Drita e Gjilanit u eliminua nga faza Play-Off e Conference League pas humbjes 4 – 2 në penallti ndaj Inter Escaldes. Koha e rregullt dhe shtesa përfunduan 0 – 0, duke e çuar përballjen te gjuajtjet nga pika e bardhë.

Edhe ndeshja e parë, e zhvilluar në Prishtinë, ishte mbyllur pa fitues, me rezultatin 2 – 2. Eliminimi i skuadrës kosovare shkaktoi pakënaqësi të madhe te tifozët e Dritës, të cilët kritikuan ashpër trajnerin Ardian Nuhiu në postimin e klubit.

Pas reagimeve të shumta, klubi gjilanas vendosi të ndërmarrë një masë drastike dhe mbylli komentet në rrjetet sociale. Nuhiu numëron 4 ndeshje në drejtimin e kampionëve të Superligës së Kosovës, me bilancin 2 fitore, 1 barazim dhe 1 humbje.

The post Drita eliminohet nga Inter Escaldes, tifozët reagojnë ashpër ndaj Ardian Nuhiut, klubi mbyll komentet appeared first on Albeu.com.