Gazetari thotë se të gjithë gjyqtarët kanë marrë një mesazh në telefon që të kenë kujdes.  Sipas Hoxhës kjo është çështje delikate që duhet të merret në dorë nga SPAK dh jo nga gjykata e Elbasanit.

“Prokurori i cili ka droguar kërkesën në gjykatë, është marrë në mbrojtje nga policia sepse është kërcënuar menjëherë sapo është dhënë lajmi që ai e ka bërë këtë kërkesë. Në gjykatë kë frikë tani, duhet të kishin dalë për vlerësimin e masës së sigurisë. I ka zënë paniku gjyqtarët sepse i ka vajtur mesazhi të gjithëve. Është një çështje që duhet të gjykohet ng SPAK jo në Elbasan.

Në fillim u mendua se duhet të ishin pesë urdhër arreste, por është dhënë për Ardjan Capjan dhe nipin e tij. Të gjithë gjyqtarëve u ka vajtur një mesazh bëni kujdes. Jam kurioz se si do të zhvillohet seanca gjyqësore nesër. Janë në akuzë që nga trafiku i lëndëve narkotike. janë marrë me vrasje, vrasje me pagesë, lojëra fati, biznese të ligjshme që nga hotelet. Është një grup me rreze shumë të gjerë veprimi. Kishin ushtarë rreth vetes se kishin edhe kapacitete për ti paguar,” tha gazetari.

Gazetari shpreh bindjen se kjo histori përplasjesh dhe vrasjesh në Elbasan mund të mbyllet nga drejtësia, pasi ekziston një i penduar, Ervis Bardhi.

“Kemi një të penduar. Të gjitha bandat janë zbuluar nga një i brendshëm i penduar. Vetëm kështu anti mafia italiane zbërtheu CosaNostrën. Edhe në rastinn konkret kemi të njëjtën histori. Kemi një dëshmitar të penduar të vrasjes së babë e bir.

Tregon që kanë gjetur një njeri për ta miqësuar me personin që ishte në arrest shtëoie. Kanë hyrë me paruke nën hundën e policisë. Ervis Bardhi ka qëlluar direkt mbi Gentian Beqirin, e kanë ekzekutuar edhe të paralizuar dhe i kanë mbytur me jastëk babain e tij, Nezir Beqirin. Ditën që është bërë vrasja Florenc dhe Ardian Çapja nuk kanë qenë në Elbasan, por në Maqedoni.

Shpresoj që kjo çështje të shkojë deri në fund. Duhet ta marrë SPAK sepse prokurorët dhe gjyqtarët janë të kërcënuar”, u shpreh Hoxha.

The post Artan Hoxha bën deklaratën e fortë: Gjyqtarët e Elbasanit janë kërcënuar me mesazh në telefon appeared first on Albeu.com.

Por Policia e Elbasanit këmbëngul se tashmë Çapjat, kanë kundër një provë të pakundërshtueshme.

Bëhet me dije se autoritetet në qytetin e Elbasanit kanë kthyer në bashkëpunëtor drejtësie, Elvis Bardhin, i cili më në fund ka folur dhe ka drejtuar gishtin e akuzës drejt të dyshuarve kryesorë si porositësit.

Me statusin e dëshmitarit dhe të të penduarit, Bardhi, një ish-i dënuar nga Gjykata e Kavajës, ka pohuar pranë policisë dhe Prokurorisë së Elbasanit, se ishte shok i ngushtë dhe një ndër njerëzit e paktë të besuar të Gentian Beqirit dhe një ndër të paktit që hynte në shtëpinë e tij, teksa ai ishte nën arrest shtëpiak.

Siç kuptohet në këtë marrëdhënie të ngushtë besimi, Gentian Beqiri ia ka hapur derën mikut të tij dhe ditën kur ai shkoi për ta vrarë nën shoqërinë e Olsi Lekut, një tjetër i dyshuar i ndaluar jashtë vendit.

Burimet e besueshme të GazetaSi.al, tregojnë se si dëshmitari tregon, se gjatë përgatitjeve për ekzekutimin, Leku e tërhoqi në shoqëri Bardhin, derisa e bindi që të takohej me Çapjat.

Aty ata i premtuan shuma të konsiderueshme në rast se ai shkonte si përherë në banesën e Beqirit, nën arrest shtëpie, në shoqërinë e Bardhit për ta vrarë.

“Unë qëllova Gentianin, ndërsa Olsi të atin e Gentianit”, – ka rrëfyer dëshmitari i drejtësisë për krimin e dyfishtë, teksa Gentiani ndodhej nën arrest shtëpie dhe ruhej me policë, pasi dyshohej se kishte vrarë Sokol Çapjan në vitin 2005.

Për krimin e dyfishtë asokohe, ku u vra edhe babai i sëmurë i tij, Nezir Beqiri, u prangosën edhe efektivët e policisë që kishin për detyrë të ruanin Gentian Beqirin, i cili mbahej nën arrest shtëpie, por që u dyshua se kishin shpërdoruar detyrën, sa kohë nuk kishin qenë në detyrë, kur në banesën e viktimave hynë vrasësit e tyre.

Gati një vit më parë, policia arrestoi tre të rinj, me role të ndara për krimin e dyfishtë të ndodhur në Elbasan, ku njëri ndër ta ishte në rolin e vëzhguesit.

Por gjatë procedurave hetimore, secili prej tyre mohoi dhe kundërshtoi rezultatet, derisa njëri prej tyre u bind se duhej të fliste dhe të tregonte se krimi ishte porositur nga Çapjat dhe se ata e kishin takuar për duke i dhënë porosinë.

The post Dëshmitari që çoi pas hekurave Çapjan: E kisha shok Gentian Beqirin, më paguan ta vrisja appeared first on Albeu.com.