Tre prokurorë të SPAK, po hetojnë emrat e dhënë nga Alibej dhe nëse do gjendet prova, në kohët në vijim do ketë finalizim me arrestimin e tyre.

Një tjetër dosje hetimore që është tërhequr nga Elbasani ka të bëjë me ngjarjen e 30 korrikut 2020, ku mbeti i vrarë Florian Lamçe.

Dy muaj më parë për këtë ngjarje u dënua nga Apeli Durrës me 10 vite burg Sokol Sanxhaktari, dhëndri i ish-kryebashkiakut të Elbasanit, Qazim Sejdini, dhe me 8 vite heqje lirie u dënua bashkëpuntori i tij, Adriano Hajdari.

Pavarësisht se kjo dosje është gjykuar dhe zgjidhur me vendim gjykate, ku autorët kanë dalë fajtorë, SPAK, e ka rimarë në studim këtë çështje.

Ora News mëson se një tjetër dosje, që SPAK ka tërhequr pas dëshmisë së “Kryemit” siç dhe njihet ndryshe Erjon Alibej, ka të bëjë me rrëmbimin në Tiranë të shtetasit Abaz Keta. Kjo çështje i është përcjellë SPAK-ut, nga prokuroria e Tiranës me qëllim verifikimin e akteve dhe personat përgjegjës.

Burimet bënë me dije se mes dosjeve të tërhequra janë edhe dy çështje penale për të kërkuarin Suel Çela, në të cilat ai është gjykuar dhe ka marë pafajësi në tre shkallët e gjyqësorit.

Një tjetër çështje penale, që SPAK ka tërhequr nga prokuroria e Elbasanit, ka të bëjë me atentatin e 25 nëntorit 2020, ku mbeti i plagosur Ervis Çaushllari alias “Vis Korçari”.

Njëherësh është marrë informacion nga Drejtoria e Policisë Durrës, për të gjitha konfliktet dhe denoncimet që ka pasur Nuredin dhe Dashnor Dumani në qytetin e Durrësit.

Po ashtu, SPAK ka tërhequr një dosje penale nga prokuroria e Lushnjës, ku rezulton se Nuredin Dumani është proceduar për “Shkelje të rregullave të qarkullimit rrugur” në një aksidet me makinë.

Gjithashtu, të dhëna janë kërkuar dhe nga Drejtoria e Përgjithshme e Burgjeve, për dinamikën e vuajtjes së dënimit të të dënuarit Nuredin Dumani./Oranews

The post Alibej “rrëfen” krimet, dosjet që SPAK ka tërhequr për verifikim pas dëshmisë së “Krymit” appeared first on Albeu.com.

Autorët e kësaj ngjarjeje ishin të maskuar. Ata kanë pritur shënjestrën dhe kanë qëlluar nga makina, e më pas janë larguar me shpejtësi.

Viktimat e kësaj ngjarjeje ishin Ardian Çollaku (Subashi) dhe Lulzim Bitri, të dy persona me precedentë të mëparshëm.

Bitri dhe Çollaku, u ekzekutuan me të paktën 15 plumba dhe në lidhje më këtë ngjarje deri më tani janë shoqëruar 25 persona.

Pas ngjarjes një makinë “Volvo” është gjetur e djegur në afërsi të Metalurgjikut, e cila dyshohet të jetë e autorëve të ngjarjes.

Kush janë viktimat?

Ardian Çollaku, 50 vjeç, i dënuar me burg me 23 vite e dy muaj për për veprat penale të “Shfrytëzimit të prostitucionit” dhe “Prodhimit dhe mbajtjes pa leje e armëve luftarake dhe e municionit”  në Itali. Ai gjithashtu ka qenë edhe subjekt i OFL  ku vitin e kaluar së bashku me 3 persona të tjerë u është kërkuar deklarimi i pasurisë.

Ndërkohë Lulzim Bitri, 43-vjeç, nga Elbasani po ashtu është një person me precedent të mëparshëm penal, pasi akuzohet për vrasjen e një personi në Tetovë të Maqedonisë së veriut në 2018. Vrasja ndodhi pas përplasjes mes dy grupeve kriminale.

Lidhjet me grupet kriminale:

Ardian Çollaku (Subashi) është hetuar për vrasjen e Everest Çakaj që ndodhi më 11 maj të këtij viti, në të cilën dyshohet se ka pasur lidhje direkte. Nga hetimet ka rezultuar që pas dënimit në Itali, Çollaku vidhte automjete dhe ua shiste grupeve kriminale për të kryer vrasje.

Po kështu dyshohet se ka bashkëpunuar dhe me grupin e Dubait dhe të Erion Alibejt, i cili është vëllai i Endrit Alibejt, që mbeti i vrarë në “Masakrën e Bradasheshit” në vitin 2018.

Erjon Alibej nga ana tjetër dyshohet se është porositësi i dy vrasjeve që ndodhën vitin e kaluar në Elbasan.

Nga ana tjetër, viktima Lulzim Bitri rezulton lidhje e fortë e Talo Çelës, një nga miqtë më të afërt të tij. Talo Çela është person i shpallur në kërkim kombëtar dhe ndërkombëtar, pasi Gjykata e Posaçme i ka caktuar masën e sigurisë “Arrest në burg”, për veprat penale “Vrasja e punonjësit të policisë” kryer në bashkëpunim, mbetur në tentativë, “Vjedhja me armë e kryer në bashkëpunim”, në kuadër të grupit të strukturuar kriminal dhe “Vrasja me paramendim, kryer në bashkëpunim”.

The post Vrasja e dyfishtë në Elbasan, shoqërohen në polici 25 persona appeared first on Albeu.com.

Autorët kanë qëlluar nga makina me breshëri plumbash dhe janë larguar nga vendngjarja. Një nga viktimat ndërroi jetë në vend ndërsa tjetri në spital.

Policia përmes një njoftimin zyrtar bën me dije se për të ndihmuar “blutë” e Elbasanit, në vendngjarje janë nisur dhe FNSH e RENEA dhe një grup specialistësh nga Departamenti i Policisë Kriminale në PSh.

Bëhet e ditur se gjithashtu është gjetur një makinë e djegur tip “Volvo” në zonën e Metalurgjikut.

Grupi hetimor nën drejtimin e Prokurorisë vijon punën për fiksimin e cdo prove ligjore që do çonte në zbardhjen e ngjarjes, identifikimin dhe kapjen e autorëve./albeu.com

The post Vrasja e dyfishtë, reagon policia: RENEA dhe FNSH zbarkojnë në Elbasan appeared first on Albeu.com.