Banka Qendrore ka bërë të ditur se ari tashmë është përfshirë në portofolin e rezervave të vendit, në një lëvizje që konsiderohet historike për menaxhimin financiar dhe strategjinë e rezervave shtetërore.

BQK ka njoftuar se “përfshirja e arit për herë të parë në portofolin e rezervave përfaqëson një arritje të rëndësishme institucionale dhe reflekton modernizimin e vazhdueshëm të kornizës së menaxhimit të rezervave”.

Sipas bankës, ky hap synon forcimin e diversifikimit dhe qëndrueshmërisë së rezervave financiare të Kosovës, duke i përafruar praktikat e institucionit me standardet ndërkombëtare të bankave qendrore.

“Përfshirja e arit forcon më tej diversifikimin, qëndrueshmërinë dhe qëndrueshmërinë afatgjatë të portofolit rezervë”, thuhet në njoftimin e BQK-së.

Institucioni ka bërë të ditur se gjatë viteve të fundit ka zhvilluar reforma të gjera në menaxhimin e aseteve, administrimin dhe menaxhimin e rrezikut, në bashkëpunim me partnerë ndërkombëtarë si Thesari i SHBA-së, Fondi Monetar Ndërkombëtar dhe Banka Botërore.

Një rol të rëndësishëm në këtë proces, sipas BQK-së, ka pasur Programi i Partneritetit për Këshillim dhe Menaxhim të Rezervave të Bankës Botërore (RAMP).

“Ky bashkëpunim ka mbështetur forcimin e kornizës së politikave investuese të BQK-së, rregulloreve mbështetëse, kapaciteteve institucionale, si dhe funksioneve të menaxhimit të rrezikut, monitorimit dhe analizës”, thuhet më tej në njoftim.

BQK ka treguar se ka avancuar edhe marrëdhëniet bankare me institucione të Eurosistemit dhe banka ndërkombëtare komerciale, si dhe bashkëpunimin me platforma globale si Clearstream për menaxhimin e aseteve dhe kolateralit.

Sipas njoftimit, përfshirja e arit është vetëm “hapi fillestar i një procesi afatgjatë të alokimit strategjik”, i cili mbështetet në stabilitetin financiar dhe qeverisjen e brendshme të institucionit.

“Ari tradicionalisht ka luajtur rol të rëndësishëm në menaxhimin e rezervave të bankave qendrore, si instrument afatgjatë i ruajtjes së vlerës dhe i diversifikimit”.

BQK-ja ka avancuar gjithashtu angazhimin me ofrues kyç të infrastrukturës globale, përfshirë Clearstream, për shërbime të menaxhimit të kolateralit dhe kujdestarisë së aseteve.

“Këta hapa kanë zgjeruar mundësitë e BQK-së për të menaxhuar likuiditetin në mënyrë efektive, duke rritur njëkohësisht kapacitetin e saj operacional dhe strategjik për menaxhimin e rezervave në përputhje me praktikat më të mira ndërkombëtare”./Monitor

The post Kosova përfshinë për herë të parë arin në portofolin e rezervave shtetërore appeared first on Albeu.com.

Vetëm në datën 20 tetor ari u këmbye për mbi 4 mijë e 347 dollar për onz. Një vlerë që ende qëndron e lartë ndonëse ka patur dhe rënie të herëpashershme nga 5 deri në 7%.
“Sa herë që ka destabilizim investitorët e shohin si aset sigurie dhe kështu rritet kërkesa dhe çmimi gjithashtu”, tha ekspertja e financave-Besart Tafa.

Jo vetëm investitorët por dhe bankat një pjesë të rezervës së tyre e kanë dhe në ar. Shqipëria ndonëse ka rreth 4.5% të rezervës totale, qëndron në vendin e 95 nga 120 vende në këtë renditje sipas rezervave zyrtare të arit në botë.
Në kohë krizash apo pasigurish financiare, rezervat e arit forcojnë besimin e publikut dhe të tregjeve në monedhën kombëtare dhe në stabilitetin e bankës qendrore.
Por aktualisht sa rezerva mban Banka e Shqipërisë. 1.56 ton ndodhet në rezerva e cila me vlerën e tregut arrin në 300 milionë euro ose 4.5% e rezervës totale.
Ecuria e arit ndër vite ka qenë në rritje kështu në 8 muajt e 2025 Banka e Shqipërisë ka mbajtur një rezervë prej 317 milionë euro rreth 28% më e madhe se në 8 muajt e 2024.
“Ne aspirojmë futjen në BE dhe ne duhet të ndjekim këto politika do na rriste sigurinë financiare dhe do ishte një mjet për Bankën e Shqipërisë për të ndërmarrë politika më të mira monetare.”
Por çfarë ndodh me tregun shqiptar të shitblerjeve të arit?
Luhatjet në bursat ndërkombëtare reflektohen edhe në Shqipëri sipas ekspertëve. Sot nëpër argjendaritë e Tiranës një gramë flori shitet për 9 mijë deri në 12 mijë lekë, ndërsa në gjysmë dekadën e fundit vlera varionte nga 4 mijë deri në 7 mijë lekë.
“Çmimi i arit botëror, njësoj kudo po mbajmë çmime 105 mijë lekë për gram. Me çmim i mirë, por me këtë rritje është e vështirë se s’kanë fuqi ta blejnë. Blejmë për ditëlindje festa dhurata e duam dhe e blejmë arin. Tani s’ka më blerje të mëdha më të lehta. Sipas parashikimeve rritje deri në 150 mijë lekë për gramë ari i pastër”, u shpreh shitësi Bledar Spahi.
Investimi në ar shihet si një nga format më të mira të investimeve në afatgjatë sipas ekspertëve. Për ata qytetarë të cilët munden ekspertët sugjerojnë mbajtjen e tij në mënyrë që të mund ta këmbejnë më shumë në para kur tu nevojitet pasi vlera pritet të rritet erdhe më tej sipas tyre.

The post Shtrenjtohet ari në Shqipëri/ Ndryshimet në bursat ndërkombëtare, çmimi arrin në mbi 4300 dollarë Onz appeared first on Albeu.com.

Në krye të kësaj liste qëndrojnë SHBA-të, me më shumë se 8,000 ton ar të depozituar kryesisht në Fort Knox. Pas tyre vijnë Gjermania, Italia, Franca dhe Rusia – të gjitha me rezerva që kalojnë 2,000 tonët secila. Kina, një lojtar gjithnjë e më i rëndësishëm në arenën ekonomike botërore, po rrit me ritme të shpejta rezervat e saj, duke e parë arin si një mënyrë për të reduktuar varësinë nga dollari amerikan.

Ekspertët thonë se ari nuk është thjesht një simbol i pasurisë, por një strategji afatgjatë për të ruajtur fuqinë ekonomike dhe për të përballuar goditje të papritura. Në një botë ku gjithçka ndryshon me shpejtësi, ari mbetet një “kartë e sigurt” për ata që luajnë fort në skenën globale.

The post Kush e kontrollon vërtet arin e botës? Shtetet me rezervat më të mëdha të arit appeared first on Albeu.com.

Ky nuk është as një parashikim i guximshëm, pasi tashmë është pothuajse 2750 dollarë.

Menaxheri miliarder i fondit mbrojtës Paul Tudor Jones zbuloi në një intervistë për CNBC se ai po investon shumë në ar dhe bitcoin pasi pret që presionet inflacioniste të vazhdojnë pavarësisht nga rezultati i zgjedhjeve në SHBA. Portofoli i tij është i fokusuar në mbrojtjen e inflacionit. Ai ka pozicione të gjata në ar dhe bitcoin, si dhe në mallra.

Çmimi i arit këtë vit është rritur me 33 për qind, ndërsa çmimi i bitcoin me gati 60 për qind.

Dy platforma të sigurta ku ju mund të bëni investimet tuaja në kriptomonedha janë Binance dhe cex.io. Këto dy platforma pranojnë pagesa edhe nga Shqipëria, Kosova dhe Maqedonia e Veriut.

The post Ari vazhdon të rritet, Bitcoin ndjek shembullin appeared first on Albeu.com.

Ky është një ari i veçantë që ndodhet në një kopsht zoologjik në Kinë dhe ka emrin “Angela”.   Shumë thonë se duket si një qen i madh dhe të tjerë thonë se duket si një burrë i veshur me një kostum ariu. Pretendimi i fundit filloi pasi u publikua një video që tregonte ariun duke përshëndetur shikuesit.

Në një klip 15 sekonda nga kopshti zoologjik Huangzhou, i postuar më 27 korrik, ariu mund të shihet duke qëndruar në këmbët e pasme duke parë një turmë të vogël, ndonjëherë duke ngritur putrat e tij sikur të përshëndeste vizitorët.

“A është ajo një praktikante verore?” ka shkruar dikush në komentet e videos.

This is a real bear, not a human dressed in costumes! A four-year-old Malayan sun bear named Angela in a Hangzhou zoo went viral on China’s social media as a video showed the world’s smallest bear standing upright and waving to tourists just like a human. pic.twitter.com/Azv2tTVJhv

— Yicai Global 第一财经 (@yicaichina) August 1, 2023

Një tjetër vuri në dukje lëkurën e varur rreth ijëve të ariut e cila dukej si një kostum i punuar keq dhe një tjetër tha se “zëvendësuesi” duhet të vuante brenda kostumit të rëndë.

Videoja pati më shumë se 30 milionë shikime në pak ditë.

Kopshti zoologjik në një deklaratë ka mohuar se është njeri.

“Disa menduan se ai dukej si një burrë kur u ngrit. Natyrisht, ju nuk dini asgjë”, shkroi kopshti zoologjik në llogaritë e tij në mediat sociale të dielën, duke përdorur perspektivën në vetën e parë të ariut 4-vjeçar.

Në postim thuhej gjithashtu se Angela po “takon” një arush mashkull të quajtur Daloo, por “do ta marrë ngadalë”./Albeu.com/ 

The post Pse ariu “Angela” është bërë viral? Kina mohon se është njeri i veshur me kostum (VIDEO) appeared first on Albeu.com.