Gjithashtu, Salianji theksoi se ish-drejtori Ardi Veliu, nuk lexonte dot as abetaren.

Mes të tjerash ai u shpreh se Policia e Shtetit sot është një strukturë, që është bërë copë.

Ndërsa në një moment i tha kryetarit të Komisionit, Nasip Naço, nëse donte që të vinte sërish tek opozita.

Ervin Salianji: “Ardi Veliu nuk lexonte abetaren. Ai tha se vrasja e Klodian Rashës ndodhi sepse kishte pistoletë në dorë. Struktura e Policisë së Shtetit është bërë copë. Nuk janë arrestuar krerë të organizatave kriminale.

Nasip Naço vdes të vijë prapë me ne. Të thashë dhe njëherë që hajde tek ne, sepse po shikon veç lëvizjet tona. Drejtuesi i SPAK ka thënë se operacionet e policisë dekonspirohen. Krimi zgjedh drejtuesit e policisë”.

The post Ervin Salianji shpërthen keq: Ardi Veliu nuk lexonte dot abetaren, Policia e Shtetit është bërë copë appeared first on Albeu.com.

Kreu i ri i AMP do të jetë Florjan Sulejmani, i cili ka një eksperiencë pune të gjatë 18 vjeçare.

Ka kaluar me sukses procesin e vlerësimit kalimtar, si kusht i domosdoshëm për këtë pozicion drejtues dhe ka eksperiencë dhe njohuri të gjera mbi procesin e vetting-ut të Policisë.

Fjala e ministrit Balla:

Të nderuar punonjës të Agjencisë së Mbikëqyrjes Policore,

Jemi këtu sot për të prezantuar Drejtorin e ri të Agjencisë së Mbikëqyrjes Policore, por më lejoni së pari të shpreh një falënderim dhe vlerësim të sinqertë për punën e deritanishme të Agjencisë nën drejtimin e zotit Rrumbullaku, të zotit Veliu dhe në këto pak javë edhe nga Dritani (Dorda).

E vlerësoj maksimalisht punën e deritanishme së bashku me ju, ndërsa Agjencia e Mbikëqyrjes Policore ka referuar pranë SPAK dhe Prokurorive të Juridiksionit të Përgjithshëm mbi 200 raste për rreth 300 subjekte, ndër ta gati 260 oficerë policie, me masa që variojnë nga arrest në burg deri tek pezullimi nga detyra.

Besoj pas 130 ditëve së bashku më keni dhënë të drejtë për çfarë i thashë drejtuesve të Policisë së Shtetit, ditën e parë në detyrë.

Një rrënjë kanabisi e ka një shans të rritet, pa një polic që paguhet për të mos e parë apo se një parcelë kanabisi e ka një mundësi të vetme të korret, pa një shef komisariati që paguhet nga trafikantët për të mos e shkulur. Sa nga këta 260 punonjës policie keni arrestuar apo proceduar si të përfshirë apo mos-veprim ndaj kultivimit të lëndëve narkotike.

Nuk i vë në diskutim këtu rezultatet e agjencisë, të kuptohemi qartë. Në këto 4 muaj e pak së bashku kam vlerësuar rritjen dita ditës së forcës goditëse.

Po ama nuk mund të mos vë në diskutim faktin se pas statistikave të saj qëndron e vërteta se janë goditur shumë keqbërës me grada të ulëta ndërsa fare pak me grada më të larta.

Besoj se jemi të gjithë dakord, bashkë me pritshmëritë e publikut, se ka ardhur momenti ta ngremë në një nivel të ri dhe standard më të lartë procesin e vetëpastrimit të Policisë së Shtetit, dhe të subjekteve të tjera ndaj të cilëve ushtron mbikëqyrje AMP-ja, siç janë Garda e Republikës dhe Shërbimi i Mbrojtjes nga Zjarri dhe Shpëtimi.

Siç e kam thënë: lufta kundër korrupsionit nuk nis nga jashtë nesh, por së pari brenda nesh.

Vetëpastrimi i Policisë së Shtetit është mision parësor i mandatit tim si Ministër i Brendshëm.

Policia e Shtetit duhet të jetë një organizatë e shëndoshë, e pastër, e besueshme dhe e fortë në goditjen e paligjshmërisë në tërësi, dhe krimit të organizuar e trafiqeve në veçanti.

Nuk dua ta harroni për asnjë moment se roli i AMP është jetik. Veshi i shurdhër dhe syri qorr, heshtja bashkëfajtore me të fortët e lagjes dhe mosreagimi i forcave të rendit ndaj denoncimeve të qytetarëve, janë rreshtim i policisë kundër tyre, kundër shtetit.

Jeni ju ata që duhet të hetoni çdo rast mosveprimi nga Policia. Rasti i Vlorës kur një vajzë e re viktimë e dhunës seksuale, apo ai I kopshtit në Tiranë, janë shembujt e këqij të veprimit të vonuar dhe standardit që tashmë është vendosur.

Kur një vajzë, një grua, një nënë denoncon një rast dhune, dhunë seksuale, dhunë me bazë gjinore, veprimi ynë duhet të jetë i menjëhershëm, sipas një protokolli të detajuar mirë. Ju takon ju të verifikoni çdo rast, derisa të mos guxojë më askush brenda policisë të mbajë anën e dhunuesve duke mos regjistruar kallëzimin dhe duke mos marrë menjëherë në mbrojtje viktimën.

Po ashtu Agjencia e Mbikëqyrjes Policore duhet të marrë rolin e vet sa i takon Paketës së Sigurisë në shkolla, kopshte, çerdhe. Shkoni dhe verifikoni a e ka bërë Policia e Shtetit detyrën e vet.

Agjencia e Mbikëqyrjes Policore duhet të fitojë në terren – me rezultate konkrete në luftën kundër korrupsionit, abuzivizmit, bashkëjetesës me krimin – besimin e publikut dhe partnerëve tanë, kjo edhe falë bashkëveprimit në rritje me agjencitë e tjera ligjzbatuese, në mënyrë të veçante me SHISH dhe SPAK.

Komunikimet në aplikacionet e koduara që implikojnë oficerë të Policisë së Shtetit janë dëshmi e qartë e nevojës për një punë intensive e pa kompromis të AMP-së, për të luftuar krimin dhe paligjshmërinë brenda radhëve të Policisë së Shtetit,

dhe për t’i dhënë dinjitetin dhe respektin e merituar në shoqëri kësaj organizate, që ka në gjirin e saj qindra e mijëra të rinj e të reja që punojnë me dedikim, pasion e profesionalizëm krah qytetarëve.

Sa i përket fenomenit të aplikacioneve të koduara, kam kërkuar që verifikimi i përdorimit të këtyre aplikacioneve nga punonjësit e policisë të jetë pjesë e formularit të vetë-deklarimit të kryer nga çdo punonjës e që, në rast deklarimi të rremë, do të pas-sjellë përjashtimin përfundimtar të tij nga radhët e policisë.

Vettingu i drejtuesve të Policisë është po ashtu një proces i rëndësishëm që duhet të ecë me ritme të shpejta, në përmbushje të pritshmërive të publikut për institucione me integritet të lartë në shërbim të qytetarëve.

Procesi i vettingut duhet të jetë një tregues i pastrimit të Policisë, proces i cili do të ndikojë ndjeshëm në rritjen e besimit të qytetarëve tek Policia e Shtetit, por mos e harroni asnjëherë është një kusht i madh që AMP duhet të përmbushë për seriozitetin, paanshmërinë në drejtim të kryerjes të këtij procesi kaq të rëndësishëm.

Kush nuk tërhiqet nga procesi i vettingut, nuk ka më vend në asnjë karrige në Policinë e Shtetit.

Duke kaluar te prezantimi i Drejtorit të ri, jam i kënaqur që për herë të parë, e pavarësisht se kjo procedurë nuk ishte e parashikuar në ligj, ne hapëm një procedurë konkurrimi publike për përzgjedhjen e kandidatit më të mirë.

Falënderoj partnerët tanë – ICITAP dhe EU4LEA – për mbështetjen gjatë gjithë këtij procesi përzgjedhjeje dhe gjithashtu edhe të gjithë kandidatët për besimin që i dhanë procesit. Niveli i kandidatëve që aplikuan ishte i lartë dhe me ata që u përzgjodhën në listën e 5 të parëve do të kem mundësinë dhe kënaqësinë t’i ftoj në takim për të vlerësuar forma bashkëpunimi me Ministrinë dhe AMP-në.

Florjan Sulejmani ka një eksperiencë pune të gjatë 18 vjeçare.

Ka kaluar me sukses procesin e vlerësimit kalimtar, si kusht i domosdoshëm për këtë pozicion drejtues dhe ka eksperiencë dhe njohuri të gjera mbi procesin e vetting-ut të Policisë.

The post Balla prezanton kreun e ri të AMP, kush e zëvendëson Ardi Veliun (EMRI) appeared first on Albeu.com.

Konkursi i Ministrisë së Brendshme është hapur që në datë 25 tetor, ndërsa nesër do të jetë afati i fundit për të gjithë aplikantët.

Mëposhtë keni dhe kriteret që duhet të plotësoni për tu bërë pjesë e garës për Drejtor të AMP.

Njoftimi:

Ministria e Brendshme shpall thirrjen për aplikime për pozicionin Drejtor i Përgjithshëm i Agjencisë së Mbikëqyrjes Policore

KUSHTET QË DUHET TË PLOTËSOJË KANDIDATI

Kritere të përgjithshme:

të ketë shtetësinë shqiptare;

të ketë integritet dhe figurë të pastër morale;

të mos ketë masa për shkelje të rënda disiplinore brenda 3 vjetëve të fundit;

të mos jetë dënuar me vendim gjyqësor të formës së prerë për kryerjen e një vepre penale.

Kritere të veçanta:

të ketë shërbyer për një periudhë, jo më pak se 10 vjet në strukturat e sigurisë, ose në sistemin e drejtësisë;

t’i nënshtrohet ose të ketë kaluar procesin e vlerësimit kalimtar.

DOKUMENTACIONI, MËNYRA DHE AFATI I DORËZIMIT

Kandidatët që aplikojnë duhet të dorëzojnë dokumentet, si më poshtë:

Kërkesën për aplikim;

Jetëshkrimin;

Fotokopje të diplomës;

Fotokopje të librezës së punës dhe/ose dokumentacionit që vërteton eksperiencën në punë;

Fotokopje të letërnjoftimit (ID);

Vërtetim të gjendjes shëndetësore;

Vetëdeklarim të gjendjes gjyqësore;

Çdo dokumentacion tjetër të mundshëm që vërteton trajnimet, kualifikimet, arsimin shtesë, apo vlerësimet për eksperiencat e punës të përmendura në jetëshkrim.

Aplikimi dhe dorëzimi i të gjitha dokumenteve të cituara mund të bëhet në zyrën e protokollit të Ministrisë së Brendshme, ose përmes dërgimit në postën elektronike zyrtare të institucionit : Ministria.Brendshme@mb.gov.al

Kandidatët e interesuar duhet të paraqesin kërkesën për aplikim, si dhe dokumentacionin vërtetues për kriteret e përgjithshme e të posaçme brenda datës 3 Nëntor 2023.

The post Keni kohë deri nesër për të konkuruar për pozicionin e Ardi Veliut appeared first on Albeu.com.

Drejtimin e Agjencisë, deri në zgjedhjen e drejtuesit të ri, do ta mbajë Dritan Dorda, Zv.drejtor i Përgjithshëm i AMP-së.

Sakaq, ditën e sotme, ministria e Brendshme njofton se ka hapur garën për zgjedhjen e drejtuesit të ri të AMP-së.

Kandidatët e interesuar duhet të paraqesin kërkesën për aplikim, si dhe dokumentacionin vërtetues për kriteret e përgjithshme e të posaçme brenda datës 3 Nëntor 2023.

Aplikimi dhe dorëzimi i të gjitha dokumenteve të cituara mund të bëhet në zyrën e protokollit të Ministrisë së Brendshme, ose përmes dërgimit në postën elektronike zyrtare të institucionit Ministria.Brendshme@mb.gov.al.

Sipas Ministrisë, janë 6 kritere në total që kandidati duhet të plotësojë:

Kritere të përgjithshme:

të ketë shtetësinë shqiptare;
të ketë integritet dhe figurë të pastër morale;
të mos ketë masa për shkelje të rënda disiplinore brenda 3 vjetëve të fundit;
të mos jetë dënuar me vendim gjyqësor të formës së prerë për kryerjen e një vepre penale.

Kritere të veçanta:

të ketë shërbyer për një periudhë, jo më pak se 10 vjet në strukturat e sigurisë, ose në sistemin e drejtësisë;
t’i nënshtrohet ose të ketë kaluar procesin e vlerësimit kalimtar.

Lexo edhe: Balla konfirmon dorëheqjen e Ardi Veliut, çfarë do të bëjë tani

Njoftimi i plotë:

Ministria e Brendshme shpall thirrjen për aplikime për pozicionin Drejtor i Përgjithshëm i Agjencisë së Mbikëqyrjes Policore

KUSHTET QË DUHET TË PLOTËSOJË KANDIDATI

Kritere të përgjithshme:

të ketë shtetësinë shqiptare;
të ketë integritet dhe figurë të pastër morale;
të mos ketë masa për shkelje të rënda disiplinore brenda 3 vjetëve të fundit;
të mos jetë dënuar me vendim gjyqësor të formës së prerë për kryerjen e një vepre penale.
Kritere të veçanta:

të ketë shërbyer për një periudhë, jo më pak se 10 vjet në strukturat e sigurisë, ose në sistemin e drejtësisë;
t’i nënshtrohet ose të ketë kaluar procesin e vlerësimit kalimtar.
DOKUMENTACIONI, MËNYRA DHE AFATI I DORËZIMIT

Kandidatët që aplikojnë duhet të dorëzojnë dokumentet, si më poshtë:

Kërkesën për aplikim;
Jetëshkrimin;
Fotokopje të diplomës;
Fotokopje të librezës së punës dhe/ose dokumentacionit që vërteton eksperiencën në punë;
Fotokopje të letërnjoftimit (ID);
Vërtetim të gjendjes shëndetësore;
Vetëdeklarim të gjendjes gjyqësore;
Çdo dokumentacion tjetër të mundshëm që vërteton trajnimet, kualifikimet, arsimin shtesë, apo vlerësimet për eksperiencat e punës të përmendura në jetëshkrim.
Aplikimi dhe dorëzimi i të gjitha dokumenteve të cituara mund të bëhet në zyrën e protokollit të Ministrisë së Brendshme, ose përmes dërgimit në postën elektronike zyrtare të institucionit : Ministria.Brendshme@mb.gov.al

Kandidatët e interesuar duhet të paraqesin kërkesën për aplikim, si dhe dokumentacionin vërtetues për kriteret e përgjithshme e të posaçme brenda datës 3 Nëntor 2023.

/Albeu.com

The post Ardi Veliu dha dorëheqjen, ministria e Brendshme hap garën për drejtuesin e ri të AMP appeared first on Albeu.com.

Ky i fundit ka falënderuar Veliun për punën e bërë deri tani në krye të AMP-së, rezultatet e arritura në kuadër të procesit të vetë-pastrimit të strukturave të Policisë së Shtetit, Gardës së Republikës e Shërbimit të Mbrojtjes nga Zjarri dhe Shpëtimin.

Agjencia e Mbikëqyrjes Policore, nga 1 janar deri sot, ka referuar pranë SPAK dhe Prokurorive të Juridiksionit të Përgjithshëm 207 raste për 295 subjekte, ndër ta 253 oficerë policie si dhe 42 shtetas. Në këtë periudhë janë arrestuar 23 oficerë në flagrancë.

Lexo edhe: Ardi Veliu jep dorëheqjen nga drejtimi i Agjencisë së Mbikëqyrjes Policore

Me masë sigurie janë 72 raste, ndër ta, 61 oficerë policie dhe 11 shtetas. Në masën “Arrest në burg” janë 24 raste, ndër ta, 18 oficerë policie dhe 6 qytetarë. Me masën “Arrest në shtëpi” janë 6 oficerë policie dhe 1 qytetar, me masën “Pezullim i ushtrimit të detyrës në shërbim publik” janë 34 oficerë policie.

Gjithashtu janë dhënë 24 masa disiplinore administrative, pas hetimeve disiplinore të AMP-së, ndër ta, 4 oficerë me masë disiplinore “Përjashtim nga policia”; 3 oficerë “Shtyrje e afatit të gradimit” për dy vjet; për 5 oficerë policie “Shtyrje e afatit të gradimit” për një vit, si dhe për 9 oficerë “Shtyrje e afatit të gradimit” për nëntë muaj.

AMP i ka dhënë rekomandim Agjencisë Kombëtare të Informacionit të Klasifikuar për heqjen e Certifikatës së Sigurisë për 19 subjekte.

Veliu ishte emëruar në krye të AMP në shtator 2022, detyrë që e mbajti deri ditën e sotme.

Lexo edhe: SHËNIM/ Balla nuk e donte, Bistrit i “çau tr**in”, kurse TIMS-i i vuri kapakun

Drejtimin e Agjencisë, deri në fund në zgjedhjen e drejtuesit të ri, do ta mbajë Dritan Dorda, Zv.drejtor i Përgjithshëm i AMP-së.

Bëhet me dije se Ardi Veliu do të vijojë të japë kontributin e tij, në një tjetër detyrë shtetërore, por ende nuk ka detaje se çfarë pozicioni do të marrë./Albeu.com

The post Balla konfirmon dorëheqjen e Ardi Veliut, çfarë do të bëjë tani appeared first on Albeu.com.

Veliu ka qenë më herët edhe në krye të Policisë së Shtetit për t’u rikthyer në krye të AMP-së disa vite më vonë.

Po përse iku Ardi Veliu dhe përse largimi i tij u shoqërua me një interes të madh të medias dhe opinionit publik?

Ashtu siç shkruajti më herët AlbEu, kjo ndodhi pasi Ardi Veliu nuk ishte thjesht kreu i AMP-së në Policinë e Shtetit por si përfaqësues i një klani brenda së majtës në këtë institucion kyç. Ardhja e Taulant Ballës tronditi pozitat e tij dhe jo më kot, pak ditë pasi mori detyrën Taulant Balla iu drejtua atij me pyetjen: Sa drejtues e shefa komisariatesh janë kapur deri më sot më “presh në duar”?

Kjo bëri që Veliu të ulte kokën, por edhe të merrte mesazhin.

Emri i Veliut qarkullon edhe në komunikimet në aplikacionin SKY ECC, ku ish-kreu i Forcës Operacionale Oltion Bistri shprehet ndër të tjera duke folur me kriminelët se “Veliu i kishte çarë tr**in”.

E fundit, që i vuri kapakun drejtimit të AMP-së nga Veliu ishte skandali i të dhënave TIMS, ku deri më tani nuk dihet se çfarë ka ndodhur dhe ky institucion nuk ka nxjerrë asnjë përfundim. /albeu.com

The post SHËNIM/ Balla nuk e donte, Bistrit i “çau tr**in”, kurse TIMS-i i vuri kapakun appeared first on Albeu.com.

Prej pasdites së sotme në media ka raportime për një largim të Ardi Veliut nga Agjencia e Mbikëqyrjes Policore.

VoxNews raporton për një shkarkim të tij nga Taulant Balla, ndërkohë që VizionPlus bën me dije se bëhet fjalë për një dorëheqje të Veliut nga detyra.

Ngjarja është bërë shkak për spekulime në rrafshin mediatik më shumë për shkakun e largimit të Veliut, në rast së bëhet fjalë për diçka të tillë, se sa vetë heqja apo dorëheqja e kreut te AMP-së.

Kjo, pasi duket se brenda maxhorancës jane duke u përballur dy grupe, “luftë” e cila doli në pah që prej akuzave për vjedhjen e të dhënave TIMS, e cila bëri që Veliu të niste një hetim në Policinë e Shtetit.

Në fakt, edhe skandali për të dhënat TIMS duket se doli pas një çarjeje të fortë mes dy fraksioneve në kupolën e Policisë së Shtetit, ku njëra është “dora” e një ministri të rendësishëm të qeverisë dhe tjetra, “krahu” i një kryebashkiaku, “betejë” e cila duket që ka zbritur nga qeveria dhe nivelet e larta, deri në Policinë e Shtetit.

Rrjedhimisht, edhe heqja apo dorëheqja e Veliut nga AMP vjen në këtë kuadër, po ashtu edhe e gjithë beteja në dukje parimore në kupolën e Policisë së Shtetit.

Deri më tani, Veliu nuk ka reaguar në lidhje me spekulimet në media, por “fati” i tij dhe pasqyrimi i kësaj ngjarjeje përflitet si ngjarja që do të tregojë se kush është “dyshi” në Shqipëri..pas Ramës sigurisht. /albeu.com

The post SHËNIM/ A u (dorë) hoq Ardi Veliu? Prapaskena, intriga dhe luftë bërrylash në kupolën e Policisë appeared first on Albeu.com.

Burime bëjnë me dije se emri i drejtorit të Mbikëqyrjes Policore, që ka mbajtur për disa vite postin e kreut të kupolës së Policisë, ishte në dijeni të aktivitetit të paligjshëm të Pëllumb Gjokës me lojërat e fatit, por pavarësisht kësaj, nuk urdhëroi të merreshin masa.

Ardi Veliu

Kjo del nga transkriptet e ardhura nga Franca ku Oltion Bistri flet vazhdimisht me biznesmenin Pëllumb Gjoka.

Në dosjen hetimore përmen fakte e rrethana ku Bistri e ka favorizuar Gjokën, duke e vënë në dijeni sa herë kishte kontrolle.

Madje ai i thoshte se kishte porositur vartësit të bënin sikur kishin ushtruar kontrolle dhe nuk kishin gjetur asgjë të paligjshme. Ndërkohë, që për këtë veprimtari ishte në dijeni edhe Ardi Veliu, dhe kjo konfirmohet nga biseda që Oltion Bistri bën me Gjokën.

Shefi i Operacionales i thotë “S’do as Ardi se i thashë. Bile dhe për këtë me çau… i thashë e lë punën se i kam dhënë llafin dhe se heq”.

Bistri e këshillon Gjokën të mos e hapë aktivitetin kur ka kontrolle, e i kërkon gjithashtu që të mos njoftojë njeri tjetër pasui i shkakton probleme.

Kujtojme se Gjykata e Posaçme dha sot  masën e sigurisë  për 6 personat e arrestuar në kuadër të operacionit “Megaoperacion”.

Avokati i biznesmenit, Ylli Manjani deklaroi në dalje nga gjykata se prokuroria po merr njerëz në qafë kot, pasi sipas tij nuk ka asnjë provë.

“Hetimi ka filluar me indicie policore. Nuk ka asnjë provë që klienti im të ketë lidhje me ato ekriptime. Flitet për persona në hetim dhe indicie që janë marrë me letër-porosi nga Franca. Mënyra si është marrë nuk është e qartë.

Si lidhet, ajo që thuhet me personat. Dhe e treta si lidhen ngjarjet e pretenduara me veprimet dhe pasojat që kanë ardhur. Ju lutem mos merrni persona në qafë.  Prokuroria është treguar e papjekur sepse ka nxituar me masë. Në vend që të hetonte dhe të provonte ato që thoshte. Gjithë ky nxitim nuk ka për t’i shërbyer as prokurorisë, por futjen në sherr të njerëzve.

Gjoka ka mohuar që të jetë përdorues i këtyre aparateve dhe pronari i atyre fjalëve që thuhet se janë në komunikime” tha avokati./albeu.com/

The post “S’do as Ardi”, edhe emri i kreut të Mbikqyrjes Policore në dosjen e grupit kriminal appeared first on Albeu.com.

Ata ishin një grup i strukturuar kriminal, me bazë në rajonin e Reventin Vaugris, në juglindje të Francës.

Në dukje punëtorë të bindur, të heshtur, por jo për policinë franceze, e cila kishte kohë që i mbante në vëzhgim.

Baza e tyre ishte një hotel në qytetin Villeurbane, ku grumbullonin të gjitha bizhutë e shtrenjta që grabisnin gjatë muajit. Zbulimi i madh në fakt erdhi pas kontrollit të rastësishëm që policia franceze i bëri në shtatorit të vitit 2020, fillimisht një minibusi, që kryente rrugëtimin Lion-Durrës.

herën e parë aty u gjetën 70 mijë euro dhe 800 gramë bizhu me përmbajtje floriri.

Por nëse hera e parë dukej rastësi, nuk dukej e tillë hera e dytë, kur në të njëjtin minibus, gjatë kontrollit të ushtruar më 1 mars 2021, u gjetën 10 mijë euro dhe 500 gram bizhu në ar. Një koincidencë që nuk kishte si ti shpëtonte vëmendjes së policisë franceze, që nisi një hetim të gjerë.

“Hetimi lindi pas ndalimit dy herë, në dy pika të ndryshme të dy shtetasve shqiptarë, të cilët udhëtonin në bordin e të njëjtit minibus. Gjatë kontrollit të ushtruar herën e parë më shtator të vitit 2020, të minibusit që ishte drejtuar për në Durrës/ Shqipëri u gjetën 70 000 euro dhe 800 gramë bizhuteri në ar. Ndërsa gjatë kontrollit të ushtruar herën e dytë në të njëjtin minibus, më 1 mars 2021, u gjetën 10 000 euro dhe 500 gramë bizhuteri në ar”, thuhet në dosjen hetimore.

Zbulimi ishte surprizues edhe për vetë policinë franceze. Gjatë punës së tyre për evidentimin e burimit të parave dhe sendeve me vlerë, hetimet i drejtuan ata drejt Hotelit në Villeurbane.

Një komunë kjo e vogël me 150 mijë banorë, pranë qytetit të Lionit në Francë, ku zbuluan se sendet e çmuara ishin vjedhur dhe më pas amballazhuar në hotel.

“Çdo herë, dukej se minibusi ishte nisur nga hotel d’Alsace i ndodhur në Villeurbanne. Një pjesë e bizhuterive ishin identifikuar dhe tregonin se ishin vjedhur në pika të ndryshme të territorit francez.

Hetimi konstatoi se gjatë gjithë javës, objektet e vjedhura dhe shumat e mëdha të parave grumbulloheshin dhe depozitoheshin në hotelin e lartpërmendur”, sqarohet në dosjen hetimore.

Por edhe pse autoritetet franceze kryen dëbimin nga territori i tyre të dy shqiptarëve të përfshirë në transportin e parave dhe bizhuve të siguruara në rrugë kriminale, hetimet duket se nuk u ndalën këtu. Ato vazhduan për të siguruar rrjetin e plotë të personave të përfshirë në këtë aktivitet të paligjshëm.

Shpejt u zbulua se drejtuesi i kësaj sipërmarrje, ishte një shtetas që kishte fituar nënshtetësinë franceze, nëpërmjet dokumenteve të rreme, që i përkisnin Republikës së Kosovës.

Ky shtetas sipas policisë së Lion, që mori përsipër hetimet, në dokumentet franceze, njihej si Sokol Briant.

“Nga hetimet rezultoi se drejtimi i aktivitetit kriminal sigurohet nga një shtetas shqiptar, i cili disponon identitet francez të marrë me dokumente të rreme kosovare: Sokol me mbiemrin e lindjes ‘Balili’ i transformuar në Sokol Ibrahimi (dokument identifikimi i rremë), i natyralizuar në shtetas francez si Sokol ‘Briant’”, thuhet në dosjen hetimore.

Po për të ndjekur veprimtarinë e Sokol Briant, policisë franceze, iu desh të ndiqte njëkohësisht linjën e minibusëve të cilët pasi niseshin nga Lioni në Francë, përfundonin në disa qytete të Shqipërisë.

“Nga hetimet e mëtejshme rezulton se të ashtëquajturat ‘sipërmarrje’ kriminale, shfrytëzojnë minibusët.

Ato vetë përdorin një fasadë ‘të ligjshme’, pa fitim që shërben vetëm për fshehjen e aktiviteteve të paligjshme veçanërisht fitimprurëse”, sqarohet ne dosje.

Do të ishte gjurmimi i rrugëtimit të shpeshtë të minibusëeve nga Franca në drejtim të Shqipërisë, që çoi policinë në vendin transalpin në mendimin se mënyra e strukturuar dhe e përsosur ishte një punë e mirëorganizuar nga shtetas shqiptarë, kryesisht me origjinë nga qyteti verior i Shkodrës.

Sipas policisë franceze, rajoni ku grupi shqiptar merrej me fshehjen e vjedhjeve dhe pastrimin e parave ishte Auvergne-Rhone-Alpes.

Për këtë arsye u vendos mbajtja në vëzhgim të pandërprerë e hotel Alsace në qytetin e Villeurbane, aty ku ishte edhe pikënisja e minibusëve drejt Shqipërisë.

“Për interesa të hetimit, u vëzhguan ambientet pranë hotel D’Alsace (D’Alsas) në Villeurbane. Nga ku u bë i mundur konstatimi i udhëtimeve javore të mjeteve minibus me targa shqiptare. Të cilët në mbulesën e veprimit për llogari të agjencive të udhëtimit në Shqipëri, kishin për detyrë të grumbullonin dhe transportonin objekte dhe para me origjinë të paligjshme”, sqarohet në dosjen hetimore.

Ajo që i nxorri zbuluar këto minibusë në aktivitetin e tyre të paligjshëm, ishte fakti se ata kishin shumë pak udhëtarë.

Gjë që nuk mund ti shpëtonte vëmendjes së autoriteteve franceze, të cilët konstatuan se si këto shoqëri udhëtimi kishin rentabilitet të ulët, kundrejt kostove të transportit.

“Gjatë vëzhgimit, ka rezultuar se automjetet parkohen në rrugën ‘Magenta’ në Villeurbanne dhe qëndrojnë aty rreth 48 orë, kohë gjatë së cilës ata ngarkohen me mallra të reja që vijnë nga i gjithë rajoni Rhone-Alpes (Rone Alpes). Mallra që janë të destinuara të çohen më pas në Shqipëri ose të shpërndahen gjatë rrugës së kthimit”, thuhet në dosjen hetimore.

Një fakt interesant ishte se shoferët e minibusëve, flinin gjithmonë të njëjtin hotel ky dyshohej se mblidheshin edhe paratë dhe sendet me vlerë të siguruara në rrugë kriminale.

“Gjatë hetimit në vijim u dokumentua se shoferët marrin ndër të tjera zarfe me para të cilat tërhiqen në Hotel d’Alsace, ku janë lënë më parë nën ruajtjen dhe magazinimin e Sokol Briant. Gjatë periudhës së vëzhgimit, grupet e punës u njohën me tre agjenci që merren me transportin e pasagjerëve dhe mallrave konkretisht; ‘Erdisa Tours’ me pronar shtetasin Agustin Mesuli, i cili shërben edhe si shofer i kësaj agjencie, ‘Tani Tours’ me pronar Dritan Ulqinaku, i cili po kështu shërben edhe si shofer i kësaj agjencie, dhe ‘Altini Travel’ me pronar Altin Doda që kryen edhe rolin e shoferit në këtë agjenci”, thuhet në dosje.

Por siç del nga hetimi personi kyç në këtë sipërmarrje është shtetasi shqiptar Sokol Balili por që mban mbiemrin francez ‘Briant’. Është ai i cili koordinon të gjitha veprimet, duke magazinuar, ruajtur dhe paketuar objektet dhe vlerat monetare që duhet të çohen në Shqipëri.

Sipas policisë franceze, në hotel D’Alsace, ku kryen rolin e recepsionistit, ai ka një dhomë fill pas recepsionit. Aty ku ai është në kontakt të vazhdueshëm me një shqiptar të identifikuar si Flori Baku, i cili dyshohet se për llogari të Sokol Briant, menaxhon dyqanet e këtij të fundit në Shqipëri.

“Më datë 7 Janar 2022, Flori i kërkon gruas së tij që të mos flasë në telefon. Ai del se menaxhon edhe ‘punët’ në Shqipëri për familjen Briant.

Për këtë arsye ai është paguar me më shumë se 3 000 euro paradhënie për pushimet e familjes këtë verë”, thuhet ë dosjen hetimore.

Por edhe pse në dukje ishte një recepsionist, hetimi pasuror i Sokol Briant, nuk i justifikonte paratë që ai shpenzonte. Po kështu as pasuritë që ai kishte vendosur, ccka e çoi policinë franceze të mendonte se pasuritë e tij ishin vendosur në mënyrë të pandershme, në kuadër të një grupi kriminal.

“Sokol Briant, rezulton se ka shpenzuar shumë para. Ai i ka ofruar së bijës në 20 vjetorin e saj një Mercedes Class, ndërkohë që aktualisht po rinovon tërësisht apartamentin e tij në të cilin banon prej 20 vitesh me qëllim që më pas ta blejë dhe më pas për ta rishitur”, thuhet në dosje.

Por në vijim të ndjekjes së Sokol Briant, policia franceze konstatoi se në muajin prill të vitit 2022, ai kishte udhëtuar në Shqipëri, ku ishte takuar me bashkëpunëtorin e tij, Flori Baku, të cilit rezulton se e i ka dhënë 10 mijë euro në cash.

Ky është edhe momenti ku nga hetimet del se Sokol Briant pasi është ndarë nga Dritan Ulqinaku, me të cilin duket se ka një mosmarrëvjeshje, lidhet me shtetasin Sokol Myftari, të cilit i siguron se është i gatshëm t’i fshehë në hotelin D’Alsace, ku punon si recepsionist, të gjitha sendet e vjedhura që ai ka ose që Myftari do të donte t’ia shiste drejtëpërdrejt.

Gjatë marrjes në pyetje nga Xhandarmëria Kombëtare Franceze, Sokol Briant pranoi se ai kishte njohje me shtetasin në hetim, Altin Doda, i cili del se fillimisht ka punuar si shofer për shqiptarin tjetër, Agustin Mesuli, edhe ky nën hetim.

Por që tani Altin Doda që kishte agjencinë e udhëtimit ‘Altin’, kishte dalë të punonte më vete, duke u shkëputur nga Agustini.

“Grupi i parë, përbëhet nga personat nën hetim të identifikuar tashmë nga autoritetet shqiptare si Agustin Mesuli, Altin Doda, Florian Baku, si dhe personat nën hetim të identifikuar si Sokol Briant (alias Sokol Brahimi, apo Sokol Balili), Dritan Ulqinaku, dhe shoferët e tyre.

Sokol Briant, pas grumbullimit të sendeve, kryesisht të vjedhura, dhe shumave të parave të ardhura që rridhnin nga veprimtaria kriminale në Hotel d’Alsace, jua jepte subjekteve që punonin si shofera të itinerarit Shqipëri-Francë-Shqipëri për t’i sjellë produktet e veprës kriminale në Shqipëri”, thuhet në dosjen hetimore.

Po ndërsa ky ishte grupi i parë që ra në rrjetën e policisë franceze dhe asaj shqiptare, surprizë për hetimin do të ishin edhe emrat që do të pasonin pas identifikimit të pjesës tjetër të grupit.

Zbulim surprizues që do të mbërrinte deri te një nga shoferët e një titullari të rëndësishëm në kupolën e Policisë së Shtetit dhe të familjes.

Ky emër do të ishte Sokol Idrizaj, i cili kishte shërbyer si shofer i Drejtorit të Përgjithshëm të Policisë së Shtetit, Ardi Veliu.

Shkuarja drejt emrit të tij u realizua pas ndjekjes që iu bë familjes së tij, e cila del se ishte e lidhur me Agustin Mesulin dhe Altin Dodën, dy pronarët e agjencive të udhëtimit të lidhur me shqiptarin Sokol Briant.

“Nga hetimet e kryera rezulton se personat nën hetim, drejtues të mjeteve të transportit si më sipër, transportonin dhe shuma të mëdha monetare të padeklaruara, të cilat u jepeshin nga shtetas të ndryshëm si në Francë, ashtu dhe në Shqipëri.

Ndër personat që kanë realizuar një transport të tillë janë edhe ata nën hetim Egi Idrizaj dhe Elda Idrizaj, të cilat kanë përdorur në funksion të aktivitetit kriminal mjetet e personave nën hetim Agustin Mesuli dhe Altin Doda, dhe me dijeninë e tyre.

Shuma monetare të cilat i dorëzoheshin personit nën hetim nga autoritetet franceze Sokol Briant”, thuhet në dosjen hetimore.

Sipas autoriteteve franceze e gjithë skema, ku ishte e përfshirë familja Idrizaj, në këtë rast e ish-shoferit të Drejtorit të Përgjithshëm të Policisë, Ardi Veliu, lidhej me sendet me vlerë, të cilat pasi vidheshin në Francë, transportoheshin kontrabandë në Shqipëri dhe më pas pasi shiteshin në Shqipëri. Një pjesë e parave i shkonin Sokol Briant, në hotel D’Alsace në qytetin Villeurbane në Francë.

“Grupi i dytë, përbëhet nga personat nën hetim pjesëtarë të familjes Idrizaj, të cilët kanë ushtruar veprimtarinë e tyre kriminale duke transportuar shuma monetare në sasi të mëdha të padeklaruara, nga Shqipëria në Francë.

Këto shumat monetare të dërguara në mënyrë të fshehtë në territorin francez priteshin aty nga personi nën hetim Egi Idrizaj, që ndodhej në qytetin e Lyonit në Francë”, thuhet në dosjen hetimore.

Nga hetimet rezultoi se Egi Idrizaj, ishte vajza e vogël e Sokol Idrizaj, shoferit të z. Veliu.

Dhe se sendet e luksit që më pas ishin shitur dhe kthyer në para në Shqipëri, ishin transporuar nga vetë pjesëtarët e familjes Idrizaj.

“Personat nën hetim Elda, Egi dhe Bora Idrizaj, kanë transportuar në Shqipëri sendet e luksit të blera në Francë, të cilat janë transportuar nga lidhjet e tyre.

Këto sende janë futur kontrabandë në territorin shqiptar, duke u marrë në dorëzim nga të hetuarit e familjes Idrizaj, të cilët më pas i kanë shitur në territorin shqiptar tek persona të ndryshëm në disa raste edhe nëpërmjet reklamimit në rrjete sociale, duke fshehur të ardhurat e fituara nga ky aktivitet i paligjshëm”, thuhet në dosje.

Po për të kryer transportin sa më të sigurtë të sendeve të çmuara të vjedhura në Francë, por edhe për të dërguar atje paratë e siguruara nga shitja, grupit të personave të përfshirë, u duhej edhe ndihma e disa policëve të korruptuar në doganën e portit të Durrësit.

Ata duhet të mbyllnin sytë, në momentin që në port mbërrinte minibusi me shumën e madhe të parave të padeklaruara, apo me sende të çmuara të pashoqëruara me fatura përkatëse.

“Nga hetimet rezulton se disa nga kompanitë e transportit që kryenin rrugëtimin Shqipëri- Francë-Shqipëri, kishin mbështetjen dhe përkrahjen e punonjësve të policisë dhe doganës që ishin me shërbim pranë PKK Port Durrës. Më konkretisht nga personat nën hetim Gentian Aga dhe Alid Shehi, persona të cilët ka rezultuar si të implikuar në kuadër të aktiviteteve të ndryshme kriminale duke shpërdoruar detyrën”, thuhet në dosje.

Sipas dosjes hetimore të siguruar nga emisioni ‘Në shënjestër’, për të kryer transportin e parave drejt Francës, Egi Idrizaj, përdor automjetet e Altin Dodës të kompanisë ‘Altini Travel’.

Veprimtari të cilën ajo e kryen vetë ose përmes të tjerëve, ashtu si edhe blerjen e sendeve të luksit për t’i rishitur në Shqipëri në rrjetet sociale.

Ndërkohë që në dosje dalin edhe dhjetra biseda midis vajzës tjetër të Sokol Idrizaj, Borës dhe nenës së saj Eldës, ku del në pah përfshirja në këtë aktivitet edhe e disa personave të tjerë dhe lidhje e tyre shoqërore, me qëllim hapjen e llogarive bankare të cilat do përdoreshin në vijim nga personat nën hetim Egi Idrizaj dhe Elda Idrizaj për blerjen e sendeve dhe veshjeve të luksit në Francë.

“Egi Idrizaj, me qëllim justifikimin e aktivitetit të saj, është e regjistruar pranë Qendrës Kombëtare të Biznesit si person fizik më datë 28 Shkurt 2022 në fushën e veprimtarisë ‘Bar kafe’ në Tiranë, aktivit i cili nuk rezulton që të ketë të ardhura të mjaftueshme për të përballuar fluksin e shumave monetare të shpenzuara për blerjen e mallrave të ndryshme të luksit kryesisht në territorin francez.

Në kuadrin e aktivitetit kriminal ajo del se ka bashkëpunuar edhe edhe familjarët e saj, babain, nënën e motrën”, thuhet në dosje.

Ky aktivitet i paligjshëm u vërtetua nga hetimet edhe për faktin se për asnjë nga mallrat e futur në Shqipëri nga familja Idrizaj, nuk është paguar dogana dhe se ky aktivitet zhvillohej nga kjo familje prej 3 vitesh.

Interesant gjatë hetimeve, janë edhe përgjimet midis familjes Idrizaj dhe Altin Dodës, që është pronari dhe shoferi i angjecisë ‘Altini Travel’

Bisedë e kapur në përgjime më datë 30 maj 2022, midis tij dhe Elda Idrizaj, bashkëshortes së Sokol Idrizaj. Në këtë moment ish-shoferit të Drejtorit të Përgjithshëm të Policisë, Ardi Veliu.

Sot kreu i Agjencisë së Mbikqyrjes Policore.

Nga ku del se Egi Idrizaj në këtë moment të përgjimit del se ndodhet në shtetin francez, ku del në pah organizimi i veprimtarisë kriminale, dhe kujdesi që tregojnë bashkëbiseduesit për të mos dërguar numra nëpërmjet telefonit, pasi kontakti është vetë personi nën hetim Altin Doda.

Nga biseda del se ky i fundit e orienton Elda Idrizaj, që Egi ti dërgojë adresën ku ndodhet dhe më pas do të shkojë ta takojë kontakti i tij në Francë.

“Biseda mes Altin Dodës dhe Elda Idrizaj

Altin Doda: A është nisur Egi. A niset nesër?

Elda Idrizaj: E kam lënë për të rregulluar andej ato gjërat.

Elda Idrizaj: Po, se më tha Egi.

Altin Doda: Po. Nesër, mbaron punë burri huaj, shkon e takon Egin ku të dojë ajo.

Elda Idrizaj: Mirë çoji numrin. E di vet ti tani. Lidhu vetë me Egin.

Altin Doda: S’ka punë numri, jam unë numri. Vetëm më ço adresën e Egit. Shkoj e takon unë.

Elda Idrizaj: Mirë

Altin Doda: Nuk mbajnë kontakte me asnjë.

Elda Idrizaj:Nuk e pyta tamam Egin për orarin fiks kur niset.

Altin Doda: Ska problem, mos e vrit mendjen. Ajo vetëm të më thotë jam filan vend dhe ia çoj unë robin”, thuhet në dosje.

Në një tjetër bisedë të zhvilluar vetëm dy muaj më pas më 17 korrik 2022, po midis Altin Dodës dhe Elda Idrizaj del se aktiviteti i transportimit të mallrave të luksit të blera nga Egi në Francë, transportohet për në Shqipëri nëpërmjet agjencive të ndryshme të transportit.

Ndërsa sa i përket pritjes në Shqipëri, atë e bën bashkëshorti i Eldës, Sokol Idrizaj. Nga hetimet e kësaj dosje që solli në Shqipëri hetuesit francez u zbulua edhe fenomeni i fajdeve.

“Personat nën hetim nga familja Idrizaj, mermin shuma të konsiderueshme monetare me përqindje nga disa persona të cilat nuk ishin të licensuar për të kryer një aktivitet të tillë, më konkretisht nga personat nën hetim Agustin Mesuli, Altin Doda, Vangjush Kashara dhe Tomorr Baruti.

Në një nga bisedat e përgjuara del se familja Idrizaj i ka marrë një shumë të madhe parash me përqindje Altin Dodës dhe kërkon tia kthejë.

“Bisedë Altin Doda-Elda Idrizaj

Elda Idrizaj: Ej unë njëzetë e një i kam në shtëpi, të ti sjell edhe sa të mbledh ato të të tjerat?

Altin Doda: Ça të kesh mi sill, sa të mundesh deri në darkë.

Elda Idrizaj: Besoj se do ti bëj deri në darkë…”, thuhet në dosje.

Ky aktivitet i paligjshëm duket se ka vazhduar edhe në muajt në vazhdim, gjë që vërtetohet edhe nga bisedat në muajin tetor në ëhats app midis Elda Idrizaj dhe Altin Dodës.

Ato flasin në aplikacionin ËhatsApp, për të mos u kapur nga ndonjë përgjim i mundshëm telefonik, si dhe diskutojnë që të dakordësohen për numrin e çantave që do transportoheshin në rrugën e rradhës nga Altin Doda për llogari të Elda dhe Egi Idrizaj. Po kështu gjatë hetimeve, u evidentua edhe fakti se familja Idrizaj, u merrte para të personave të ndryshëm, jashtë sistemit banker, kundrejt interesit 10 përqind.

Personat u identifikuan si Altin Doda, Agustin Mesuli, Vangjush Kashara, Tomorr Baruti, por edhe në Francë, Egzon Hajdari me ndërmjetësimin e personit tjetër nën hetim Altin Doda.

Shuma të cilat u vërtetuan edhe nga analizimi i bisedave telefonike mes Egi Idrizaj dhe nënës së saj Eldës, nga ku del se në bazë të përgjimeve të kryera rezulton se Egi Idrizaj, kishte komunikime me një shtetase të quajtur Nini.

Aty del në pah edhe një skemë e marrjes së parave me fajde, në të cilën ishte të përfshirë po kështu edhe shtetasit në hetim Agustin Mesuli dhe Vangjush Kashara, njohur si Vani.

“Bisedë e realizuar më datë 15 Qershor 2022:

Nini: Elda ça bëre zemra!! Kam një hall, të lutem ata ku merni lek me fajde ju, sa mund të shkojë në muaj nëse na gjen ti 5 milion??

Pyet dhe më thuaj të lutem!!

Elda Idrizaj: Po ça të pyes o goce, ajo dihet, nëse merr 5 milion do paguash 500 mijë në muaj dmth 10 % të çdo shume që merr.

Kush ta paska vënë lakun në fyt….nuk kam unë se me gjithë zemër do të ndihmoja”, thuhet në dosje.

Tashmë në përgjim të plotë nga autoritetet franceze dhe shqiptare, më 3 korrik 2022, dy policitë respektive nisën të mbajnë në kontroll minibusët që vinin nga Franca.

Aty ku u gjetën shuma parash të pajustifikuara.

Të cilat shoferët e minibusëve për ti shpëtuar kontrollit në doganë ua shpërndanin pasagjerëve.

“Më datë 3 korrik 2022, një automjet shqiptar i ‘Erdisa Tours’ me ardhje nga Lioni, u objekt i një kontrolli në Durrës. Gjatë kontrollit në bordin e automjetit u zbuluan më shumë se 18 000 euro, të shpërndara ndërmjet shoferëve dhe dy pasagjerëve.

Këta të fundit deklaruan se paratë u ishin dhënë nga shoferët me qëllimin për të kaluar doganën.

Gjatë marrjes në pyetje, shoferi kryesor deklaroi se paratë i përkisnin pronarit të tij, Agustin Mesulit”, thuhet në dosje.

Ndërsa rezultoi se shuma e parave të gjetura nuk ishte në raport të drejtë me fitimet e gjeneruara nga transporti i pasagjerëve. Ndërkohë që Agustin Mesuli vazhdonte të investonte në blerjen e automjeteve të reja.

Paralelisht me këto kontrolle, policia shqiptare zbuloi në dyqanet e argjendarisë në Shkodër, bizhuteri të vjedhura në Francë.

“Nga vëzhgimet e kryera në territorin shqiptar në fund të muajit korrik -fillim të muajit gusht 2022, u mundësua zbulimi në argjendarinë Classic Gold në Shkodër të një bizhuterie me gjasë të vjedhur më parë dhe të mbajtur nga Sokol Briant dhe e bija.

Nga vëzhgimet, u dokumentua edhe një takim ‘pune’ në hotelet e luksit, ndërmjet Sokol Briant dhe kontakteve shqiptare me banim në Lion, në atë moment me pushime në Shqipëri, konkretisht Dritan Ulqinakut dhe Besim Berisha. Si edhe ardhja e Sokol Myftarit, fshehës i sendeve të vjedhura, u konstatua në doganën Shqipëri-Mali i Zi më 1 Gusht 2022.

Ndërsa komunikimet flasin për ekzistencën e dyshimeve rreth një ‘marrëveshje’ me policët vendas dhe lënë të nënkuptohet kalimi i një shume të madhe parash.

Bashkëjetuesja e tij ka mundur të hyjë në Shqipëri pa iu vulosur pasaporta”, thuhet në dosje.

Në të njëjtën ditë me hyrjen në Shqipëri nga dogana me Malin e Zi të Sokol Myftarit, autoritetet shqiptare konstatuan futjen në portin e Durrësit edhe të minibusit të ‘Tani Tours’ ku u gjetën shuma të mëdha parash.

“Po atë ditë, minibusët ‘Tani Tours’ u kontrolluan në Durrës, ku gjatë kthimit të tyre u konkludua se aty ndodheshin të fshehura 5 000 dhe 6 500 euro dhe se shoferët kishin shumë frikë, edhe pse zakonisht përfitonin nga dashamirësia e doganierëve, nën mbikëqyrjen e Dritan Ulqinakut.

Kalimi në skaner tregoi praninë e vendeve të fshehta në bordin e minibusëve.

Do të ishin këto hetime të koordinuara që çuan në muajin shtator 2022, hapjen e hetimeve që më pas rezultuan në ndalimin e 13 personave. Midis tyre, në fillimin e muajit qershor 2023 edhe të familjarëve të Sokol Idrizaj, që kishte qenë shofer i Drejtorit të Përgjithshëm të Policisë, Ardi Veliu, deri në kohën që ky i fundit ishte larguar nga kjo detyrë në vitin 2021.

Edhe pse procesi tashmë është nën hetim, rasti tregoi edhe njëherë bashkëpunimin e njerëzve pranë pushtetit me krimin.

Ashtu si në shumë raste të ngjashme.

The post Mijëra euro dhe florinj të vjedhura nga Franca në Shqipëri, si u zbulua përfshirja e shoferit të Ardi Veliut në skemë appeared first on Albeu.com.

Grupi akuzohet për kontrabandë të mallrave të vjedhura nga Franca drejt Shqipërisë dhe për pastrim parash.

Deri tani janë ekzekutuar 12 prej masave të arrestit.

Mes të arrestuarve janë edhe efektivë të Policisë Kufitare dhe dy punonjës të policisë së Durrësit. Sipas SPAK, mes të ndaluarve është edhe Sokol Idrizi, ish-shofer në Ministrinë e Brendshme si dhe bashkëshortja e tij.

Ata dyshohet se sillnin në Shqipëri ora, flori e sende me vlerë të vjedhura në Francë të cilat shiteshin në argjendarinë e Vangjush Kasharit në Tiranë.

Gjatë kontrollit të ushtruar në territorin shqiptar, janë sekuestruar sendet e mëposhtme:

1 armë zjarri tip Pistoletë;
65.300 Euro;
9.900 USD kanadez;
60 ora dore (Hamilton, Omega, Rolex, Baume & Mercier, Cartier, Breitling, Hublot Geneve, Edifice etj);
1 (një) Aparat Fotografik;
9 Laptopë;
7 I-Pad;
3 Tablet;
28 Aparatë celularë;
2 kompjuter;
33 copë Bizhu;
2 monedha ari;
Sasi e konsiderueshme syze dielli të markave të ndryshme luksoze (DG, Louis Vuitton, Ray Ban, Giorgio Armani, Versace);
Sasi e konsiderueshme parfume dhe kremrash (Versace Dylon Blue, Dolce Gabbana, Hermes, Avon Glamour, Asabi; Channel Blue; Armani “Si”, Louis Vuitton; etj;
1 stilolaps Cartier;
2 Stilograf;
Karta të ndryshme bankare;
Veshje të markave të ndryshme si Dior, Christian Louboutin, Christian Dior, Hermes, Moncleir, Balenciaga, si edhe Canta apo Këpucë të firmave prestigjoze;
Autoritete Franceze të Drejtësisë kanë arrestuar 13 persona (në kuadër të Skuadrës së Përbashkët Hetimore).
Gjatë kontrollit të ushtruar nga autoritetet franceze janë sekuestruar:
215 569 Euro;
115 copë Bizhu të ndryshme;
50 orë dore të markave të ndryshme luksoze etj;

Hetimet 

Hetimet kishin nisur prej më shumë se një viti pas informacioneve të marra nga autoritetet franceze. Nga hetimet paraprake të kryera në Francë, këta persona dyshohet se vidhnin sende të ndryshme dhe pastronin të ardhurat që rridshnin nga shitja e tyre. Po ashtu rezulton se janë dy grupe kriminale që kanë vepruar në dy vendet, Shqipëri dhe Francë.

Si funksiononte skema e kontrabandës së mallrave me vlerë
Në lidhje me grupin e parë, SPAK thotë se personat nën hetim pas grumbullimit të sendeve të vjedhura në territorin francez dhe shumave monetare që rridhnin nga veprimtaria kriminale, pasi i depozitonin në një hotel, ua jepnin ato në dorëzim për t’i transportuar në mënyrë të paligjshme në Shqipëri.

Grupi i dytë në bashkëpunim me anëtarët e grupit të parë, kanë ushtruar veprimtarinë e tyre kriminale duke transportuar shuma monetare në sasi të madhe, dhe të padeklaruara nga Shqipëria-në Francë. Këto shuma të përdorura për blerjen e sendeve të luksit, kapin një shifër mbi 724 mijë euro si transaksione bankare, pa përfshirë këtu shumat në cash rreth 2 milion euro dhe 35.000 Franga.

Përveç këtyre shumave monetare personat nën hetim kanë transportuar në mënyrë të paligjshme edhe rreth 3.4 kg flori. Sipas SPAK, produktet e luksit të blera në territorin francez nga personat në hetim, janë transportuar në Shqipëri nga vetë ata si dhe bashkëpunëtorët e tyre nëpërmjet kompanive të transportit Francë-Shqipëri. Më pas janë futur kontrabandë në territorin shqiptar, dhe më pas janë shitur tek persona të ndryshëm. Po ashtu, rezulton se personat nën hetim si dhe bashkëpunëtorët e tyre kishin mbështetjen dhe përkrahjen e disa punonjësve të policisë dhe doganës të planizuar me shërbim pranë Pikës kufitare të Portit Durrës.

Emrat

Sokol Idrizaj
Elda Idrizaj
Vangjush Kashari
Agustin Mesuli
Altin Doda
Florjan Bakri
T.Baruti

/albeu.com. 

The post Ora Rolex, veshje firmato dhe monedha ari, çfarë sekuestroi SPAK nga goditja e dy grupeve kriminale në Shqipëri dhe Francë appeared first on Albeu.com.