ardit hida Archives - Albeu.com

Vrau Florenc Kovaçin dhe i plagosi vëllanë, Prokuroria e Elbasanit kërkon burg përjetë për Ardit Hidën

XH D — Mon, 18 Dec 2023 21:49:07 +0000

Prokuroria ka dhënë pretencën ditën e sotme në Gjykatë, ku theksohet se Hida akuzohen për vrasje e kryer kundër dy personave, ku njëri prej tyre mbeti i plagosur.

Prokuroria e Elbasanit ka kërkuar burg për jetë ndaj Ardit Hidës, i riu që vrau me thikë Florenc Kovaçin dhe plagosi vëllanë e tij Mikel Kovaçin në vitin 2021. Prokuroria ka dhënë pretencën ditën e sotme në Gjykatë, ku theksohet se Hida akuzohen për vrasje e kryer kundër dy personave, ku njëri prej tyre mbeti i plagosur.

Njoftimi i Prokurorisë:

Në funksion të njoftimit të publikut dhe medias komunikohet se: Prokuroria pranë Gjykatës së Shkallës së Parë të Juridiksionit të Përgjithshëm Elbasan ka dhënë konkluzionet përfundimtare në kuadër të procedimit penal Nr.1695 e vitit 2021, në ngarkim të të pandehurit Ardit Hida i akuzuar për kryerjen e veprës penale të “Vrasjes në rrethana të tjera cilësuese” parashikuar nga neni 79/dh i K.Penal në dëm të viktimave F.Kovaci dhe M.Kovaci, ngjarje e ndodhur në datë 05.11.2021 në vendin e quajtur “Sporti Vjetër” Elbasan, ku i pandehuri me dashje ka qëlluar me mjet të mprehtë në drejtim të shtetasve M. dhe F.Kovaci duke shkaktuar vdekjen e shtetasit F.Kovaci dhe të plagosë rëndë shtetasin M.Kovaci. Në përfundim është kërkuar deklarimi fajtor i të pandehurit Ardit Hida, për kryerjen e veprës penale të “Vrasjes në rrethana të tjera cilësuese” e kryer kundër dy ose më shumë personave nga të cilët për njërin ka mbetur në tentativë të parashikuar nga neni 79 gërma “dh” i K.Penal, dhe në bazë të kësaj dispozite dënimin e tij me burgim të përjetshëm.

Si ndodhi ngjarja?

Ngjarja ndodhi në Elbasan. Florenc dhe Mikel Kovaçi u përleshën me një grup të rinjsh, mes tyre dhe Ardit Hida. Gjithë sherri nisi për shkak të ngacmimit të motrës së Hidës. Ardit Hida kishte shkuar për të takuar vëllezërit Kovaçi, kjo pasi 14-vjeçarja kishte lidhje me një prej tyre, Mikel Kovaçin. Familja Hida pretendonte se vajza drogohej, pasi Kovaçi i siguronte lëndë narkotike. Si pasojë e këtyre konflikteve, Hida shkoi bashkë me një grup djemsh që të sqarohej me vëllezërit Kovaçi. Por, në sherr e sipër u përdorën thikat dhe Hida qëlloi Florenc dhe Mikel Kovaçin. Florenc Kovaçi ndërroi jetë, ndërsa Mikeli u plagos, por mbijetoi.

The post Vrau Florenc Kovaçin dhe i plagosi vëllanë, Prokuroria e Elbasanit kërkon burg përjetë për Ardit Hidën appeared first on Albeu.com.

Flet nëna e të riut që u godit për vdekje me thikë: Autori të kalbet në burg ose do bëj vetëgjyqësi

E B — Mon, 08 Nov 2021 08:56:19 +0000

Para 3 ditësh në Elbasan, gjatë një sherri me thika, u vra 26-vjeçari Florenc Kovaçi dhe u plagos rëndë vëllai i tij 19 vjeç, Mikel Kovaçi.

Autori i këtij krimi është Ardit Hida, 24 vjeç i cili ka pranuar krimin e rëndë pasi u vu në pranga pak orë pas shërrit.

Në lidhje me këtë ngjarje, so ka folur Mirela Kuçi, nëna e viktimës e cila ka thënë se nëse nuk dënohet me burg përjetë, do e vrasë vetë.

“Një ngjarje shumë e rëndë. Nuk di gjë fare, vetëm kur më sollën haberin për djalin. E kam gjetur fëmijën shtrirë, te dera e spitalit nuk foli më. Ai të kalbet brenda në burg.

Djalin nuk e kam me të meta mendore dhe asgjë fare, unë dua të drejtën e djalit. Ai të kalbet në burg, se ai gjallë nuk rri, do të jem unë shkaktare që do ta vras. Si më iku djalin im edhe ai do të shkojë te djali im. Do ta kërkoj të drejtën e djalit” tha ajo.

Mirela Kovaçi tregon edhe amanetin e fundit të djalit që ndërroi jetë në derën e spitalit. “Kur e kam gjetur djalin e ngrita. Djali bën of, of, e futa te dera e ambulancës, ai u përpiqte, te dera e spitalit më kapi në qafë, amanet çunin dhe gocën më tha, do të më jepte prapë amanete, por nuk foli më dhe më kafshoi.

Djali e dha jetën te dera e spitali. Djali ishte goditur me thikë në zemër dhe në fytyrë. Suri ishte mbyllur fare. Këpucët ja gjeta poshtë makinës. Nuk kam fuqi të flas më. Nuk flas më. Më iku gjithë ai “dif”, zemra më digjet kur e kujtoj” tha ajo.

Dyshohet se një lidhje romantike mes 19 -vjeçarit Mikel Kovaci (i plagosur) dhe një vajze me mbiemrin Hida, ka qënë shkaku i sherrit që përfundoi në tragjedi.

Nuk dihet saktësisht nëse autori Ardit Hida dhe vajza në fjalë me mbiemër Hida janë motër e vëlla apo lidhje tjetër familjare, por të rinjtë janë takuar për t’u sqaruar për këtë çështje.

Debati mes tyre ka agravuar në përdorimin e thikës ku Ardit Hida goditi për vdekje Florenc Kovaçin dhe plagosi rëndë të vëllain Mikel Kovaçi./albeu.com

The post Flet nëna e të riut që u godit për vdekje me thikë: Autori të kalbet në burg ose do bëj vetëgjyqësi appeared first on Albeu.com.

Njëri vëlla i vrarë e tjetri i plagosur, zbulohet lidhja romantike që shkaktoi tragjedinë në Elbasan (FOTO&VIDEO)

admin — Sat, 06 Nov 2021 11:21:53 +0000

Janë zbardhur detaje të reja nga ngjarja e rëndë në Elbasan ku mbrëmjen e djeshme gjatë një sherri me thika, u vra një 28 vjeçar dhe u plagos rëndë një 19 vjeçar.

Viktima është shtetasi Florenc Kovaçi i cili dyshohet se vunte nga probleme të shëndetit mendor, dhe kurohej për depresion. Në gjendje të rëndë mësohet se është dhe vëllai i tij Mikel Kovaçin, 19 vjeç i cili gjendet tek Trauma në Tiranë.

Për këtë ngjarje të rëndë në pranga është vënë shtetasi Ardit Hida, 24 vjeç i cili ka pranuar krimin e rëndë pasi u vu në pranga pak orë pas krimit.

Shkaku i sherrit një vajzë?

Një lidhje romantike mes 19 vjeçarit Mikel Kovaci (i plagosur) dhe një vajze me mbiemrin Hida, ka qënë shkaku i sherrit që përfundoi në tragjedi.

Nuk dihet saktësisht nëse autori Ardit Hida dhe vajza në fjalë me mbiemër Hida janë motër e vëlla apo lidhje tjetër familjare, por të rinjtë janë takuar për t’u sqaruar për këtë cështje.

Debati mess tyre ka agravuar në përdorimin e thikës ku Ardit Hida vrau me thikë Florenc Kovaçin dhe plagosi rëndë të vëllain Mikel Kovaçi mbrëmjen e djeshme në qytetin e Elbasanit.

NJOFTIMI I POLICISË:

Elbasan

Kapet në kohë rekord autori i dyshuar i vrasjes së 28 vjeçarit dhe i plagosjes së vëllait të tij, mbrëmjen e sotme.

Sekuestrohet në cilësinë e provës materiale mjeti prerës (thikë) me të cilën autori kreu krimin.

Falë reagimit në kohë të shërbimeve të Policisë të Komisariatit të Policisë Elbasan dhe ato të DVP, veprimeve të shpejta hetimore e profesionale, krehjes së zonës dhe kontrolleve të shumta, u bë e mundur kapja e autorit të dyshuar të ngjarjes së ndodhur mbrëmjen e sotme në Elbasan.

Shërbimet e Policisë kapën dhe shoqëruan në Polici për veprime të mëtejshme shtetasin Ardit Hida 24 vjeç, i cili u kap në lagjen “Brigada e 17 Sulmuese”.

Gjithashtu u bë e mundur gjetja dhe sekuestrimi në cilësinë e provës materiale i thikës me të cilën ky shtetas plagosi dy vëllezërit, ku si pasojë e plagëve të marra njëri prej vëllezërve shtetasi F.K., rreth 28 vjeç, banues në Elbasan ka ndërruar jetë ndërsa vëllai tjetër shtetasi M.K.,19 vjeç, ndodhet në spital për ndihmë mjeksore.

Grupi hetimor nën drejtimin e Prokurorisë së Rrethit Gjyqësor Elbasan vijon punën për sqarimin e rrethanave të ngjarjes, identifikimin dhe arrestimin e personave të tjerë të përfshirë në këtë ngjarje. /albeu.com/

The post Njëri vëlla i vrarë e tjetri i plagosur, zbulohet lidhja romantike që shkaktoi tragjedinë në Elbasan (FOTO&VIDEO) appeared first on Albeu.com.

Vëllai në gjendje të rëndë! Del fotoja, kush është 28 vjeçari që u vra mbrëmë në Elbasan (FOTO LAJM)

admin — Sat, 06 Nov 2021 10:12:44 +0000

Është bërë publike fotoja e të riut i cili humbi jetën mbrëmjen e shkuar në Elbasan pas një sherri me thika.

Viktima është shtetasi Florenc Kovaçi, 28 vjeç ndërsa mbeti i plagosur rëndë dhe u dërgua me urgjencë drejt Tiranës, Mikel Kovaçi, 19 vjeç.

Për këtë ngjarje të rëndë në pranga është vënë shtetasi Ardit Hida, vetëm pak orë pas ngjarjes i cili ka pranuar autorësinë e krimit të rëndë.

Burimet jo zyrtare bëjnë me dije se sherri që përfundoi në tragjedi ka nisur si debat për një vajzë dhe ka degjeneruar në përdorimin e thikës.

Viktima, 28 vjeçari Florenc Kovaçi dyshohet se vuante nga probleme të shëndetit mendor dhe kurohej prej kohësh nga debpresioni. 19-vjeçari, Mikel Kovaçi gjendet në Tiranë, tek Trauma në gjendje të rëndë shëndetësore.

NJOFTIMI I POLICISË:

Elbasan

Kapet në kohë rekord autori i dyshuar i vrasjes së 28 vjeçarit dhe i plagosjes së vëllait të tij, mbrëmjen e sotme.

Sekuestrohet në cilësinë e provës materiale mjeti prerës (thikë) me të cilën autori kreu krimin.

Shërbimet e Policisë kapën dhe shoqëruan në Polici për veprime të mëtejshme shtetasin Ardit Hida 24 vjeç, i cili u kap në lagjen “Brigada e 17 Sulmuese”.

The post Vëllai në gjendje të rëndë! Del fotoja, kush është 28 vjeçari që u vra mbrëmë në Elbasan (FOTO LAJM) appeared first on Albeu.com.

U ngatërruan për një vajzë? Del fotoja, ky është i riu që vrau njërin vëlla e plagosi rëndë tjetrin (FOTO LAJM)

admin — Sat, 06 Nov 2021 06:52:28 +0000

I riu që shikoni në foton e bashkëngjitur lajmit është Ardit Hida, 24 vjeç, autori i vrasjes së Florenc Kovaçit dhe plagosjes së Mikel Kovaçit me thikë.

Hida është vënë në prangat e policisë, mbrëmjen e djeshme ku dhe ka pranuar autorësinë e krimit të rëndë.

Burimet jo zyrtare bëjnë me dije se sherri që përfundoi në tragjedi ka nisur si debat për një vajzë dhe ka degjeneruar në përdorimin e thikës.

NJOFTIMI I POLICISË:

Elbasan

Kapet në kohë rekord autori i dyshuar i vrasjes së 28 vjeçarit dhe i plagosjes së vëllait të tij, mbrëmjen e sotme.

Sekuestrohet në cilësinë e provës materiale mjeti prerës (thikë) me të cilën autori kreu krimin.

Shërbimet e Policisë kapën dhe shoqëruan në Polici për veprime të mëtejshme shtetasin Ardit Hida 24 vjeç, i cili u kap në lagjen “Brigada e 17 Sulmuese”.

The post U ngatërruan për një vajzë? Del fotoja, ky është i riu që vrau njërin vëlla e plagosi rëndë tjetrin (FOTO LAJM) appeared first on Albeu.com.