Me kërkesë të gjyqtarit Erjon Çela, prokurorët e posaçëm duhet të regjistrojnë procedim penal dhe të nisin hetimet për ish-kolegun e tyre që 6 vite më parë ra në atentat dhe në zgjedhjet e 11 Majit 2025, u zgjodh deputet i Durrësit në radhët e Partisë Demokratike.

Arjan Ndoja dyshohet për kryerjen e disa veprave penale, si “Pastrim i parave” dhe “Fshehja apo mosdeklarimi i pasurisë”.

Gjyqtari Erjon Çela pasi ka marrë në shqyrtim çështjen penale me objekt “Pushimin e hetimeve në lidhje me procedimin 1804 të vitit 2023”, ardhur për kompetencë lëndore në SPAK nga Gjykata e Shkallës së parë Tiranë, ka konstatuar pavlefshmërinë absolute të kërkesës për pushimin e hetimeve.

Ai ka vendosur të kthejë aktet hetimore pranë SPAK duke e urdhëruar organin e akuzës që të regjistrojë procedim penal dhe të nisë hetimet.

Gjykata e Posaçme ka konstatuar se Arjan Ndojës i ka ndryshuar statusi gjatë gjykimit, sepse aktualisht është deputet, dhe kompetenca i takon SPAK për hetime, jo Prokurorisë së Tiranës, e cila më parë e hetonte në cilësinë e ish-prokurorit.

Arian Ndoja përfundoi studimet në Shkollën e Magjistraturës në vitin 2002 dhe punoi fillimisht si prokuror në Prokurorinë e Durrësit. Në vitin 2004, Ndoja u largua nga prokuroria dhe punoi si avokat deri në vitin 2008, kur u rikthye në sistem. Kur nisi detyrën, ai ishte i pastrehë, ndërsa në vitin 2015 kishte 24 shtëpi, 5 bodrume e garazhe dhe disa makina.

The post Gjykata e Posaçme urdhëron SPAK të hetojë deputetin e PD, ish-prokurorin Arjan Ndoja appeared first on Albeu.com.

Bashkimi i votave në KAS i Partisë Demokratike me socialistët, duke hedhur poshtë kërkesat e kandidatëve demokratë për rinumërim, është fakt i pakontestueshëm që Berisha nuk i do në parlament emrat si Ilir Alimehmeti apo Aulon Kalaja (por edhe të tjerë), të cilët sipas burimeve të Albeu.com kanë shprehur pakënaqësinë dhe akuzat se votat e tyre u janë tjetërsuar nga partia e tyre në bashkëpunim me PS, duke iu kaluar kandidatëve tjerë demokrat.

Ka qenë sot vet kreu i Partisë Demokratike, Sali Berisha, i cili është prononcuar lidhur me kërkesën për rinumërimin e votave në qarkun e Tiranës.

Berisha deklaroi se kërkesa u refuzua nga përfaqësuesit e PS dhe të PD-së në KAS, pasi procedura e ndjekur nga disa kandidatë demokratë nuk ishte në përputhje me ligjin. Ai theksoi se, sipas normave ligjore dhe rekomandimeve ndërkombëtare të Komisionit të Venecias dhe ODIHR-it, është partia politike ajo që ka të drejtën të paraqesë ankesat në emër të kandidatëve.

Ai shtoi se disa nga kandidatët kanë dorëzuar tashmë ankesat e tyre pranë Komisionit Qendror të Zgjedhjeve (KQZ), dhe se të katër kandidatët në Tiranë mund ta ndjekin të njëjtën rrugë duke iu drejtuar fillimisht përfaqësuesve të PD në Komisionin e Qarqeve për Ankimime (KQA), e më pas pranë KQZ-së.

“Ka pasur një keqkuptim nga ana e kandidatëve. Përfaqësuesit tanë kanë qenë të qartë në interpretimin e ligjit dhe të udhëzimeve të partisë – çdo kërkesë duhet të kalojë përmes strukturave të PD-së, në përputhje me platformën e miratuar,” përfundoi Berisha.

Me fjalë të tjera, ai kërkon që kërkesat e të pakënaqurve të kalojnë përmes përfaqësuesve të PD në Komisionin e Qarqeve për Ankimime (KQA), e më pas pranë KQZ-së.

Ndërkohë, të pakënaqurit janë të vetëdijshëm se ndjekja e kësaj rruge, do të thotë mos ankimim në KQZ, pasi edhe devijimi i votës së kandidatëve është bërë pikërisht nga vet partia nën siglën e të cilës ata kanë kandiduar. /albeu.com/

The post MOS U ÇUDISNI/ PD mbështet PS-në kundër kandidatëve demokrat! appeared first on Albeu.com.