Gjatë analizës së këtyre ndryshimeve, analisti Armand Shkullaku është shprehur se tashmë kreu i qeverisë Edi Rama ka krijuar një qeveri nga “halli”.

Po ashtu, Shkullaku tha se shkarkimi i Elisa Spiropalit nga posti i ministres së Jashtme, ka qenë porosi e Belinda Ballukut, për shkak të rivalitetin që kanë pasur me njëra-tjetrën.

Armand Shkullaku: Kjo është një qeveri nga halli, këta janë bishtat e Belindës. Kjo tregon që, Mamica u dogj. Lavdet për liderin nuk të bëjnë punë, të bën punë pushteti që ke me grupet kriminale, me paratë që qarkullon dhe me votat që mbledh. Mamica iku dhe në të gjitha duhet ta pranojmë që ka ikur sepse e ka vënë kusht Bela.

Blendi Fevziu: Si e ka vënë Bela, që të ikë Spiropali?!

Armand Shkullaku: Patjetër! Të gjithë e dimë që, ka pasur një rivalitet mes Belindës dhe Elisa Spiropalit, sepse ajo është e bindur që ka folur kundër Belës etj.

Blendi Fevziu: Unë e di që ka qenë mes Belindës dhe Erion Veliajt, paska pasur shumë rivalitete.

Armand Shkullaku: Njëri ka qenë shef kabineti i Belindës, tjetri ka qenë i caktuar po i caktuar nga Belinda. Iu them bishta, sepse për mua në mandatin e katërt të një force politike, që është forcë tradicionale në Shqipëri, të mos kesh një përfaqësues politik, pra dikush tjetër mbledh votat dhe dikush tjetër ha kumbullat, pra këtu hiq Belindën, Elisa dhe Toni Gogu, pjesa tjetër për mua nuk përfaqësojnë PS.

Këtë të enjte, kryeministri Edi Rama nga ora 11:00 zhvilloi një mbledhje të përbashkët të grupit parlamentar të Partisë Socialiste dhe kabinetit në Pallatin e Brigadave.

Pas mbledhjes që zgjati për disa orë, kryeministri Edi Rama ka bërë ndryshime në kabinetin qeveritar. Albana Koçiu është emëruar zv.kryeministre në vend të Belinda Ballukut. Vendin e saj si ministër i Punëve të Brendshme e ka marrë Besfort Lamallari, i cili deri sot mbante postin e ministrit të Drejtësisë. Postin e lënë bosh nga Lamallari e merr Toni Gogu.

Ky i fundit zëvendësohet në detyrën e mëparshme nga Eriona Ismaili, e cila është caktuar si ministre për Marrëdhëniet me Parlamentin. Ndërkohë është larguar nga kabineti qeveritar Elisa Spiropali e cila mbante postin e Ministres për Evropën dhe Punët e Jashtme. Ajo zëvendësohet nga Ferit Hoxha, ish-ambasador i Shqipërisë në BE.

Nga kabineti përveç Ballukut dhe Spiropalit është larguar edhe Pirro Vengu. Postin si ministër i Mbrojtjes e ka marrë Ermal Nufi, e cili ka qenë zv.sekretar i Përgjithshëm në Kryeministri. Sakaq, postin tjetër të Ballukut, si ministër për Infrastrukturën dhe Energjinë e merr Enea Karakaçi, i cili ka qenë anëtar i Këshillit Mbikëqyrës në OSHEE.

The post Armand Shkullaku: Largimin e Spiropalit e vuri kusht Balluku appeared first on Albeu.com.

Shkullaku ka deklaruar se drejtorët e arrestuar nuk janë pronarët e vërtetë të “5D”, duke hedhur aludime për Veliajn.

Më tej, gazetari theksoi se te bashkia e Veliajt shpikën sistem të ri për të vjedhur.

‘Kur ne themi që ky ka marrë një vendim në emër të këshillit bashkiak, këtë e dinë të gjithë. Kur janë faturat për paratë me firmën e kryetarit të bashkisë, janë gjëra që nuk i kemi thënë se, kemi bërë zbulimin e shekullit, se kemi bërë investigime, hulumtime.

Këta kanë vjedhur në mënyrë aq brutale, sa kur u kapën drejtorët e ‘5D’, ne në vend që të alarmohemi, filluam të qeshim sepse thamë, këta kanë shpikur një sistem të ri, planetar.

Dikur merreshin 20% vlerës së një tenderi, këta merrnin 100% tenderin.

Dhe besoj se edhe gjyqtarët e prokurorët janë pjesë. Ky nuk është presion. A janë të aftë prokurorët, hetuesit që i ka trajnuar FBI, CIA, NASA se di unë kush i ka trajnuar që të gjejnë këto faktet e dukshme dhe ti fusin në letër, kjo është diçka tjetër.

Kjo nuk është presion. Je i zoti ta zbulosh si është korruptuar sistemi që ka prodhuar inceneratorin, je i zoti të zbulosh si kanë vajtur lekët e taksapaguesit të Tiranës, për fushatën e Erion Veliajt. Kaq, nëse nuk je i zoti, fute për brekët e gruas.

Por nuk është presioni mediatik Baton.
Presioni mediatik bëhet kur, këta i kanë faktet dhe nuk duan ta çojnë.

Nuk janë drejtorët pronarët e ‘5D’, nuk janë këta Klodët të inceneratorit’, tha Armand Shkullaku

The post Armand Shkullaku: Drejtorët s’janë pronarët e “5D”, te Bashkia e Veliajt shpikën sistem të ri për të vjedhur appeared first on Albeu.com.

Deklaratat e Richard Grenell duke kritikuar ashpër kryeministrin Albin Kurti kanë trazuar zgjedhjet në Kosovë. Duke qenë se jemi në prag të zgjedhjeve, emisioni “Opinion” ia kishte dedikuar puntatën e sotme kësaj teme.

Ndër të ftuarit ishte edhe analisti Baton Haxhiu, i cili mendon se me këtë deklaratë të Grenellit, Kurti e ka ngritur qëllimisht si një polemikë kundër tij për të treguar një fuqi të vet që përballet me SHBA-në. Por të njëjtën fuqi e sheh si dobësinë edhe më të madhe të Kurtit.

“Grenell habitshëm ka dhënë deklarata këto ditë, për arsye se e di shumë mirë që te një elektoral të ai 50% nuk është shumë i mirëpritur. Ai e di fort mirë. E di realitetin në Kosovë. Kurti qëllimisht e ka ngritur këtë polemikë kundër tij që ta tregojë njëfarë fuqie të vet [që përballet edhe me Amerikën]. Por realisht kjo fuqi e tij është dhe dobësia e tij më e madhe. Për arsye se pas disa ditësh do ballafaqohet me një të vërtetë. Edhe ai është ai emër, Richard Grenell. Ai është numrat”, tha Haxhiu.

Nderkohe, analisti Idaver Sherifi ka deklaruar se deklaratat e Grenell nuk ndikojnë mbi rezultatin e zgjedhjeve, por ai ka vendosur një kriter. Dhe ky kriter ka të bëjë me faktin që më pas duke ditur qëndrimin amerikan asnjë parti nga opozita nuk bën koalicion me Lëvizjen Vetëvendosje. Pra, do të vështirësohej puna e Albin Kurtit për të bërë koalicion me partitë e tjera.

The post Deklaratat e Grenell trazojnë zgjedhjet në Kosovë appeared first on Albeu.com.

Sipas Arjan Currit, shqiptarët u besojnë më shumë amerikanëve, sesa politikanëve vendas, por ai tha se besimi tek burokratët amerikanë ka një tendencë në rënie.

Nga ana tjetër Shkullaku u shpreh se politikanëve tanë nuk u besojnë as gratë.

Pjesë nga biseda:

Arjan Curri: Ka një rezistencë të publikut që vazhdon dhe bindet dhe e ka syrin nga mesazhet amerikane. Unë me kolegët e mi bëjmë sondazhe dhe kemi metodologji tjetër. Në një nga pyetjet që kishim ne, ishte kjo, kë besoni më shumë, politikanët shqiptarë apo Amerikën. Mosbesueshmëria ishte kaq e madhe saqë prap Amerika edhe pse ka tendencë në rënie, kishte rol më të madh.

Armand Shkullaku: Politikanët shqiptarë nuk i besojnë gratë e veta ore.. Po e krahasove me këtë…

Arjan Curri: Del që për shkak të dyshimeve të mëdha ndaj politikanëve, amerikanët janë më mirë. Opinioni publik ka filluar të zgjohet pak, por jo deri në atë nivel.

Arjan Çani: Kohët e fundit ambasada e SHBA-ve, është bërë shumë më e drejtpërdrejt. Nëse para ca vitesh përdornin një gjuhë të kujdeshme, tani janë lëshuar pa frena fare. Ne po përjetojmë, atë që kanë përjetuar disa vendet të tjera rrotull nesh, si Greqia apo Italia. Ato kanë patur një thundër të paparë amerikanë, që fusnin hundët deri në gjëra bazike. Ato vende, duruan sa duruan dhe reaguan në forma të ndryshme.

Në Shqipëri se nuk jemi akoma atje. Shqipëria po përballet me një ndërhyrje të superfuqisë dhe tani jemi kuriozë të dimë si do të reagojë shoqëria. Do vijojë të shtypet dhe pranojë çdo lloj vasaliteti apo do të gjejë forma reagimi? Jemi në fazën që sapo ka filluar thundra, do të vazhdojë gjatë, apo jemi në momentet që do të reagojmë? Kjo është pyetje për të cilën nuk e kam përgjigjen.

The post Armand Shkullaku e thotë troç: Politikanëve nuk u besojnë as gratë e tyre appeared first on Albeu.com.

“Që në ditën e parë PD duhet ta kishte marrë vendimin. Nuk është i lehtë. Por në momentin që u shpall “non grata” ishin dy mundësi; ose PD (nëse ishte e bindur) duhet të ndiqte standardin që ka kërkuar nga kundërshtarët politikë dhe (Berisha) nuk mund të jetë pjesë e grupit parlamentar ose jo, nuk besojmë te këto akuza, “është shtylla kurrizore e partisë, fytyra e PD” dhe do i qëndrojmë deri në fund.

Na jepni prova para se të shprehemi, janë zvarritje. Basha duhet të marrë një akt politik. Rruga e dytë do të ishte më e ndershme, nuk mund të distancohet nga dikush që e ke pasur në identitetin tënd. Qëndrimi i Bashës duhet të ishte në mbështetje të Berishës” u shpreh ai.

“Lapsi.al”, i drejtuar nga Armand Shkullaku ditën e sotme publikoi një mesazh, që sipas burimeve të portalit nga selia e PD-së, ambasada e SHBA-së në Tiranë u dërgoi drejtuesve të kësaj partie me këtë tekst “Pakti u prish, tani është radha jonë të flasim”. Po sipas lajmit të publikuar, mesazhi u dërgua përpara se Berisha të shpallte vendimin mbrëmjen e djeshme se nuk kishte ndërmend ta braktiste betejën në kuvend dhe të kërkonte fakte nga SHBA, për akuzën që i bëhej. Por si e analizon Shkullaku këtë mesazh?

“Dyshohet se mund të ketë një pakt. Dikush nuk mund të çojë një mesazh të tillë përderisa nuk jemi marrë vesh paraprakisht. Bëhet fjalë për një pritshmëri të ambasadës amerikane, që Berisha, ndonëse nuk ka një qëndrim për përjashtimin e tij, pritshmëritë e ambasadës kanë qenë se do të kishte një tërheqje.

Dalja e Berishës mesa duket e ka shqetësuar ambasadën dhe ambasadoren, pasi ka një udhëzim nga Uashingtoni për izolimin e Berishës dhe cdo dalje e tij mund t’i japë një shqetësim jo më PD-së, por me Uashingtonin, dhe përderisa shikon që udhëzimi po komplikohet, tregon humbjen e durimit.

Nuk mund t’i bëhet presion një partie për të marrë një vendim që është në diskrecionin e saj, është një gjuhë shantazhuese ndaj një partie. Kjo nuk vjen vetëm për shkak të arrogancës së diplomatëve, por edhe terrenit të lirë, mos mbajtja e qëndrimeve të prera, luajtja me dy porta ka krijuar një terren të tillë, që një ambasador të kërkojë marrjen e një vendimi të tillë” tha Armand Shkullaku/Abcnews.al

The post Përse po hesht Basha për Berishën? Shkullaku: Rruga e dytë do të ishte më e ndershme appeared first on Albeu.com.