Më 9 korrik, Dinamo do të luajë ndaj Astanës takimin e parë të raundit të parë kualifikues në Conference League. Ndeshja është programuar të zhvillohet në stadiumin “Elbasan Arena”, me fillim nga ora 21:00.

UEFA ka përcaktuar tashmë edhe trupën arbitrale që do të ndajë drejtësinë në këtë përballje. Gjyqtari kryesor i ndeshjes do të jetë sllovaku Lukas Dzivjak.

Nga i njëjti shtet do të jenë edhe dy ndihmësit e tij, Milan Strbo dhe Akos Juhos.

Po ashtu, detyra e arbitrit të katërt i është besuar një tjetër sllovaku, Filip Glova.

Vlen të theksohet se në këtë fazë të UEFA Conference League nuk përdoret sistemi VAR, njësoj si edhe në ndeshjen e Vllaznisë dhe në atë të Elbasanit.

The post UEFA cakton gjyqtarët e Dinamo – Astana, sfida e Ilir Dajës do të arbitrohet nga Lukas Dzivjak appeared first on Albeu.com.

Më 9 korrik, Vllaznia dhe Malisheva do të luajnë takimin e parë të raundit të parë kualifikues të Conference League. Ndeshja do të zhvillohet në stadiumin “Loro Boriçi” dhe starton në orën 20:00.

UEFA ka përcaktuar tashmë edhe trupën e gjykimit për këtë përballje. Arbitri kryesor i ndeshjes do të jetë gjeorgjiani Giorgi Varamishvili.

Në krah të tij, si arbitra asistentë, do të jenë bashkëkombasit Levan Varamishvili dhe Giorgi Gogokhia.

Po ashtu, detyrën e arbitrit të katërt do ta mbajë një tjetër gjeorgjian, Koba Revazashvili.

Duhet theksuar se në raundin e parë të UEFA Conference League nuk aplikohet teknologjia VAR.

The post UEFA cakton katër arbitra nga Gjeorgjia për sfidën Vllaznia-Malisheva në Shkodër, zbulohen emrat appeared first on Albeu.com.

Këtë të martë, Elbasani do të zbresë në fushë ndaj Bate Borisov në ndeshjen e vlefshme për raundin e parë kualifikues të Conference League. Takimi do të luhet në stadiumin “Elbasan Arena” dhe starton në orën 20:00.

Ndërkohë, UEFA ka përcaktuar edhe trupën gjykuese që do të drejtojë këtë përballje. Arbitër kryesor për sfidën është vendosur moldavi Ion Orlic.

Në ndihmë të tij do të jenë Denis Oala dhe Anatolie, të dy gjithashtu nga Moldavia. Po nga i njëjti shtet vjen edhe arbitri i katërt, Oleg Stoainov. Vlen të theksohet se në këtë fazë të kompeticionit nuk përdoret sistemi VAR.

The post UEFA cakton katër arbitra nga Moldavia për ndeshjen Elbasani-Bate Borisov në Conference League appeared first on Albeu.com.