Arbitrim Archives - Albeu.com

Historike për Shqipërinë, Jorgji në listën e kategorisë së parë të arbitrimit të UEFA-s

E S — Sun, 19 Dec 2021 15:23:09 +0000

Hap i madh për Enea Jorgjin, i cili është ngjitur në kategorinë e parë nga Komiteti i Arbitrave të UEFA-s. Tashmë ai mund të drejtojë ndeshje të një rëndësie të madhe.

“Jorgji ka të drejtën të jetë arbitër në ndeshjet e UEFA Champions League deri në ndeshjet eliminatore para grupeve si dhe në ndeshjet e UEFA Europa League e UEFA Europa Conference League, duke përfshirë edhe ato në grupe, ndeshjet e ekipeve kombëtare A gjatë fazave eliminatore.

Arbitrat e kategorisë së parë nuk mund të drejtojnë vetëm ndeshje të fazës finale të një kampionatit Europian apo kampionati Botëror”, shkruan FSHF mes të tjerash. Jorgji është i pari shqiptar që arrin në këtë nivel të arbitritmit ndërkombëtar.

The post Historike për Shqipërinë, Jorgji në listën e kategorisë së parë të arbitrimit të UEFA-s appeared first on Albeu.com.

Arbitrim skandaloz në Ligën e Konferencës

admin — Fri, 10 Dec 2021 15:05:53 +0000

Arbitrim skandaloz është vlerësuar të jetë bërë në duelin Basel-Qarabag në Ligën e Konferencës nga njohës të futbollit, por edhe nga vetë skuadra e Qarabagut.

Kjo për faktin se Qarabagu ka shënuar gol në udhëtim te Baseli por që nuk është pranuar, e që do të mund të kishte rol vendimtar në grupin H të Ligës së Konferencës.

Dy minuta pasi nisi ndeshja, një sulmues i skuadrës nga Azerbajxhani shënoi dhe renditja në grup do të mund të dukej ndryshe në fund.

Topi e kaloi qartë vijën e golit dhe më pas u largua nga një mbrojtës i skuadrës zvicerane.

As gjyqtari kryesor dhe as gjyqtari anësor nuk panë një gjë të tillë, ka shkruar gazeta spanjolle “AS” të premten.

Nuk pati as teknologji në këtë ndeshje. Në fazën e grupeve në Ligën e Konferencës nuk ka VAR dhe teknologji të vijës së golit. Gjithçka duhet të shikohet nga sytë e gjyqtarëve.

Baseli në fund e fitoi duelin 3:0, ndërsa një gol e shënoi Pajtim Kasami.

Gjyqtar kryesor i takimit ishte kroati Fran Jovic.

The post Arbitrim skandaloz në Ligën e Konferencës appeared first on Albeu.com.

Humbi në derbi, Mourinho: Futbolli italian është përmirësuar, por gjyqtarët nuk janë në nivel

E S — Mon, 27 Sep 2021 13:05:22 +0000

José Mourinho nuk ka qenë aspak i lumtur me arbitrimin në derbin lokal ndaj Lazios, duke theksuar se futbolli italian është përmirësuar shumë por gjyqtarët dhe Var nuk janë në nivel.

“Futbolli italian është përmirësuar shumë, është më agresiv. Ka dëshirë për të fituar. Por për fat të keq në një ndeshje fantastike, gjyqtari dhe Var nuk ishin në niveli për të drejtuar derbi të tillë.

“Mungonte penalltia në pjesë të parë, përjashtimi i Leiva dhe shumë faulla të mos-akorduara. Pastaj shumë situata të ngjashme me Pellegrini. Kjo është shumë”, theksoi portugezi.

Tutje portugezi theksoi se ai nuk është i shqetësuar për gabimet në mbrojtje pasi që dy golat e kundërshtarit erdhën nëpërmjet kundërsulmit.

“Nuk jam i shqetësuar për gabimet mbrojtëse. Do të shqetësohesha nëse nuk do të përpiqeshim të fitonim kur jemi në telashe. Golat e dytë dhe të tretë janë në kundërsulm”, përfundoi tekniku portugez.

The post Humbi në derbi, Mourinho: Futbolli italian është përmirësuar, por gjyqtarët nuk janë në nivel appeared first on Albeu.com.