Sipas Policisë Metropolitane të cilës i referohet Top Channel, Arlind Hashani, 22-vjeç , banues në Bray Fellows Road NW3, u paraqit të premten, më 15 gusht, në Gjykatën e Magjistraturës në Westminster, ku u akuzua zyrtarisht për vrasje, pas ekstradimit të tij nga Franca.

Arrestimi i tij ndodhi në Paris më 30 korrik. Hashani u la në paraburgim dhe pritet të dalë para Gjykatës së Lartë në Wood Green të martën, më 19 gusht.

Ai akuzohet se vrau Ahmed Ali Jama, 29-vjeç, i cili u gjet me plagë të marra nga thika pranë zonës Gaymead, në Abbey Estate, në Abbey Road, rreth orës 19:32 të mbrëmjes së 29 dhjetorit 2023.

Pavarësisht ndihmës së dhënë në vendngjarje, Ahmed ndërroi jetë më vonë në spital./TCH

The post Shqiptari ekstradohet nga Franca në Angli, ja për çfarë akuzohet (EMRI) appeared first on Albeu.com.

Dyshohet se viktima e Ahmed Jama u qëllua me thikë në Abbey Estate pranë St John’s Wood. Edhe pse ai u dërgua me urgjencë në spital, ai nuk mundi që t’i mbijetojë plagëve të marra.

Mediat britanike shkruajnë se fillimisht për vrasjen e të riut, u arrestua një 25-vjeçar, por hetimet e kryera, zbuluan se pas krimit të rëndë qëndronte shqiptari Arlind Hashani.

Ndërsa inspektori i policisë Neil Raëlinson i tha mediave, se duhet urgjentisht që të zbulohet vendndodhja e shqiptarit, për shkak të rrezikshmërisë së tij.

“Ne duhet urgjentisht të gjurmojmë vendndodhjen e Arlind Hashanit. Ai konsiderohet të jetë i rrezikshëm dhe nuk duhet afruar”.

The post I riu shqiptar qëlloi për vdekje me thikë 29-vjeçarin në Londër, policia britanike shpëndan foton e tij: Është person i rrezikshëm appeared first on Albeu.com.