KLSH ka publikuar raportin përfundimtar të auditimit në Bashkinë Fier duke pasqyruar shkelje të mëdha sa i përket konsumit të karburantit të blerë përmes tenderëve të mëdha me paratë e taksapaguesve, ndërkohë që përdorej për qëllime personale, shkruan AlbEu.com.

Sipas KLSH-së, kryetari i Bashkisë Fier, Armando Subashi, ka vjedhur naftën e blerë për bashkinë, një akuzë e fortë kjo, e cila nëse do të ndiqet ligjërisht do të shkaktojë pasoja të mëdha ligjore për Subashin.

Sipas KLSH 120 punonjës të Bashkisë së Fierit kanë konsumuar rreth 81 450 litra karburant me vlerë rreth 130 milionë lekë të vjetra në mënyrë të pajustifikuar.

Inspektorët e KLSH kanë konstatuar se personat në fjalë janë të punësuar për punë që lidhen me zyrën dhe jo inspektime në terren për të konsumuar kaq sh më karburant.

KLSH kërkon urgjentisht nga Armando Subashi dhe Bashkia Fier që t’u marrë mbrapsht paratë e naftës personave në fjalë.

Në raport thuhet konkretisht:

Nga auditimi i konsumit të karburantit, konstatohet se Bashkia Fier ka nënshkruar kontrata hua-përdorimi me disa nga punonjësit e saj, për përdorimin 287 e mjeteve të tyre personale në funksion të bashkisë. Për këtë qëllim Bashkia Fier ka mbuluar furnizimin me karburant të mjeteve private të punonjësve.

Kontratat e hua-përdorimit janë të nënshkruara ndërmjet punonjësve të institucionit dhe nga znj. A. H., me detyrë Drejtor i Drejtorisë së Taksave dhe Tarifave Vendore, z. M. G., me detyrë Shef i Sektorit të Transportit dhe Licencave pranë Drejtorisë së Punëve Publike dhe Transportit, K S., me detyrë Drejtor i Planifikimit dhe Zhvillimit të Territorit. Autorizim për lidhjen e këtyre kontratave ka pasur vetëm Znj. A. H. sipas shkresës së Kryetarit të Bashkisë Z. A. S. me nr. 470 prot., datë 21.01.2020..

Në total për vitet 2017- 2021 janë 120 punonjës që kanë nënshkruar kontrata hua-përdorimi për vendosjen e automjeteve të tyre në dispozicion të institucionit dhe furnizimin e tyre me karburantin e bashkisë. Konkretisht për vitin 2017 janë nënshkruar 15 kontrata, për vitin 2018 janë nënshkruar 26 kontrata, për vitin 2019 janë nënshkruar 26 kontrata, për vitin 2020 janë nënshkruar 26 kontrata dhe për vitin 2021 janë nënshkruar 27 kontrata. Numri i kontratave të nënshkruara, përbën edhe numrin e punonjësve me të cilët janë lidhur këto kontrata.

Si dokumentacion justifikues nga punonjësit të cilët kanë përfituar karburant nga bashkia, paraqiten fletët e udhëtimit për lëvizjen e mjetit, por nuk ka program pune, apo autorizim të miratuar nga titullari i institucion, ku të përcaktohet dhe argumentohet qëllimin e lëvizjes së punonjësve.

Kryesisht personat që kanë tërhequr këtë sasi karburanti ushtrojnë detyra funksionale në zyrë dhe jo në terren dhe nuk përfitojnë asnjë lloj trajtimi financiar.

Veprimet e mësipërme të Bashkisë Fier, bien në kundërshtim me VKM nr. 977, datë 10.12.2010, “Për trajtimin financiar të punonjësve që dërgohen me shërbim jashtë qendrës së punës, brenda vendit”, i ndryshuar, në të cilën përcaktohet si kryhet trajtimi financiar për përballimin e shpenzimeve të shërbimit të punonjësit.

Në total për vitet 2017-2021 për 120 punonjës janë tërhequr gjithsej 81,450 litra karburant dhe sipas fletë-daljeve nga magazina çmimi mesatar i karburantit është 60 lekë/litër, që do të thotë se e gjithë sasia prej 81,450 litra ka një vlerë prej 13,032,000 lekë, e cila përbën dëm ekonomikë për buxhetin e Bashkisë Fier. (Më hollësisht trajtuar në pikën 8.a, faqe 218-229 të Raportit Përfundimtar të Auditimit).

1.1.Rekomandim: Kryetari i Bashkisë Fier dhe Drejtoria Juridike, të marrin të gjitha masat e nevojshme dhe të ndjekin të gjitha procedurat ligjore, për arkëtimin e vlerës prej 13,032,000 lekë, nga 120 personat të cilët kanë përfituar në mënyrë të pa drejtë sasi karburanti të blerë nga shpenzimet e buxhetit të bashkisë.

Lexoni raportin e plotë /albeu.com

The post KLSH trondit Bashkinë Fier: Armando Subashi dhe punonjësit “zhdukën” 130 milionë lekë karburant appeared first on Albeu.com.

Jepni pëlqimin tuaj: Kush fiton në Fier?

Në këtë sondazh do të kenë mundësi që lexuesit të japin pëlqimin e tyre për kandidatin e preferuar.

FUTU KËTU TE FAQJA KRYESORE E SONDAZHIT

Secili prej lexuesve do të ketë mundësi të votojë vetëm një herë në sondazh gjatë një jave.

Sondazhi do të mbyllet në fund të javës dhe rezultatet do të bëhen publike të dielën, për t’u rihapur sërish të henën e javës pasardhëse. /Albeu.com/

The post SONDAZH/ Beteja për Fierin, kush e fiton bashkinë? appeared first on Albeu.com.

Kryetari i Bashkisë Divjakë, Fredi Kokoneshi është plagosur me thikë këtë të enjte bashkë me shoferin e tij, pas një konflikti në poliklinikë.

Kokoneshi pas një debati me shtetasin Ergest Xhelili është goditur me thikë nga ky i fundit. Veç kryebashkiakut, i plagosur ka mbetur edhe shoferi i tij, Gazmend Bullari.

Mësohet se Erges Xhelili më herët ka punuar si punonjës IT pranë bashkisë së Divjakës.

Partnerja e Xhelilit aktualisht punon si shefe e infermiereve tek poliklinika e Divjakës, aty ku ka ndodhur edhe ngjarja.

Kryebashkiaku ndodhet në spitalin e Lushnjës, jashtë rrezikut për jetën, ndërsa do t’i nënshtrohet një ndërhyrjeje kirurgjikale.

Ende nuk janë bërë të qarta arsyet e konfliktit mes tyre, ndërsa grupi hetimor pritet të zbardhë rrethanat e ngjarjes.

Autori është kapur dhe shoqëruar në Komisariat, ndërsa forca të shumta policie ndodhen në spital, ku ndodhen dy të plagosurit.

The post Plagosja e kryebashkiakut të Divjakës/ Balla, Subashi dhe Sefa mbërrijnë në spital appeared first on Albeu.com.

Çështja e pronësisë së inceneratorit të Fierit u trajtua nga PD gjatë prezantimit të fakteve fhe dhënies së dëshmisë së administratorit të inceneratorit të Fierit, Loran Dusha dhe anëtarëtit të Komisionit të Vlerësimit të Ofertave.

Dokumentet tregojnë se prona e vendosur fillimisht nga vendimi i Këshillit Bashkiak Fier në vitin 2015 ishte në fshatin Plyk pa pasur në plan ndërtimin e një incineratori.

Një vit më pas bashkia Fier informohet se ka nisur një praktikë për dhënie me koncesion për incinerator.

Dokumentet që paraqiti në Konferencën për shtyp nënkryetarja e PD Tabaku treguan se pak kohë pasi kompania në pronësi të Klodian Zotos kishte fituar koncesionin me vlerë 28 mln euro, propozoi ndryshimin e vendndodhjes.

“Në vitin 2016 ndryshohet dhe shkohet në fshatin Mbyet, përsëri me firmë të Bashkisë Fier. Dhe 1 vit më pas përsëris ndryshohet dhe shkohet në fshatin Mbrostar, njësia administrative Mbrostar; përsëri me firmë të kryetarit të Bashkisë Fier, z.Armando Subashi”, u shpreh Tabaku në konferencën e saj për shtyp.

Ajo evidentoi gjithashtu se përzgjedhja e truallit nuk ishte aspak rastësore pasi ndonëse në hartë ishin 6 mundësi shtetëtore u zgjodh një tokë private e cila u konpensua jo sipas procedurave ligjore dhe në një vlerë prej 460 milionë lek.

Kujtojmë që Subashi është një nga dëshmitarët që pritet të dëshmojë në Komisionin Hetimor të Inceneratorëve javën e ardhshme.

The post Inceneratori i Fierit, Tabaku akuza Subashit: Ka përgjegjësi për ndryshimin e pronës, kompensoi tokë private me vlerë 460 milionë lekë appeared first on Albeu.com.

Ai ka qenë Sekretar i Ministrisë së Mjedisit gjatë periudhës kur janë miratuar lejet për inceneratorët dhe firma e tij rezulton në një numër të madh dokumentesh, për të cilat duket se ka dhënë shpjegime në SPAK.

Bllako ka reaguar më herët në lidhje me akuzat që i janë bërë mbi inceneratorët duke thënë se pavarësisht rolit që ka patur në Ministrinë e Mjedisit ai nuk ka patur asnjë ndikim në vendimarrjen mbi ngritjen apo jo të tyre.

“Duke shprehur besimin se kolegët e çdo institucioni kanë zbatuar rigorozisht ligjin, deklaroj me përgjegjësi të plotë se kam patur zero rol në çdo proçedurë vendimmarrëse për dhënien e këtyre konçesioneve direkt apo indirekt. Në çdo rast, ju përket vetëm organeve të drejtësisë të përcaktojnë nëse ka ose jo shkelje; dhe nëse po, cilët janë personat përgjegjës”, reagonte Bllako disa muaj më parë.

The post Pas Armando Subashit, ky është deputeti socialist që u thirr nga SPAK për inceneratorët appeared first on Albeu.com.

Ata nisën protestën para Bashkisë së qytetit të Fierit dhe më pas u takuan me kryetarin e Bashkisë, Armando Subashin, ku dhe i paraqitën një peticion dhe kërkesë për kompensimin e dëmeve që shkaktuan përmbytjet.

Sipas tyre rreth 32 ha sera luleshtryedhe janë dëmtuar. Prej përmbytjeve në 12 dhjetor u dëmtuan rreth 62 fermerë në Frakull dhe Kafaraj.

Pas takimit me Subashin, kreu i sindikatës së fermerëve të bashkuar Eduart Sharka tha se vlera e demit shkon rreth 300 milion leke dhe sipas ligjit një pjesë të këtij dëmi kërkohet të dëmshpërblehet nga bashkia Fier./albeu.com/

The post Dëmet nga përmbytjet, fermerët e Fierit nisin protestat dhe përllogarisin dëmin appeared first on Albeu.com.

Subashi shkrian se, Basha dhe PD në Fier kanë votuar kundër në Këshill Bashkiak për emergjencën mjedisore te fusha ekzistuese 70 vjeçare, duke penguar investimin e qeverisë për impiantin e ri.

Më tej Subashi thotë se, edhe pak ditë dhe historia e plehrave për Fierin në atë fushë 70 vjeçare do të marrë fund njëherë e përgjithmonë.

Postimi i Subashit

Lulzimi paska reaguar sot për plehrat në Fier!!

Po si ka mundësi?!

Ku e gjen të drejtën morale?!

Lulzimi dhe të “tijët” në Fier që votuan kundër në Këshill Bashkiak për emergjencën mjedisore te fusha ekzistuese 70 vjeçare, që votuan kundër dhe bënë të gjitha përpjekjet për të penguar investimin e qeverisë për impiantin e ri, që organizuan pafund protesta duke helmuar mendjet e njerëzve për ndërtimin e impiantit të ri, duke e shtyrë rreth 2 vjet në kohë përfundimin e tij, që vazhdojnë të shpifin pa fund për gjoja helmimin e ujërave, të ajrit, të tokës nga impianti i ri, sot dalin dhe bëjnë të pafajshmin, apo të paditurin?!

E kanë të kotë!

Edhe pak ditë dhe historia e plehrave për Fierin në atë fushë 70 vjeçare do të marrë fund njëherë e përgjithmonë.

Ajo fushë do të jetë një kujtim i hidhur për të gjithë, por në rradhë të parë do të jetë njolla e turpit për Lulëzimët që donin ta mbanin gjallë me çdo mjet e mënyrë.

Fund plehrave në qytet!

The post Subashi i përgjigjet Bashës për djegien e plehrave në Fier: Këshilli Bashkiak i PD-së votoi kundër emergjencës mjedosore appeared first on Albeu.com.

Subashi thotë se nuk ka asnjë akuzë të Petro Koçit ndaj tij apo Bashkisë së Fierit. Ai thotë se akuzat janë keqinterpretuar me dashje kundër tij teksa thekson se i mbështet pretendimet e deputetit të PS.

Për të po bëhen përpjekje për të bërë diversione në PS, teksa bie dakord që ku ka abuzime të këtij lloji atëhere duhet të trajtohen dhe secili të mbajë përgjegjësitë e veta.

‘’Ndaj meje? Ndaj meje? Këtu po abuzon, me dashje apo pa dashje. Të lutëm, këto diversione nuk bëhen me PS. Në asnjë moment, deputeti Koçi nuk bëhet asnjë sinuatë për Bashkinë.

Ishin problem në parim. Nuk jemi kundër tyre, i mbështesim. Ku ka abuzime të trajtohen. Secili të mbajë përgjegjësitë e veta.

The post Subashi flet për akuzat e Petro Koçit: Ndaj meje? Këto diversione nuk bëhen me PS appeared first on Albeu.com.

Ai thotë se 30 gushti do të jetë afati maksimal i zgjidhjes përfundimtare të kësaj situate dhe më pas do të mbyllet fusha 74-vjeçare e vend depozitimit të mbetjeve urbane të Fierit për të filluar me inceneratorin.

‘’E mbani mend që në 2015 kemi marrë atë vendim për faktin se kjo situatë që shohim sot ka qenë e vazhdueshme ndër vite. Vazhdimisht plehrat digjeshin, kjo ishte arsyeja që njën dër vendimet e para ishte shpallja e emergjencës mjedisore. Mbi bazën e atij vendimi kishim mbështetjen e qeverisë. Sot që flasim ky problem është i zgjidhur. Sot kemi një vlerë të madhe publike që është gati të presë depozitimin e mbetjeve dhe trajtimin e tyre.

Ajo çfarë ka ngelur dhe ka mbetur në ditët e fundit është rehabilitimi i rrugëve që na çojnë tek inceneratori. Nuk kanë qenë rrugët e bëra. Po bëjmë një stacion për transferimin e mbetjeve, distance nga Fieri te inceneratori ësthë e konsiderueshme, nuk shkojnë dot mjetet gjithë natën dhe të bëjn shumë rrugë, do ishte humbje kohe dhe shpenzime pa fund. Pra ndërtimi i stacionit dhe blerja e mjeteve të reja që do të transferonin në bllok. 30 gushti do të jetë afati maksimal që mund të mbyllim këtë fushë 74-vjeçare të mbetjeve, vend depozitimin e mbetjeve të Fierit dhe fillojmë me inceneratorin.

Nëse punohet apo jo e shihni vetë, më vjen mirë se keni qenë këtu. Po punojmë non-stop. Po punojmë 24 orë. E vetmja zgjidhje është mbyllja me dhera e gjithë fushës. Zjarrfikëset nuk japin rezultat, edhe pas mendimit të ekspertëve. Uji e rindez më keq, e shuan për pak minuta, por mbulimi me dhe dhe kapsulimi i vatrave që të fiken. Padyshim që ngjarja e ditëve të fundit ishte një ngjarje e rëndë, e konsiderueshme, nuk mund ta themi nëse fusha është vetëndezur, e rëndësishme ëshët që situata është marrë nën kontroll. Nesër ose maksimumi pasnesër merret situata nën kontroll dhe s’do të kemi më ato sasi tymi. Ku shfaqet ndonjë vatër e vogël zjarri neutralizohet. Tani të shuajmë plotësisht dhe eleminojmë tymrat. Sa i përket atij që më thatë, ishte shfaqje, ‘shoë’ i radhës. Ka menduar të duket njëherë natën këtu ose i kanë thënë nga qendra të vij. Nëse do e kishte realisht shqetësim, sot ishte dita e tretë, do të ishin këtu, do të vinin. ‘’- tha Subashi.

The post Djegia e mbetjeve, kryebashkiaku i Fierit: Nesër deri pasnesër marrim situatën nën kontroll appeared first on Albeu.com.