Sipas informacioneve të mbledhura nga grupi hetimor në terren, shënjestra ishte 40 vjeçari Lulzim Bitri, pavarësisht se viktimë mbeti edhe 50 vjeçari Ardjan Çollaku.

Deri më tani nuk janë zbuluar autorët e këtij sulmi me breshëri, por dihet që pamjet filmike janë regjistruar nga më shumë se 40 kamera të cilat po mbikëqyren me imtësi.

I vetmi detaj që dihet është fakti se ndaj Lulzim Bitrit dhe Ardjan Çollakut është qëlluar më shumë se 21 herë me “scorpions” dhe kallashnikov./albeu.com

The post Janë qëlluar 21 herë me “scorpions”, kush ishte shënjestra e vrasjes së dyfishtë në Elbasan? appeared first on Albeu.com.

Atentati është filmuar e gjitha nga kamerat e sigurisë së karburantit por edhe e bizneseve që operojnë në zonë. Pamjet janë kthyer në provat më të vyera në duart e hetuesëve.

Gazetari Elton Qyno ka bërë me dije se autorët ishin tre persona, e po aq ishin edhe nga pala tjetër. Pra dikush u ka shpëtuar breshërisë së plumbave.

“Fatlumi” është Florenc Çekrezi, i cili ka qenë së bashku me dy viktimat kur ndaj tyre u hap zjarr nga një makinë tip “Volvo”. Mësohet se ai u ka shpëtuar plumbave duke u larguar me vrap, ndërsa miqtë e tij kanë mbetur të vrarë, ndërsa sapo kishin dalë.

Ky i fundit ka dhënë detaje mbi atë çfarë ka ndodhur, sipas tij, të tre personat kanë qenë në ambjentet e një lokali aty pranë duke treguar gjithë çfarë ka parë të ndodhë para syve të tij. Hetimet janë të fokusuara tërësisht tek e shkuara e viktimave, pasi Ardjan Çollaku (Subashi) por ehde Lulzim Bitri ishin emra të njohur për Policinë.

Çollaku ka qenë nën hetim për vrasjene ndodhur në muajin maj të Everest Çakës, e nga ai muaj deri në shtator është pyetur plot 5 herë në lidhje me atentarin.

Por edhe Bitri, është vëllai i Eljo Bitri, i cili aktualisht ndodhet në “arrest shtëpie”, që është marrë disa herë në pyetje nga policia për ngjarjen e shkurtit 2018, ku u godit familja Çapja e tre persona mbetën të vrarë.

Po ashtu, dy viktimat konsiderohen si grupi i Dubait, por mesa duket mbi “shpinën” e tyre ka rënduar edhe një akuzë që daton nga viti 1995, por sërish masakra e Bradasheshit ka më shumë gjasa të jetë ngjarja që u ka kushtuar edhe jetën.

The post U largua me vrap, kush është Florenc Çekrezi që u shpëtoi plumbave në Elbasan appeared first on Albeu.com.