Berisha i bëri thirrje durrësakëve që të vitonin kandidatin e “Shtëpisë së Lirisë”, Ardian Muka në zgjedhjet e pjesshme lokale.

Në zgjedhjet e 6 marsit Ardian Muka, i koalicionit “Shtëpia e Lirisë” garon mes Luan Hotit të Partisë Demokratike dhe Emirjanoa Sakos të PS.

Ndër të tjera gjatë fjalës së tij, ish-kryeministri sulmoi kundërshtarët. Sakon e PS, Berisha e akuzoi për fondet tërmetit si dhe aferën e inceneratorëve.

Ndërsa Hotin e PD-së e quajti edhe njëherë si monopol. Berisha tha gjithashtu se Spartak Braho bën fushatë për Hotin.

“Zonja Sako nuk ka asnjë të drejtë të kërkojë votën e këtyre qytetarëve. Unë nuk i mohoj askujt një të drejtë kushtetuese, por për njerëzit ka një moral. Firma e zonjës Sako ndodhet si kryeinspetktore në dhjetëra dokumente në të cilat shkruhet se tërmeti i shtatorit nuk solli dëmtime, pikërisht këto ndërtesa morën jetë njerëzish të pafajshëm. Nëse do të meremetoheshin nuk do të ishin ato viktima. Në komision sapo iu bë pyetja ajo iku.

Krahas saj garon edhe një ish demokrat i shndërruar në monopolist, Luan Hoti. Dy fjalë do ti them. ke zgjedh Lul bravën ti qofsh, që zgjedh një humbës të pashpresë të lindur dhe kampion i humbjeve në 30 vite, por kjo është zgjedhja jote. Dy gjëra nuk të falen. Së pari nuk të falet monopoli. Ne jemi parti e biznesit zotëri, por anti-monopol.

E ka marrë vesh i gjithë Durrësi se Spartak Braho me porosi të Efi Ramës bën fushatë për Lul bravë. Asnjë votë për Lulzim bravën, për monopolet, për Spartak Brahon. Asgjë s’na lidh ne me ta. Të bashkohemi të gjithë së bashku në 6 mars dhe të votojmë Ardi Mukën”, tha ai./albeu.com/

The post Berisha mbyll fushatën në Durrës dhe thotë fjalët e fundit para “betejës” (VIDEO) appeared first on Albeu.com.

Mustafaj thotë se rezultatet e zgjedhjeve të pjesshme të 6 marsit do të përdoren si retorikë nga të dyja palët, pra si nga Basha ashtu edhe nga Berisha për të sulmuar njëri-tjetrin.

Mustafaj shtoi se kandidatët e Berishës mund të arrijnë të marrin Shkodrën dhe Durrësin.

Në fund, sipas tij, dëmin do ta pësojnë demokratët.

Ndërsa deklaratat e kryedemokratit Basha që sot tha se beteja për Berishën “ka qenë për ta dorëzuar PD-në tek LSI-ja, analisti i cilësoi si broçkulla. Përtej anës ligjore apo formaliteteve, koalicioni “Shtëpia e Lirisë” për Musfatajn e kryen fare mirë funksionin e tij pasi në marrëveshje caktohet qartë se kush do ta udhëheqë.

“Ai (Basha) luan kot me këtë demagogji në mungesë të argumenteve politikë.”

Duke u kthyer tek 6 Marsi, Besnik Mustafaj u shpreh i bindur se në Shkodër dhe në Durrës mund të dalin fitues kandidatët e Komisionit të Rithemelimit, Bardh Spahia dhe Ardian Muka.

“Fijet e Simpatisë për Berishën veprojnë. Në Shkodër do të jetë vendimtare analiza që do t’u bëhet 3 kandidatëve. Shkodrën do ta marrë Shtëpia e Lirisë. Jam i bindur me aq sa e njoh Shkodrën. Edhe në Durrës ka shanse Muka, ish-nënkryetar i PD, është një burrë me integritet të lartë”, përfundoi Mustafaj./albeu.com/

The post 6 Marsi, Mustafaj: Këto janë dy Bashkitë që mund të marrin kandidatët e Berishës appeared first on Albeu.com.