aritmi Archives - Albeu.com

Çfarë duhet të bëni nëse keni rrahje të shpeshta zemre

Tau Lanti — Fri, 14 Jul 2023 18:14:08 +0000

Norma e pulsit të zemrës është nga 50 deri në 100 rrahje në minutë. Aritmitë mund të shfaqen edhe kur pulsi është normçal, por dhe kur pulsi është i ngadaltë ose i shpejtë.

Cilat janë shkaqet e aritmisë?

Aritmitë mund të shkaktohen nga disa faktorë, duke përfshirë: Sëmundjen e arterieve koronare; Disbalancat e elektroliteve në gjak (të tilla si natriumi ose kaliumi); Ndryshimet në muskujt e zemrës tuaj; Dëmtimi nga një atak në zemër; Procesi i shërimit pas një operacioni në zemër; Ritmet e parregullta të zemrës (pulsi i çrregullt) mund të ndodhin edhe tek zemrat e shëndetshme.

Simptomat

Aritmia mund të jetë e heshtur dhe të mos paraqesë asnjë simptomë. Një mjek mund të zbulojë një rrahje zemre të parregullt gjatë një kontrolli fizik, duke ju matur pulsin ose nëpërmjet një elektrokardiograme (EKG). Kur simptomat e një aritmie shfaqen, ato mund të përfshijnë: Palpitacionet (ndjesia e rrahjeve të munguara të zemrës, dridhëse ose “me ulje ngritje”); Rrahje në gjoks; Marramendje ose një ndjenjë lehtësie në kokë; Pafuqi; Marrje fryme; Shqetësime në kraharor; Dobësi apo lodhje (kur ndjeheni shumë të lodhur).

Ulja e presionit të gjakut

Si mund ta ulni presionin e gjakut dhe pse është e rëndësishme ta kontrolloni rregullisht? Ushtrimet fizike, siç janë joga, vrapimi, të ecurit e shpejtë, notimi, çiklizmi etj., që përbëhen nga lëvizje të përsëritura të shumë muskujve me mungesë të forcave të rezistencës; nëse aplikohen të paktën tri herë në javë nga gjysmë ore ose më shumë, janë në gjendje ta ulin tensionin arterial. Zvogëlimi i peshës trupore konsiderohet një mjet efikas dhe pa efekte anësore për uljen e vlerave të tensionit arterial.

Ndalimi i duhanit, pavarësisht nga efektet mbi tensionin arterial zvogëlojnë rrezikun kardiovaskular tek pacientët me hipertension. Numri i madh i të sëmurëve me hipertension tek duhanpirësit sugjeron një rol të rëndësishëm të duhanit tek kjo lloj sëmundje. Edhe dieta luan një rol të rëndësishëm dhe duhet t’i kushtohet rëndësi në rastet me hipertension arterial.

Medikamentet

Një shumëllojshmëri medikamentesh janë në dispozicion për trajtimin e aritmisë. Këto përfshijnë: Ilaçet Antiaritmike. Këto ilaçe kontrollojnë normën e rrahjeve të zemrës.

Mjetet ndihmëse

Nëse medikamentet nuk janë në gjendje të mbajnë nën kontroll ritmin anormal të vazhdueshëm të zemrës (të tilla si dridhja atriale), kardioverzioni mund të jetë i nevojshëm. Pas administrimit të anestezisë afatshkurtër, një goditje elektrike shkarkohet në murin e kraharorit, që sinkronizon zemrën dhe lejon ritmin normal të rifillojë. Pajisjet më të reja kanë shumë karakteristika të sofistikuara që janë të dizajnuara për të ndihmuar në menaxhimin e aritmive.

The post Çfarë duhet të bëni nëse keni rrahje të shpeshta zemre appeared first on Albeu.com.

Çfarë të bëni nëse ju kap aritmia krejt papritur

E B — Fri, 26 May 2023 18:32:30 +0000

Aritmia është një nga simptomat që kemi ndjerë të na ndodhë të gjithëve të paktën një herë. Shpeshherë situatat në të cilat ne frikësohemi, shqetësimi rreth dickaje apo dikujt, ankthi bëjnë që zemra jonë të rrahë aq shpejt sa na duket sikur do të na dalë nga vendi.

Këto rrahje të sheshta zemre na shqetësojnë qoftë edhe nëse ndodhin vetëm një herë. Ndër shkaqe të tjera të kësaj simptome janë dhe: një situatë rreziku, aktiviteti i fortë fizik, disa filxhan kafe më shumë se normalja në ditë ka dhe raste të lidhura me disbalanca kronike në trup të cilat kanë sjellë dhe këtë simptomë.

Cfarë do t’ju ndihmonte të largoni atë ndjesi!

Konsumimi i:

• 400 mg Magnesium Bisglycinate (gjithmonë me këshillë dhe rekomandim mjeku ose farmacisti)!

• Spërkasni vaktet tuaja me pak Cayenne Pepper pluhur!

• Përdorni kurën e ujit me kripë, ku shtoni kripë himalaje ose deti në ujin tuaj. Doza e sugjeruar është 1/4 l.V kripë në 250 ml ujë.

The post Çfarë të bëni nëse ju kap aritmia krejt papritur appeared first on Albeu.com.

Aguero merr vendimin për të ardhmen e tij

admin — Mon, 13 Dec 2021 09:47:42 +0000

Lajmi i bujshëm që vjen nga El Periodico . Sergio Aguero do të shpallë vendimin e tij për t’u tërhequr të mërkurën.

Argjentinasi e ka pranuar se nuk mund të vazhdojë të luajë më në nivele të larta pasi u ndalua për një aritmi kardiake gjatë ndeshjes kundër Alavés më 30 tetor. Diagnoza e parë kishte parashikuar një ndalesë tre mujore për Agueron edhe pse prej disa javësh po qarkullonte gjithnjë e më këmbëngulës thashethemet për një lamtumirë të parakohshme me futbollin.

33-vjeçari iu bashkua Barcelonës në verë pas 10 vitesh në Manchester City, në të cilën ai fitoi 15 tituj, si dhe një golashënues më i mirë dhe vendosi disa rekorde./h.ll/albeu.com

The post Aguero merr vendimin për të ardhmen e tij appeared first on Albeu.com.

Coman tregon eksperiencën e vështirë me aritmin

admin — Mon, 15 Nov 2021 13:24:13 +0000

Dy muaj më parë, Kingsley Coman iu nënshtrua një operacioni për të korigjuar një problem me aritminë kardiake. 25-vjeçari francez pranoi për “Telefoot” se kishte përjetuar periudha të vështira.

“Kisha një aritmi. Në periudhën e fundit gjërat ishin përkeqësuar, kisha kriza të vogla. Kishte raste që ndihesha më i rraskapitur se zakonisht dhe kam menduar se nuk do ia dilja për t’u rikthyer të luaja përsëri. Por jo, tani gjithçka është në rregull, jam shëruar dhe ndihem më mirë se më parë”./h.ll/albeu.com

The post Coman tregon eksperiencën e vështirë me aritmin appeared first on Albeu.com.