Ardit Hila rikthehet në shtëpinë e tij, aty ku doli si lojtar dhe aty ku në fakt jeton prej vitesh pavarësisht se ka luajtur për skuadra të tjera. Elbasani bën kështu goditjen e madhe në merkato, por jo të vetmen pasi në ‘Elbasan Arena’ priten sërish yje të tjerë.

Hila luajti 55 ndeshje me Tiranën duke shënuar 10 gola e 4 asiste, ndërsa në karrierë ka provuar fanellat e Kukësit, Prishtinës, Teutës, Partizanit e Gjilanit. Debutimi i tij do të vijë më 19 janar ku Elbasani pret Korabin në shtëpi. /newsport.al/

The post Elbasani godet në merkato, prezanton Ardit Hilën: Mirësevjen në shtëpi appeared first on Albeu.com.

Në prag të derbi duket se situata është e tensionuar në kampin bardheblu. Drejtuesit kanë vendosur të pezullojnë mesfushorin Ardit Hila. Shtypi i shkruar bën me dije se për shkak të tensioneve me tifozët në sfidën kundër Kukësit, Hila nuk është pjesë e ekipit të parë duke mos u lejuar as në dhomat e zhveshjes.

Lojtari stërvitet veçmas dhe as dje nuk ishte në përgatitje me Tiranën, duke mos u përjashtuar një shitje e tij e mundshme në janar. Kjo është hera e dytë që brenda muajit lojtari pezullohet.

Hera e parë ishte në derbin e fazës së parë kundër Partizanit. I zëvendësuar në minutën e 67-të, elbasanasi nuk shkoi në stolin e ekipit, por u fut në dhomat e zhveshjes duke sjellë një situatë të tensionuar. Tanimë konflikti me tifozët e Kukësit bëri që Tirana të marrë sërish masa për Hilën./albeu.com

The post Derbi/Tirana përjashton Ardit Hilën! Gati largimi në janar appeared first on Albeu.com.