Torino e nis sezonin e ri të Serie A me një drejtues teknik të freskët dhe objektiva të qartë për ta mbyllur më mirë se një vit më parë. Ignazio Abate, i cili sapo është vendosur në krye të pankinës, ka nisur pa humbur kohë fazën përgatitore, duke sjellë menjëherë idetë e tij në stërvitje.

Së fundmi, mbrojtësi i kombëtares shqiptare, Ardian Ismajli, tashmë një figurë udhëheqëse te granatat, ka folur për të përditshmen italiane “La Gazzetta dello Sport”, duke hedhur dritë mbi ambientimin me trajnerin e ri dhe synimet e skuadrës.

Gjatë bisedës, Ismajli pranoi se përgatitjet kanë nisur me një ngarkesë të ndjeshme. “Jemi duke u stërvitur fort, si në planin fizik ashtu edhe në atë teknik. Në javën e parë hasëm disa vështirësi, këmbët i ndiejmë ende të rënda, por kjo është krejt normale,” shpjegoi ai. Gjithashtu, lojtari shtoi se grupi tashmë është duke u njohur me filozofinë e lojës që kërkon Abate dhe po mundohet ta aplikojë sa më shpejt atë në fushë.

I pyetur rreth ndryshimeve që ka sjellë trajneri i ri dhe mënyrës së lojës, Ismajli u shpreh: “Nuk është e thjeshtë, por duhet t’i afrohemi kësaj mënyre të ndërtimit të aksioneve që nisin nga prapavija; hap pas hapi do t’ia dalim. Ajo që më ka lënë mbresë është mënyra si ai ndërvepron me ne. Është pozitiv, të motivon të kapërcesh limitet, të jep energji të jashtëzakonshme edhe kur gabon. Edhe pse i ri, tashmë ka eksperiencën e duhur. Më sjell në mendje Vincenzo Italianon — trajnerë që të mbushin me forcë.”

Sa i përket gjendjes së përgjithshme të ekipit, ai vlerësoi frymën e grupit. “Kemi një ambient të shëndetshëm. Ka entuziasëm dhe një përzierje lojtarësh me eksperiencë dhe të rinj. Gjithçka lidhet me qasjen mendore. Torino do të jetë një skuadër e fortë vetëm nëse do të jetë e fortë mendërisht.”

Pasi la pas dëmtimet që e shqetësuan, Ismajli foli edhe për objektivat e tij personale në sezonin që vjen: “Jam i bindur se këtë vit do ta rrisim nivelin. Dëshiroj të jem vazhdimisht në dispozicion, pa probleme muskulare. Ky është synimi im i parë, t’i them lamtumirë telasheve të një viti më parë. Shpresoj të shfaqem edhe më mirë se sezonin e kaluar.”

Kur u diskutua për modulet taktike që po testohen, ai sqaroi: “Kemi elementë për t’u përshtatur si në vijën me tre, ashtu edhe me katër mbrojtës. Aktualisht po provojmë 3-4-2-1 dhe 3-4-3. Do të shohim më vonë se cili sistem do të mbizotërojë gjatë sezonit.”

Në fund, Ismajli u ndal edhe te raporti me tifozët. “Duhet t’i rikthejmë në stadium duke ofruar lojë të bukur dhe fitore. Do të bëjmë çmos që t’ia dalim. Kur shoh ‘Curva del Toro’ plot, ajo na jep një motivim të jashtëzakonshëm. Tifozëve u them t’i besojnë kësaj Torinoje,” përfundoi ai.

The post Ardian Ismajli zbulon planet e Torinos me Abaten: Do t’i rikthejmë tifozët në stadium duke fituar, kërkoj besim te kjo skuadër appeared first on Albeu.com.

Protagonist në këtë duel ishte dhe mbrojtësi i Kombëtares, Ardian Ismajli, i cili jo vetëm që ishte i pakalueshëm në repartin ofensiv, por edhe asistoi për golin e tretë të shënuar nga Njie në minutën 90+1’, duke u shndërruar kështu në një lider. Për sa i përket Kristjan Asllanit, mesfushori shqiptar nuk u preferua në këtë duel, duke qëndruar në stol.

Para kësaj jave, duelet e Torinos në Serie A kishin një mesatare prej 1.47 golash për ndeshje para pushimit të pjesës së parë, më e larta në kampionat këtë sezon, dhe nisja e shpejtë e takimit e shpjegoi qartë këtë statistikë.

Si pasojë e këtij rezultati, Verona tani është pa fitore në 13 përballjet e fundit direkte (8 barazime, 5 humbje) dhe vazhdon të mbetet në mënyrë shqetësuese në zonën e rënies nga kategoria.

GOLAT E NDESHJES: VIDEO 

The post VIDEO/ Ismajli shkëlqen me asist, Asllani ngroh stolin! Triumf bindës i Torinos në Serinë A appeared first on Albeu.com.

Kujtojmë se Ismajli u transferua nga Spezia te Empoli në gusht të vitit 2021 për shumën e 2 milionë eurove. Vlen të përmendet se mbrojtësi 28-vjeçar e ka mbajtur veshur fanellën e Empolit në 106 ndeshje.

Postimi i Ardian Ismajli:

Të dashur tifozë të Empolit, pas 4 vitesh udhëtimi im mbaron këtu, në këto 4 vite që nga dita e parë u ndjeva si në shtëpi ku u rrita si lojtar dhe akoma më shumë si person. Falënderoj presidentin Fabrizio Corsi, zëvendëspresidenten Rebeça Corsi, të gjithë punonjësit, tifozët, qytetin dhe të gjithë shokët e ekipit. Kjo nuk është një lamtumirë, por vetëm një përshëndetje. Juaj ISMA 34.

View this post on Instagram

A post shared by Ardian Ismajli (@aismajli34)

The post ZYRTARE / “Udhëtimi im mbaron këtu”, mbrojtësi i Kombëtares njofton largimin appeared first on Albeu.com.

Klubi i ardhshëm i Ardian Ismajlit ende nuk është zyrtarizuar, por në Itali e kanë bërë të sigurt të ardhmen e 28-vjeçarit. Sipas mediave italiane, mbrojtësi kuqezi do të transferohet te Lazio në verë.

Ka qenë vetë trajneri i kryeqytetasve, Maurizio Sarri që ka dhënë aprovimin e tij për transferimin e Ismajlin. Transferimi i tij te Lazio do të ishte një hap i madh, aty do të gjente edhe Elseid Hysajn.

The post E BUJSHME/ Ismajli largohet nga Empoli më 1 korrik, mbrojtësi shqiptar transferohet tek gjiganti italian appeared first on Albeu.com.

Janë shtuar zërat në mediat italiane se Ardiani është shumë pranë kalimit te klubi i Besiktas në Superligën turke.

Nëse diçka e tillë ndodh, Ismajli do bashkohet me dy shqiptarët të tjerë te gjigantët tuq, Ernest Muçi dhe Milot Rashica.

Të tjerë opsione që po e “gjurmojnë” mbrojtësin kuqezi janë edhe dy ekipet elitare në Serie A, fjala është për Juventusin dhe Napolin.

Por nga dy kampet në fjalë nuk ka lëvizje konkrete deri në këtë pikë. Nëse i referohemi edicionit që lamë pas, Ardian Ismajli numëron 31 ndeshje mes kampionatit italianë dhe Kupës, ndërsa kartoni i 28-vjeçarit vlen 6 milionë euro.

The post E BUJSHME/ Ardian Ismajli pranë akordit me klubin e Superligës, mungon vetëm zyrtarizimi appeared first on Albeu.com.

Mbrojtësi shqiptar, i cili ka bërë 44 paraqitje dhe ka shënuar tre gola për Shqipërinë, po i shqyrton me kujdes opsionet e tij pas rënies së Empolit në Serie B dhe skadimit të kontratës së tij.

Ai ka qenë një nga pikat e forta të mbrojtjes së Empolit me 29 paraqitje gjatë sezonit të kaluar në Serie A dhe tani duket i destinuar të largohet nga klubi italian për të kërkuar një sfidë të re.

Transfermarkt aktualisht e vlerëson kartonin e 27-vjeçarit në 6 milionë euro. Përveç interesimit të Trabzonspor, që po kërkon të përforcojë prapavijën për sezonin e ri, edhe Galatasaray dhe Besiktas kanë shfaqur interes serioz për Ismajlin, duke ndjekur situatën e tij që nga përfundimi i sezonit.

Ismajli po merr kohën e duhur për të vendosur se cili do të jetë destinacioni i tij i radhës, pasi aktualisht është i zënë me Shqipërinë ku luan ndaj Letonisë të martën.

The post Futet në garë edhe gjiganti i tretë turk për Ardian Ismajlin, lojtari është i lirë pas skadimit të kontratës me Empolin appeared first on Albeu.com.

Mbrojtësit shqiptar, të cilit i skadon kontrata me ekipin në fjalë në fund të këtij muaji, duket se në javët në vazhdim do të gjejë një skuadër të re.

Sipas medieve italiane Ismjali ka vendosur të mos vazhdojë karrierën me Empolin tre muaj më parë kur refuzoi ofertën që i kishte bërë klubi për të rinovuar deri në 2028-ën.

Për shqiptarin gjatë merkatos së dimrit interes të fortë shfaqi ekipi i Napolit, i cili është në kërkim të një mbrojtësi.

The post Në Itali janë të bindur, Ismajli ka luajtur ndeshjen e fundit me Empolin appeared first on Albeu.com.

Ekipi mik kaloi në avantazh falë De Shiljos në minutën e 4’ dhe arriti që ta ruante deri në momentin e dëmtimit të Ismajlit. Shqiptari pati një shtqetësim dhe doli nga fusha në të 59’.

Menjëherë më pas nisi “shfaqja” e Kolo Muanit, i cili shënoi dy gola të shpejtë (61’,64’). Pa kapitenin në fushë ekipi mik humbi edhe orientimin ndërsa në të 84’ mbeti me një lojtar më pak pasi Maleh mori të verdhin e dytë.

Për të dënuar Empolin me një humbje edhe më të thellë menduan Vlahoviç dhe Konseisao, të cilët shënuan respektivisht në të 90’ dhe 92’.

The post Serie A/ Dëmtohet Ismajli, Empoli humb “busullën” dhe përmbyset nga Juventusi në Torino appeared first on Albeu.com.

Ardian Ismajli është një nga emrat që Napoli e ka në konsideratë për përforcimin e nevojshëm në mbrojtje.

Nga ana tjetër, mbrojtësi kuqezi përfaqëson një mundësi të mirë në treg, pasi kontrata e tij me Empolin skadon në fund të sezonit.

Presidenti Corsi e di që Ismajli do të largohet në verë dhe prandaj është më mirë t’ia japë atë “një miku” si De Laurentiis, i cili në këmbim do t’i jepte Alessio Zerbin dhe Cyril Ngonge.

Ka një detaj: Ismajli do ta pranonte rolin rezervë, Danilo jo, thuhet në edicionin e sotëm të Il Mattino.

The post Empoli dorëzohet, Ardian Ismajli drejt Napolit appeared first on Albeu.com.

Presidenti i klubit kampan ka intensifikuar bisedimet me homologun e tij te Empoli për të konkretizuar këtë transferimin gjashtë muaj përpara skadencës së kontratës të mbrojtësit shqiptar.

Sipas medieve italiane De Laurentis po afron këtë transferim pasi Konte kërkon përforcime në mbrojtje.

Një tjetër indicie që i jep më shumë vlerë këtyre zërave është edhe fakti se Empoli ka arritur akordin verbal me një tjetër mbrojtës. Mësohet se ish-mbrojtësi i Torinos, Djidji, ka pranuar që të bëhet një lojtar i Empolit.

The post Ismajli drejt Napolit, Empoli ka gjetur zëvendësuesin appeared first on Albeu.com.