Kryetari i Komunës së Çairit, Izet Mexhiti, zhvilloi sot një takim me një delegacion arbëresh nga Vakarici i Italisë, të udhëhequr nga kryetari Antonio Pomillo. Kjo ishte vizita e parë e përfaqësuesve të Vakaricit në Maqedoninë e Veriut.

Gjatë bisedës u diskutua për forcimin e marrëdhënieve ndërmjet dy komunave, përfshirë mundësinë e binjakëzimit të Çairit me Vakaricin dhe realizimin e aktiviteteve të përbashkëta kulturore.

Mexhiti theksoi se arbëreshët dhe shqiptarët i bashkojnë historia, gjuha dhe trashëgimia e ruajtur brez pas brezi. Sipas tij, këto lidhje mund të marrin një dimension të ri përmes bashkëpunimit institucional dhe projekteve të përbashkëta.

Në takim u trajtuan gjithashtu çështje me rëndësi për komunitetin shqiptar në Shkup, ndër to përdorimi i emërtimeve shqip për rrugët në Çair dhe Kampusi i Universitetit “Nënë Tereza”, i cilësuar si një nga projektet më të rëndësishme për arsimin e lartë në gjuhën shqipe në vend.

Kryetari i Çairit e vlerësoi vizitën si një nisje pozitive për një bashkëpunim të mëtejshëm, që pritet të konkretizohet me iniciativa dhe projekte të përbashkëta mes dy komunave.

The post Izet Mexhiti pret delegacionin arbëresh nga Vakarici në vizitën e parë në Maqedoninë e Veriut appeared first on Albeu.com.

Begaj përcolli mesazhin se është koha të bëhemi bashkë për të përballuar sfidat e reja.

“Jemi vend i vogël, por me zemër të madhe 580 vite më parë heroi ynë kombëtar Skënderbeu dhe përfaqësues nga krahina të ndryshme shqiptare dhanë besën për të qenë bashkë për ditë të vështira. Sot është një ditë e veçante për të kujtuar atë moment, sepse sfidat tona të reja përballohen vetëm duke qenë bashkë, jo vetëm për ne si bashkatdhetar dhe shqiptarë por edhe me miqtë dhe partnerët. Po jetojmë kohë të vështirë, sapo dolëm nga pandemia, një luftë vijon ë Ukraine, situatë jo e këndshme në lindjen e Mesme, dhe kjo kërkon të jemi bashkë për të zgjidhur gjërat. Të falënderojmë Italinë mike për mundësinë që ju dha për të mbajtur gjallë identitetin dhe kulturën tuaj. Italia avokatja më e mirë e jona për integrimin europian”, tha Begaj.

Më pas Presidenti bashkë me delegacionin arbëresh do të nisen për në Lezhë për kremtimi i 580 vjetorit të Besëlidhjes së Lezhës.

Presidenti u ftua të rikthehej në Kalabri pas një muaj të vizitojë dhe vende të tjera të traditës arbëreshe dhe forcuar marrëdhëniet.

The post 580 vjetori i Besëlidhjes së Lezhës/ Presidenti Begaj pret arbëreshët e Italisë: Të bëhemi bashkë për të përballuar sfidat appeared first on Albeu.com.