Një ditë më parë, trajneri Rolando Maran publikoi emrat e futbollistëve të ftuar për sfidat e Shqipërisë në fund të shtatorit dhe në fillim të tetorit, ku përfshihen përballjet me Bjellorusinë, San Marinon, Finlandën dhe sërish San Marinon.

Në atë listë, një nga mungesat më të dukshme ishte ajo e Armando Brojës. Tekniku italian sqaroi se vendimi nuk kishte lidhje me ndonjë problem fizik të sulmuesit shkodran, por bëhej fjalë për një zgjedhje thjesht taktike, duke lënë të kuptohej se momenti aktual i 25-vjeçarit nuk e justifikonte një ftesë.

Përtej këtij refuzimi, Broja po kalon një tjetër ngjarje aspak të zakonshme te Burnley. Burime të “BBC” raportojnë se trajneri i klubit anglez ndodhet shumë pranë shkarkimit dhe se drejtuesit pritet të zyrtarizojnë së shpejti ndërprerjen e menjëhershme të bashkëpunimit me Nicky Hayen. Barazimi 1-1 kundër Derbyt duket se ka qenë pika e fundit që solli këtë vendim drastik në stol.

Kjo situatë mund të shndërrohet në një moment reflektimi për vetë Brojën lidhur me të ardhmen e tij me Burnleyn. Edhe pse ka pasur zëra për një kalim të mundshëm në Emiratet e Bashkuara, tani perspektiva e lojtarit shkodran mund të rilidhet sërish me klubin anglez, varësisht nga zhvillimet e reja në krye të ekipit.

The post Përjashtimi nga Kombëtarja, tani edhe trajneri i Burnleyt në prag largimi – çfarë po ndodh me Armando Brojën appeared first on Albeu.com.

Burnely ka barazuar 1-1 në transfertë përballë Wrexham, në ndeshjen e vlefshme për javën e gjashtë të Championship, kategoria e dytë për nga rëndësia në Angli.

Amdouni shënoi për miqtë në minutën e 26-të, ndërsa vendësit rikthyen ekuilibrat në të 55-tën. Me këto dy gola u vendos dhe kjo përballje, ndërsa për Armando Brojën nuk pati minuta.

Sulmuesi i Shqipërisë nuk u preferua nga trajneri Nick Hayen, me shkodranin i cili mbeti në stol përreeth 90 minuta. Një situatë e paqartë për shkodranin, pasi 3 ditë më parë u pa në fushë për 45 minuta përballë Bristol City, ndeshje e humbur 1-2, ku Broja mori dhe karton të verdhë.

The post Vazhdojnë luhatjet e Burnleyt në Angli, trajneri “djeg” sërish në stol Armando Brojën appeared first on Albeu.com.

Burnley pësoi një humbje 1-2 në fushën e vet përballë Bristol City, në takimin e vlefshëm për javën e 5-të të Championship. Në këtë ndeshje u aktivizua edhe sulmuesi shqiptar Armando Broja.

Broja hyri në lojë në nisje të pjesës së dytë, por nuk arriti të ndikojë në ndryshimin e rezultatit. Pas përfundimit të takimit, një video e publikuar në platformën “X” e shfaq lojtarin e Kombëtares kuqezi në një debat verbal me tifozët e Burnley.

“Kam qenë skarco për një vit, nuk kam luajtur për një vit, nuk kam luajtur për një vit”, dëgjohet të shprehet Broja. Në zërin e sulmuesit vihet re qartë nervozizmi, pas kritikave të adresuara nga tifozët e Burnley.

Armando Broja duke u përplasur verbalisht me tifozët e Burnley.

The post Armando Broja përplaset verbalisht me tifozët e Burnley pas humbjes në shtëpi appeared first on Albeu.com.

Takimi mes Burnleyt dhe Middlesbrough, i vlefshëm për javën e katërt të Championship, kampionati i dytë më i rëndësishëm në Angli, përfundoi në barazim 1-1.

Morris zhbllokoi rezultatin në minutën e 23-të, ndërsa Raghouber realizoi golin e barazimit për vendasit në të 54-tën. Në këtë përballje pati hapësirë edhe për Armando Brojën.

Sulmuesi i Kombëtares hyri në fushë në minutën e 77-të dhe, gjatë 13 minutave që luajti, la përshtypje pozitive duke krijuar rrezik në prapavijën kundërshtare.

The post VIDEO/ Armando Broja luan vetëm 13 minuta, por shqetëson mbrojtjen kundërshtare në barazimin e Burnleyt appeared first on Albeu.com.

Burnley regjistroi humbjen e dytë radhazi në kampionat, pasi u mposht 4-1 në transfertën kundër Norwich. Armando Broja nuk ishte i pranishëm në këtë përballje.

Mungesa e sulmuesit shqiptar edhe në tribunë ngriti pikëpyetje nëse ai kishte probleme fizike apo ishte lënë jashtë skuadrës me vendim të trajnerit Nicky Hayen.

Pas ndeshjes, Hayen u dha fund dilemave duke sqaruar arsyen përse Broja nuk ishte përfshirë në ekip për këtë takim.

“Armando ishte një zgjedhje. Ai ka luajtur dy ndeshje radhazi dhe është pak a shumë i ngjashëm me Zian Flemming. Donim më shumë thellësi në skuadrën tonë, por për fat të keq kur je duke humbur 3-0, bëhet e vështirë”, deklaroi Hayen.

The post Dëmtim apo zgjedhje taktike? Trajneri i Burnley zbulon arsyen e mungesës së Armando Brojës ndaj Norwich appeared first on Albeu.com.

Sulmuesi i Kombëtares nuk vuan nga ndonjë dëmtim.

“Mungesat? Oliver pësoi një dëmtim në gju gjatë seancës stërvitore, ndaj fatkeqësisht nuk mund të luante dhe Armando ishte zgjedhje.

Ai luajti dy ndeshje radhazi. Është një lojtar pak a shumë i ngjashëm me Zianin(Fleming) dhe ne donim më shumë alternativa në skuadër, duke pasur parasysh vrapimet e Andreas(Hountondji). Por fatkeqësisht, kur je duke humbur 3-0, atëherë është e vështirë”, u shpreh trajneri i Bërnlit siç raporton “Burnley Extpress”.

The post Armando Broja në vështirësi pas përjashtimit, trajneri flet hapur për sulmuesin e Kombëtares shqiptare appeared first on Albeu.com.

Muaji gusht ka sjellë qartësi për pjesën më të madhe të futbollistëve të Kombëtares lidhur me vazhdimësinë e karrierës. Disa prej tyre kanë zgjedhur skuadra të reja, ndërsa të tjerët kanë vendosur të vijojnë te klubet ku aktivizoheshin.

Ndryshe paraqitet gjendja për Kristjan Asllanin dhe Armando Brojën, të cilët ndodhen thuajse në rrethana identike. Interi e ka bërë të qartë se mesfushori nuk përfshihet më në planet e klubit.

Një qëndrim i ngjashëm duket se ekziston edhe në kampin e anglezëve për Brojën. Ata janë munduar ta arsyetojnë lënien e tij jashtë me pretendimin se futbollisti nuk ndodhet në formën më të mirë fizike.

Për Asllanin janë përmendur Sassuolo, Cagliari, Sassuolo dhe Atalanta, krahas Al Ittihad në Arabinë Saudite dhe Hull City në Premier League. Megjithatë, asnjë prej këtyre interesimeve nuk është shndërruar në një hap konkret apo në një lëvizje serioze.

E njëjta situatë është përsëritur edhe me Brojën. Lazio në Serie A dhe Cagliari janë përfolur si destinacione të mundshme, por e ardhmja e sulmuesit shkodran vazhdon të mbetet e paqartë.

Gushti pritet të jetë vendimtar për të dy lojtarët, pasi duhet të sigurojnë medoemos një skuadër të re. Në shtator, Kombëtarja do të zbresë sërish në fushë për ndeshjet kualifikuese në Ligën e Kombeve.

The post Kristjan Asllani dhe Armando Broja në të njëjtën udhëkryq: Jashtë planeve të klubeve, ndërsa ofertat konkrete mungojnë appeared first on Albeu.com.

Fakt është se dy javë më parë ishte trajneri Niki Hajen, që zbuloi se Broja është dëmtuar. “Broja ka një dëmtim të lehtë, ndaj do të mungojë për disa javë”, shprehej trajneri belg.

Situata e Brojës është disi e paqartë. Zërat për largimin e tij ndërkohë kanë qarkulluar vazhdimisht.

Një vit më parë u shpenzuan 20 milionë paund nga Bërnli. Çelsi përfitonte shumën e majme për sulmuesin e Kombëtares i cili ishte jashtë planeve.

The post Misteri “Armando Broja” në Angli, çfarë po ndodh me sulmuesin e Kombëtares? appeared first on Albeu.com.

Armando Broja duket se po jeton orët e fundit si futbollist i Burnleyt. Sipas raportimeve të gazetës prestigjioze italiane “La Gazzetta dello Sport”, sulmuesi i përfaqësueses shqiptare tani ndodhet në shënjestër të klubit të Lazios.

I njëjti burim thekson se akordi mund të mbyllet shumë shpejt përmes një formule të leverdisshme: një huazim me të drejtë blerjeje, pa asnjë detyrim për ta ushtruar atë. Ky lloj operacioni me kosto të reduktuar justifikohet edhe nga minutazhi i kufizuar që i është dhënë shkodranit këtë sezon.

Në rast se transferimi konkretizohet me sukses, për Brojën do të shënonte një etapë të re dhe domethënëse në karrierë. Nga njëra anë, do t’i jepte mundësinë të lërë pas periudhën e vështirë që po kalon, dhe nga ana tjetër, do ta sfidonte në një ligë me karakteristika krejt të ndryshme nga ajo angleze. Në krye të skuadrës bardhekaltër do të gjente trajnerin Gennaro Gattuso, ndërsa në fushë do të përballej edhe me disa prej bashkëlojtarëve të tij të kombëtares.

The post E ardhmja e Armando Brojës në dyshim? Shtypi italian zbulon pistën e re për sulmuesin shqiptar appeared first on Albeu.com.

Armando Broja nuk ishte pjesë e ekipit të Burnley në miqësoren e zhvilluar dje kundër Ajax. Mungesa e tij nxiti zëra se sulmuesi ishte përjashtuar nga skuadra, por këto pretendime nuk qëndrojnë.

Situatën e 24-vjeçarit të Kombëtares shqiptare e ka sqaruar trajneri i Burnley, Nicky Hayen. Sipas tij, Broja ka pësuar sërish një dëmtim.

“Broja ka një dëmtim të lehtë, ndaj do të mungojë për disa javë”, deklaroi shkurt Hayen. Ky problem i radhës fizik mund t’i krijojë vështirësi sulmuesit edhe sa i përket merkatos.

The post Armando Broja jashtë skuadrës ndaj Ajax, trajneri i Burnley sqaron arsyen appeared first on Albeu.com.