Sulmuesi i Kombëtares shqiptare nuk lëvizi nga Bërnli në Championship, por falë lëvizjeve të merkatos së klubit të tij, tashmë ka një garanci më të madhe se do të ketë minutazh të rregullt në fushën e lojës të paktën deri në janar.

Bërnli vendosi të shiste në minutat e fundit të merkatos sulmuesin kryesor, Zian Fleming, tek Ipsuiç në Premier Ligë.

Klubi shiti sulmuesin dhe vendosi të mos afronte zëvendësues për rolin e tij, duke u mjaftuar me Brojën dhe Zeki Amduni si alternativa për numrin 9 gjatë pjesë së parë të sezonit.

Si rrjedhojë, sulmuesi i Kombëtares shqiptare, do të ketë një minutazh shumë më të lartë në fushën e lojës në këtë edicion nëse do të jetë në gjendjen e duhur fizike e nuk do të ketë problemet që e kanë shoqëruar rregullisht në këto sezone.

Dhe padyshim kjo mund ta ndihmojë të kthehet në formën e tij më të mirë, pas këtyre sezoneve zhgënjyese që ka përjetuar.

The post Fundi i merkatos “nderon” Armando Brojën, merret vendimi për sulmuesin e Kombëtares appeared first on Albeu.com.

Vendimi zyrtar për fundin e bashkëpunimit ka ardhur sot, me klubin i cili ka njoftuar largimin e tij, ashtu si edhe të Xhek Herrison, Zhesper Lindstrom dhe Orel Mangala.

Nëpërmjet një njoftimi për shtyp, klubi komunikoi se të gjithë këta lojtarë mbyllnin zyrtarisht huazimin e tyre dhe se ktheheshin në radhët e klubeve të cilat kishin në zotërim kartonin.

“Broja iu bashkua Evertonit në ditën e fundit të merkatos së verës së kaluar nga Çelsi dhe luajti 11 ndeshje”, shkruhej në njoftimin e klubit për këtë aventurë të Brojës që për fat të keq u ndikua nga dëmtimet e vazhdueshme të sulmuesit të Kombëtares shqiptare.

Megjithatë, trajneri Devid Mojes falënderoi lojtarët e larguar për kontributin e tyre.

“Ne do të dëshironim të falënderonim lojtarët tanë që ishin në huazim, të cilët kontribuuan në hapat pozitive që bëmë në fushë.

Të gjithë ata përqafuan atë që do të thotë të luash për këtë klub dhe sjellja e tyre dhe përkushtimi gjatë periudhës te Evertoni ishte e klasit të parë.

I urojmë Xhek, Xhepser, Orel dhe Armandos më të mirat në karrierën e tyre”, ishin fjalët e Mojes, duke i mbyllur kështu përfundimisht etapën e Brojës në këtë klub.

The post ZYRTARE/ Evertoni vendos të kthejë Armando Brojën te Chelsea appeared first on Albeu.com.