Shefi i deputetëve të PDK-së, Abelard Tahiri, tha se është e rrezikshme dhe e papranueshme që kryeministri i Kosovës të ‚ pranojë me kaq lehtësi kërkesat e Vuçiqit për UCK-në dhe historinë tonë.

Ai e ka quajtur kurth të Serbisë, në të cilin ka rënë qeveria e Kosovës.

“Është e pabesueshme që diskursi i zhvillumë në Beograd në raport me luftën e UÇK-së dhe akuzave që ata kanë drejtu në vazhdimësi ndaj krerëve të UÇK-së, tash qai diskurs po zhvendoset nga Beogradi në Bruksel dhe në Prishtinë përmes kryeministrit dhe zv.kryeministrit. Të trajtohet një kërkesë e tillë e Vuçiqit me kaq lehtësi  nga kryeministri dhe zëvendëskryeministri, është totalisht e papranueshme. Të kthehet diskursi i Serbisë në Kosovë, përmes kryeministrit dhe të hapen tema shumë të rrezikshme për historinë tonë, mendoj që është e papranueshme. Duhet të jemi bashkë dhe ta mbrojmë historinë tonë më të re”, ka thënë ai./albeu.com

The post Hapja e arkivave të UÇK, PDK akuza Kurtit: Po zbaton çfarë të thotë Vuçiçit rreth UÇK-së appeared first on Albeu.com.

Teksa ka folur për këtë, Kurti tha se ska asgjë për të fshehur dhe se me hapjen e arkivave, do të ndihmohej të gjendeshin të zhdukurit gjatë luftës.

“Ne i kemi arkivat e shtetit tonë të cilat i përfshijnë ato gjatë luftës të UÇK-së dhe ne jeni shumë transparentë, mirëpo neve na duhet ta zbardhim fatin e të të pagjeturve, e për këtë ne duhet të hapim arkivat në Beograd sepse vrasjet e varrosjet e masakrave e më pastaj zhvarrosjet nuk janë bërë nga qytetarët serb por nga shteti i Serbisë në mënyrë të organizuara, e që janë në arkivat e Serbisë që duhet të hapen një orë e më parë”, tha ai.

Kreu i Qeverisë ka thënë se shteti i Kosovës nuk ka çfarë të fshehë, pasi sipas tij, nga përfundimi i luftës, Kosova ka qenë nën administrimit e ndërkombëtarëve, raporton EO.

“Kosova siç e dini që nga viti 1999 e këndej, kemi qenë nën administrim ndërkombëtar, pra vend më transparent e më të hapur se Kosova nuk ka, e ajo që duhet të hapet është Serbia, sepse në katër luftëra që Serbia i ka bërë, gjenocidi që i ka bërë në Bosnjë e Kosovë, duhet të zbardhet e vërteta, që të dihen urdhërdhënësit”, tha Kurti./albeu.com

The post Albin Kurti mbështet hapjen e arkivave të UÇK-së: S’kemi çfarë fshehim appeared first on Albeu.com.