Edhe pse mungon dhe është lënë jashtë nga Sylvinho për këto sfida, Muja sërish është në mbështetje të ekipit.

Futbollisti i Kombëtares ka shkruar se kjo është ndeshja më e rëndësishme në historinë e vendit tonë, teksa u ka uruar shumë fat kuqezinjve.

“Një nga ndeshjet më të rëndësishme në historinë e vendit tonë! Paçi fat cuna. Me këmbë të mbarë”, ka shkruar futbollisti i Kombëtares.

The post Arbnor Muja me mesazh motivues: Një nga ndeshjet më të rëndësishme në historinë e vendit appeared first on Albeu.com.

Një fitore e rëndësishme kjo, e cila bën që Samsunspor të sigurojë Europa League për sezonin e ri. Për këtë sukses ka reaguar në rrjetet sociale futbollisti i Kombëtares.

Muja shprehet shumë i lumtur për këtë arrijt, ndërsa nënvizon se nuk ka aspak rëndësi se si e kanë nisur sezonin, pasi është e rëndësishme përfundimi.

“Nuk ka rëndësi si e fillon, ka rëndësi si e mbaron. Shkojmë në Evropë!”, ka shkruar 26-vjeçari. Ku i fundit në këtë sezon në Turqi ka luajtur në 34 ndeshje, ku ka mundur të shënojë 3 gola dhe të asistojë 2 herë.

The post Shënoi golin vendimtar, Arbnor Muja pas kualifikimit në Europë: Nuk ka rëndësi fillimi, por se si përfundon appeared first on Albeu.com.

Goli i tij në momentet e fundit të ndeshjes i dha skuadrës tre pikët e rëndësishme dhe hipotekoi vendin e tretë në Superligën turke.

Me këtë fitore, Samsunspor ka grumbulluar 64 pikë, duke ruajtur një avantazh prej dy pikësh ndaj rivalëve të Besiktasit, ku luajnë edhe shqiptarët Ernest Muçi dhe Milot Rashica.

Ky ishte goli i tretë i Arbnor Mujës në kampionatin turk, duke dëshmuar një përmirësim të dukshëm në efikasitetin e tij, ndryshe nga periudha në Belgjikë me Royal Antwerp, ku nuk shkëlqeu në aspektin e golave.

Arbnor Muja është i lidhur me Samsunspor deri në verën e vitit 2027, ndërsa vlera e tij në treg vlerësohet rreth 3.5 milionë euro, duke e bërë atë një prej futbollistëve më të çmuar shqiptarë në Superligën turke.

The post Arbnor Muja rikthehet te goli, gjen rrugën e rrjetës në javën e fundit të Superligës appeared first on Albeu.com.

Ky i fundit ishte i vetmi që nuk bëri një reagim kundër kuqezinjëve, por ashtu kokëulur, u largua nga grumbullimi i Kombëtares.

Më pas Gjimshiti u kthye më i fortë se kurrë më parë, për ta dërguar Shqipërinë me shiritin e kapitenit në Europianin e Gjermanisë, si kampion europe, pasi fitoi edhe Europa League, po me shiritin e kapitenit.

Një Deja Vu ndodh edhe me Europianin e Gjermanisë në 2024, është thuajse e njëjta skenë. Edhe pse në fakt, askush nuk e priste që kjo histori të përsëritej pasi UEFA lejoi që Kombëtaret të grumbullonin nga 26 futbollistë.

Por situata u përsërit, po e njëjta, Silvinjo la 4 lojtarë të rëndësishëm jashtë fushës së blertë. Myrto Uzuni, Sokol Cikalleshi, Keidi Bare dhe Arbnor Muja.

Ky i fundit është për t’u duartrokitur me mënyrën sesi veproi kur mori vesh se kishte ngelur jashtë listës së Shqipërisë për në Europian, u soll në mënyrë identike ashtu si edhe Berat Gjimshiti.

Asnjë fjalë e vetme e thënë publikisht në drejtim të Shqipërisë apo Silvinjos, as nga menaxheri i tij dhe as nga ndonjë përfaqësues i lojtarit.

I heshtur, Muja pranoi vendimin e trajnerit. Pavarësisht se ishte vetë Silvinjo që shkoi në Belgjikë për ta bindur Arbnorin që të vishej kuqezi dhe t’i tregonte se ishte pjesë e projektit të tij te Shqipëria, Muja e përtypi vendimin e marrë nga tekniku i Kombëtares, sado i vështirë është.

Pavarësisht se është njeriu që e ndien presionin më shumë se të gjithë të tjerët, ndryshe nga Bare, Uzuni apo Cikalleshi.

Disa persona në Kosovë kanë ushtruar gjithmonë trysni dhe presion për zgjedhjen e Arbnor Mujës, që të mos kalonte te Shqipëria.

E në këtë moment kur Muja u la jashtë, ata kanë qeshur dhe në disa raste janë tallur më te për t’i treguar sesa të drejtë kishin në fjalën e tyre, që Muja duhej të kishte shkuar te dardanët dhe nuk duhej të ishte veshur kuqezi.

Pra, thika jo vetëm që nuk hiqet për të lehtësuar plagën, por rrotullohet për ta shtuar atë.

Ishte njeriu i shpirtit të festës në kualifikueset e Europianit. Ende e kemi të rrënjosur thellë në kujtesë momentin kur i gjithë stadiumi dhe lojtarët e Shqipërisë këndonin këngën “Mora Fjalë”, ndërsa Arbnor Muja mbyllte sytë dhe i këndonte zemra. Madje, për këtë gjë ai dha edhe shpjegimin e tij në Koha Shtesë.

Ndoshta tani nuk është në momentin e tij më të mirë në karrierë sa i përket ekipit, por ai është aty, për të dhënë kontributin e tij për Kombëtaren.

I buzëqeshur edhe kur aktivizohej fare pak minuta në kualifikueset e Europianit, pasi për të Shqipëria është mbi të gjitha.

Pavarësisht se mediat shqiptare e kanë kthyer diskutimin në vetëm 3 emra, nuk duhet të harrojmë që është edhe Arbnor Muja mes atyre që mungon.

Nuk dihet ende nëse fati do t’i rikthehet siç ndodhi me Berat Gjimshitin, por me siguri mund të themi se kur Shqipëria të shkojë në Europianin e tretë, tani kemi dy shembuj ideal që janë vetmohues për Kombëtaren. Është Berat Gjimshiti dhe Arbnor Muja.

The post Sylvinho e la jashtë Euro 2024, i vetmi që si Berat Gjimshiti dikur nuk reagoi kundër Shqipërisë appeared first on Albeu.com.

Trajneri Sylvinho ka publikuar listën me 26 futbollistë, ku bien në sy mungesat e Mirlind Dakut, Arbnor Mujës e Klaus Gjasulës.

I pari i shtabit teknik të kuqezinjve ka shpjeguar edhe arsyen se pse nuk janë ftuar lojtarët në fjalë.

“Në sulm ka shumë dhimbje koke që është normale për mua. Muja, Daku dhe Gjasula janë të rëndësishëm, i kemi në konsideratë, por unë nuk mund të grumbulloj 30 lojtarë”, tha Sylvinho.

Ai ka folur edhe për ftesat që i kanë bërë top shënuesit shqiptar Rey Manaj, si dhe rikthimin e Armando Brojës.

“Duhet të shohim edhe lojtarë që vijnë për herë herë të parë me mua si Manaj, për Brojën është hera e dytë. Hoxhën e ndiqnim për tre muaj, luan në të majtë. Duhet të ndjekim lojtarët. Nuk ishte e lehtë. Në sulm ka shumë dhimbje koke që është normale për mua”.

“Jam i kënaqur me ekuilibrin e skuadrës në ofensive dhe në aspektin difensiv. Kemi pasur një nga mbrojtjet më të forta, të gjithë kanë punuar dhe ndihmuar në fazën defensive. Lojtarin e vëzhgojmë në çdo moment të stërvitjes dhe jo vetëm në ndeshje, është një proces që nis sapo vjen lojtari”, tha Sylvinho. /Telegrafi/

The post Sylvinho shpjegon arsyen pse Daku dhe Muja nuk janë ftuar për ndeshjet e marsit appeared first on Albeu.com.

Sulmuesi i Kombëtares shqiptare u aktivizua në minutën e 70’, ndërsa minutat e marra i mjaftuan për të treguar veten. Ndeshja e radhës është për javën e 26-të të Superligës turke përballë Gaziantep.

Për Mujën ekziston mundësia që të aktivizohet titullar. Klubi turk e mori Mujën në merkaton e dimrit për të ndihmuar në pjesën e dytë të sezonit. Objektiv është mbijetesa dhe investimet e bërë së fundmi në klub tregojnë për seriozitetin e drejtuesve. /newsport.al/

The post Arbnor Muja mahnit turqit, projektohet titullar pas debutimit me gol në Superligë appeared first on Albeu.com.

Ky duel mes dy skuadrave turke po zhvillohej në kuadër të javës së 25-të në elitën e futbollit turk.

Muja e nisi ndeshjen nga banka rezervë, për t’u inkuadruar pastaj në minutën e 69-të.

Po zhvillohej minuta e 91-të e ndeshjes kur Muja u gjend mjaft mirë në zonë për të shënuar për 2-0 pas asistimit të bashkëlojtarit të tij Carlo Holse.

Me këtë fitore Samsunspori ka shkuar në kuotën e 29 pikëve në Superligën e Turqisë, duke bërë një hap të madh në luftën për mbijetesë.

Kujtojmë që Muja u bë pjesë e ekipit turk para tri ditësh pas një aventure në Belgjikë me Royal Antwerpin, duke nënshkruar një kontratë për tri vite e gjysmë. /Telegrafi/

Arbnor Muja scores in his debut for Samsunspor! ??⚽️✅️pic.twitter.com/Cpluauxotn

— Football in Türkiye ⚽️?? (@KaralarOsman1) February 12, 2024

The post Arbnor Muja shënon gol në ndeshjen debutuese me Samsunspor appeared first on Albeu.com.

Reprezentuesi i Shqipërisë të shtunën u zyrtarizua te Samsunspori, në Superligën e Turqisë, shkruan Gazeta Express.

Ai me klubin turk nënshkroi kontratë për tri vite e gjysmë.

25-vjeçari theksoi se është e vështirë t’i thotë lamtumirë një klubi si Antwerpi, që ia plotësoi ëndrrat atij.

Mitrovicasi më klubin belg fitoi titullin e kampionit në Belgjikë, Kupën e Belgjikës, si dhe luajti për herë të parë në grupet e Ligës së Kampionëve.

Postimi i plotë nga Muja:

“Është e vështirë t’i them lamtumirë një klubi që realizoi ëndrrat e mia, një klubi ku së bashku bëmë histori dhe arritëm gjithçka. Por, pasi çdo fillim ka një fund, po ndahemi me këtë klub të shkëlqyer.

Antwerp, ju keni qenë shtëpia ime e dytë për 1.5 vjet, unë u përpoqa në çdo ndeshje të jepja më të mirën time dhe ta ndihmoja skuadrën të arrijë objektivat e saj.

Tifozë, faleminderit që besoni në mua, që më drejtuat 90 minuta, që jeni energjia ime, nuk kam gjë tjetër veçse shumë respekt për ju.

Faleminderit të gjithëve brenda klubit, trajnerëve, shokëve të skuadrës, mjekëve, deri tek të fundit që më ndihmuan, më shtynë dhe më bënë një lojtar më të mirë.

Jam i lumtur që jam pjesë e historisë dhe që emrat tanë do të jenë gjithmonë të shkruar në mur.

Faleminderit 1 milion herë, Qyteti i Diamanteve

Shqiponja juaj,

Muja”. /Gazeta Express/

The post Muja: E vështirë t’i them lamtumirë klubit që realizoi ëndrrat e mia appeared first on Albeu.com.

Në mënyrë surprizë sulmuesi shqiptar u largua nga Belgjika, nga Royal Antwrp për t’u transferuar te Samsunspor. Klubi turk me anë të një postimi në rrjetet sociale njoftoi transferimin e Mujas:

“Mirësevjen Arbnor Muja! Lojtari i kombëtares shqiptare të futbollit, i cili së fundmi ishte pjesë e Royal Antwerp FC, Arbnor Muja ka firmosur për 3 vite e gjysmë me Samsunspor” – bëri me dije klubi turk. Kjo lëvizje vjen pas një periudhë jo shumë pozitive të Mujas në Belgjikë ku humbi jo pak nga statusi i tij titullar.

Muja shpreson që me këtë transferim në Turqi të këtë më shumë minuta për të qenë në kushte perfekte për “Euro 2024”.

The post Shqiptarët “pushtojnë” Turqinë, Arbnor Muja i bashkohet Samsunsporit appeared first on Albeu.com.

Nga krahu tjetër, mediat turke raportojnë se Samsunspori është pranë afrimit të Arbnor Mujës. Bisedimet janë të avancuara mes kësaj skuadre dhe Antëerp, por mbeten ende disa detaje për t’u zgjidhur përpara se kjo marrëveshje të quhet e kryer. /Sport Ekspres/

The post Një tjetër lojtar i Kombëtares pritet të shkojë në Turqi, pushtim nga shqiptarët appeared first on Albeu.com.