Lajmin për Gazetën Express e ka konfirmuar Veton Elshani nga policia e Mitrovicës së Veriut.

“Në afërsi të Manastirit të Banjskës në Zveçan janë gjetur pesë armë. Mjetet ushtarake dyshohet se i përkasin ngjarjeve të shtatorit të vitit të kaluar”, tha Elshani për Gazetën Express.

Në shtator 2023, polici Afrim Bunjaku mbeti i vrarë në veri të Kosovës,  pas një sulmi nga persona të armatosur në Leposaviç.

Ngjarja e rëndë ka ndodhur në fshatin Banjska të Leposaviçit ku është sulmuar patrulla policore.

Ngjarja ndodhi rreth orës 03:00 të mëngjesit të 24 shtatorit. Persona të maskuar bllokuan rrugën makinës së policisë me dy kamionë në aksin Mitrovicë-Leposaviç.

Më pas ata qëlluan në drejtim të makinës së policisë, ku për pasojë humbi jetën efektivi Bunjaku.

The post Policia zbulon mjete ushtarake në afërsi të Manastirit të Banjskës (FOTO) appeared first on Albeu.com.

Rama tha se lufta nuk ndalet duke çarmatosur viktimën, ndërsa ka treguar edhe një mesazh të marrë nga ekipi i cili po punon për ndërtimin e një fondi të teknologjisë së lartë.

Rama: Sigurisht ne dëgjojmë shumë njerëz në Europë që deklarojnë se të ndihmosh dhe mbështesësh Ukrainën dhe t’i japësh mjete për t’u mbrojtur, është ajo që po nxit vazhdimësinë e luftës. Ata pretendojnë se ndalja e ndihmës për Ukrainën do të sjellë paqen. Kjo është absurde dhe cinike,. Nuk e ndalon luftën duke carmatosur viktimës. E ndal duke ndalur agresorin, ndaj dua të përfitoj që t’u them atyre që duan të dëgjojnë se Ukraina meriton të mbështetet e të ndihmohet me të gjitha mjetet për t’u siguruar që çdo paqe që do vijë pas luftës, të jetë një paqe e drejtë, e bazuar kryesisht në parimet e planit 10 pikësh të presidentit Zelensky, të cilin e mbështesim dhe duam ta shohim të diskutohet nga kombet dhe bashkësia e tyre.

Putin ka dështuar në planin e tij pasi në vend të merret peng, Ukraina është bërë pjesë e vendeve të bashkuara për në rrugëtimin e integrimit në BE. Nuk kam veçse admirim për Zelensky dhe ukrainasit. Pak më parë mora një mesazh nga dikush që po punon me instiucionet ukrainase për të ngritur një fond të teknologjisë së lartë. Më tha thuaji Zelenskyt se ekipi jonë është absolutisht i mbresuar nga ukrainasit që kemi takuar dhe aftësitë, talenti e aftësitë e tyre./albeu.com 

The post “Lufta s’ndalet me mosdërgimin e armëve!”, Rama tregon sms për Ukrainën që mori gjatë samitit: Thuaj presidentit se ekipi ynë… appeared first on Albeu.com.

Një pjesë e tyre do të dërgohen në Ukrainë, pas ankesave të këtij vendi se mungesa e municioneve është duke i penguar përpjekjet për mbrojtje kundër pushtimit rus.

“Lufta në Ukrainë është bërë betejë municionesh”, ka thënë Sekretari i Përgjithshëm i NATO-s, Jens Soltenberg, pas ceremonisë së nënshkrimit të kontratës në selinë e aleancës në Bruksel.

NATO-ja e ka nënshkruar marrëveshjen në emër të shumë aleatëve që ose do t’i dërgojnë municionet në Ukrainë, ose do t’i ruajnë në magazinat e tyre ushtarake.Blerja e muncioneve me shumicë u garanton atyre çmime më të ulëta.

Vendet e NATO-s pritet të pranojnë rreth 220.000 pjesë municionesh artilerie, dhe dërgesat e para pritet të lëshohen në fund të vitit 2025, ka thënë një zyrtar i NATO-s për agjencinë e lajmeve Reuters.

Ato do të prodhohen prej kompanisë franceze Nexet dhe asaj gjermane Junghans.

Lufta në Ukrainë ka nisur më 24 shkurt të vitit 2022.

The post NATO blen 1.1 miliard euro armatime, Stoltenberg: Lufta në Ukrainë është bërë betejë municionesh appeared first on Albeu.com.

Në raportin e fundit 24-orësh, Policia tha se, gjatë patrullimit të datës 4 janar, ka gjetur “ka gjetur dhe sekuestruar një flamur të shtetit të Serbisë, 34-gëzhoja, një karikator të armës AK-47 dhe 689-fishekë kalibrash të ndryshëm”.

Policia e ka cilësuar rastin “armëmbajtje pa leje”.

Sipas Policisë, deri tani nuk ka persona të arrestuar lidhur me këtë rast, ndërsa hetimet janë duke vazhduar.

Më 24 shtator, një grup i armatosur i serbëve sulmoi Policinë e Kosovës në Banjskë, në Veri të Kosovës, dhe vrau rreshterin Afrim Bunjaku.

Më pas, në shkëmbimin e zjarrit mbetën të vrarë tre sulmues serbë.

Përgjegjësinë për sulmin e ka marrë Millan Radoiçiç, ish-nënkryetar i Listës Serbe – partisë kryesore të serbëve në Kosovë që gëzon mbështetjen e Serbisë, duke pohuar se ai

“personalisht” e ka organizuar sulmin dhe të gjitha përgatitjet logjistike, dhe se nuk ka informuar askënd për ato plane.

Kosova akuzoi Serbinë se qëndron pas sulmit, gjë që Beogradi zyrtar e mohon.

The post Policia e Kosovës gjen armatime pranë një flamuri serb në Banjskë appeared first on Albeu.com.

Në raportin 24-orësh të policisë thuhet se një person ka qenë duke mbledhur hekura dhe në një vend ku hidhen mbeturinat ka gjetur një armë zjarri e mjete shpërthyese.

Pasi qytetari ka lajmruar policinë, këta të fundit kanë dalë në vendin e ngjarjes dhe kanë gjetur e sekuestruar armë të tjera dhe municion.

“Njësitë relevante policore kanë dalë në vendin e ngjarjes në të cilin vend janë gjetur: një pushkë automatike AK-47, një pushkë gjysmë automatike, tre karikatorë, 360 fishekë të kalibrit 7.62 mm, 4 granata dore dhe një tromblon. Në vendin e ngjarjes kanë dalë edhe njësitë relevante të FSK-së dhe KFOR-it”, thuhet në njoftim e Policisë së Kosovës.

Mjetet shpërthyese janë marrë nga njësia e FSK-së, kurse armët dhe municioni nga njësitë policore.

Prelluzha është fshat në veri të Kosovës i banuar nga serbët.

Kujtojmë se pas sulmit terrorist që ndodhi më 24 shtator në fshatin Banjksë, ku u vra rreshteri i Kosovës, Afrim Bunjaku, policia ka vijuar me kontrolle në disa vende në veri, ku edhe ka sekuestruar sasi të madhe armatimi dhe municioni.

The post Pushkë automatike, municion, e granata dore, policia e Kosovës sekuestron arsenal armësh në fshatin e banuar nga serbët appeared first on Albeu.com.

Kurti ka publikuar disa fotografi të armëve që i përkisnin grupit terrorist të cilat i konfiskoi Policia e Kosovës.

Kështu, Kurti thotë se kjo nuk lë vend për dyshime që Serbia e ka mbështetur këtë grup.

”Këto armë dhe pajisje të nivelit ushtarak – të sekuestruara nga Policia e Kosovës. Operacioni antiterror i pas sulmit të djeshëm – nuk lini vend për dyshime: Autorët vepruan jo vetëm, por me mbështetjen e shtetit. Serbia duhet të mbahet plotësisht përgjegjëse për sponsorizonim e dhunës terroriste në territorin e Kosovës”, ka shkruar Kurti në Twitter.

Si pasojë e sulmit terrorist, të dielën një polic i Kosovës është vrarë. Ai është varrosur të hënën duke e pasur gradën e heroit të Kosovës.

These military-grade arms & equipment—seized in @Kosovo_Police‘s anti-terror operation after yesterday’s attack—leave no room for doubt: The perpetrators acted not alone but w/ state backing. Serbia must be held fully accountable for sponsoring terrorist violence on ?? territory. pic.twitter.com/hbFHiV1rMe

— Albin Kurti (@albinkurti) September 25, 2023

The post Kurti publikon arsenalin e armatimit që u kap në Veri: S’ka dyshim, Serbia sponosor i terrorizmit brenda Kosovës appeared first on Albeu.com.

Raporti i Institutit Ndërkombëtar të Kërkimeve të Paqes në Stokholm (SIPRI) nuk lë vend për asnjë dyshim: shpenzimet ushtarake evropiane kanë arritur një rekord të ri, përkatësisht 2.24 trilionë dollarë. Kontinenti ynë i ka rritur me 13 për qind shpenzimet në fushën e mbrojtjes në krahasim me vitin 2022.

Një nivel shpenzimesh, që siç e thekson vetë instituti, nuk merr parasysh normën e inflacionit, përkundrazi tregon vetëm shpenzimet faktike. Rritja, e cila konfirmon një tendencë që ka filluar prej disa vitesh, vjen kryesisht nga dy faktorë kryesorë.

Nga njëra anë është Lufta e Ukrainës, e cila ka shpalosur një sërë reflektimesh në të gjitha qeveritë evropiane mbi nevojën për të forcuar dhe modernizuar forcat e armatosura nën dritën e luftës tradicionale, e cila nuk është më asimetrike dhe që ka treguar qartazi se nevojiten armë, municione dhe sisteme të reja.

Nga ana tjetër, rritja e shpenzimeve në këtë sektor buron edhe nga një garë e vazhdueshme në mbarë botën drejt riarmatimit, paralelisht me një situatë gjeopolitike gjithnjë e më kaotike dhe me vatra tensioni si në nivel lokal ashtu edhe në atë global.

Për shembull, rritja e ndjeshme e tensioneve në Azi, me fuqitë e etura për të rritur aftësitë e arsenaleve të tyre si dhe për të fituar si konkurrencën rajonale po ashtu edhe atë globale, ka bërë gjithashtu të dukshme nevojën që Perëndimi të rivendosë prioritetet e reja strategjike.

Në këtë kuptim, kërkesat e NATO-s përfshihen në mënyrë të pashmangshme në kapitujt e shpenzimeve të vendeve evropiane. Për Evropën duhet të merret parasysh edhe një faktor tjetër: rritja eksponenciale e blerjeve të armëve dhe prodhimit nga Ukraina dhe Rusia.

Të dyja palët ndërluftuese ishin të detyruara që të rrisnin shpenzimet ushtarake për të përballuar konfliktin e nisur nga Vladimir Putin që në shkurtin e vitit 2022. Dhe ndërsa Moska e ka rritur prodhimin ushtarak, Kievi jo vetëm që ka rritur buxhetin për armët për t’u mbrojtur, por ka përfituar edhe miliarda ndihmë nga Shtetet e Bashkuara dhe pjesa tjetër e kontinentit evropian që e mbështet atë.

Për Evropën, është e mundur që kjo prirje të vazhdojë edhe në vitet e ardhshme, edhe në dritën e tensioneve të ripërtërira midis Shteteve të Bashkuara dhe Kinës, për të cilat nuk duhet harruar të theksohet se përbëjnë vetëm gjysmën e shpenzimeve ushtarake botërore.

Shtetet evropiane, dhe jo vetëm ato të Bashkimit Europian, duhet që nga njëra anë të mbajnë ritmin me këtë garë të re riarmatimi, dhe nga ana tjetër të përballen edhe me tensionet si një sfidë e vazhdueshme për rritjen e nivelit teknologjik për të mos mbetur shumë prapa superfuqive.

Një çështje që për sistemin evropian përkthehet në një sfidë të dyfishtë. Nga njëra anë, duhen rritur nivelet e prodhimit, të cilat siç po tregohet nga lufta në Ukrainë, nuk janë në gjendje të përballojnë ndikimin e një konflikti në shkallë të gjerë.

Së dyti, është problemi i një sistemi industrial që paguan kostot e prodhimit, duke qenë se inflacioni dhe çmimet e energjisë kanë ndikuar tek të gjitha vendet e kontinentit. Së fundi, ekziston edhe një problem tjetër: ndryshimi i nevojave për luftë nga ana e shteteve.

Në fakt, siç po vihet re me pushtimin rus të Ukrainës, por edhe me atë që po ndodh në pjesën tjetër të botës dhe në rajonin e Indo-Paqësorit, dominon përshtypja se në këtë fazë nevojat e forcave të armatosura janë për shtimin jo vetëm të teknologjisë, por edhe të vëllimeve të arsenaleve ushtarake.

Dhe kjo sepse bota – veçanërisht në Evropë – ka qenë deri tani e fokusuar në skenarë konfliktesh hibride ose të paktën asimetrike. Përplasja midis fuqive apo superfuqive në një logjikë shumëfishe dhe madje tradicionale (me kërkesën në rritje për anije, tanke, raketa, predha) ishte një skenar qe merrej në konsideratë vetëm si një hipotezë ekstreme në lidhje me logjikën e konflikteve hiperteknologjike ose në raport me kundërshtarë, me të cilët ishte e kotë të përdoreshin disa lloje armësh ose mjetesh. Megjithatë, bota e sotme nuk përputhet aspak me këtë arsyetim. /albeu.com

The post Europa po armatoset rëndë, kush kryeson në garën ethshme për raketa, avionë e tanke? appeared first on Albeu.com.

Në këtë vlerësim janë marrë më tepër se sa 50 faktorë, përfshirë buxhetin për ushtrinë e çdo shteti, trupat ushtarake, sasinë e armatimit që ata kanë dhe resurset natyrale.

Italia Trupa ushtarake aktive: 362.000 Buxheti: 34 miliardë dollarë Tanke: 586 Avionë: 785 Aeroplanmbajtëse: 2 Nëndetëse: 6

Gjermania Trupa ushtarake aktive: 325.000 Buxheti: 36.3 miliardë dollarë Tanke: 408 Avionë: 676 Aeroplanmbajtëse: 0 Nëndetëse: 5

Turqia Trupa ushtarake aktive: 596.000 Buxheti: 18 miliardë dollarë Tanke: 3.778 Avionë: 1.007 Aeroplanmbajtëse: 0 Nëndetëse: 13

Japonia Trupa ushtarake aktive: 307.900 Buxheti: 40.3 miliardë dollarë Tanke: 678 Avionë: 1.590 Aeroplanmbajtëse: 3 Nëndetëse: 17

Britania e Madhe Trupa ushtarake aktive: 332.000 Buxheti: 55 miliardë dollarë Tanke: 407 Avionë: 879 Aeroplanmbajtëse: 1 Nëndetëse: 10

Franca Trupa ushtarake aktive: 400.770 uxheti: 35 miliardë dollarë Tanke: 423 Avionë: 1.282 Aeroplanmbajtëse: 4 Nëndetëse: 10

India Trupa ushtarake aktive: 3.668.000 Buxheti: 40 miliardë dollarë Tanke: 6.464 Avionë: 2.086 Aeroplanmbajtëse: 2 Nëndetëse: 14

Kina Trupa ushtarake aktive: 4.635.000 Buxheti: 155.6 miliardë dollarë Tanke: 9.150 Avionë: 2.942 Aeroplanmbajtëse: 1 Nëndetëse: 68

Rusia Trupa ushtarake aktive: 4.017.110 Buxheti: 46 miliardë dollarë Tanke: 15.389 Avionë: 3.547 Aeroplanmbajtëse: 1 Nëndetëse: 60

SHBA – Trupa ushtarake aktive: 2.500.00. Buxheti: 581 miliardë dollarë. Tanke: 8848. Avionë: 13 444. Aeroplanmbajtëse: 19. Nëndetëse: 75

The post 10 shtetet me ushtrinë më të fuqishme në botë appeared first on Albeu.com.

Kështu i thanë Reuters dy burime që kanë njohuri për paketën e re të ndihmës që pritet të jetë në vlerë prej 625 milionë dollarësh.

Njoftimi për paketën e re të ndihmës pritet të bëhet të martën dhe kjo do të jetë ndihma e parë amerikane për Ukrainën, qëkur Rusia pretendoi se ka aneksuar katër rajone ukrainase.

Rusia këtë njoftim e bëri pas mbajtjes së referendumeve të rreme në rajonet e Donjeckut, Luhanskut, Zaporizhjës dhe Hersonit, që janë pjesërisht të pushtuara nga forcat ruse.

Sistemet HIMARS dhe raketat përcjellëse, por edhe armët e tjera mund të dërgohen në Ukrainë në ditët në vijim.

Paketa e re e ndihmës është në kuadër të Autoritetit për Tërheqje Presidenciale, që i lejon SHBA-së të transferojë armë dhe mjete ushtarake nga stoqet e ushtrisë së saj dhe nuk kërkohet miratimi i Kongresit për një gjë të tillë.

Javën e kaluar, SHBA-ja njoftoi për një pako të armëve për Ukrainën në vlerë prej 1.1 miliard dollarësh, ku përfshiheshin 18 HIMARS dhe armë të tjera, përfshirë edhe sisteme radarësh dhe sisteme kundër dronëve. Por, kjo pako ishte në kuadër të Nismës për Asistencë të Sigurisë për Ukrainën, që nënkupton se Qeveria amerikane merr armët – që janë të destinuara për Ukrainën – nga kompanitë prodhuese të armëve dhe jo nga stoqet e ushtrisë.

Deri më tani, në Ukrainë janë dërguar 16 HIMARS të SHBA-së. Me pakon e re, ndihma që Uashingtoni ka ofruar për Kievin qëkur ka nisur pushtimi rus i Ukrainës, arrin në vlerën mbi 16.8 miliardë dollarë./REL/

The post SHBA-ja pritet të dërgojë në Ukrainë më shumë HIMARS dhe armë të tjera appeared first on Albeu.com.

Përfaqësuesi zyrtar i departamentit ushtarak tha të hënën se në situatën aktuale, Gjermania nuk mund të marrë rreziqe të tilla. “Ne duhet të jemi të përgatitur për faktin se Putini do të përfitojë nga çdo dobësi dhe hendek i përkohshëm në gatishmërinë mbrojtëse të NATO-s”, e citoi atë të thoshte agjencia e lajmeve AFP.

Ai kujtoi se Gjermania duhet t’u japë partnerëve të saj të aleancës “mbështetje brenda kornizës së detyrimeve”, siç përcaktohet në nenin 5 të Traktatit të NATO-s.

Në të njëjtën kohë, në një artikull të përbashkët për Der Spiegel të botuar më 21 gusht, socialdemokrati Kristian Klinck, përfaqësuesi i Partisë së Gjelbër Unioni 90 dhe demokrati Alexander Myller kritikuan qëndrimin aktual të Berlinit, i cili thotë se ruatja e potencialit të Bundeswehr-it për të mbrojtur Gjermaninë dhe NATO-n ka përparësi ndaj ofrimit të ndihmës për Ukrainën.

Autorët e artikullit theksuan se deri më tani qeveria shpjegonte sasitë relativisht të vogla të ndihmës ushtarake për Ukrainën me mungesën e pajisjeve ushtarake në vetë ushtrinë gjermane.

“Kjo nuk është gjë tjetër veçse një konflikt i ndërtuar qëllimesh, pasi siguria dhe stabiliteti i Evropës aktualisht po mbrohet në Ukrainë”, thanë ata.

Nesër bëhen gjashtë muaj prej kur nisi pushrimi i paprovokuar rus i Ukrainës më 24 shkurt. /Rel

The post Gjermania refuzon propozimin për furnizimin e Ukrainës me armatim shtesë appeared first on Albeu.com.