Qendra Kombëtare për Menaxhimin Kufitar ka bërë publike informacionet më të reja lidhur me qarkullimin në pikat kufitare të Kosovës.

Në përgjithësi, situata paraqitet e qetë, me lëvizje të pakta të automjeteve dhe kamionëve.

Sipas përditësimit të publikuar në orën 07:26, në thuajse të gjitha pikat kufitare pritjet janë minimale, nga 3 deri në 5 minuta, si në hyrje ashtu edhe në dalje. Kjo vlen për Merdarë, Vërmicë, Qafë e Morinës, Qafë e Prushit, Kullë, si edhe për pikat e tjera kryesore kufitare.

Përjashtim bën vetëm pika kufitare në Han të Elezit, ku në hyrje është shënuar shtim i kohës së pritjes nga 10 deri në 15 minuta, ndërsa në dalje pritjet mbeten 3–5 minuta.

The post Gjendja në kufijtë e Kosovës pas mbërritjes së mërgimtarëve, publikohen të dhënat e fundit për pritjet appeared first on Albeu.com.