I vrarë mbeti Andi Maloku, ndërsa u plagosën vetë Arjan Ndoja si dhe Aleksandër Laho, i njohur si “Rrumi i Shijakut”.

Në këtë proces të pandehurit janë Amar Shkëmbi dhe Bledar Polovina, si të përfshirë në atentatin në mbikalimin e Shkozetit.

Amar Shkëmbi nuk është paraqitur, por ka nënshkruar deklaratë se nuk do të shkojë në gjykim dhe do të përfaqësohet nga avokatët e tij.

Ai theksoi se nuk kishte asnjë informacion konkret mbi autorët dhe se nuk kishte pasur asnjë sinjal paralajmërues më parë.

Ai deklaroi se nuk i njeh të pandehurit Amar Shkëmbi dhe Bledar Polovina, të cilët po gjykohen për këtë çështje. Gjithashtu, përmendi se emrin e Plaurent Dervishit e njeh vetëm nga një procedim i mëparshëm në Durrës.

“Përveçse nga ju si organ prokurorie, apo edhe nga vendimet gjyqësore, nuk ka ardhur askush të na takojë dhe të na thotë se ka ndodhur kjo gjë e arsyen pse e kanë bërë këtë gjënë. Të pandehurit e këtij procesi por gjithashtu edhe të bashkëpandehurit në një procedim të lidhur, unë nuk i njoh, Plaurent Dervishin e njoh si emër se ka pasur një procedim në Durrës”, ka deklaruar ai.

Ish-Prokurori Ndoja shtoi gjithashtu se, për shkak të sulmeve politike ndaj tij në atë periudhë për shkak të postit, kishte dyshime nëse mund të ishte vënë nën survejim nga struktura shtetërore, “për shkak të vettingut të famshëm”.

“Për shkak të sulmeve politike unë kam pasur dyshimet mos më kanë vënë shërbime të posaçme të policisë, për shkak të vettingut të famshëm, që shumica prej jush e kanë kaluar me sukses.”, ka thënë ai.

Deklarata e Arjan Ndojës në GJKKO:  

Arjan Ndoja: Në 2019 kam qenë prokuror në Durrës. Përveç anatemimit që më kanë bërë figura të larta politike, nuk kam pasur asnjë lloje problematike tjetër, kam pasur në pronësi një automjet familjar që ishte në emër të bashkëshortes time. Një muaj para se të ndodhte një ngjarje që e ka përdorur shtetasi i ndjerë Andi Maloku.

Në datën 1 nëntor 2019 kam dal nga shtëpia si zakonisht në orën 7 të mëngjesit kam shkuar tek puna me Andi Malokun. Rreth orës 12 kam dalë nga puna dhe jam zhvendosur në drejtim të lokalit me emrin koral pasi kam qenë i ftuar për drekë me disa persona mes tyre Aleksandër Laho.

Nga ora 13:00 deri rreth orës 16:00 kam qëndruar aty, kemi qenë më dy makina, ejmi zhvendosur në drejtim të urës së Dajlanit. Në drejtim të automjetit ishte Andi Maloku pasi unë nuk ndihesha mire. Unë ndodhesha në vendin e parë dhe Aleksandër Laho ishte mbrapa, ai kishte dhe makinën e tij por erdhi me mua për të bërë muhabet. Kur kam dal nga lokali deri kur ka ndodhur ngjarja nuk kam konstatuar asgjë të dyshimtë.

Kur kemi kaluar gomisteria që nis kilometri i parë i autostradës deri tek ura e Shkozetit kanë nisur krismat, automjeti im ishte në karrexhatën ngjitur me trafik ndarësen. Në momentet e para nuk e kam kuptuar se ishin të shtënat me armë zjarri.  Krismat nuk kanë qenë më breshëri kanë qenë të ndara. Kanë qenë dy armë pasi bënin zhurma të ndryshme dhe intervali i kohës i gjuajtjes. Që kur kanë filluar krismat deri kur automjeti ka dalë nga rruga ka zgjatur rreth 20 sekonda. Kur u plagos i ndjeri Andi Maloku ai i dha gaz makinës dhe kemi goditur një nga barrierat e rrugës dhe kemi përfunduar jashtë rruge.  Kur kemi dal nga rruga dhe ka ndalu se ka ngec makina në kanal vetëm Andi Maloku ishte me i vetëdijshëm dhe ai ka marrë babin në telefon dhe i ka thënë babë na kanë gjujt. Kur kam tentuar të dal nga makina kam humbur ndjenjat dhe nuk më kujtohet më. Ndërsa Andi Maloku u rrëzua kur hapi derën sepse mesa duket plumbin e kishte në shtylle kurrizore.

Nuk kam mësuar as më pas idenë se kush na ka qëlluar. Për Andi Malokun kam dërgu njerëzit e mi që të interesoheshin për gjendjen e tij shëndetësore. Familjarët nuk dine asgjë por as i ndjeri nuk ka parë gjë se ato nuk kanë qëlluar paralel kanë qëlluar nga mbrapa.

Përveçse nga ju si organ prokurorie, apo edhe nga vendimet gjyqësore, nuk ka ardhur askush të na takojë dhe të na thotë se ka ndodhur kjo gjë e arsyen pse e kanë bërë këtë gjënë. Të pandehurit e këtij procesi por gjithashtu edhe të bashkëpandehurit në një procedim të lidhur, unë nuk i njoh, Plaurent Dervishin e njoh si emër se ka pasur një procedim në Durrës.

Unë pushimet në 2019 i kam bërë në Shëngjin pasi kam një shtëpi atje.  Unë përgjithësisht për drekë ulesha tek Koral dhe tek një lokal Kamelia tek shkëmbi i Kavajës. Përpara ngjarjes unë nuk kam parë asgjë të dyshimtë.  Për shkak të sulmeve politike unë kam pasur dyshimet mos më kanë vënë shërbime të posaçme të policisë, për shkak të vettingut të famshëm, që shumica prej jush e kanë kaluar me sukses.

Nuk kam pas dyshime zoti prokuror se po të kisha pasur dyshime nuk do rrija në rrugë që të mësonin dorën në mua. Erjol Halilajn kur e kam parë në gjyq jam kujtuar që e kam pas parë në Durrës.

Tek une nuk ka ardhur askush për të na takuar, por di që tek familja e Andit kanë vajtur 3-4 veta për tu takuar. Por më mirë e di babi i Andit, që ju e keni edhe dëshmitar. Mua s’me ka sjell askush porosi. Rastësisht në gjykatën e Durrësit kam takuar xhaxhin e Eriol Halilajt, më tha që kishte dashtur të vinte të më takonte, i thashe pse nuk vjen, më tha por ja nipi im. I thashë po cfare di ti për nipin.

Prokurori: Dor Shabën e njihni, të ka sjell porosi.

Arjan Ndoja: Unë e njoh, por nuk më ka sjellë asnjë porosi. Nuk kam asnjë pasuri në zonën e Gjirit të alëzit. Vullnet Muçën se njoh, por nëse bëhet fjalë për Vullnet Muharremin, vëllain e Pëllumb Muharremit e njoh.  Në makinë time përveçse atë ditë s’ka udhëtu ndonjehrë. Por takime kemi pasur por s’kemi pasur asnjë lidhje biznesi me të.

Halit Valterin e njoh por nuk e kam takuar ndonjëherë për punën e ngjarjes, di që i ka ardh një CD nga babi i Andi Malokut, që të transmetonte pamjet e makinës që u gjet në shkafan.

Kur kam dal ne punë, kam takuar Basir Mecen krejt rastësisht, i kam thënë Basirit që më ka ardh një informacion që këtë ngjarje ma ka bërë Plaurent Dervishi, dhe që djali jot mund të ketë qenë në dijeni. I kam thënë hiqe djalin nga Shqipëria deri sa të sqarohen rrethanat e ngjarjes. I kam thënë kur të krijoj bindjen time për këtë gjënë do të ta them, që të marrësh masat e tuaja. Unë edhe sot ja ku jam sepse nuk i kam borxh askujt.

The post Nuk i kam borxh askujt/ Arjan Ndoja dëshmon në GJKKO për atentatin ndaj tij në vitin 2019: Për shkak të sulmeve politike, kam pasur dyshime se… appeared first on Albeu.com.

Në të njëjtin vendim, Kolegji Penal ka lënë në fuqi edhe dënimin me 35 vite burg për Arjol Halilajn, i akuzuar për përfshirje në të njëjtën ngjarje të rëndë kriminale.

Sipas arsyetimit të Gjykatës së Lartë, rekursi i paraqitur nga dy të dënuarit është vlerësuar i pabazuar në ligj dhe në prova, duke lënë kështu në fuqi vendimin e mëparshëm të Gjykatës së Posaçme të Apelit.

Vendimi është marrë nga trupa gjykuese e përbërë nga gjyqtarët Sander Simoni, Ilir Panda dhe Sokol Binaj.

Kujtojmë që 24-vjeçari Maloku mbeti i plagosur në atentatin e 1 nëntorit 2019 të ndodhur në Shkozet, ndërsa drejtonte makinën, në të cilën ndodhej Prokurori Arjan Ndoja dhe Aleksandër Laho. I riu ndërroi më pas jetë në Spitalin e Traumës.

Rraja u dënua me burg për jetë në korrik të 2023, si një prej autorëve të atentatit ndaj prokurorit Arjan Ndoja, shoferit të tij Andi Maloku, i cili humbi jetën dhe Landi Muharremit, i njohur edhe me emrin Aleksandër Laho.

Rraja është i afërm i ish-deputetit të Partisë Socialiste, Rrahman Rraja dhe ka qenë edhe më herët i proceduar penalisht. Ai është denoncuar në një rast publikisht nga ish-oficeri i policisë Emiljano Nuhu se e kishte kërcënuar për të mbyllur hetimet ndaj djalit të deputetit, i akuzuar për dhunimin e të dashurës. Ramazan Rraja, pjesëtar tjetër i familjes është po ashtu i akuzuar si pjesëmarrës në atentati, por procesi gjyqësor ndaj tij është në vijim.

The post Atentati ndaj prokurorit Arjan Ndoja dhe vrasja e Andi Malokut, Gjykata e Lartë lë në fuqi dënimin me burgim të përjetshëm për Redjan Rrajën appeared first on Albeu.com.

Kujtim Dervishi është një prej identiteteve fiktiv, i përdorur nga Aleksandër Laho për tjetërsimin e pronave.

Një tokë me sipërfaqe totale 24.840 metër katrorë, të përvetësuara nga Laho.

“Është bërë akti i ekspertimit të përmbajtjes së AMTP-së nr. 153 të shtetasit Kujtim Dervishi dhe rezultoi se: ‘Te shifra 2 konstatohet fshirje kimike, mbetje të elementëve të shifrës së mëparshme e cila ka qenë shkruar shifra 1’.

Nga akti i ekspertimit del se sasia totale e sipërfaqes së tokës bujqësore që Komisioni i Ndarjes së Tokës ka dhënë për këtë shtetas ka qenë 14.840 metër katrorë dhe është korrigjuar duke e bërë sipërfaqen totale 24.840 metër katrorë”, citohet në dosjen hetimore.

“Të gjitha ato AMTP që kanë dalë por nuk kanë pasur regjistër të posaçëm me numër matrikullimi, është e pamundur të verifikohen. Vetëm nëse verifikohen përmes komunave, që janë manuale”, tha avokati Bledi Meminaj, për Inside Story.

Falsifikimet janë në volum, gjithashtu dhe zyrtarët e përfshirë që kanë firmosur. Kjo tokë u tjetërsua nga ‘pyll’ në ‘pemëtore’.

Parcela iu shit 23-vjeçarit Andi Maloku, i cili vdiq në atentatin e 1 nëntorit 2019, kundër ish-prokurorit Arian Ndoja, sot deputet i PD, në mbikalimin e Shkozetit.

Në automjet me ta ka qenë dhe Rrumi i Shijakut.

“Nga verifikimi i Librit të Ngastrave kjo parcelë me sipërfaqe 10 mijë metër katrorë nuk rezulton pjesë e parcelave të përfituara me AMTP-në numër 153 prej Kujtim Dervishit. Kjo pasuri i është shitur shtetasit Andi Maloku me kontratën numër 1567 datë 27.07.2018 për shumën prej 2.000.000 lekë dhe ndryshimet e pronësisë janë bërë në 31.07.2019”, thuhet në dosje.

Nëse analizon çmimin e shitjes, dukshëm një kontratë pa logjikë ekonomike. Një çmim prej vetëm 200 lekësh për metër katror në një prej zonave elitare turistike që në të vërtetë, kushton disa fish më tepër.

“Sot një çmim mesatar se nuk kemi bursë çmimesh, por në vijën e parë bregdetare minimale 200 euro. 200 por mund të ketë edhe deri në 300 euro”, deklaroi Gjergji Begaj.

Në të njëjtën formë, në emrin e shtetasit Kujtim Dervishi, është përvetësuar edhe një tjetër parcelë me sipërfaqe 13.200 metër katrorë.

Ndërhyrja është bërë ne falsifikimin një AMTP-je të vitit 1995, duke bërë ndryshimin e një regjimi toke nga “pyll” në tokë “arë”.

Këtu zbulohet se shtetasi Dervishi, mund të mos ketë dijeni për veprimet e kryera. Ekspertimi zbulon se nuk kishte firmosur ai për praktikën.

“Shtetasi Kujtim Dervishi nënshkruan deklaratë të hartuar me shkrim dore ku pranon se ka hequr dorë nga sipërfaqja prej 110 metër katror. Shkrimi me të cilin është hartuar deklarata ndryshon nga shkrimi me të cilin ka shkruar emrin dhe mbiemrin shtetasi Kujtim Dervishi”, citohet në dosjen e SPAK.

Regjistrimi i pronës është bërë me thuajse 20 mijë metër më tepër, pra, 31.381 metër në total. Toka është shitur nga Vlash Brahja, si përfaqësues i pronarit, tek shtetasja Liljana Basha për një vlerë prej vetëm 930 mijë lekësh.

Sërish një vlerë qesharake pa asnjë lidhje me tregun. Pra, një shitje e dyshuar fiktive. Brahja, përfaqësuesi i shitësit, konsiderohet ushtar i Rrumit. Ai akuzohet për falsifikim dhe grup kriminal.

The post “Rrumi” falte prona për të vrarë kundërshtarët/ Si u bë shoferi i Arjan Ndojës pronar i 25 mijë m2 tokë? appeared first on Albeu.com.

Gjatë seancës, Ulliri u përfaqësua nga avokati Indrit Sefa, ndërsa Ndoja ishte përfaqësuar nga avokati Rexhë Margjeka.

Avokati i Ndojas kërkoi që Ulliri të mos legjitimohej si palë ankimuese. Pas shqyrtimit të argumenteve, trupi gjykues vendosi pushimin e çështjes, duke u bazuar në moslegjitimizimin e Ullirit si paditëse.

Andia Ulliri, kishte ankimuar më parë vendimin e Komisionit të Ankimimeve dhe Sanksioneve, si dhe atë të kryekomisionerit Ilirjan Celibashi, që kishin rrëzuar kërkesën e saj me argumentin se lista e hapur dhe lista e mbyllur funksionojnë të ndara.

Ulliri kandidoi në listat e Partisë Demokratike- Aleanca për Shqipërinë Madhështore, në qarkun e Durrësit dhe kërkonte mandatin për shkak të kuotës gjinore.

The post Kërkoi t`i merrte mandatin e deputetit Arjan Ndojës, Kolegji Zgjedhor pushon çështjen e Andia Ullirit appeared first on Albeu.com.

Ai ka treguar mardhenien me ish prokurorin Ndoja e ndërsa për sulmin me armë zjarri shprehet se e ka pare ne TV.

Prokurori: A keni njohje me arjan ndojën?

Enver Shaba: Në kohën kur ka qenë avokat, prej 20 vjetësh. S’mbaj mend sa herë e kam takuar por ka qenë një njeri që kam patur dhe kam respekt.

Prokurori: Je në dijeni për ndonjë problem me Arjan Ndojën?

Shaba: Ajo ngjarje që ka ndodhur, atë ditë që ka ndodhur kam qenë te i njëjti restorant me Arjanin dhe nja 2 shokë.

Arjani ka qenë prokuror, restoranti ka qenë Koral, në plazh.

Kam ndejtur pak në restorant dhe jam larguar ka qenë pasdite.

Në tavolinë ka qenë Arjani, Rrumi(smë ka lidh puna për emrin gjatë).

Nuk e di kush ka qenë në automjet me Arjanin. Ajo çfarë kam parë në televizor më shumë nuk di. E kam takuar më pas në restorantin tim në plazh Arjanin nuk kemi biseduar më për atë ngjarje.

Genci Malokun e njoh nga ngjarja jo personalisht.

Dorjan Shaba është nipi im djali i vëllait. Nuk kam biseduar absolutisht asgjë për ngjarjen.

Avokat Ilia Ilia: Çfarë lidhje ke patur me Ndojën?

Unë jam biznesmen, e kam njohur si avokat, si këshilltar vetëm për punë biznesi.

Plaurent Dervishaj: gjatë dëshmisë së Enver Shaba, tha kam respekt Arjan Ndoja? Po për Plaurent Dervishajn, ke pas respekt, ke respekt apo ka ndryshuar pas atentatit të Ndojes?

Gjykata nuk e pranon pyetjen.

Enver Shaba: kam respekt platonik për çdo njeri.

The post Megaprocesi për sulmin ndaj ish prokurorit Arjan Ndoja/ Dëshmon dhe biznesmeni Enver Shaba: Kam respekt për Arjanin, po për sulmin nuk di gjë appeared first on Albeu.com.

Sulmin me armë që iu bë në 20 qershor të vitit 2019, Plaurent Dervishaj, nuk e harroi dhe e ktheu në motiv të hakmarrjes së tij, ndaj personit të vetëm që ai dyshonte, të fortit të Shijakut, Aleksandër Laho. Dy miqtë të cilët kishte në Range Rover, Julian Meçja dhe Bashkim Haxhija, i përdori në të paktën 3 plane për të vrarë Lahon, të njohur me pseudonimin “Rrumi i Shijakut”.

Sipas SPAK, që tashmë ka mbyllur hetimet dhe ka dorëzuar dosjen për gjykim në GJKKO, Plaurent Dervishaj, ish-pjesëtari i bandës së Durrësit, drejtoi një grup kriminal me 10 persona për të vënë në zbatim planin e vrasjes.

Më 1 nëntor të vitit 2019 në mbikalimin e Shkozetit Rrumit iu bë pritë në atentat teksa udhëtonte në makinën e ish-prokurorit Arjan Ndoja. Të dy mbetën të plagosur, ndërsa fatkeqësisht plumbat i morën jetën shoferit, Andi Maloku, një të riu 29-vjeçar nga Fushë-Kruja.

Zbërthimi i bisedave të koduara në SKYECC dhe rrëfimi i bashkëpunëtorit të drejtësisë Nuredin Dumani, zbuluan sipas SPAK – se para dhe pas atentatit te Mbikalimi i Shkozetit, Plaurent Dervishaj ka biseduar edhe për 2 plane të tjera për të vrarë të fortin e Shijakut, të cilat nuk kanë mundur të realizohen.

Teksa për Rrumin e Shijakut motivi lidhet me hasmërinë, hetuesit janë ende të paqartë se përse ish-anëtari i Bandës së Durrësit donte edhe kokën e ish-prokurorit që shoqërohej me një person me historik kriminal.

Ngjarja në atë kohë, artikuloi për herë të parë nga kryeministri Edi Rama termin “KÇK, – kap ç’të kapësh-, duke iu referuar qokave të fundit që persona të drejtësisë mund të bënin për krimin para se të digjeshin në vetting.

Për atentatin ndaj Ndojës dhe Rrumit që la pasojë vdekjen e shoferit, është dënuar me burg përjetë Redjan Rraja, nipi i ish-deputetit të PS, Rrahman Rraja, dhe me 35 vite bashkëpunëtori Ariol Halilaj.

Hetimet e SPAK të nisura prej vitit 2021 zbuluan se në grupin e tij, Dervishaj kishte afruar edhe nipin tjetër të ish-deputetit Ramazan Rrajën, i arrestuar më 19 prill 2024, me armë në brez.

Po nga bisedat në aplikacionet e koduara të zbërthyera nga homolgët francezë, është zbuluar se grupi i Plaurent Dervishajt, kanë bërë plan të vrasin babain e shoferit të vrarë në atentatin ndaj prokurorit dhe vëllain e Rrumit të Shikajut, Vullnet Muharremi. Genci Maloku kërkonte drejtësi për të birin, pasi kishte instituar disa herë në dyert e prokurorisë të mësonte kush fshihej pas vrasjes së djalit.

Me tiparet e një grupi të strukturuar kriminal, banda siguronte makina dhe targa të vjedhura, armë zjarri dhe më tej– thotë SPAK – “kanë mundur që të sigurojnë informacione për lëvizjet e objektivit edhe nga bazat e të dhënave shtetërore”.

Sipas dosjes hetimore, rezulton se informacionet merreshin nga sistemi TIMS, duke siguruar foto të personave dhe lëvizje të tyre, por merrnin të dhëna edhe nga regjistri i automjeteve, se me çfarë makinash lëviznin.

Se cilët janë personat që i kanë ndihmuar për të nxjerrë të dhënat, dhe nëse ka të përfshirë nga policia, është një dosje që është ndarë më vete, dhe hetim që vijon për të zbuluar të tjerë bashkëpunëtorë.

5 nga grupi janë të arrestuar në Shqipëri, ndërsa organizatori Plaurent Dervishaj dhe 2 miqtë e tij, Julian Meçaj dhe Amar Shkëmbi, ndodhet në strehën e krimit në Dubai, vend me të cilin Shqipëria ende nuk ka marrëveshje ekstradimi, dhe po vepron në disa raste me marrëveshje.

Sipas  Report Tv anëtari tjetër i grupit kriminal Bledar Polovina është arrestuar në SHBA, dhe SPAK ka kërkuar ekstradimin e tij.

Sipas dosjes hetimore organizatorët në liri i kishin premtuar 2 arrestuarve për atentatin se në asnjë rast nuk do nxirrnin emrat e bashkëpunëtorëve, me garancinë se nga jashtë, do i ndihmonin të mos merrnin dënim të rëndë.

The post Hakmarrja e Plaurent Dervishajt ndaj të fortit të Shijakut! Ish-anëtari i bandës së Durrësit të dhëna nga TIMS për lëvizjet e Rrumit dhe ish-prokurorit Ndoja appeared first on Albeu.com.

Plarent Dervishaj i cili akuzohet si organizatori i atentatit ndaj ish prokurorit Arjan Ndoja në Durrës, do të paguante 300 mijë euro për të fshirë shenjat e AND-së së Redjan Rrajjës nga makina e autorëve.

Ky fakt u bë i ditur nga vetë SPAK gjatë leximit të konkluzioneve përfundimtare para gjykatës. Sipas SPAK, kjo gjë do të bëhej për ti lehtësuar Rrajës pozitën në gjykatë.

Redjan Rraja akuzohet si një nga ekzekutorët e atentatit ndaj peokurorit Arjan Ndoja. Gjatë tentativës së atentatit kujtojmë se mbeti i vrarë shoferi i prokurorit, Andi Maloku.

Ditën e djeshme SPAK kërkoi burg përjetë për Redjan Rrajën. Stomatologu Rraja, 38 vjeç akuzohet si njëri nga dy ekzekutorët që qëlluan me breshëri në drejtim të automjetit në të cilin po udhëtonte prokurori Ndoja dhe Pëllumb Muharremi, të cilët konsiderohen nga hetimet e deritanishme si shënjestra të atentatit.

Të dy mbetën të plagosur, ndërkohë që u vra ish-polici Andi Maloku, që ishte shofer i prokurorit. Si provë kundër Rrajës, SPAK-u deklaroi ADN-në e përftuar nga një gjurmë papilare, të lënë në syzet e harruara pikërisht në mjetin e braktisur nga vrasësit.

Rraja u tradhtua jo vetëm nga kjo provë e pakundërshtueshme, por sipas prokurorëve të SPAK, edhe nga komunikimet në aplikacionin SKY, ku të dyshuarit menjëherë pas arrestimit të Rrajës flasin të shqetësuar se duhet t’i siguronin një avokat Rrajës në mënyrë që ai të mos fliste./albeu.com/

The post Atentati ndaj ish-prokurorit Arjan Ndoja/ Provat që “fundosën” Redjan Rrajën, Dervishaj do të paguante 300 mijë euro për t’i fshirë shenjat e ADN-së appeared first on Albeu.com.

Ky personazh është shpallur në kërkim qysh prej datës 17 janar 2023, pasi gjykata e posaccme ka pranuar kërkesën e prokurorisë SPAK, për caktimin e masës së arrestit në burg ndaj Rrajës.

SPAK pretendon se Ramazan Rraja, kushëriri i tij Redjan Rraja dhe persona të tjerë në qytetin e Durrësit, kanë bashkëpunuar me njëri-tjetrin në atentatin e datës 1 nëntor 2019 në zonën e Sukthit, ku mbeti I vrarë shoferi Andi Maloku, dhe të plagosur rëndë Landi Muharremi “Rrumi i Shijakut” dhe ish-prokurori i Durrësit, Arjan Ndoja.

Ndërhyrja e SPAK ditën e sotme dhe RENEA, nuk solli asnjë rezultat për kapjen e personit të venë në kërkim, shkruan Ora News.

The post SPAK kërkon shoqërimin e Ramazan Rrajës për atentatin me 1 të vrarë ndaj prokurorit Arjan Ndoj appeared first on Albeu.com.

Në vendimin e KPK, thuhet gjithashtu se para atentatit me armë, prokurori Ndoji ka qenë duke drektuar me disa persona dhe me shtetasin Enver Shaba, ku me këtë të fundit ka udhëtuar edhe jashtë vendit.

Pjesë nga vendimi i KPK:

DSIK-ja, me shkresën nr. *** prot., datë 1.12.2020, vuri në dispozicion të Komisionit raportin e rishikuar mbi kontrollin e figurës për subjektin e rivlerësimit Arian Ndoja, i deklasifikuar pjesërisht me vendim nr. *** prot., datë 9.12.2020, të KDZh-së, në përmbajtje të të cilit referohet se: “Në vijim të informacioneve të ardhura nga institucioni i verifikimit, në kohështrirje gjatë periudhës së rivlerësimit për përfshirje në korrupsion pasiv të subjektit të rivlerësimit Arian Z. Ndoja, në disa raste rezulton se:

– gjatë periudhës në të cilën z. Arian Ndoja ushtronte detyrën si prokuror, në vitet 2018-2019, dyshohet se ka ushtruar ndikim të paligjshëm, duke favorizuar persona me precedent penal;

– për prokurorin Arian Ndoja, disponohen të dhëna, ku vihemi në dijeni se në vitet 2009 – 2010 ka pasur kontakte të papërshtatshme me persona të përfshirë në krimin e organizuar.

Autoritetet verifikuese informojnë, gjithashtu, se:

– shtetasi A. L. (P./L. M., ‘***’) evidentohet si lidhje bashkëpunuese e Arian Ndojës, i cili sinjalizohet se është përfshirë në veprimtari të kundërligjshme, shfaqur në formën e korrupsionit aktiv, si dhe ka ndikuar në caktimin e trupës gjykuese në një proces civil, për një çështje pronësie, për favorizimin e një pale;

– në ngarkim të shtetasit A. L., alias P. M. (‘***’), administrohen të dhëna të cilat ngrenë dyshime të arsyeshme për përfshirje/pjesë e krimit të organizuar …;

– po kështu, shtetasi ….sinjalizohet si lidhje e pakonfirmuar e Arian Ndojës dhe dyshohet si lidhje e personave të… Për subjektin e rivlerësimit Arian Ndoja, referuar burimeve të hapura mediatike të datës

1.11.2019, në lidhje me ngjarjen e ndodhur në zonën e Sh***, ku subjekti i rivlerësimit mbeti i plagosur nga një atentat me armë zjarri, rezulton se ka qenë i shoqëruar në makinë me shtetasin A. L., lidhje shoqërore e z. Arian Ndoja. Ky shtetas, rezulton të jetë person me precedent penal dhe me rrezikshmëri të lartë shoqërore. Aktualisht kjo ngjarje është në hetim nga ana e Prokurorisë së Posaçme të Apelit për Korrupsionin dhe Krimin e Organizuar.

The post KPK zbardh shkeljet e Arjan Ndojës: Lidhjet e prokurorit me politikanë dhe persona të skeduar, më kë drektoi pak para atentatit appeared first on Albeu.com.

“Nuk kam asnjë lidhje me ngjarjen”, tha Rraja, ndërsa nuk dha pëlqim për t’u pyetur në proces.

Mësohet se në vijim, prokurori Adnand Xholi lexoi deklarimet e dhëna në vitin 2019, ku po ashtu Rraja ka mohuar përfshirjen e tij në ngjarje.

Njëkohësisht, Gjykata e Posaçme delegjitimoi nga procesi një prej avokatëve të Rrajës, Alban Bengasi, i cili është shpallur në kërkim nga SPAK për dosjen “Plumbi i artë”. Gjykata theksoi se avokati Bengasi nuk legjitimohej, pasi ndaj tij ishte dhëne një masë sigurie “arrest në burg”.

The post Çfarë ndodhi në sallën e gjyqit? Atentati ndaj prokurorit Ndoja, zbardhet dëshmia e Redjan Rrajës appeared first on Albeu.com.