Me anë të një postimi në rrjetet sociale, ministri Balla thotë se portugezi është person i kërkuar nga drejtësia shqiptare si i dyshuar për një krim të rëndë.

Sipas tij, sundimi i ligjit vijon të godasë mbi këdo dhe pandërshkueshmëria do të marrë fund. Askush nuk do të mund t’i fshihet”

“Falë mbështetjes së Interpol, marrëdhënia me të cilët ka hyrë në një fazë të re, si dhe bashkëpunimit me agjencitë ligjzbatuese të Marokut, jemi bërë me dije se është pranuar kërkesa jonë për ekstradimin drejt Shqipërisë të shtetasit Ruben Ribeiro Saraiva, person i kërkuar nga drejtësia shqiptare si i dyshuar për një krim të rëndë. Policia e Shtetit do të realizojë së shpejti ekstradimin e tij në Shqipëri”, shkruan Balla.

Autoritetet marokene i kane dorezuar Shqipërisë telefonin e autorit të dyshuar portugez, Ruben Saraiva

Rreth nje muaj me pare autoritetet marokene i kanë përcjellë homologëve të tyre shqiptarë aparatin celular të Ruben Saraivës, 28-vjeçarit portugez i cili dyshohet se kishte rolin e ekzekutorit në eliminimin e biznesmenit.

Komunikimet qe autori u dyshuar ka shkëmbyer me persona te tjere do t’u shërbej hetuesve për të pasur prova të reja në lidhje me ngjarjen e rëndë qe ndodhi më 19 prill të këtij viti, brenda ambienteve të hotelit të tij në Shëngjin.

Të arrestuar në Britani të Madhe janë pjesa tjetër e grupit kriminal, Edmond Haxhia, Stephen Hunt, Thomas Mithan, Harriet Bridgeman dhe Harry Simson, për të cilët akoma nuk ka një vendim ekstradimi në Shqipëri.

Organizator i vrasjes së Nikulajt ishte shqiptari Edmond Haxhia, ndërsa 4 britanikët, së bashku me Simson kishin rolin e vëzhguesve. Sa i përket Saraivës, ai ishte personi që e qëlloi atë për vdekje.

Policia dyshon se ekzekutimi i biznesmenit Nikulaj është bërë për gjakmarrje. Oficerët e policisë po hetojnë mbi konfliktin 20 vjeçar që Nikulaj ka me fisin Lekstakaj. Përplasja për një 10 mijë lekësh, në një pikë karburanti, që përfundoi me bilanc tragjik me disa të vrarë.

ardian nikulaj vrasja e biznesmenit autoret

ARRESTIMI I PORTUGEZIT NE MAROK

I riu portugez u arrestua rreth 3 javë pas ekzekutimit të biznesmenit Ardian Nikulaj, në Rabat të Marokut.

“Falë informacioneve të siguruara si rezultat i punës kërkimore, në bashkëpunim të ngushtë me partnerët dhe agjencitë ligjzbatuese, u bë i mundur lokalizimi dhe kapja në Marok, e autorit të dyshuar të vrasjes së shtetasit Ardian Nikulaj. Policia marokene, pas shkëmbimit të informacionit mes Interpol Tiranës dhe Interpol Rabat, Marok, ka bërë të mundur lokalizmin në Rabat, Marok, kapjen dhe vënien në pranga, me qëllim ekstradimin drejt Shqipërisë, të shtetasit portugez Ruben Saraiva, 28 vjeç. Gjykata e Shkallës së Parë e Juridiksionit të Përgjithshëm Lezhë, me vendimin nr. 97, të datës 26.04.2023, ka caktuar masën e sigurisë “Arrest në burg”, për veprat penale “Vrasja për gjakmarrje” dhe “Prodhimi dhe mbajtja pa leje e armëve luftarake dhe e municionit”, tha Policia e Shtetit në atë periudhë.

Vrasja e Ardian Nikulajt

Mesditën e 19 prillit, biznesmeni Ardian Nikulaj u qëllua me 7 plumba teksa ishte ulur në lokalin e tij, ndërsa eklzekutori u largua me motor.

Sipas prokurorisë Edmond Haxhia ishte porositësi dhe organizatori i atentatit ndaj biznesmnit Nikulaj, për hakmarrje.

Katër personat që u kapën dhe u arrestuan në Britani, pasi u shpallën në kërkim në Shqipëri janë Steven Hunt, 49 vjeç, Thomas Mithan, 35 vjeç, të dy nga Bristol, Edmond Haxhia, 37 vjeç, nga Birmingham, si dhe 27-vjeçarja Harriet Bridgeman nga Bristol.

Ata kishin mbërritur në Shqipëri si turistë por në fakt kanë bërë rolin e vëzhguesit të biznesmenit duke informuar autorin deri në goditjen finale. Një prej tyre Stiven Hunt ka qëndruar për disa ditë edhe në hotelin “Coral” në pronësi të Nikulajt, ku mendohet se ka arritur të depërtojë edhe në sistemin e kamerave të sigurisë duke i dhënë grupit mundësinë të vëzhgojë në kohë reale lëvizjet e biznesmenit.

The post Ekzekutimi i Ardian Nikulajt, Maroku pranon kërkesën për ekstradimin në Shqipëri të autorit të dyshuar Ruben Ribeiro Saraiva appeared first on Albeu.com.

Por sipas Ora News, ekzekutimi i biznesmenit ishte parashikuar të realizohej që në datën 17 prill.

Autori ende i paidentifikuar nga policia e Lezhës, është konstatuar përballë kompleksit “Coral” në Shëngjin, pikërisht në 17 Prill, teksa qëndron në pritje për të vepruar, sapo të shikonte siluetën e biznesmenit Nikulaj.

Përmes kamerave të sigurisë policia kriminalë, ka zbuluar se autori ka udhëtuar me të njëjtin motor “Scuter”, tre ditë rresht nga Shkodra në drejtim të Lezhës.

Dy udhëtimet e tij, në datën 17 dhe 18 Prill, me qëllim ekzekutimin e Nikulaj, kanë rezultuar të dështuara, për shkak se vrasësi nuk ka mundur ta gjejë të vetëm biznesmenin dhe të kryejë goditjen e tij.

Ai ka përshkuar sërish rrugën 45 kilometra, dhe në udhëtimin e tij të 3-të, vrasësi ka mbaruar punë, duke ekzekutuar brenda në lokalin e tij, Nikulaj.

Siç shihet edhe në këto pamje të rënda, ai vepron me doreza ndërtimi dhe qëllon plot 7 herë, ku 6 nga plumbat i kanë marrë jetën.

Një anëtar i grupit hetimor tha për “Ora News”, se tashmë është konfirmuar që autori pas kryerjes së krimit është larguar në drejtim të Shkodrës.

Kjo pasi kamerat e fundit që e kanë lokalizuar autorin, është në rrugën nacionale Kakariq të Lezhës dhe në zonën e Bushatit të Shkodrës. Vrasësi ka hyrë në qytetin e Shkodrës, dhe ka pasur të njëjtin motor dhe të njëjtën veshje.

Ndërkohë shumë pikëpyetje janë ngritur për mosreagimin e strukturave të policisë rrugore, pasi autori gjatë intenerarit Shëngjin-Shkodër, ka kaluar tre patrulla të policisë, që ishin të dislokuara në hyrje të Lezhës, në zonën e Fishtës dhe në Bërdicë.

Tashmë policia kriminalë përmes kamerave të qytetit të Shkodrës, po ndjek siluetën e lëvizjes së autorit të vrasjes, me qëllimin e vetëm identifikimin dhe arrestimin e tij.

Ndërkohë nga analizimi i pamjeve filmike, anëtarët e grupit të hetimit kanë ngritur dyshime të forta se vrasësi, ka pasur të veshur një jelek antiplumb.

“…frika e një kundërpërgjigje me armë, mund të ketë sjellë veshjen e një jeleku antiplumb. Pasi nëse do shihen me vëmendje pamjet, autori duket më i mbushur (fryrë) në pjesën e trupit, karakteristikë kjo që të lind dyshime për prezencën e një jeleku antiplumb…”, thanë burimet.

Policia kriminale ka verifikuar të dyja anët e rrugës Shëngjin-Lezhë, me shpresën e gjetjes së armës apo qoftë edhe të rrobave, por kjo gjë nuk ka sjellë asnjë rezultat.

Autori është larguar me të njëjtën veshje në drejtim të Shkodrës, dhe tashmë po punohet për zbulimin e destinacionit final. Në vitin 2000 Ardjan Nikulajt alias Marku i është vrarë njëri nga vëllezërit, shtetasi Pëllumb Nikulaj.

Pas kësaj vrasje, ngjarjet rrodhën duke ekzekutuar dy anëtarë të familjes Palaj në Lezhë, ngjarje kjo e cila ende nuk është zbardhur nga policia dhe prokuroria e qytetit.

Ndërsa 23 vite pas vrasjes së Pëllumb Nikulaj, është ekzekutuar me 5 plumba, Ardjan Nikulaj. Ky i fundit njihej në zonën e Lezhës dhe Shëngjinit si biznesmen, politikan dhe zyrtar i administratës lokale në Lezhë.

Ardjan Nikulaj, mbante shoqëri të ngushtë me Aleksandër Dedën që njihet si “Aleksi i Druve”, dhe ka qenë prezent me këtë të fundit në atentatin me armë që ju krye Aleksandrit në Lezhë./Albeu.com/

The post Nikulaj do vritej më 17 prill, autori u kap nga kamerat në Bushat, kaloi tre patrulla policie dhe hyri në Shkodër appeared first on Albeu.com.