Pronari i biznesit bën me dije se kjo nuk është hera e parë që argjendaria e tij sulmohet. Sipas tij, në raste të mëparshme autorët kanë arritur të marrin sende me vlerë, duke shkaktuar dëme që kapin shifrën mbi 15 mijë euro.

Ndryshe nga rastet e kaluara, këtë herë tentativa ka dështuar. Pas aktivizimit të sistemit të alarmit, autorët janë larguar pa arritur të marrin asgjë.

Sipas pamjeve të kamerave të sigurisë, në ngjarje janë përfshirë tre persona të maskuar, të cilët kanë arritur të hapin derën e dyqanit duke përdorur një kriko makine.

The post Tre persona tentojnë të grabisin një argjendari, flet pronari: Dyqanin e hapën me kriko makine! Çfarë filmuan kamerat e sigurisë appeared first on Albeu.com.

Sipas asaj rindërtimit të ngjarjes nga ana e autoriteteve, rreth orës 10.30 në dyqan kanë hyrë tre persona me fytyra pjesërisht të mbuluara. Ndërsa njëri prej tyre doli përtej banakut dhe bllokoi punonjësin, që fatmirësisht mbeti i padëmtuar, dy të tjerët thyen xhamat, duke marrë bizhuteritë dhe sendet me vlerë, për t’u larguar menjëherë më pas.

Nga hetimet u vu në pah prania e një bashkëpunëtori të katërt të dyshuar, të cilit grabitësit i dorëzuan sendet e vjedhura pak para se të zhdukeshin. Sipas hetimeve, ky i fundit ndoqi nga distanca të gjitha fazat e episodit, duke vepruar si “vrojtues”.
I riu akuzohet për vjedhje të rëndë në bashkëpunim me persona ende të panjohur.

The post Grabitën argjendarinë dhe morën bizhuteri me vlerë 300 mijë euro, përfundon në pranga shqiptari në Itali, tre bashkëpunëtorët e tij… appeared first on Albeu.com.

“Si rezultat i shkëmbimit mes Interpol Tiranës dhe Interpol Madridit, të informacioneve të siguruara nga strukturat e DVP Shkodër, për vendndodhjen e një shtetasi shqiptar të shpallur në kërkim ndërkombëtar, është finalizuar operacioni i përbashkët i koduar “Capital”, për lokalizimin dhe kapjen e këtij shtetasi. Si rezultat i operacionit, është kapur në Spanjë dhe është arrestuar me qëllim ekstradimin drejt Shqipërisë, shtetasi E. H., 35 vjeç”, njofton policia e shtetit.

Shtetasi E. H. akuzohet se në vitin 2012, në lagjen “Fahri Ramadani”, Shkodër, në bashkëpunim me shtetas të tjerë, kanë tentuar të vjedhin në një argjendari, duke përdorur armë zjarri.

Gjatë tentativës për vjedhje, ka mbetur i plagosur vëllai i pronarit të argjendarisë. Ky shtetas është shpallur në kërkim ndërkombëtar pas rifillimit të hetimeve nga Drejtoria Vendore e Policisë Shkodër, në drejtimin e Prokurorisë së Shkodrës.

Bazuar në këto hetime, në muajin shkurt 2024, Gjykata e Shkallës së Parë e Juridiksionit të Përgjithshëm Shkodër i ka caktuar shtetasit E. H., masën e sigurisë “Arrest në burg”, për veprat penale “Vjedhja me armë”, mbetur në tentativë, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe municionit”. Vijojnë procedurat për ekstradimin e shtetasit E. H., në Shqipëri.

The post Tentoi të grabiste argjendarinë në Shkodër dhe plagosi një person, 35-vjeçari arrestohet në Spanjë, pritet ekstradimi appeared first on Albeu.com.

Mësohet se autorët i kanë pasur punët e ndara për të marrë sasinë e floririt.

E përbashkëta e të treve ishte maska farmaceutike që mbanin për të fshehur fytyrat dhe dorezat që mbanin në duar për të mos lënë shenja gishtash, një prej tyre kishte në duar doreza si ato të punës. Njëri nga 3 autorët që hynë në argjendari mbante në duar kallashnikov, tjetri në dorë kishte vare dhe i fundit një qese për të futur bizhuteritë që do të grabisnin. Ata nuk janë identifikuar akoma nga policia, ndërsa u ndihmuan edhe nga një i katërt për t’u larguar nga vendi i ngjarjes.

Në vendin e ngjarjes nuk janë gjetur materiale provash që mund të çojnë në identifikimin e tyre. Vijon këqyrja e kamerave të sigurisë për të gjurmuar makinën, e cila ka marrë drejtimin e autostradës, por hetuesit nuk përjashtojnë mundësinë që të ketë marrë kthesën drejt Fushë Krujës.

Ndërsa pronarja e argjendarisë, shtetasja N.S, 59 vjeç ka treguar se gjatë kohës kur ka ndodhur grabitja ka qenë bashkë me nusen e djalit dhe se ata e kanë kërcënuar me armë.

Ajo tregon se është përpjekur që t’i ndalë, duke u përleshur me to. Sipas saj ata kanë grabitur 1.5 kg flori.

“Ka ndodhur rreth orës 17:15, hera e parë që na ndodh diçka e tillë. Ata ishin 4, shoferi i BMW qëndroi në makinë, te grabitësit hynë në argjendari njëri pas tjetrit, me maska me doreza dhe të tre të veshur me të zeza komplet. Argjendaria ka dy kamera jashtë dhe dy brenda, filmimet i ka policia, na ka sekuestruar DVR-në. Unë N.S, 59 vjeçe dhe nusja e djalit E.S 31 vjeçe kemi qenë këtu kur ndodhi ngjarja. Veprimi i parë që bëri grabitësi ishte drejtimi i armës nga ne dhe tha: Duart lartë se ju vramë. Nuk kam thënë në polici që kishte dialekt jugor, ai e trashi zërin enkas që të mos dallohej, ndërsa dy të tjerët nuk folën fare dhe nuk u përmend asnjë emër mes tyre. Nuk kam kuptuar asnjë dialekt nga ata. Jam përleshur me grabitësin që mbante armë, më shtyu më hodhi në tokë, u përlesha dhe me dy të tjerët që t’i ndaloja të vidhnin, por më shtynë. U dorëzova, mbrojta nusen e djalit te cilën e futa te dhoma pas. Ata hynë lirshëm dhe dolën lirshëm pasi nuk kemi sistem që i ndalon ata të hapin derën si nga jashtë dhe nga brenda. Nga një llogari paraprake që kemi bërë konstatojmë mbi 1.5 kg flori të vjedhur, unaza, varëse, byzylykë dhe vathë, disa ishin të veçantë të personalizuar me porosi, dhe kushtojnë, rreth 50.000 dëm. Jemi të frikësuar se mos autorët nuk kapen dhe kjo gjë përsëritet. Banakun e kemi boshatisur s’kemi mall në vitrinë”, tha pronarja e argjendarisë.

The post “Duart lart se ju vramë”, flet pronarja e argjendarisë në Kamzë: U përlesha me autorët, morën 1.5 kg flori! appeared first on Albeu.com.

Në kuadër të këtij operacioni nisi hetimi për shtetasit, Gazmend Spahiu, Fabio Demerxhiu, Marjeta Bengasi, Irena Bengasi, Fatjon Spahiu, Indrit Imeraliu dhe Festim Allushi.

Njoftimi i policisë 

Në kuadër të këtij operacioni u proceduan në gjendje të lirë shtetasit:

1. Gazmend Spahiu, linduar dhe banues në Tiranë, administrator i argjendarise “Spahiu”, me adrese rruga e “Dibres” Tiranëe.

2. Fabio Demerxhiu, linduar dhe banues ne Kruje,, administrator i argjendarise “GOLD JEWELLERY WATCH”, me adrese rruga e “Myslym Shyri” Tiranë.

3. Marjeta Bengasi, linduar në Prrenjas dhe banuese në Tirane, administratore e argjendarise “Prestige” me adrese rruga “Myslym Shyri”, Tiranë.

4. Irena Bengasi, linduar ne Prrenjas dhe banues ne Tirane, administratore e argjendarise “Marilyn Monroe”, me adrese rruga e “Marylyn Shyri”, Tiranë.

5. Fatjon Spahiu, linduar ne Permet dhe banues ne Tirane, administrator i argjendarise “Fredi” me adrese rruga e “Dibres” Tiranë.

6. Indrit Imeraliu, lindur dhe banues në Tiranë, administrator i argjendarisë INDRITI.me adrese rruga e “Dibres” Tiranë.

7. Festim Allushi, lindur dhe banues ne Tirranë, administrator i argjendarise Nobel” me adrese rruga e “Dibres” Tiranë.

Procedimi i këtyre shtetasve është bërë pasi në subjektet e tyre Argjendri te administruara prej shtetasve te lartpermendur, janë gjendur bizhuteri si varese, byzyluke, unaza, etj, me mbishkrimin “Pandora”, te cilat nuk i justifikonin me fatura doganore dhe tatimore, dhe te dyshuara kontrabandë, nderkohe qe keto subjekte nuk kane te drejte te tregtojne bizhuteri te markes “Pandora” pasi eshte marke e mbrojtur.

Sende dhe prova materiale të sekuestruara gjatë operacionit

Nje sasi e konsidersuhme bizhuterish te markes”Pandora” si varese, byzylyke, unaza etj

Materialet proçeduriale ju kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, në ngarkim të shtetasve sipërpërmendur, për veprat penale të “Shkelja e të drejtes së pronësis industriale”,.“Tregëtim dhe transportim i mallrave që janë kontrabandë”dhe “Fshehje të ardhurave”, parashikuar nga neni 149/a, 174, 180, të Kodit Penal.

The post Tregtonin bizhuteri kontrabandë në argjendarinë e tyre, nis hetimi për 7 persona në Tiranë appeared first on Albeu.com.

Njoftohet se të arrestuarit janë O. H., 18 vjeç, dhe K. H., 24 vjeç, banues në Lezhë, për veprën penale “Vjedhja me dhunë”, kryer në bashkëpunim.

Më 8 korrik është bërë denoncimi në polici nga gruaja që iu vodh varësja. Sipas dëshmisë së saj, dy të rinjtë ia vodhën varësen te zona e Astirit. Pasi ia vodhën zonjës, 18-vjeçari dhe 24-vjeçari e kishin shitur varësen në një argjendari në qytetin e Lezhës.

Për rastin u procedua penalisht  në gjendje të lirë edhe pronari i argjendarisë, shtetasi I. G., 39 vjeç, banues në Lezhë.

NJOFTIMI I POLICISË:

Finalizohet nga Komisariati i Policisë Nr. 6, operacioni policor i koduar “Discover”, për zbardhjen e një vjedhjeje të ndodhur më parë, si dhe vënien para përgjegjësisë ligjore të autorëve të saj.

I vodhën me dhunë varësen një shtetaseje, identifikohen dhe vihen në pranga 2 autorët e dyshuar.

Procedohet penalisht pronari i argjendarisë, që përvetësoi varësen e vjedhur.

Specialistët për Hetimin e Krimeve në Komisariatin e Policisë Nr. 6 në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve para përgjegjësisë ligjore, pas një pune të mirëfilltë hetimore disaditore, organizuan dhe finalizuan me sukses operacionin policor të koduar “Discover”, si rezultat i të cilit u bë ndalimi i shtetasve:

– O. H., 18 vjeç, dhe K. H., 24 vjeç, banues në Lezhë, për veprën penale “Vjedhja me dhunë”, kryer në bashkëpunim.

Më datë 08.07.2022, në Komisariatin e Policisë Nr. 6, ka bërë kallëzim shtetasja I. K., se në zonën e Astirit, persona të paidentifikuar i kanë vjedhur varësen me dhunë. Strukturat e Policisë kanë organizuar menjëherë punën për zbardhjen dhe dokumentimin me prova ligjore të kësaj ngjarjeje.

Pas një pune të mirëfilltë hetimore disaditore janë identifikuar dhe vënë në pranga shtetasit O. H dhe K. H., të cilët në bashkëpunim me njëri-tjetrin, i kanë vjedhur me dhunë varësen shtetases I. K., dhe më pas e kanë shitur atë në një argjendari në qytetin e Lezhës.

Në vijim të veprimeve hetimore u procedua penalisht në gjendje të lirë, pronari i argjendarisë, shtetasi I. G., 39 vjeç, banues në Lezhë, për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”.

Materialet i kaluan Prokurorisë, për veprime të mëtejshme procedurale./albeu.com

The post I vodhën me dhunë varësen një vajze në Astir, vihen në pranga 2 të rinjtë nga Lezha appeared first on Albeu.com.

Çifti u fut në argjendari me thikë dhe sprajt anti-drejsë, por kanë hasur rezistencën e pronarit të argjendarisë.

Përplasja me pronarin ka zgjatur deri në momentin që në vendngjarja ka ardhur policia.

Njofitmi i Policisë:

Shkodër – Policia ka zbardhur tentativën e grabitjes në Shkodër të një argjendarie.

Tentuan të vidhnin me dhunë, në një argjendari, falë reagimit të menjëhershëm të Policisë, kapen dhe vihen në pranga autorët e dyshuar.

Më datë 27.01.2022, rreth orës 13:00, jemi njoftuar në sallën operative, se dy persona po tentonin të vidhnin në një argjendari në lagjen “Vasil Shanto” Shkodër.

Shërbimet e Policisë kanë shkuar mënjëherë në vendngjarje, ku kanë bërë të mundur neutralizimin dhe kapjen e autorëve të dyshuar, shtetasin A. H., 32 vjeç dhe bashkëshorten e tij, shtetasen A. H., 31 vjeçe, banues në Vlorë, të cilët janë futur në argjendari dhe kanë tentuar të vjedhin me dhunë, duke u hedhur pronarëve të argjendarisë, sprajt në fytyrë.

Në cilësinë e provës materiale janë sekuestruar makina që kishin në përdorim këta dy shtetas dhe dy palë targa false.

Grupi hetimor po punon për zbardhjen dhe dokumentimin e plotë të ngjarjes./albeu.com

The post Tentuan të grabisnin argjendarinë në Shkodër, e pëson keq çifti appeared first on Albeu.com.

Të dhënat zyrtare mbi tregtinë e jashtme tregojnë se gjatë 6 mujorit të parë të këtij viti importet e perlave natyrale, gurëve të çmuar, bizhuterive dhe monedhave pësuan rritje vjetore gati 200 për qind në vlerë.

Sipas të dhënave të INSTAT gjatë kësaj periudhe u importuan 1.4 miliardë lekë bizhuteri me vlerë me një rritje 195 për qind në raport me 6 mujorin e parë të vitit 2020 dhe 124% në krahasim me vitin normal 2019.

Aktorët kryesorë të tregut kanë pohuar se, kriza pandemike dhe krizat në përgjithësi rrisin interesim e disa personave për të investuar një pjesë të kursimeve të tyre në sende me vlerë. Frika për një zhvlerësim të mundshëm të mjeteve monetare zhvendos interesin për të investuar kursimet në sende me vlerë të tilla si bizhuteri të shtrenjta, të cilat i rezistojnë krizave ekonomike duke mos e humbur vlerën në kohë.

Por kriza pandemike, e cila ishte e pazakontë nga natyra, për shkak të masave bllokuese në lëvizje nxiti dëshirën e njerëzve për te konsideruar zotërimin e bizhuve të çmuara si një mjet antistres gjatë pandemisë.

Aktorët kryesore të tregut, pohuan se, pas një stepje në gjashtëmujorin e parë të vitit 2020 kur nisi edhe pandemia, importet e gurëve, perlave dhe metaleve të çmuara shënuan rritje në 6-mujorin e dytë 2020, tendenca që u theksua fort edhe gjatë këtij viti.

Bizneset e bizhuterive të çmuara pohuan se prej një viti, industria e metaleve dhe gurëve të çmuar ka pësuar një rritje të fortë, në vlerë edhe prej shtrenjtimit të çmimit të arit sidomos gjatë kulmit të pandemisë.

Në tregjet ndërkombëtare një oz ar (28.5 gr) arriti kulmin gjatë gushtit 2020 duke kapur vlerën e 2029 dollarë prej 1461 dollarë që ishte në nëntor të vitit 2019.

Në vitin e dytë të pandemisë çmimet arit u stabilizuan disi, por ato mbeten më të larta se para pandemisë me një nivel 1763 dollarë për oz gjatë këtyre ditëve.

Në vitin 2020, tregu global i bizhuterive luksoze arriti në rreth 18 miliardë euro. Pjesa më e madhe në të ardhurat e tregut i atribuohet Kinës, e ndjekur nga Shtetet e Bashkuara, Japonia dhe India. Vlera e tregut të argjendarive pritet të rritet nga rreth 230 miliardë dollarë amerikanë në 2020, deri në rreth 292 miliardë dollarë në vitin 2025. Një nga risitë në industrinë e bizhuterive janë diamantet e krijuara në laborator, të cilat shpesh nuk dallohen nga diamantet natyrore dhe pritet të bëhen shumë më të zakonshme dhe më të disponueshme në të ardhmen e afërt.

Kërkesa për ar në mbarë botën është rritur nga mbi 3.1 mijë tonë metrikë në 2007 në rreth 4.4 mijë tonë metrikë në 2019. Ka disa industri të ndryshme që përdorin ar, por më e madhja prej tyre është industria e bizhuterive. Në vitin 2019, industria e bizhuterive përdori mbi 2.2 mijë tonë metër ar, duke përbërë pak më shumë se gjysmën e së gjithë kërkesës për ar në botë./Monitor

The post Pandemia nxit biznesin e bizhuterive të çmuara, importet u rritën me 200% në 6-mujor appeared first on Albeu.com.

Trupi gjykues ka dhënë masën “Arrest në burg” për Martin Kapllanaj.

Kapllanaj i ditëlindjes 23/12/2003 është 17 vjeç momentalisht për këtë arsye seanca gjyqësore është gjykuar nga gjyqtarja Vjola Canaj që merret me çështjet e minorenëve.

Seanca gjyqësore është zhvilluar me dyer të mbyllura.

The post Grabiti argjendarinë me armë, lihet në burg 17 vjeçari appeared first on Albeu.com.

E pyetur nga gazetarët e Fax News pas tentativës për grabitje të argjendarisë këtë paradite në qytetin e Vlores pronarja tregon e tronditur se ishte vetem një person që mbante cifte në dorë.

Qëlloi me armë brenda? 

Një person ishte, me cifte

Çfare ju mori ,tentoi të merrte dicka? 

Nuk mund ta shikoja, isha me kurriz. 

Martin Kapllanaj është autori i grabitjes së një argjendarie në qytetin e Vlorës, paraditen e kësaj të enjteje, i cili është arrestuar nga ana e Policisë.

Ai u fut me një armë gjahu dhe ka kërcënuar shitësen në argjendari, ndërsa ka marrë një sasi bizhuterish prej aty. Kapllanaj u arrestua pak minuta më pas nga ana e Policisë, në pallatet pas argjendarisë. Pronarja e argjendarisë është shprehur se nuk e ka parë momentin kur ai ka hyrë në dyqan, pasi ka qemë e frikësuar.

Njoftimi i Policisë:

Vodhi nën kërcënimin e armës së gjahut, një sasi bizhuterish në një argjendari, falë reagimit në kohë të Policisë kapet dhe vihet në pranga autori i dyshuar.

Sekuestrohet në cilësinë e provës materiale një çantë me bizhuteritë e vjedhura, si dhe arma e gjahut me të cilën kërcënoi pronaren e argjendarisë.

Rreth orës 11:05, ka ardhur një telefonatë se në bulevardin “Ismail Qemali”, në argjendarinë në pronësi të shtetases E. H., kishte hyrë një shtetas, i cili dyshohet se në kërcënimin e armës së gjahut, ka vjedhur një sasi bizhuterish dhe është larguar.

Falë reagimit të menjëhershëm të shërbimeve të Policisë është bërë e mundur që autori i dyshuar, shtetasi M. K., 18 vjeç, të kapej dhe prangosej nga shërbimet e Policisë, në lagjen “Isa Boletini”.

Shërbimet e Policisë kanë sekuestruar në cilësinë e provës materiale bizhuteritë e vjedhura dhe armën e gjahut me të cilën kërcënoi pronaren e argjendarisë.

Në drejtimin e Prokurorisë vijon puna për sqarimin e plotë të rrethanave të ngjarjes.

The post Grabitja e argjendarisë në Vlorë, flet pronarja e tronditur: Isha me kurriz appeared first on Albeu.com.