Një kërkim i thelluar mbi origjinën familjare të Lionel Messit ka nxjerrë në pah një fakt befasues që lidh yllin argjentinas me Brazilin. Sipas raportimeve të medias braziliane Globo, një prej stërgjyshërve të futbollistit nga ana e nënës erdhi në jetë në vitin 1904 në qytetin Ribeirao Preto, që ndodhet në shtetin e Sao Paulos.

Bëhet fjalë për Arderigo Coccettini, identiteti i të cilit u transformua në Federico Cuccittini pas modifikimeve në certifikatën e lindjes. Ai ishte stërgjyshi i Lionel Messit dhe paraardhësi i nënës së tij, Celia Maria Cuccittini. Degë e familjes kishte emigruar nga Italia drejt Brazilit në vitet e fundit të shekullit të 19-të.

Rrënjët e familjes nisin te Raniero Coccettini, stërgjyshi i Messit, i cili lindi në komunën italiane të San Severino Marche. Në vitin 1899, ai udhëtoi për në Brazil bashkë me bashkëshorten e tij Rosa, ku gjeti punë si bujk në një pronë rurale në brendësi të shtetit të Sao Paulos.

Gjatë qëndrimit në tokën braziliane, çifti solli në jetë vajzën Erminia në vitin 1900 dhe djalin Arderigo më 27 janar të vitit 1904. Gjatë procedurave të regjistrimit, si emrat ashtu edhe mbiemrat pësuan ndryshime, një praktikë e shpeshtë për mërgimtarët evropianë për shkak të dallimeve gjuhësore dhe grafike.

Studiuesi italian Fiorenzo Santini, i cili rindërtoi pemën gjenealogjike të kampionit argjentinas, sqaroi: “Në Brazil, Arderigo mori emrin Federico, ndërsa mbiemri Coccettini u kthye në Cuccittini. Pikërisht Federico është stërgjyshi i drejtpërdrejtë i Messit.”

Megjithatë, lidhja me Brazilin ishte jetëshkurtër. Familja u shpërngul në Argjentinë që në vitin 1905, duke u vendosur në rajonin e Rosarios. Atje lindi gjyshi i futbollistit, Antonio Cuccittini, më pas nëna e tij Celia, dhe më 24 qershor të vitit 1987, Lionel Andres Messi Cuccittini.

Stërgjyshi i yllit të futbollit kaloi vetëm vitin e parë të jetës në territorin brazilian. Prandaj, ekspertët theksojnë se është më e saktë të flitet për një lidhje familjare kalimtare me Brazilin, sesa për prejardhje braziliane. Të dy prindërit e tij ishin me origjinë italiane dhe e tërë familja vijoi jetën në Argjentinë.

Santini zhvilloi kërkimet mbi linjën amtare të Messit gjatë periudhës 2019-2022. Pikërisht mbiemri i veçantë Cuccittini e çoi atë drejt Brazilit, pasi nuk arriti ta identifikonte në arkivat italiane. Më vonë, ai kuptoi se mbiemri ishte transformuar gjatë fazës kur familja banonte në Brazil.

Studimi ripohoi gjithashtu lidhjet e forta të Messit me Italinë. Degët e familjes nga ana e babait burojnë nga zona e Recanatit, ndërsa linja e nënës lidhet me San Severino Marche. Në shenjë respekti, qyteti i San Severino Marche i akordoi futbollistit qytetarinë nderi në vitin 2022.

Edhe gazeta italiane Gazzetta dello Sport kishte shkruar më herët se familja Coccettini kishte udhëtuar fillimisht nga Italia në Brazil, ku qëndroi rreth pesë vjet, përpara se të transferohej përfundimisht në Argjentinë.

Hetimi i fundit i kryer nga Globo në Brazil ka saktësuar më tej vendin dhe datëlindjen e stërgjyshit të Messit. Sipas dokumentacionit aktual, në qytetin Ribeirao Preto nuk ka më të afërm të gjallë të futbollistit nga ajo degë e familjes. Lidhja braziliane mbetet e dokumentuar kryesisht në arkivat e migracionit dhe regjistrat civilë, që tregojnë rrugëtimin e familjes nga Italia, përmes Brazilit, drejt Argjentinës.

The post Hulumtimi i ri zbulon se stërgjyshi i Lionel Messit ka lindur në Sao Paulo të Brazilit appeared first on Albeu.com.

Sipas këtij pretendimi, gjithçka lidhet me pankartën “Las Malvinas son Argentinas”, të shfaqur nga disa lojtarë argjentinas pas fitores ndaj Anglisë në gjysmëfinale. Mesazhi ka karakter politik, pasi lidhet me mosmarrëveshjen mes Argjentinës dhe Mbretërisë së Bashkuar për Ishujt Falkland (Malvinas).

Autori i postimit pretendon se FIFA, për shkak të rregullave që ndalojnë mesazhet politike gjatë turneve zyrtare, ishte përballë mundësisë për të ndëshkuar Argjentinën. Megjithatë, sipas teorisë konspirative, për shkak se bëhej fjalë për finalen dhe interesave të mëdha ekonomike, u arrit një marrëveshje që Spanja të fitonte trofeun, ndërsa Argjentina të shmangte një përjashtim nga kompeticionet e ardhshme.

Në të njëjtin postim pretendohet gjithashtu se përplasjet mes futbollistëve në dhomat e zhveshjes dhe mungesa e disa lojtarëve ishin pasojë e këtij vendimi.

Megjithatë, deri në këtë moment nuk ka asnjë provë apo deklaratë zyrtare që mbështet këto pretendime.

Ajo që dihet është se pankarta e shfaqur nga futbollistët argjentinas ka shkaktuar polemika për shkak të mesazhit politik, ndërsa në rrjetet sociale vazhdojnë debatet mes tifozëve mbi ngjarjet që pasuan finalen.

Pavarësisht mungesës së provave, teoria është bërë virale, duke mbledhur miliona shikime dhe mijëra komente nga tifozë që ndajnë mendime të ndryshme. Disa e konsiderojnë një shpjegim të mundshëm për humbjen e Argjentinës, ndërsa të tjerë e cilësojnë thjesht si një teori konspirative pa bazë. /albeu.com

The post A ishte e kurdisur finalja e Botërorit!? appeared first on Albeu.com.

Edi Reja, ish-trajneri i Kombëtares shqiptare, ka analizuar finalen e Botërorit 2026, ku Spanja mposhti Argjentinën me rezultatin 1-0. Tekniku italian e përshkroi paraqitjen e “Furisë së Kuqe” si të shkëlqyer, ndërsa shprehu rezerva për mënyrën se si luajti skuadra argjentinase.

“Spanja që pashë ishte një skuadër e jashtëzakonshme dhe e kontrolloi ndeshjen nga minuta e parë deri tek e fundit. De La Fuente ia doli që një grup i mbushur me kaq shumë kampionë ta kthente në një ekip të vërtetë. Është kënaqësi t’i shohësh në harmoni, me të gjithë lojtarët që punojnë së bashku. Tek Argjentina ndodhte e kundërta, pasi ishin Mesi dhe shokët e skuadrës që punonin për të. Argjentinasit tentuan t’i trembnin kundërshtarët edhe ndaj Anglisë, por kundër Spanjës nuk ia dolën në asnjë moment”, u shpreh Reja.

“Enzo Fernandez e kishte marrë tashmë një karton të verdhë, ndaj çfarë synonte të arrinte me atë ndërhyrje absurde? Pas atij momenti, gjithçka u bë më e thjeshtë. Nuk besoj se Scaloni mund të kishte vepruar shumë më mirë, sepse në fund Argjentina u mund 1-0 në kohën shtesë. Mund vetëm ta duartrokas për rrugëtimin që e çoi drejt triumfit në një Kupë Bote dhe në dy Kupa të Amerikës”, deklaroi ish-trajneri i Kombëtares shqiptare, Edoardo Reja.

The post Reja vlerëson Spanjën pas finales së Botërorit: Dominoi nga fillimi në fund, Argjentina nuk arriti ta frikësonte appeared first on Albeu.com.

Lionel Messi ka thyer heshtjen pas humbjes 1-0 ndaj Spanjës në finalen e Botërorit 2026. “Pleshti”, i cili zhvilloi një Kupë Bote të shkëlqyer duke realizuar 8 gola dhe dhuruar 4 asiste, iu drejtua tifozëve argjentinas përmes një postimi në rrjetet sociale.

Messi shkroi se dhimbja është e thellë dhe se do të nevojitet kohë për t’u shëruar, por theksoi se dëshiron të kujtojë edhe momentet e bukura. Ai përmendi ndeshjet që Argjentina arriti t’i përmbyste duke dhënë gjithçka në fushë, të cilat, sipas tij, do të mbeten përgjithmonë në kujtesën e të gjithëve.

Kapiteni argjentinas vlerësoi gjithashtu përkrahjen e një vendi të tërë, duke nënvizuar se ajo, së bashku me punën dhe përpjekjet e pandërprera të grupit, e çoi sërish skuadrën mes më të mirave në botë.

Ai pranoi se në këtë moment është e vështirë të kuptohet plotësisht rëndësia e asaj që u arrit, por kujtoi se kjo skuadër siguroi dy finale të njëpasnjëshme në Kupën e Botës. Messi falënderoi nga zemra të gjithë për përshëndetjet dhe mesazhet, duke shtuar se Argjentina u bashkua edhe një herë si vend për të ndarë krenarinë e madhe të të qenit argjentinas. Në fund, ai përgëzoi Spanjën për fitimin e kampionatit.

The post Shënoi 8 gola dhe dha 4 asiste në Botëror, Messi flet pas disfatës në finale: Krenarë për dy finalet radhazi appeared first on Albeu.com.

Përplasja e madhe e futbollit botëror u mbyll mbrëmë me triumfin e Spanjës ndaj Argjentinës, e cila u mposht me shifrat minimale 1-0 në stadiumin “MetLife”. Kështu, “Furia e Kuqe” u ngjit në majën e Kupës së Botës 2026.

Kryetari i bashkisë së Lezhës, Pjerin Ndreu, ka shpërthyer në një reagim të fortë në rrjetet sociale, i indinjuar nga sjellja e lojtarëve argjentinas. Sipas tij, prej kohësh nuk kishte hasur në një skuadër kaq të ashpër.

“Lojtarë më të pisët se këta të Argjentinës, ka vite që nuk kam parë”, shprehu ai hapur, duke lënë të kuptohet se qasja e tyre në fushë ishte krejtësisht antisportive dhe nuk i pëlqeu aspak përfaqësuesit socialist.

Vetë përfaqësuesja amerikano-jugore u duk pothuajse inekzistente në aspektin krijues, duke finalizuar goditjen e vetme në portë vetëm pasi kishin kaluar 115 minuta lojë. Megjithatë, toni fizik dhe ndërhyrjet e vrazhda të “Albiçelesteve” ishin elementët që duket se e nxorrën nga durimi kreun e Bashkisë Lezhë.

The post Reagim i ashpër i kryebashkiakut socialist pas finales së Botërorit 2026, Pjerin Ndreu: Argjentinasit, më të ndyrët që kam parë prej vitesh appeared first on Albeu.com.

Lionel Scaloni duket se po kalon muajt e fundit te kombëtarja argjentinase. Në deklaratën e dhënë menjëherë pas humbjes në finale përballë Spanjës, trajneri i “Albicelesteve” përmendi edhe afatin kur do t’i japë fund qëndrimit të tij.

Ai tha se do të mbetet në drejtim deri në dhjetor dhe më pas me shumë gjasa do të largohet. “Dua të pushoj dhe të ndalem,” shtoi Scaloni, duke theksuar se në këto momente është thelbësore të ruhet shpirti dhe lidhja mes popullit argjentinas dhe ekipit. “Jam i lumtur për këtë,” përfundoi ai.

Në krye të Argjentinës, tekniku 48-vjeçar ka udhëhequr kombëtaren amerikano-latine drejt 4 trofeve të rëndësishëm, duke përfshirë Kupën e Botës 2022. Në 109 ndeshje në stol, ai ka 85 fitore, 14 barazime dhe 10 humbje.

The post Pas finales së humbur ndaj Spanjës, Scaloni: Largohem nga Argjentina në dhjetor appeared first on Albeu.com.

Kombëtarja e Argjentinës synon të fitojë Kupën e Botës për herë të dytë radhazi dhe në përballjen vendimtare ndaj Spanjës në Nju Jork, futbollistët “Albiceleste” kanë një arsye më tepër për të kapërcyer pengesën e fundit drejt triumfit.

Bëhet fjalë për një tendencë shqetësuese që Lionel Messi dhe bashkëlojtarët e tij aspirojnë ta “fshijnë” përfundimisht nga fusha e lojës, e cila ndërlidhet me fatin e fituesve të Botërorit që dështojnë në finalen e turneut pasardhës.

PARADOKSI I KAMPIONËVE:

Argjentina – Në vitin 1986, nën udhëheqjen e legjendarit Diego Maradona, skuadra ngriti trofeun, por katër vjet më vonë u mposht në finalen e vitit 1990 nga Gjermania Perëndimore me rezultatin minimal 1-0.

Brazili – “Seleção” dominoi Shtetet e Bashkuara në finalen e vitit 1994, por në Botërorin e ardhshëm të vitit 1998, të organizuar nga Franca, pësuan një humbje të thellë 3-0 ndaj vendasve.

Franca – Të kaltrit siguruan titullin botëror në finalen e vitit 2018, por e dorëzuan atë në vitin 2022, kur Argjentina e udhëhequr nga “Pleshti” triumfoi pas ekzekutimit të penalltive.

The post Argjentina me një shtysë shtesë në finalen e Botërorit ndaj Spanjës, Messi kërkon të thyejë mallkimin e kampionëve në fuqi appeared first on Albeu.com.

Ky raportim vjen nga “Sky Sport”.

Grupi i posaçëm i punës për FIFA-n në Shtëpinë e Bardhë e dha dritën jeshile. Drejtuesit i grupit, Andrju Xhuliani, beson se lojtarët argjentinas gëzojnë të drejtën të shprehin mendimin e tyre.

“Malvinas janë argjentinase”, ishte mesazhi i hapur pas eliminimit të Anglisë. Ky veprim u pa si politik dhe madje kishte mendime se FIFA do të marrë masa.

FIFA ndërkohë ka vendosur që ta gjykojë si episod pas këtij Botërori. Më parë ndërkohë janë parë edhe pezullime me raste të ngjashme.

The post FIFA jep dritën jeshile për Argjentinën? Ndizet finalja me propozimin e fundit që thyen rregullat appeared first on Albeu.com.

Trofeu i Kupës së Botës 2026 do të vendoset sonte, kur Spanja dhe Argjentina të zbresin në fushën e stadiumit “MetLife” në New Jersey. Sfida finale nis në orën 21:00.

Përballë do të jenë dy kombëtaret që mbajnë pozicionet e para në renditjen e FIFA-s: Argjentina ndodhet në vendin e parë, ndërsa Spanja në të dytin. Takimi pritet të ofrojë futboll të nivelit të lartë dhe të tërheqë vëmendjen e miliona tifozëve në mbarë botën.

Spanja vjen në këtë përballje me statusin e kampiones në fuqi të Europës, pasi në gjysmëfinale kaloi Francën me shifrat 2-0. Argjentina, ndërkohë, është kampionia aktuale e botës dhe arriti në finalen e madhe pas fitores ndaj Anglisë, me synimin për të ruajtur titullin e fituar katër vite më parë.

Në fund të kësaj ndeshjeje do të shpallet kampionia e re e botës.

The post Spanja dhe Argjentina luajnë sonte finalen e Botërorit 2026 appeared first on Albeu.com.

Armando Cungu, ish-trajneri i Vllaznisë, ka kritikuar ashpër paraqitjet e Argjentinës në këtë Kupë Bote. Sipas tij, kombëtarja argjentinase dhe Lionel Messi kanë përfituar trajtim favorizues gjatë kompeticionit.

I ftuar në emisionin “Kampionët e Botës” në TV Klan, Cungu theksoi se shqetësimet për Argjentinën kishin nisur që në përballjen me Algjerinë, ku sipas tij Messi nuk u ndëshkua me karton të kuq.

“Nëse e shohim Argjentinën, ajo pati probleme që në ndeshjen kundër Algjerisë. Messit nuk iu dha një karton i kuq. Për gjithçka që ka dhënë në futbollin botëror, Messi është një futbollist para të cilit duhet të heqësh kapelen.

Por ligji duhet të funksionojë edhe në sport. Të gjithë duhet të trajtohen njësoj, jo që njëri të përjashtohet me të kuq dhe tjetri të favorizohet. Dhe kjo nuk ka ndodhur vetëm në një takim, por pafundësisht.

Ka pasur problematika ndaj Algjerisë, Kepit të Gjelbër, Egjiptit dhe Zvicrës. Këtë mund ta quaj edhe masakër. Mediat botërore flasin për 31 ndërhyrje të ‘pista’ dhe i kanë të shoqëruara me minutazh. Më vjen keq, sepse kam pasur shumë respekt për Argjentinën.

Ata kanë prodhuar emra të mëdhenj, mjafton të kujtojmë Maradonën dhe Messin. Asnjëherë nuk i kam parë të luajnë në një mënyrë kaq të pisët”, u shpreh Armando Cungu.

The post Armando Cungu: Messi duhej ndëshkuar me të kuq, Argjentina po merr favore të pafundme appeared first on Albeu.com.