeve të Armatosura të Senatit.

Duke komentuar një humbje të mundshëm të SHBA-së, Haynes tha se si Kina ashtu edhe Rusia do të përpiqen të përfitojnë dhe të shfrytëzojnë mundësinë për të shtyrë narrativën e tyre për “paaftësinë” e Amerikës për të funksionuar si një demokraci.

“Unë mendoj se analistët tanë do të pajtohen me ju se është pothuajse e sigurt që (të dy vendet) do të përpiqen të përfitojnë nga kjo mundësi”, i tha Haynes Komisionit.

The post Inteligjenca amerikane: Ka shumë pak gjasa që Rusia të përdorë armë bërthamore appeared first on Albeu.com.

Shtetet e Bashkuara ranë dakord të vendosin nëndetëse të armatosura bërthamore në Korenë e Jugut dhe të përfshijnë Seulin në planifikimin e saj bërthamor për të kundërshtuar kërcënimet bërthamore nga Veriu.

Në këmbim, Koreja e Jugut ra dakord të mos zhvillonte armët e veta bërthamore.

Marrëveshja, e njohur si Deklarata e Uashingtonit, u njoftua këtë javë gjatë bisedimeve të Presidentit Joe Biden me homologun e tij koreano-jugor, Yoon Suk-yeol’s në kryeqytetin amerikan.

Duke iu referuar marrëveshjes, zonja Kim tha: “Sa më shumë që armiqtë të jenë të vendosur në organizimin e stërvitjeve të luftës bërthamore dhe sa më shumë mjete bërthamore të vendosin në afërsi të gadishullit Korean, aq më i fortë do të jetë ushtrimi i së drejtës sonë për vetëmbrojtje.”

Ajo paralajmëroi se masa do të “rezultojë vetëm në vënien e paqes dhe sigurisë së Azisë Veri-Lindore.”

Zonja Kim mban një pozicion të lartë në Komitetin Qendror të Partisë së Punëtorëve të Koresë dhe raportohet se ka ndikim te vëllai i saj.

Presidenti Biden përshëndeti marrëveshjen, duke thënë se ajo do të forconte bashkëpunimin e aleatëve në parandalimin e një sulmi të Koresë së Veriut.

Presidenti Yoon tha se marrëveshja shënoi një angazhim “të paprecedentë” të SHBA-së për të penguar sulmet dhe për të mbrojtur aleatët duke përdorur armë bërthamore.

Kina paralajmëroi kundër “ngjalljes së qëllimshme të tensioneve, provokimit të konfrontimit dhe kërcënimeve”.

Sipas marrëveshjes, SHBA-ja do t’i bëjë më të dukshme angazhimet e saj të mbrojtjes duke dërguar një nëndetëse të armatosur me armë bërthamore në Korenë e Jugut për herë të parë në 40 vjet, së bashku me asete të tjera, duke përfshirë bombarduesit me aftësi bërthamore.

Të dy palët do të zhvillojnë gjithashtu një grup konsultativ bërthamor për të diskutuar çështjet e planifikimit.

Politikanët në Seul kanë kohë që e kanë shtyrë Uashingtonin që t’i përfshijë ata më shumë në planifikimin se si dhe kur të përdorin armët bërthamore kundër Koresë së Veriut.

Shqetësimi është rritur nga të dyja palët për kërcënimin bërthamor të paraqitur nga Koreja e Veriut. Pheniani po zhvillon armë taktike bërthamore që mund të synojnë Korenë e Jugut dhe po përpunon armët e tij me rreze të gjatë që mund të arrijnë në territorin e SHBA-së.

Shtetet e Bashkuara tashmë kanë një detyrim traktati për të mbrojtur Korenë e Jugut dhe më parë janë zotuar të përdorin armë bërthamore nëse është e nevojshme. Por disa në Korenë e Jugut kanë filluar të dyshojnë në këtë angazhim dhe të bëjnë thirrje që vendi të ndjekë programin e tij bërthamor.

/Abeu.com/

The post Marrëveshja SHBA-Kore e Jugut, kërcënon motra e Kim Jong-un: Do të çojë në një rrezik serioz appeared first on Albeu.com.

Marrëveshja është pjesë e të ashtuquajturës Deklarata e Uashingtonit e njoftuar të mërkurën, ndërsa Presidenti Joe Biden ka mirëpritur Presidentin koreanojugor Yoon Suk Yeol në një vizitë shtetërore për të festuar 70-vjetorin e vendosjes së marrëdhënieve dypalëshe dhe për të diskutuar të ardhmen e aleancës.

“Marrëveshja për mbrojtjen e ndërsjelltë është e çeliktë, dhe përfshin angazhimin” për masa të zgjeruara parandaluese, tha Presidenti Biden gjatë konferencës së përbashkët për shtyp në Shtëpinë e Bardhë, duke iu referuar një marrëveshjeje të vitit 1953 të nënshkruar në fund të Luftës Koreane, nëpërmjet së cilës Uashingtoni angazhohet ta ndihmojë Korenë e Jugut të vetëmbrohet, në veçanti nga Koreja e Veriut.

Ai përsëriti një frazë nga dokumenti i administratës së tij të vitit 2022 për Rishikimin e Gatishmërisë Bërthamore, se një sulm bërthamor ndaj Shteteve të Bashkuara apo aleatëve dhe partnerëve është i papranueshëm dhe do të rezultojë në fundin e regjimit që e bën këtë sulm.

Presidenti Yoon e quajti Deklaratën e Uashingtonit “një zgjerim dhe forcim të paprecedentë” të strategjisë së masave të zgjeruara parandaluese – një term i njohur gjithashtu si ombrella bërthamore amerikane. Dokumenti thotë se Shtetet e Bashkuara do t’i përgjigjen sulmeve ndaj aleatëve dhe partnerëve “në mbarë spektrin e skenarëve të mundshëm bërthamorë dhe jo-bërthamorë”.

“Dy vendet tona kanë rënë dakort për konsultime të menjëhershme dypalëshe presidenciale në rast të një sulmi bërthamor nga Koreja e Veriut dhe premtuan të përgjigjen me shpejtësi, në shkallë të gjerë dhe me vendosmëri duke përdorur forcën e plotë të aleancës, përfshirë armët bërthamore të Shteteve të Bashkuara”, tha zoti Yoon.

Në një seancë informimi për gazetarët të martën, zyrtarë të lartë të administratës thanë se sipas Deklaratës së Uashingtonit, Seuli do të “ruajë statusin jobërthamor dhe do të vazhdojë t’u përmbahet të gjitha kushteve si palë e Traktatit të Mospërhapjes”. Ky traktat, të cilin Koreja e Jugut e ratifikoi në vitin 1975, ua ndalon vendeve anëtare prodhimin e armëve bërthamore.

Dy vendet do të krijojnë gjithashtu Grupin Konsultativ Bërthamor SHBA-Koreja e Jugut (NCG), një “mekanizëm konsultimi të rregullt dypalësh që do të përqëndrohet tek çështjet e planifikimit bërthamor dhe strategjik dhe do t’u japë aleatëve koreanojugorë qasje të mëtejshme tek mënyra se si ne mendojmë për planifikimin e operacioneve të mëdha”, shtoi një zyrtar i lartë.

Krahas ndarjes më të madhe të informacionit, Seuli do të ketë një rol më të madh në dislokimin e armëve amerikane, tha ai.

Kërcënimet bërthamore në rritje të Koresë së Veriut, së bashku me shqetësimet për vendosmërinë ushtarake dhe ekonomike të Kinës në rajon, e kanë shtyrë administratën e Presidentit Biden të zgjerojë aleancën e saj me vendet aziatike. Për këtë qëllim, Presidenti Biden i ka kushtuar shumë vëmendje Presidentit Yoon si dhe Kryeministrit japonez Fumio Kishida. Javën e ardhshme, Presidenti Biden do të presë Presidentin e Filipineve, Ferdinand Marcos Jr. për bisedime në Shtëpinë e Bardhë.

Gjatë vitit të kaluar, Koreja e Veriut ka zgjeruar vazhdimisht arsenalin e saj bërthamor, ndërsa Kina dhe Rusia në mënyrë të përsëritur bllokojnë përpjekjet e udhëhequra nga Shtetet e Bashkuara për të ashpërsuar sanksionet ndaj Veriut për morinë e provave të ndaluara të raketave.

Provat e shtuara nga Koreja e Veriut përfshijnë edhe një raketë balistike ndërkontinentale me lëndë djegëse të ngurtë, provë e bërë për herë të parë në fillim të këtij muaji. Prova e fundit shihet si një përparim i mundshëm në përpjekjet e Koresë së Veriut për të patur një armë më të fuqishme, më të vështirë për t’u zbuluar dhe që synon të arrijë deri në territorin kontinental të Shteteve të Bashkuara.

Presidentët Biden dhe Yoon, si dhe ndihmësat e tyre, diskutuan edhe për luftën në vazhdim të Rusisë në Ukrainë. Administrata e Presidentit Biden ka lavdëruar Korenë e Jugut për dërgimin e rreth 230 milionë dollarëve ndihma humanitare në Ukrainë, por Presidenti Biden do të mirëpriste që Seuli të merrte një rol edhe më të madh për të ndihmuar ukrainasit të zmbrapsnin Rusinë.

Vizita e Presidentit Yoon vjen vetëm disa javë pas zbulimit të një sërë dokumentesh tepër sekrete që kanë komplikuar marrëdhëniet me aleatët, përfshirë Korenë e Jugut.

I pyetur në konferencën e përbashkët për shtyp nëse rrjedhja e informacionit u diskutua gjatë takimit, Presidenti Yoon u përgjigj: “Jemi duke komunikuar mes dy vendeve tona”./voa

The post Jo armë bërthamore në Korenë e Jugut; SHBA do të rrisin masat parandaluese appeared first on Albeu.com.