Në edicionin e fundit të podcastit “Arena e Yjeve”, gazetarët sportivë të Telegrafit trajtuan hollësisht gjysmëfinalet e Kupës së Botës 2026 dhe finalen e madhe ndërmjet Spanjës e Argjentinës. Episodi është realizuar me përkrahjen e sponsorëve zyrtarë Exfis dhe Heineken.

Sipas gazetarit Bardh Maxhuni, niveli i shfaqur nga Kylian Mbappe në këtë Botëror nuk përbën befasi, pasi sulmuesi kishte një ecuri të ngjashme edhe te Real Madridi.

“Me Francën, veçanërisht në Botëror, që nga edicioni i parë ku ka marrë pjesë, ai ka dëshmuar se është lojtar i kësaj gare. Me shumë mundësi, karrierën do ta mbyllë si një futbollist që do të kujtohet dhe që do t’i thyejë të gjitha rekordet në aspektin e nivelit ndërkombëtar, pra me kombëtare”, ka deklaruar Maxhuni.

Ai ka theksuar se e priste një formë të tillë nga Mbappe, duke kujtuar se francezi ka realizuar shumë gola edhe me Realin, ndonëse kjo nuk u shndërrua në trofe në fund.

“E kam pritur që Mbappe do ta ketë një formë të tillë pak a shumë, sepse edhe me Realin nuk është se nuk ka shënuar, ka shënuar shumë gola. Edhe pse kjo nuk është përkthyer në trofe në fund, ne tash po e shohim çdo ditë se futbolli po bëhet gjithnjë e më shumë lojë ekipore. Nuk është më si në kohën e Ronaldos dhe Messit, kur këta të dy mund ta fitonin një trofe”, është shprehur ai.

“Sot nuk është ajo për shkak se po e shohim që edhe ekipet mesatare po dinë të të ndëshkojnë edhe të mposhtin”, ka thënë Maxhuni.

Episodin e plotë mund ta ndiqni në kanalin zyrtar të Telegrafit në YouTube.//

The post Bardh Maxhuni analizon paraqitjet e Kylian Mbappes në Kupën e Botës appeared first on Albeu.com.

Në edicionin e fundit të podcastit “Arena e Yjeve”, gazetarët e sportit të Telegrafit kanë shqyrtuar gjysmëfinalet e Kupës së Botës 2026 dhe përballjen finale ndërmjet Spanjës e Argjentinës. Episodi është realizuar me përkrahjen e sponsorëve zyrtarë Exfis dhe Heineken.

Gjatë analizës së humbjes së Francës nga Spanja në gjysmëfinalen e Botërorit, gazetari Shkumbin Pireva ka vlerësuar se përgjegjësia për eliminimin bie mbi trajnerin Didier Deschamps.

“Eliminimi i faturohet Deschampsit, pasi këtë e kemi përmendur disa herë. Edhe në vitin 2018, kur e fitoi Kupën e Botës, ai e përdori sistemin për të cilin kemi folur, me tre mesfushorë, ndërsa Rabiot, ose atëherë Matuidi, shndërrohej në mesfushorin e katërt apo në anësor”, ka deklaruar Pireva.

“E prisja, pra isha i bindur se do ta bënte sërish të njëjtën lëvizje me tre mesfushorë: Tchouamenin, Konen, ndoshta Kanten, ndërsa njërin mes Tchouamenit dhe Kones do ta vendoste në të majtë për ta avancuar Rabiotin”.

“Kjo do t’ia mundësonte që, në fazat mbrojtëse ose kur nuk e kanë topin, ta kishte mesfushën më të ngjeshur. Por nuk e bëri dhe ky rezultoi të ishte një nga gabimet vendimtare”, ka thënë Pireva.

Episodin e plotë mund ta ndiqni në kanalin zyrtar të Telegrafit në YouTube. //

The post Pireva: Deschamps mban përgjegjësinë për largimin e Francës nga Botërori appeared first on Albeu.com.

Në edicionin e fundit të podcastit “Arena e Yjeve”, gazetarët sportivë të Telegrafit kanë trajtuar me hollësi gjysmëfinalet e Kupës së Botës 2026 dhe finalen e madhe ndërmjet Spanjës e Argjentinës. Episodi vjen me mbështetjen e sponsorëve zyrtarë Exfis dhe Heineken.

Gazetari Bardh Maxhuni ka komentuar gjysmëfinalen e parë të Botërorit mes Spanjës dhe Francës, duke vlerësuar lart disa prej vendimeve të trajnerit të Spanjës, Luis De La Fuente.

“Te ndeshja Spanjë-Francë më befasoi mënyra se si Spanja ka arritur që për 90 minuta ta neutralizoj Francën komplet, domethënë nuk e kanë lejuar të krijojnë asnjë rast të rrezikshëm”.

Sipas Maxhunit, veçanërisht i rëndësishëm ishte vendimi i De La Fuentes për ta nisur nga banka Pedrin, i cili zakonisht konsiderohet mesfushori më i mirë i Spanjës.

“Diçka për t’u përshëndetur ka qenë vendimi i trajnerit Luis De La Fuente për ta lënë në bankë Pedrin që normalisht është mesfushori më i mirë i Spanjës dhe është një vendim shumë i madh”.

Ai theksoi se ky ndryshim po jep rezultat me Fabian Ruiz, ndërsa në anën tjetër mendon se Franca nuk veproi drejt me aktivizimin e Aurelien Tchouamenit, i cili kishte qenë në dyshim deri në çastet e fundit për shkak të lëndimit.

“Por po e shohim që po ka efekt me Fabian Ruiz. Ky është një vendim i cili i ka dalë mirë, përndryshe unë besoj që te Franca ka gabuar me inkuadrimin e Aurelien Tchouamenit, i cili deri në momentet e fundit ishte në dyshim shkaku i lëndimit”, ka thënë Maxhuni.

Episodin e plotë mund ta ndiqni në kanalin zyrtar të Telegrafit në YouTube.//

The post Bardh Maxhuni vlerëson zgjedhjen e De La Fuentes në përballjen Spanjë-Francë appeared first on Albeu.com.

Futbollisti i njohur kosovar Viktor Kuka ishte i ftuari i radhës në episodin më të ri të podcastit “Arena e Yjeve”, ku solli rrëfime nga karriera e tij e gjatë në futbollin kosovar, duke ndarë kujtime të veçanta dhe sfidat që e kanë shoqëruar gjatë viteve. Ky episod është realizuar me përkrahjen e sponsorëve zyrtarë Exfis dhe Heineken.

Gjatë bisedës, mes shumë ngjarjeve që veçoi, Kuka u ndal edhe te atmosfera që kishin krijuar tifozët e Dritës, “Intelektualët”, në ndeshjen vendimtare për titull kundër Prishtinës, në kohën kur ai ishte pjesë e skuadrës nga Gjilani.

“Hala e mbaj mend që ka ndodhë se ne kemi qenë në hotël duke ndejtur në Karagaqn nëse nuk gaboj në Pejë, edhe ajo është si në mes të malit, ka shumë pemë aty”.

Sipas Kukës, shumica e “Intelektualëve” kishin mbërritur qysh një natë më parë dhe kishin qëndruar në park vetëm që ta shihnin ekipin. “Edhe shumica e ‘Intelektualëve’ kanë ardhur një natë më herët. Domethënë kanë fjetur në park vetëm për të na parë”.

Ai tregoi se, kur futbollistët ishin zgjuar në mëngjes për ta zhvilluar “footing” para ndeshjes, kishin parë të gjithë tifozët pranë tyre duke i përkrahur dhe duke u dhënë mbështetje. “Kur jemi zgjuar në mëngjes, thirret ‘footing’ me bo para ndeshjes, i kemi parë tifozët të gjithë duke na përkrahur, duke na mbështetur”.

Kuka tha gjithashtu se kishte pasur padrejtësi, pasi jo të gjithë tifozët ishin lejuar të futeshin në stadium, por vetëm 200 prej tyre. “Edhe pse ka qenë pak padrejtësi sepse nuk i kanë lejuar të futen të gjithë, i kanë lejuar vetëm 200 prej tyre”, ka rrëfyer mes tjerash Kuka.

Episodin e plotë me Viktor Kukën mund ta ndiqni në kanalin zyrtar të Telegrafit në YouTube.//

The post Viktor Kuka kujton mbështetjen e jashtëzakonshme të “Intelektualëve”: Na shoqëronin me vetura dhe e kaluan natën në park appeared first on Albeu.com.

Në episodin më të fundit të podcastit “Arena e Yjeve”, i ftuar ishte futbollisti i njohur Viktor Kuka, i cili foli për rrugëtimin e tij të gjatë në futbollin kosovar, duke ndarë kujtime të veçanta dhe sfidat që e kanë përcjellë ndër vite. Ky episod është realizuar me përkrahjen e sponsorëve zyrtarë Exfis dhe Heineken.

Fillimisht, ai u ndal te periudha e kaluar te Drita, ku rikujtoi me shumë emocion mbështetjen e madhe nga tifozët “Intelektualët”, ndërsa solli edhe rrëfime të veçanta që pasqyrojnë përkushtimin dhe pasionin e tyre për klubin.

Kuka tregoi më tej edhe për kontratën pesëvjeçare me Dritën, duke zbuluar se për një vit të tërë udhëtonte me biçikletë nga Prishtina në Gjilan, vetëm që të merrte pjesë në stërvitje dhe të vazhdonte ndjekjen e ëndrrës së tij në futboll.

Gjatë bisedës, ai riktheu në vëmendje edhe sukseset më të mëdha të karrierës, mes tyre titujt kampion të fituar me Prishtinën dhe Dritën, si edhe momentet që i konsideron ndër më të rëndësishmet në rrugën e tij si futbollist.

Në këtë episod, ai foli hapur edhe për zhgënjimin e madh të sezonit të kaluar, kur nuk arriti ta ndihmonte Vëllaznimin të siguronte rikthimin në Superligën e Kosovës, duke ndarë emocionet dhe ndjenjën e përgjegjësisë që e shoqëroi pas mbylljes së kampionatit.

Episodi përfshiu po ashtu shumë histori të pathëna nga karriera e Kukës, kujtime nga klubet ku ka luajtur dhe përvoja që kanë ndikuar në formimin e tij si futbollist dhe si njeri.

Episodin e plotë me Viktor Kukën mund ta ndiqni në kanalin zyrtar të Telegrafit në YouTube. //

The post Viktor Kuka rrëfen në “Arena e Yjeve” sukseset, sakrificat dhe zhgënjimet e karrierës appeared first on Albeu.com.

Portieri i Kombëtares së Kosovës, Visar Bekaj, ishte i ftuari i radhës në episodin më të fundit të podcastit “Arena e Yjeve”, ku foli hapur për rrugëtimin e tij në futbollin vendor dhe atë ndërkombëtar. Ky episod është realizuar me përkrahjen e sponsorëve zyrtarë Exfis dhe Heineken.

Gjatë bisedës, Bekaj rrëfeu se si erdhi debutimi i tij te Ramiz Sadiku në moshën 16-vjeçare, si edhe transferimi i mëvonshëm te Prishtina.

“Në moshën 15-vjeçare nëse nuk gabohem, Albert Bunjaku organizon një kamp të portierëve, shtune diele ushtronim gjithmonë te fusha e Flamurtarit”.

“Edhe ka qenë Bahri Berisha trajner i portierëve, Ahmet Beselica, që e kam tash edhe tek kombëtarja dhe ka qenë Besart Bajraktari ka mbrojtur në Suedi”.

“Edhe pastaj aty më ka parë Bahri Berisha dhe trajneri Ahmet. Pas kësaj trajneri Bahri më ka përcjellë, vinte më përcillte te Ramiz Sadiku me juniorë”.

“Unë stërvitesha edhe në Prishtinë me trajnerin Bahri, por edhe në Ramiz Sadik”, ka thënë Bekaj mes tjerash.

Episodin e plotë me Visar Bekajn mund ta ndiqni në kanalin zyrtar të Telegrafit në YouTube. //

The post Visar Bekaj tregon si debutoi 16-vjeçar te Ramiz Sadiku dhe kaloi më pas te Prishtina appeared first on Albeu.com.

Në episodin më të fundit të podcastit “Arena e Yjeve”, i ftuar ishte portieri i Kombëtares së Kosovës, Visar Bekaj, i cili foli hapur për rrugëtimin e tij në futboll, si në arenën vendore ashtu edhe në atë ndërkombëtare. Ky episod është realizuar me përkrahjen e sponsorëve zyrtarë Exfis dhe Heineken.

Gjatë bisedës, Bekaj tregoi se afërsia e tij me portën kishte nisur që në mahallë, ndërsa më pas kishte marrë drejtim më serioz te klubi i Ramiz Sadikut.

“Me thënë të drejtën tash, ne kemi luajtur në mahallë secili edhe tash 3-4 vite mund të them, unë isha portier gjithmonë dhe gjuhesha në beton, domethënë aty e vërejta që nuk jam për lojtar”.

Më tej, ai kujtoi momentin kur vendosi të niste ushtrimet në një klub, sapo kishte mbushur 6 vite.

“I bëra 6 vite dhe tash doja të shkoja diku të ushtroja dhe vendosa të shkoja te Ramiz Sadiku, më afër shtëpisë”.

Bekaj zbuloi edhe se në zgjedhjen e tij kishte ndikuar fakti që vëllai i tij, Dardani, kishte luajtur më parë te Ramiz Sadiku. Ai tha se në fillim ishte futur si lojtar, por pas një apo dy stërvitjeve, kishte ndier se nuk i pasonin topin dhe si fëmijë e kishte përjetuar në atë mënyrë, ndaj vendosi se ishte më mirë të kalonte në portë.

“Vëllau im Dardani ka luajtur në Ramiz Sadik. Unë hyra lojtar në fillim, një stërvitje, dy stërvitje, e shihja që nganjëherë nuk ma pasonin topin, si fëmijë ndoshta këtë e kam menduar, thashë po hyj portier më mirë”, ka rrëfyer Bekaj mes tjerash.

Episodin e plotë me Visar Bekajn mund ta ndiqni në kanalin zyrtar të Telegrafit në YouTube.//

The post Visar Bekaj tregon si e nisi si portier dhe hapat e parë te Ramiz Sadiku appeared first on Albeu.com.

Portieri i Kombëtares së Kosovës, Visar Bekaj, ishte i ftuari i episodit më të fundit të podcastit “Arena e Yjeve”, ku foli hapur për rrugëtimin e tij në futbollin vendor dhe atë ndërkombëtar. Ky episod vjen me përkrahjen e sponsorëve zyrtarë Exfis dhe Heineken.

Gjatë intervistës, ai riktheu në vëmendje fillimet e tij në futboll, duke treguar për hapat e parë si portier dhe zhvillimin e tij te Ramiz Sadiku, aty ku nisi të marrë formë si një portier profesionist.

Bekaj foli edhe për debutimin e tij shumë të hershëm, në moshën 16-vjeçare, si dhe për transferimin te FC Prishtina, një lëvizje që ndikoi ndjeshëm në nisjen e karrierës së tij profesionale në futbollin e Kosovës.

Një pjesë e bisedës iu kushtua edhe momentit kur trajneri Bylbyl Sokoli e besoi për debutimin në ekipin e parë të Prishtinës, të cilin Bekaj e përshkroi si një ndër çastet më të rëndësishme të fazës së tij të hershme në karrierë.

Ai ndau gjithashtu emocionet që përjetoi kur mori ftesën nga Kombëtarja e Kosovës, ndërsa debutimin me fanellën dardane e cilësoi si një nga momentet më të mëdha dhe më krenare të karrierës së tij.

Në këtë episod u fol edhe për përvojat e tij jashtë Kosovës dhe rrugën profesionale në arenën ndërkombëtare, ku Bekaj reflektoi mbi sfidat e hasura dhe zhvillimin e tij si portier në futbollin modern.

Episodin e plotë me Visar Bekajn mund ta ndiqni në kanalin zyrtar të Telegrafit në YouTube. //

The post Visar Bekaj në “Arena e Yjeve” rrëfen debutimin në moshën 16-vjeçare dhe udhëtimin deri te Kombëtarja e Kosovës appeared first on Albeu.com.

Futbollisti tregoi se pas një periudhe prej dy vitesh e gjysmë me suksese te Trepça ’89, e kishte ndier se kishte ardhur koha për të bërë hapin e radhës në karrierën e tij.

“Prapë kemi qenë kandidat për titull, por dimrit pas dy viteve e gjysmë, vjen momenti me e bë hapin e radhës”, tha ai.

Sipas Hasanit, kalimi në një klub jashtë Kosovës doli të ishte më i komplikuar nga sa e kishte menduar, pasi futbolli kosovar në atë periudhë nuk kishte dukshmërinë e duhur në platformat ndërkombëtare të skautimit.

“Pse po them ka qenë e vështirë se gjatë bisedave kur i kemi pasur me 2-3 klube ata më thonin nuk po i gjejmë ndeshjet e Kosovës askund sepse janë disa platforma ku ti hyn e sheh lojtarin, e analizon ekipin, kurse këto ndeshjet e Kosovës nuk kanë qenë atë kohë”, rrëfeu Hasani.

Ai theksoi se rrugën drejt interesimit nga ekipet e huaja ia hapi më së shumti Kombëtarja U21 e Kosovës, sidomos përmes ndeshjeve ndaj përfaqësueseve të mëdha të Evropës.

“Edhe më së shumti m’i kanë hapur rrugët Kombëtarja U21, ato ndeshjet me Norvegjinë, me Gjermaninë, rezultate historike”, u shpreh ai.

Hasani bëri të ditur gjithashtu se momenti që e vulosi përfundimisht transferimin e tij në Hungari ishte vlerësimi individual si lojtari më i mirë në Kosovë.

“Edhe fakti i dytë që e ka vulosur transferimin në Hungari ka qenë ajo gala mbrëmja e Federatës ku shpallem lojtari më i mirë në Kosovë”, përfundoi Hasani.

Episodin e plotë me Florent Hasanin mund ta ndiqni në kanalin zyrtar të Telegrafit në YouTube.//

The post Florent Hasani rrëfen çastin kyç që i hapi derën e transferimit në Hungari appeared first on Albeu.com.

Në këtë bisedë, ai foli për hapat e parë në futboll dhe për periudhën e tij te Trepça 89’, skuadra ku, sipas tij, u formua si lojtar, duke sjellë në vëmendje edhe vështirësitë që e shoqëruan atë etapë.

“Trepça ’89 ka qenë njëra ndër periudhat më të mira të karrierës. Kam qëndruar dy vite e gjysmë. Viti i parë ka qenë problematik për mua, si lojtar i ri 18-vjeçar”.

Hasani kujtoi se sezoni i parë nisi mjaft mirë, me ekipin që për disa ndeshje mbajti vendin e parë dhe nuk pësoi humbje, por më pas situata ndryshoi.

“Ai sezoni pati përfunduar si përfundoi. E patëm filluar shumë mirë në vend të parë disa ndeshje pa humbje, pastaj kemi ra”.

Sipas tij, pas përfundimit të atij viti, klubi mori vendim që sezonin pasues ta ndërtonte kryesisht me futbollistë të rinj dhe me talentë.

“Përfundon viti i parë dhe klubi vendos që në vitin e dytë me hy vetëm me lojtarë të rinj, me talenta”.

Ai tregoi se në skuadër mbetën vetëm disa emra me përvojë, konkretisht Shpëtim Idrizi, Ilir Izmaku dhe Edon Pasoma, ndërsa pjesa tjetër përbëhej nga lojtarë 19-20 vjeç. Hasani shtoi se në atë kohë, sipas mediave, Trepça ’89 konsiderohej kandidati kryesor për të rënë nga liga.

“Na lanë lojtarë me përvojë vetëm Shpëtim Idrizin, Ilir Izmakun, Edon Pasomën dhe gjithë lojtarët tjerë 19-20 vjeç dhe e mbaj mend në të gjitha mediat kemi qenë kandidati i parë për të rënë nga liga”.

Megjithatë, ai theksoi se ekipi zhvilloi përgatitje shumë të mira dhe punoi fort çdo ditë. Më pas përmendi edhe ndeshjen e parë ndaj Gjilanit, ku rezultati ishte 1-1, Trepça ’89 mbeti me dy kartonë të kuq, por arriti të fitonte 1-2 me golin e tij rreth minutës së 85-të. Sipas Hasanit, që nga ajo përballje skuadra nuk u ndal më.

“Por kemi bërë përgatitje shumë të mirë, çdo ditë kemi punuar shumë edhe kur kemi filluar ndeshjen e parë me Gjilanin 1-1 ka qenë rezultati, kemi pasur dy kartona të kuq dhe fitojmë ne 1-2 me golin tim në minutën e 85-të diku. Që nga ajo ndeshje nuk kemi pasur të ndalur fare”, ka rrëfyer Hasani.

Episodin e plotë me Florent Hasanin mund ta ndiqni në kanalin zyrtar të Telegrafit në YouTube. //

The post Florent Hasani rikthen kujtimet nga Trepça ’89: titulli kampion dhe rruga drejt Evropës nga Mitrovica appeared first on Albeu.com.